Al-'Alaq

¹Ka yi karatu da sunan Ubangijinka, wanda Ya yi halitta.

²Ya hahitta mutum daga gudan jini.

³Ka yi karatu, kuma Ubangijinka shi ne Mafi karimci.

⁴Wanda Ya sanar (da mutum) game da alƙalami.

⁵Ya sanar da mutum abin da bai sani ba.

⁶A'aha! Lalle, ne mutum haƙĩƙa, yana girman kai (ya ƙi karatu).

⁷Dõmin yã ga kansa, yã wadãta.

⁸Lalle ne zuwa ga Ubangijinka makoma take.

⁹Shin, kã ga wanda ke hana.

¹⁰Bãwã idan yã yi salla?

¹¹Ashe, kã gani, idan (shi bãwan) ya kasance a kan shiriya?

¹²Ko ya yi umurni da taƙawa?

¹³Ashe, kã gani, idan (shi mai hanin) ya ƙaryata, kuma ya jũya bãya?

¹⁴Ashe, bai sani ba cewa Allah Yanã gani?

¹⁵A'aha! Lalle ne, idan bai hanu ba, lalle ne zã Mu ja gãshin makwarkwaɗa.

¹⁶Makwarkwaɗa maƙaryaciya, mai laifi.

¹⁷Sai ya kirayi ƙungiyarsa.

¹⁸Zã Mu kirayi zabaniyãwa (mala'iku mãsu girma).

¹⁹A'aha kada ka bĩ shi. Kuma ka yi tawali'u,[1] kuma ka nemi kusanta (zuwa ga Ubangijinka).