An-Nazi'at

¹Mi wooɗbdirii maleyka en pooɗooji pittaali pooɗgol caɗtungol.

²Mi wooɗndirii maleyka en ittatɗi pittaali e newuya.

³Mi wooɗndirii lummbatooɗi lummbagol.

⁴Mi wooɗndarii daɗandirooji daɗndirgol.

⁵Mi wooɗndirii jiilayɗi jamirooje.

⁶ñande dimmbii dimmbatndende.

⁷Rewa e hendu woɗndu ndu.

⁸Ɓerɗe ɗe ñande heen no kuli.

⁹Ndaarɗe mu'en no koyi.

¹⁰Heɓe mbi'a mbela komin ruttatooɓe no min ngonirnoo.

¹¹Mbela somin ngontii ƴi'e dappuɗe min nduttoto.

¹²Ɓe mbi'a si min nduttiima sinnda de ɗum wona duttal pertungal.

¹³Ɗuum ko ha'acaango wooto.

¹⁴Ndeke tan ɓe ngontii wuurɓe(ummitinaaɓ.)

¹⁵Taw si arii e maaɗa yewtere fii Muusaa.

¹⁶Tuma nde joom makko noddi mbo ka caatngol Tuwaa.

¹⁷Yah ka Fir'awna, pellet, kaŋko o bewi.

¹⁸Maakan mbo mbele woodanaani ma nde laaɓata e ke'eferaagu.

¹⁹Mi feewnu ma e joom ma kulaa ɗum.

²⁰O holli ɗum aaya mawɗo oon.

²¹O yeddi o woopi.

²²Refti o hibbatii hombo yaha.

²³O rentini o noddi.

²⁴O wi'i ko miin woni joom mon ɓurɗo toowde o.

²⁵Alla jagggiri mbo lepte La'akara e aduna.

²⁶Woni e ɗuum teskuye wonan'de kulɗo Alla.

²⁷Mbele ko takde on ɓuri saɗtude wolla ko kammu mbo o mahi ɗum.

²⁸O ɓamti mbildi mammbo o fotndi mo.

²⁹O niɓɓaɗini jehma makko o yaltini annoore makko.

³⁰E lesdi ndi ne caggal ɗuum weeti ndi.

³¹O yaltini heen ndiyam ndi e durngol ndi

³²Pelle ɗe o ñiɓi ɗe.

³³Ngam wona nafoore mon e ku'ule mon.

³⁴Si wuttaandu mawndu ndu arii.

³⁵ñalawma mbo kala aade siftori ko o yahnoo.(golluno).

³⁶Jayngol ngol ɓannginane wonan'de oon ji'oowo.

³⁷Si tawi ko oon bewɗo.

³⁸O ɓurni nguurndam aduna ɗaam.

³⁹Ko jayngol woni hoɗorde mum.

⁴⁰Si tawi ko oon kulɗo daraade e ye'eso joom mum o haɗi fittaandu belaaɗe.

⁴¹Ko aljanna woni hoɗorde mum.

⁴²Heɓe naaamna ko ndey darnga daroto.

⁴³A alana ɗum ganndal saka kaala ɗum.

⁴⁴Ko e joom ma tan woni haaɗtirde ganndal darnga ngo.

⁴⁵Ngonɗa tan ko jeertinoowo wonan'de kulɗo ɗum..

⁴⁶Elle kamɓe ñande ɓe nji'ata darnga ɓe ñiiɓaani si wona kikiiɗa yel wolla feƴñaange.