الانشقاق
The Splitting Open • 25 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1როცა გაიპობა ზეცა,
2ყურად იღებს თავისი ღმერთისას და ასეც არის მისგან მოსალოდნელი.
3და როცა დედამიწა გაიშლება/გაშანდაკდება.[1]
4და (ზედაპირზე) ამოისვრის, რაცაა მის შიგნით და დაიცლება.[1]
5ყურად იღებს თავისი ღმერთისას და ასეც არის მისგან მოსალოდნელი.
6ეი, ადამიანო! უეჭველად, შენ მიილტვი შენი ღმერთისკენ – თავგამეტებით და ბოლოს შეხვდები მას.[1]
7ხოლო, ვისაც თავისი წიგნი მიეცემა მარჯვნიდან.
8შემდეგ (ის), განიკითხება იოლი განკითხვით.[1]
9და თავის ხალხს გახარებული დაუბრუნდება.
10ხოლო, ვისაც თავისი წიგნი ზურგს უკნიდან მიეცემა.
11(თავისი ნამოქმედარის ნახვის) შემდეგ, დაღუპვას მოუხმობს.
12და აგიზგიზებულ ცეცხლში შევა.
13უეჭველად, ის (ქვეყნად) იყო ბედნიერი თავისი ხალხის გარემოცვაში.[1]
14უეჭველად, ის ფიქრობდა, რომ (ღმერთთან) აღარ დაბრუნდებოდა.
15პირიქით, ჭეშმარიტად, მისი ღმერთი მას ხედავდა.
16არა, ვფიცავ, სიწითლეს დაისისას;[1]
17ასევე ღამეს და იმას, რასაც თავს უყრის იგი.[1]
18ასევე მთვარეს, როდესაც შეივსება.
19მართლაც, საფეხურ – საფეხურ გადადიხართ სხვადასხვა მდგომარეობაში.[1]
20მაშ რა სჭირთ რომ არ სწამთ?
21და როცა მათ ყურანს წაუკითხავენ, სეჯდეზე არ დაემხობიან.
22პირიქით, რომელთაც არ ირწმუნეს ისინი ცრუდ რაცხავენ.
23ხოლო ალლაჰმა უკედ იცის, რასაც მალავენ.[1]
24მაშ ახარე მათ მწარე სასჯელი.
25გარდა იმათ, ვინც ირწმუნეს და ჰქმნეს კეთილი, მათთვისაა უკლები ჯილდო – დაუყვედრებელი.