Al-Hijr

¹A. L̃.R. Waɗan can ãyoyin littãfi ne da abin karantãwa mai bayyanãwa.

²Da yawa waɗanda suka kãfirta suke gũrin dã dai sun kasance Musulmi.[1]

³Ka bar su su ci kuma su ji dãdi, kuma gũri ya shagaltar da su, sa'an nan da sannu zã su sani.

⁴Kuma ba Mu halakar da wata alƙarya ba fãce tanã da littafi sananne.

⁵Wata al'umma bã ta gabãtar ajalinta, kuma bã zã su jinkirta ba.

⁶Suka ce: "Yã kai wanda aka saukar da Ambato (Alƙur'ãni) a kansa! Lalle ne kai, haƙĩƙa, mahaukaci ne."

⁷"Dõmin me bã zã ka zo mana da malã'ĩku ba idan ka kasance daga mãsu gaskiya?"

⁸Bã Mu sassaukar da malã'iku fãce da gaskiya,[1] bã zã su kasance, a wannan lõkacin, waɗanda ake yi wa jinkĩri ba.

⁹Lalle Mũ ne, Muka saukar da Ambato (Alƙur'ãni), kuma lale Mũ, haƙĩƙa, Mãsu kiyayẽwane gare shi.

¹⁰Kuma lalle ne, haƙĩƙa, Mun aika Manzanni a cikin ƙungiyõyin farko, gabãnin ka.

¹¹Kuma wani Manzo bã ya zuwa gare su fãce sun kasance sunã mãsu, izgili a gare shi.

¹²Kamar wancan ne Muke shigar da shi[1] a cikin zukãtan mãsu laifi.

¹³Bã su yin ĩmãni da shi,(4( kuma haƙĩƙa, hanyar mutãnen farko ta shige[1] .

¹⁴Kuma dã Mun bũɗe wata ƙõfa daga sama a kansu har suka wuni a ciki sunã tãkãwa.

¹⁵Lalle ne dã sun ce: "Abin sani kawai, an rufe idãnuwanmu ne. Ã'a, mũ mutãne ne waɗanda aka sihirce."

¹⁶Kuma lalle ne, haƙĩƙa Mun sanya waɗansu masaukai a, cikin sama, kuma Muka ƙawãta ta ga masu kallo.

¹⁷Kuma Muka kiyãye ta daga dukan Shaiɗani wanda ake jĩfa.

¹⁸Fãce wanda ya sãci saurãre sai wutar yũlã bayyananniya ta bĩ shi.

¹⁹Kuma ƙasa Mun mĩkẽ ta kuma Mun jẽfa duwãtsu tabbatattu a cikinta kuma Mun tsirar a cikinta, daga dukan abu wanda ake aunãwa da sikẽli.

²⁰Kuma Muka sanyã muku, a cikinta, abũbuwan rãyuwã[1] da wanda ba ku zamã mãsu ciyarwa gare shi ba.

²¹Kuma bãbu wani abu fãce a wurinMu, akwai taskõkĩnsa kuma ba Mu saukar da shi ba fãce kan gwargwado sananne.

²²Kuma Muka aika iskõki mãsu barbarar jũna sa'an nan Muka saukar da ruwa daga sama, sa'an nan Muka shãyar da ku shi, kuma ba ku zama mãsu taskacẽwa a gare shi ba.

²³Kuma lalle ne Mu Muke rãyarwa, kuma Muke kashẽwa kuma Mũ ne magada.

²⁴Kuma lalle ne, haƙĩƙa, Mun san mãsu gabãta daga cikinku, kuma Mun san mãsu jinkiri.

²⁵Kuma lalle ne Ubangijinka Shĩ ne Yake tãra su, lalle Shĩ ne Mai hikima, Masani.

²⁶Kuma lalle ne Mun halicci mutum daga ƙeƙasasshiyar lãka, daga baƙin yumɓu wanda ya canja.

²⁷Kuma Aljani Mun haliccẽ shi daga gabãni, daga wutar[1] iskar zafi.

²⁸Kuma a lõkacin da Ubangijinka ya ce wa malã'iku: "Lalle Nĩ mai halittar wani jiki ne daga ƙẽƙasasshen yumɓu wanda ya canja."

²⁹"To idan Na daidaitã shi kuma Na hũra daga RũhĩNa[1] a cikinsa, to, ku fãɗi a gare shi, kunã mãsu yin sujada."

³⁰Sai malã'iku suka yi sujada dukkansu gaba ɗaya.

³¹Fãce Iblĩs, ya ƙi kasancẽwa daga mãsu yin sujadar.

