Ta-Ha

¹Taa Haa.[1]

²Min Telliniraani Alqur'aanaare nde e maaɗa fii yo a tampu.

³Si wonaa waaju wonan'de on kuloowo [Alla].

⁴Ko Jippinaande immorde e oon takɗo leydi ndi e kammuuji toowuɗi ɗin.

⁵Jurmotooɗ o O fotii e dow Arsi he.

⁶No woodani mo o ko woni ko e kammuuji ɗin e ko woni kon e leydi ndi e ko wini kon hakkunde majji kannji ɗiɗi e ko woni ko e les leydi.

⁷Si a fenñinii konngol ngol, pellet, Kaŋko homo Anndi ko feeñi e ko o suuɗi.

⁸Alla deweteeɗo alaa si wonaa Kaŋko, no woodani mo Inɗe moƴƴe ɗe.

⁹taw si arii e maaɗa yewtere fii Muusaa.

¹⁰Tuma nde o yi'inoo yiite, o wi'ani ɓeynguure makko nden: "Ñiiɓee, min de mi haynike jayngol mbele-jo'o mi addanat on immorde e maggol docotal ma mi tawa ka [moggo] yiite tinndinoowo.

¹¹Tuma nde o aunoo e maggol o noddaa; "eyma Muusaa".

¹²[Alla Daalano mo] Min dey ko miin Woni Joomi maaɗa poortu paɗe maa ɗen; pellet an, haɗa ka aynde(caatngol) Tuwaa Laɓɓinaande(seninangol).

¹³Miin mi Suɓike ma Jento ko wonaa Wahyineede ko.

¹⁴Pellet, ko miinn Woni Alla deweteeɗo alaa si wonaa miin n rewam; ñiiɓi e Juulde nde fii Annditugol am.

¹⁵Pellet, Darnga ko aroowa Miɗo ɗeɓa suuɗude ngo fii yoɓe kala woŋkii ko ki gollu no.

¹⁶Wota faddo ma e gaayi maggal on mo gooŋ- ɗinaani ngo o jokki mbeleeɗe makko o halkii.

¹⁷Ko holɗuum woni ka ñaamo maaɗa an Muusaa?

¹⁸O maaki: "Ndu ko tuggordu am miɗo tuggoo ndu miɗo liwtirana ndu dammi am ɗin, miɗo mari kadi haajuuji gɗɗi e mayru".

¹⁹O Daali: "weddo ndu, aan Muusaa".

²⁰O weddi ndu, tawi kayru ko ndu mbooɗdi won'ndi e yahde.

²¹O Daali: "Nanngu ndi wota a hul min ngartira ndu e mba'adi mayru araniri ndi".

²²Naatnu junngo maaɗa ngo ka ndeer seŋgo maa; ngo yalta ko ngo raneewo ko aldaa e rafi ɗum ko Aaya goo.

²³Fii yo min n kollle immorde e aayeeje amen aawɗe ɗe.

²⁴Yah to Fir'awna, pellet, kaŋko o bewi.

²⁵O maaki: "Jooma Yaacnanam ɓernde am nde.

²⁶Newinana am fiyaake am on.

²⁷Piɓtaa fiɓnde nde e ɗemngal am.

²⁸Fii yoo ɓe pahmu konngol am ngol.

²⁹Mbaɗanaa kam ballo jeyaaɗo ka ɓeynguure am.

³⁰[Hara ko] Haaruuna musiɗɗo am o.

³¹Semmbinir mo darnde am.

³²Tawnaa mo e ndeer fiyaake am o.

³³Fii yo mon cenine ko herwi.

³⁴Min jaŋtomaa ko heewi.

³⁵Pellet, aan a wonii kumpitiiɗo min .

³⁶O Daali: "Gooŋɗii a okkaama toraare maaɗa nde aan Muusaa".

³⁷Gooŋɗii n neeminiino ma e laawol goɗngol.

³⁸Tuma de min mbahayinnoo fa'ade e yumma maa ko wahayinaa ko.

³⁹[Men Daali] weddo mo to ndeer hontoore weddo ɗum nde kadi ka ndeer diidere, yo diidere nden kadi weddoyo mo ka maayo ; ƴetta mo gaño am e gaño makko, mi werni e maaɗa Giggol immorde ka am e fii yo a ne'e e dow ndeenka am.

