'Abasa

¹Қабақ шытып,бет бұрды;

²Оған соқырдың келуімен.

³Қайдан білесің,мүмкін ол тазарар?

⁴Не үгіт алар,оған үгіт пайда берер.

⁵Ал енді байсынған;(Құрайш бастықтары) келсе,

⁶Оған көңіл бөлесің.

⁷Ол тазармаса саған не?

⁸Ал енді саған жұгіріп келген біреу;

⁹Ол,(Алладан) қорқады.

¹⁰Сонда да оған селқос қарайсың.

¹¹Жоқ,олай емес.Әлбетте Құран бір насихат.

¹²Сондықтан кім қаласа,үгіт алады.

¹³Құрметті нұсқаларда жазулы,

¹⁴Жоғары бағаланған тап-таза;

¹⁵Елшілердің қолында,

¹⁶Ардақта,игі.(Періштелер;Лаухы Махфуздан көшірген.Б.Ж.Х)

¹⁷Жаны шықсын) Оған,адам баласы қалай қарсы?

¹⁸Алла адамды не нәрседен жаратты?

¹⁹Бір тамшыдан жаратып,оны бейнеледі.

²⁰Сосын оның жолын оңайластырды.

²¹Кейін оған өлім біріп,оны қабырға қойдырды.

²²Қалаған сәтте,оны тірілтеді.

²³Жоқ,ол Алланың әмірін орындамады.

²⁴Ал енді адамзат,жеген тамағына бір көз салсын.

²⁵Әрине мол су бердік.

²⁶Сосын қара жерді қақ айырдық.

²⁷Сонда жерде дәнді дақылдар өсірдік.

²⁸Жүзімдер,жоңышқалар,

²⁹Зәйтіндер,құрмалар,

³⁰Ну бақшалар,

³¹Жемістер,өлеңдер;

³²Сендер әрі малдарың пайдалану үшін.

³³ Ал енді қатты дауыс келген сәтте;

³⁴Сол күні,кісі туысынан қашады;

³⁵Шешесінен,әкесінен

³⁶Әйелінен және балаларынан.

³⁷Ол күні әркімнің ісі ауыр.(Әркім өз халымен әлек.)

³⁸Ол күні кейбір жүздер,жарқырайды,

³⁹Күлген қуанышты.

⁴⁰Ол күні кейбір жүздің үстін шаң басқан болады;

⁴¹Оны қара түнек қаптаған болады.

⁴²Міне солар,қарсы келген бұзақылар.