³²Ya ce: "Yã Iblĩs mẽne ne a gare ka, ba ka kasance tãre da mãsu yin sujuda ba?"

³³Ya ce: "Ban kasance inã yin sujada ba ga mutum wanda Ka halicce shi daga bũsasshen yumɓun lãka wadda ta canja."

³⁴Ya ce: "To, ka fita daga gare ta, dõmin lalle kai abin jĩfa ne."

³⁵"Kuma lalle ne akwai la'ana a kanka har ya zuwa rãnar sakamako."

³⁶Ya ce: "Yã Ubangjĩna! Sai Ka yi mini jinkiri zuwa rãnar da ake tãshin su."

³⁷Ya ce: "To, lalle ne kanã daga waɗanda ake yi wa jinkiri."

³⁸"Zuwa ga Yinin Lõkacin nan sanan ne."

³⁹Ya ce: "Yã Ubangijina! Inã rantsuwa da abin da Ka ɓatar da ni da shi, haƙĩƙa inã ƙawãta musu (rãyuwa) a cikin ƙasã kuma haƙĩƙa inã ɓatar da su gabã ɗaya."

⁴⁰"Fãce bãyinKa daga gare su, waɗanda Ka tsarkake."

⁴¹Ya ce: "Wannan tafarki ne a gare Ni, madaidaici."

⁴²"Lalle ne bãyĩNa, bã ka da ĩkõ a kansu, fãce wanda ya bĩ ka daga ɓatattu."

⁴³Kuma lalle Jahannama ce haƙĩƙa, ma'akawartarsu gabã ɗaya.

⁴⁴Tanã da ƙõfõfi bakwai,[1] ga kõwace ƙõfa akwai wani juz'i daga gare su rababbe.

⁴⁵Lalle mãsu taƙawa sunã a cikin gidãjen Aljanna mai idandunan ruwa.

⁴⁶"Ku shigẽ ta da aminci, kunã amintattu."

⁴⁷Kuma Muka ɗẽbe abinda ke a cikin zukãtansu na daga ƙullin zũci, suka zama 'yan'uwa a kan gadãje, sunã mãsu fuskantar junã.

⁴⁸Wata wahala bã zã ta shãfe su bã a cikinta kuma ba su zama mãsu fita daga, cikin ta ba.

⁴⁹Ka bai wa bãyiNa lãbari cẽwa lalle ne Ni, Mai gãfarane, Mai jin ƙai.

⁵⁰Kuma azãbãTa ita ce Azãba mai raɗaɗi.

⁵¹Kuma ka bã su lãbãrin bãƙin Ibrãhĩm.

⁵²A lõkacin da suka shiga gunsa, sai suka ce: "Sallama." Ya ce: "Lalle mũ, daga gare ku, mãsu firgita ne."

⁵³Suka ce: "Kada ka firgita. Lalle ne mũ, munã yi makabushãra game da wani yãro masani."

⁵⁴Ya ce: "Shin kun bã ni bushãra[1] ne a kan tsũfa yã shãfe ni? To, da me kuke bã ni bushara?"

⁵⁵Suka ce: "Munã yi maka bushãra da gaskiya ne, sabõda haka, kada da kasance daga mãsu yanke tsammãni."

⁵⁶Ya ce: "Kuma wãne ne yake yanke tsammãni daga rahamar Ubangijin sa, fãce ɓatattu?"

⁵⁷Ya ce: "To, mẽne ne babban al'amarinku? Yã kũ manzanni!"

⁵⁸Suka ce: "Lalle ne mũ, an aika mu zuwa ga wasu mutãne mãsu laifi."

⁵⁹"Fãce mutãnen Lũɗu, lalle ne mũ, haƙĩƙa, mãsu tsĩrar dasu ne gabã ɗaya."

⁶⁰"Fãce mãtarsa mun ƙaddara cẽwa lalle ne ita, haƙĩƙa, tanã daga mãsu halaka."

⁶¹To, a lõkacin da mazannin suka jẽ wa mutãnen Lũɗu,

⁶²Ya ce: "Lalle ne ku mutãne ne waɗanda ba a sani ba."

⁶³Suka ce: "Ã'a, mun zo maka sabõda abin da suka kasance sunã shakka a cikinsa."

⁶⁴"Kuma mun zo maka da gaskiya. Kuma lalle ne mũ, haƙĩƙa, mãsu gaskiya ne."

⁶⁵"Sai ka yi tafiya da iyãlinka, a wani yanki na dare, kuma ka bi bãyansu, kuma kada wani daga cikinku ya yi waiwaye, kuma ku bi ta inda aka aumurce ku."