⁴⁰Tuma de banndiraawo maaɗa on yahynoo; o wi'a: "Enee, yo mi tinndin on e on mo no ne'a mo?" min ngartirmaa ka yumma maaɗa fii yo gite makko ɗen ɓuuɓu hara o sunaaki. Mbarɗaa woŋkii min ndaɗumaa immorde e saɗteende nde, min njarribimaa jarrabuyeeje ñiiɓɗaa duuɓi ka yimɓe Madyana refti ngarɗaa ka fodoore aan Muusaa.

⁴¹Miin suɓimaa fii hooram

⁴²Yah aan e musiɗɗo maa on won'dude e aayeeje am ɗe wota on derfu e jaŋtagol Lam.

⁴³Njehee ka Fir'awna, pellet, kaŋko o bewi.

⁴⁴Mbianee mo konngol newiingol mbele-jo'o kaŋko o waajitoto ma o hula.

⁴⁵Ɓe maaki: "Joomi amen, minen dey moɗen kuli nde murtata e hoore amen maa de o bewata".

⁴⁶O Daali: "Wota on kule, pellet, miin miɗo won'di e mooɗon miɗo Nana Miɗo Yi'a".

⁴⁷Ngare ee e makko, mbi'on: "minen ko min Nulaaɓe Joomi maaɗa, accit won'dude e amen ɓiɗɓe Israa'iila ɓe wota a leptu ɓe, gooŋɗii min ngddanii e ma aaya immorde ka Joomi maaɗa, kisal wonii e oon jokkuɗo Peewal ngal.

⁴⁸Gooŋɗii Wahayinaama e amen; won'dema, Lepte ɗe no fawii ka jennuɗo ɗuurni.

⁴⁹[Fir'awna] wi'i: "eeyma o Muusaa, ko hommbo woni Joomi mooɗon?"

⁵⁰[Muusaa] maaki: "Joomi amen, ko on Okkuɗo kala hu'unde tagoore mayre refti o feewni.

⁵¹[Fir'awna] wi'i: "Ko holno gire arane ɗen pewndori?"

⁵²[Muusaa] maaki: "ganndal ɗum no ka Joomi am e ndeer Deftere, Joomi am majjataa o yejjitataa".

⁵³Oon baɗanɗo on leydi ndi weƴƴitaandi, o naadani on e ndeer mayri laabi, O jippini immorde e kammu ngu ndiyam Min njaltiniri ɗam nooneeji immorde e puɗi ceertuɗi.

⁵⁴Ñaamee ngaynon neemoraaɗi mo'on ɗi. Pellet, no e ndeer ɗum [ko jaŋtaa ɗoo] Aayeeje fii joomiraa- ɓe kakkillaaji ɗin.

⁵⁵Ko immorde e mayri Min Tagi on, ko e ndeer mayri Min nduttata on, ko immorde e mayri kadi Min njaltinoyta on laawol goɗgol

⁵⁶Gooŋɗii Min kolli mo aayeeje Amen ɗen kala majje, o jeddi i o salii.

⁵⁷[Fir'awna] wi'i: "enee, a ar ka amen fii yo a njaltinir min ka leydi amen mbilewu maaɗa ngun aan Muusaa?"

⁵⁸Maa min ngaddane mbilewu yeru maggu, waɗ fodoore hakkunde amen e maaɗa hara men lunndataako nde wonaa an kadi [lunndotoo nde] e nokkuure fotondirnde.

⁵⁹[Muusaa] maaki: fodoore mooɗon nden ko ñande saɗɗugol ngol, yo yimɓe ɓen mooɓindire mbeetaa(fenynyaange).

⁶⁰Fir'awna ruŋiti o mooɓi pewje makko ɗen refti o ari.

⁶¹Muusaa maakani ɓe: "On boniraama, wota on 'pekindo fenaande fawon e Alla sakko O mehira on Lepte, gooŋɗii sooyii on pekindiiɗo.

⁶²Ɓe pooɗondiri fiyaake maɓɓe on hakkunde maɓɓe, ɓe vuuɗi cowndi ɗin.

⁶³Ɓe mbi'i: "Pellet ɓee ɗiɗo ko wileeɓe heɓe paalaa yaltinirnde on ka leydi mon e mbilaaku maɓɓe ngu ɓe itta laawol mon ɓurngol l ngol.

⁶⁴Mooɓitee pewje mo'on ɗe refti ngaron ko on lappol, gooŋɗii malaama hannde on poolɗo.

⁶⁵Muusaa maaki: "Ko si tawii ko onon mbeddotoo ma si ko minen ngonata adotooɓe weddaade.".

