'Abasa

¹O ñirɓanii o ruŋtii.

²Sabu arde e mum bumɗo.

³Hol ko anndin ma yaama o laaɓa.

⁴Wolla o waajito waajo nafa ɗum.

⁵Si tawi ko oon jondaniiɗo o hoore mum.

⁶Aan noon haɗa ɗum falo.

⁷Ala ko fawi ma si o laaɓaani.

⁸Si tawi ko oon garɗo e ma hombo yaha.

⁹Te hombo huli Alla.

¹⁰Aan haɗa sokliri ɗum gaa e woɓɓe.

¹¹Alah ɗum ɗoon ko ciftanirgol.

¹²Ko kala paalaaɗo jaŋtoo ɗum.

¹³E ndeer ɗeri teddinaaɗi.

¹⁴Ɓamtaaɗi ceninaaɗi.

¹⁵Hiɗi e juuɗe maleykaaji en.

¹⁶Tedduɗi keewɗi ɗiggere.

¹⁷Huɗaama neɗɗo ala ko ɓuri ɗum he'efarin'de.

¹⁸E honde hu'unde o tagri ɗum.

¹⁹E toɓɓere o tagri ɗum o eɓɓi ɗum.

²⁰Refti o newnani ɗum laawol.

²¹Refti o wari mbo o naatni ɗum yenaande.

²²Refti si o faalaama o ummina mbo.

²³Ala o waɗaani ko Alla yamiri ɗum.

²⁴Yo neɗɗo ndaar ñaamdu mum.

²⁵Min njuppii ndiyam ɗam kala juppugol.

²⁶Refti Min ceeki leydi ndi kala ce'ekgol.

²⁷Min puɗni e hendi gabbe ne.

²⁸E inab e ñaayka ngam daabe.

²⁹E(nebam) oliv e tamara.

³⁰E gese keewɗe leɗɗe (cukkuɗe).

³¹E muuyanteeje yo huɗo ngam daabe.

³²Ngam wona nafoore mon e ku'ule mon.

³³Si ha'acaango ngo ari.

³⁴ñande neɗɗo dogi musiɗɗo mum.

³⁵E neene mum e baaba mum.

³⁶E debbo mum e ɓiɓɓe mum.

³⁷Kala neɗɗo e mum en ñande heen na jogii ko yoni ɗum .

³⁸Je'ece malaabe ñande heen na fooyni.

³⁹Heɗe njala heɗe mbeltii.

⁴⁰Je'ece goo na e dow mum en punndi-sollaaru-.

⁴¹Ina hippaɗe niɓre.

⁴²Ko ɓeen ngoni he'efareeɓe faajireeɓe.