⁶⁶Kuma Muka hukunta wancan al'amarin zuwa gare shi cẽwa lalle ne ƙarshen waɗancan abin yankẽwa ne a lõkacin da suke mãsu shiga Asuba.

⁶⁷Kuma mutãnen alƙaryar suka je sunã mãsu bushãra.

⁶⁸Ya ce: "Lalle ne waɗannan bãƙĩna ne, sabõda haka kada ku kunyata ni."

⁶⁹"Kuma ku bi Allah da taƙawa, kuma kada ku sanya ni a baƙin ciki."

⁷⁰Suka ce: "Ashe ba mu hana ka daga tãlikai ba?"

⁷¹Ya ce: "Ga waɗannan, 'ya'yãna[1] idan kun kasance mãsu aikatãwa ne."

⁷²Rantsuwa da[1] rãyuwarka! Lalle ne sũ a cikin mãyensu sunã ta ɗĩmuwa.

⁷³Sa'an nan tsãwa ta kãma su, sunã mãsu shiga lõkacin hũdõwar rãnã.

⁷⁴Sa'an nan Muka sanya samanta ya kõma ƙasanta, kuma Muka yi ruwan duwãtsu na lãkar wuta a kansu.

⁷⁵Lalle ne a cikin wancan akwai ãyõyi ga mãsu tsõkaci da hankali.

⁷⁶Kuma lalle ne ita, haƙĩƙa sunã a gẽfen wata hanyã tabbatacciya.[1]

⁷⁷Lalle ne a cikin wancan akwai ãyã ga mãsu ĩmãni.

⁷⁸Kuma lalle ne ma'abũta Al'aika[1] sun kasance, haƙĩƙa, mãsu zãlunci!

⁷⁹Sai Muka yi azãbar rãmuwã a gare su, kuma lalle sũ biyun, haƙĩƙa, sunã a gẽfen wani tafarki mabayyani.

⁸⁰Kuma lalle ne haƙĩƙa ma'abũta Hijiri[1] sun ƙaryata Manzanni.

⁸¹Kuma Kuka kai musu ãyõyinMu, sai suka kasance mãsu bijirẽwa daga gare su.

⁸²Kuma sun kasance sunã sassaƙa gidãje daga duwãtsu, alhãli sunã amintattu.

⁸³Sai tsãwa ta kãma su sunã mãsu shiga Asuba.

⁸⁴Sa'an nan abin da suka kasance sunã tsirfantãwa bai wadãtar ga barinsu ba.

⁸⁵Kuma ba Mu halicci sammai da ƙasa da abin da yake a tsakãninsu ba fãce da gaskiya. Kuma lalle ne Sã'a (Rãnar Alƙiyãma) haƙĩƙa mai zuwa ce. Sabõdahaka ka yi rangwame, rangwame mai kyau.

⁸⁶Lalle ne Ubangijinka, shi ne Mai yawan halitta, Masani.

⁸⁷Kuma lalle ne, haƙĩƙa, Mun bã ka bakwai waɗan da ake maimaita karatunsu[1] da Alƙur'ãni mai girma.

⁸⁸Kada lalle kaƙĩƙa idãnunka biyu zuwa ga abin da Muka jiyar da su dãɗi game da shi, nau'i-nau'i a gare su, kuma kada ka yi baƙin ciki a kansu, kuma sassauta fikãfikanka ga mãsu ĩmãni.

⁸⁹Kuma ka ce: "Lalle nĩ nĩ ne mai gargaɗi bayyanan ne."

⁹⁰Kamar yadda Muka saukar a kan mãsu yin rantsuwa,[1]

⁹¹Waɗanda suka sanya Alƙur'ãni tãtsuniyõyi.

⁹²To, rantsuwa da Ubangijinka![1] Haƙĩƙa, Munã tambayarsugabã ɗaya.

⁹³Daga abin da suka kasance sunã aikatãwa.

⁹⁴Sai ka tsage gaskiya game da abin da ake umurnin ka kuma ka kau da kai daga masu shirki.

⁹⁵Lalle ne Mũ Mun isar maka daga mãsu[1] izgili.

⁹⁶Waɗanda suke sanyãwar wani abin bautãwa na dabam tare da Allah, sa'an nan da sannu zã su sani.

⁹⁷Kuma lalle ne haƙĩƙa Munã sanin cẽwa lalle kai, ƙirjinka yanã yin ƙunci game da abin da suke faɗã (na izgili).

⁹⁸Sabõda haka ka yi tasbĩhi game da gõde wa Ubangijinka, kuma ka kasance daga mãsu sujada.

⁹⁹Kuma ka bauta wa Ubangijinka, har mutuwa ta zo maka.