⁶⁶[Muusaa] maaki: "ko woni, (mbedde), tawi ɓoggi maɓɓe e cawoy maɓɓe koy no wa'itana mo sabu mbilewu maɓɓe ngun woni ko e yahde.

⁶⁷Muusaa so'i kulol ka woŋkii makko.

⁶⁸Min Daali: 'Wota a hul, pellet ko an woni pooloowo on.

⁶⁹Weddo ko woni ko ka ñaamo maaɗa ɗum moɗay ko ɓe moƴƴini ko, pellet, ko ɓe moƴƴini ko ko pewje mbile bileejo on maletaake nukkuwoo ka o ardi.

⁷⁰Wileeɓe ɓe mbernaa ko ɓe sujjuɓe, ɓe mbi'i: "Min ngooŋɗinii Joomi Haaruuna e Muusaa".

⁷¹[Fir'awna] wi'i: Eyoo, on gooŋɗinii mo ko adii mi duŋanaade(sakkitaade) on? Pelet, ko kaŋko woni mawɗo mo'on on anndinɗo on mbilewu ngu, mi wooɗndii, maa mi taƴa juuɗe mon ɗen e koyɗe mon ɗen taƴa luutindira, maa mi feta on e julle tama aray anndon ko hommbo e amen ɓuri lepte caɗtuɗe e heddotooɗe.

⁷²[wileeɓe ɓe] mbi'i: "Min ɓurnataa ma e dow koo ko ari e amen immorde e ɓannganguyeeji, e On Takɗo min, [an Fir'awna] ñaawu ko ñaawataa ko, pellet, ko ñaawataa ko ka ngurndan aduna ɗoo".

⁷³Minen dey, men ngooŋɗinii Joomi amen fii yo o yawtan men goopi amen e kon ko dooluɗaa men e mu'un immorde e mbilewu nguyn, ko Alla woni Moƴƴo keddotooɗo.

⁷⁴Pellet on mo ari ka Joomi mu'un hara ko o bonɗo; haray pellet, no woodani mo Jahannama o maayataa e nder magge o wuurataa kadi .

⁷⁵mo ari ka makko ko o gooŋɗinɗo hara gooŋɗii o golliino moƴƴi ɗi, haray ɓen ɗon no woodani ɓe Darjaaji Toowɗi ɗin.

⁷⁶Aljannaaji ñiiɓal no doga e ley majji caatli ɗi, ko ɓe duumotooɓe ndeer ton, ko ɗum woni njoɓdi on laɓɓiniiɗo.

⁷⁷Gooɗii Min mbahaynii fa'ade e Muusaa roƴdu e jeyaaɓe Am ɓe waɗan ɓe laawol yooru ngol ka maayo joorngol wota a hul hewtiteede wota a hul [yoolagol].

⁷⁸Fir'awna jokkitiri ɓe konooli makko ɗi, suumi ɓe ka maayo ko suumi ɓe kon.

⁷⁹Fir'awnan majjini yimɓe makko ɓe, o fewnaani [ɓe].

⁸⁰Eey monɓiɗɓe Israa'iila gooŋɗii Min danndiino on e gaño mon on, Min podi on kadi ka baŋŋe ñaamo [fello] Tuuri ngon, Min njippini e mooɗon Manna= ɗacce njumri e doobe .

⁸¹Ñaamee immorde e laaɓɗi ko Min arsiki on kon, wota on bew e nder mu'un sakko Tikkere Am nden njippo e mo'on, on mo tikkere am jippii e mu'un gooŋɗii haray o halkike.

⁸²Pellet, Min ko Mi keewuɗo Yawtanngol wonan'de on tuubuɗo o gooŋɗini o golli ko moƴƴi refti o feewi.

⁸³Ko holɗum heñinmaa ga yimɓe maa ɓen aan Muusaa?

⁸⁴[Muusaa] maaki: "Ɓeeɗoo, hieɓe iwtiri ɓaawo am, mi heñike ka Maaɗa Joomi fii yo A welto.

⁸⁵[Alla] Daali: "Pellet, Mennen gooŋɗii Men njarribike=finninii yimɓe maaɗa ɓen ɓaawo maaɗa, Saamiriiyu majjinii ɓe".

⁸⁶Muusaa ruttii ka yimɓe makko ɓen ko o tikkuɗo suniiɗo; o maaki: "Ko onon yo yimɓe, enee, Joomi mo'on Fodanaani on Fodoore Moƴƴere, kaa ko aadi ndin juutani on? Kaa on faandi nde jippotoo e mo'on Tikkere immorde ka Joomi mooɗon si lunndi ɗon fodoore am nden?"

⁸⁷Ɓe mbi'i: "Min lunndaaki fodoore maaɗa nde e sago amen, kono minen men ndonndinaama teddeendi e cuɗaaje yimɓe ɓen men wernii ɗe, ko nii Saamiriiyu kadi welirni".

⁸⁸O yaltinani ɓe ɓanndu ngaari marn hito= huunaango, ɓe mbi'i: "Ko ko'ol woni deweteeɗo mon e deweteeɗo Muusaa on, o yejjiti [mo ɗoo]".

⁸⁹Enee, ɓee yiaani wonan'dema ruttataako e maɓɓe konngol, ndi maranaa ɓe kadi lorra wonaa fii non [pooɗugol] nafa.

⁹⁰Gooɗii Haaruuna maakaniino ɓe ko adii: "Ko onon yo yimɓe, pellet, on njarribora kol, pellet, Joomi mooɗon ko jurmotooɗo o jokkee kam ɗoftoɗon yamiroore am nden".

⁹¹Ɓe mbi'i i: "Min ceerataa ko min ñiiɓuɓe e [dewal] makkol haa Muusaa ruttoo e amen".

⁹²[Muusaa] maaki: "eeyma Haaruuna, nde nji'iɗaa ɓe majjii ko haɗmaa,

⁹³de njokkitataa mi? Kaa a yeddii yamirooe am on?!"

⁹⁴[Haaruuna] maaki: "eeyma ɓiy neene am, wota a nanngu wahre am nde wonaa hoore am nden kadi, miin dey, mi hulu wata a wi'i: Mi seerdii hakkunde ɓiɗɓe Israa'iila ɓe, mi heɗaaki konngol maaɗa ngol".

⁹⁵[Muusaa] maaki: "Ko hol ɗuum woni fiyaake maaɗa on an Saamiriiyu?"

⁹⁶[Saamiriiyu] wi'i: "Mi yi'ii ko ɓe yiaani ɗum, mi nokki nokkannde e batte nulaaɗo on [Jibriila] mi wernii ɗum ko nii suɗirani lam woŋkii am.

⁹⁷[Muusaa] maaki: "Yahu, pellet, no woodanmaa ka ngurndam nde wowlataa wanaa meemondiral, pellet, no woodanmaa kadi Fodoore a lunndataako nde, ndaarii fa'ade e dewteeɗo maa, on mo ñalluɗaa ufinaade e hoore mun, mi woondii mi sumat mo refti mi ƴaroo mo ka maayo e ƴaragol".

⁹⁸Pellet, deweteeɗo mon On ko Alla, On Mo Deweteeɗo alaa si wanaa Kaŋko, Ganndal makko Yaajanii kala hu'unde.

⁹⁹Ko wano nii Men polloranay maa immorde e kumpital ko feƴƴunoo kon, gooŋɗii Men ngaddanii ma immorde ka Amen jaŋta.

¹⁰⁰Mo ɗuurike e mayre pellet, o ronndoto Ñande Darngal teddeele [bakkaatu].

¹⁰¹Ko o luttinteeɗo e ndeer majje, bonanii ɓe donngal Ñande Darngal.

¹⁰²Ñaande wuttoytee ka alaadu Min mooɓa bonɓe ɓen nden Ñalnde ko mbuliiɓe [gite].

¹⁰³Heɓe sowndondira hakkunde maɓɓe [ɓe mbi'a] on ñiiɓaani si wonaa [balɗe] sappo.

¹⁰⁴Ko Minen ngoni Annduɓe ko ɓe wowlata kon, tuma nde koohooɓe maɓɓe e laawol wi'ata: "On ñiiɓaani si wonaa ñallal".

¹⁰⁵Heɓe lanndaade ma fii pelle ɗen, maaku: "Joomi am ƴaroto ɗe e ƴaragol".

¹⁰⁶O acca [leydi] ndi ko ndi boowal ɓowrungal.

¹⁰⁷A yi'ataa e mayri ooñannde wonaa tintiire.(naɗde).

¹⁰⁸Ko nden Ñande ɓe njokkata noddoowo on ko aldaa e celugol mo,, hitooji ɗi yankinanoo Hinnorante On hara a nanataa si wnaa ñu'umbaangol.

¹⁰⁹Nden Ñande tefoore nden nafataa, si wonaa on mo Hinnorante On sakkiti ɗum O weltori konngol makko.

¹¹⁰Homo Anndi ko woni ko yeeso maɓɓe e ɓaawo maɓɓe ɓe kuɓindortaa ɗum ganndal.

¹¹¹Je'ece ɗen yankinanii guruɗo Dartiiɗo On, gooŋɗii sooyii on donndiiɗo tooñe.

¹¹²On mo ngolli immorde e moƴƴi ɗin hara ko o gooŋɗinɗo o hulaa tooñe wonaa uytaneede kadi.

¹¹³Ko nii Min Telliniri nde Alqur'aanaare Aarabuure Men fensiti kadi e nder mayre immorde e kammbaaji ɗin mbela-jo'o kamɓe ɓe kulat maa nde fuɗɗanoo ɓe waaju.

¹¹⁴Alla Laamɗo Goonguɗo On Toowii, wata a heñor Alqur'aanaare nden ko adii nde timmintee e maaɗa wahayu mayre, maaku: "Joomi ɓeydanam Ganndal".

¹¹⁵Gooŋɗii min ngaadondiri e Aadama ko adii o yejjiti Min keɓanaani mo pellital.

¹¹⁶Tuma Nde Men Daalannoo maleylaaji ɗi cujjanee Aadama, ɓe cujji si wanaa Ibliisa o salii.

¹¹⁷Men Daali: "eeyma Aadama, pellet, ooɗoo ko o gaño maa aan e sonnaajo maa on, wota o yaltin on dey ka Aljanna sakko tampaa".

¹¹⁸Pellet, no woodanmaa nde a heegetaake nder ton a holataa kadi.

¹¹⁹Pellet, an a ɗomɗetaake nde ton e wuletaake kadi.

¹²⁰Seytaane sonwonsini faade e makko; o wi'i: eeyma Aadama,hara yo mi tinndine e leggal luttineede ngal e laamu ngu follotaako ngu?"

¹²¹Ɓe ñaami e maggal, feeñani ɓe mettefooji maɓɓe ɗin, ɓe naati e suddirgol e dow maɓɓe immorde e kaaki Aljanna o, Aadama yeddi Joomi makko o majji.

¹²²Refti Joomi makko Suɓii mo, o Tuubini mo o Feewni [mo].

¹²³O Daali: "njippee toon, onon fof yoga e mo'on ko añɓe yoga. Si tawii tun aroyii e mo'on immorde e am peewnoowo kala jokkuɗo Peewal Am ngal o majjataa o malkisataake kadi".

¹²⁴Kala ɗurniiɗo gaayi jaŋtagol lam, haray pellet, no woodani mo ngurndam ɓilluɗam Men mooɓoya mo Ñalnde Darngal ko o bumɗo.

¹²⁵O wi'a: "Joomi, ko fii holɗum mooɓanɗaa lam ko mi bumɗo, goŋɗii mi laatinoke ji'oowo?"

¹²⁶O Daala: "Ko wano nii arnoo e maaɗa Aayeeje Amen ɗen njejjituɗaa ɗe, ko wano nii kadi hannde njejjitirteɗaa".

¹²⁷Ko wano nii min njoɓirta on ɓurtinɗo ɗo o gooŋɗinaa aayeeje Joomi makko ɗen, pellet, ko Lepte Laakara ɗen ɓuri saɗtude ko ɗen kadi heddotoo.

¹²⁸Kaa hara ɓannganaali ɓe no foti hewde ko Men halki ado maɓɓe immorde e gire? Heɓe yaha e koɗooli maɓɓe, pellet, no e ɗuum aayeeje wonan'de joomiraaɓe kakkillaaji ɓen.

¹²⁹Sinno wonaano Daalol aditii ngol immorde ka Joomi maaɗa [Lepte] ɗen laatotono duumiiɗe e lajal innaangal.

¹³⁰Munño e dow ko ɓe kaalata ko, subuhinor jettugol Joomi maaɗa ko adii ƴellitagol naange ngen e ko adii mutugol magge e ka saa'iiji jemma subuhino e ka seraaji ñallal belajo'o a weltoto.

¹³¹Wota a yawtin de gite maa ɗe fa'ade k ko Min ndakmini ɗum nooneeji immorde e maɓɓe, cuɗaari ngurndam aduna fii yo Min njarribor ɓe e ɗum, Arsike Joomi maaɗa on ɓuri moƴƴude ko on kadi keddotoo.

¹³²Yamir ɓeynguure maaɗa nden Juulde nden munñitoraa e ɗum, Min laɓndaaki ma arsike ko Minen arsikaymaa. Battane [moƴƴe] ɗen kadi wonanii hulooɓe Alla ɓen.

¹³³Ɓe mbi'i'i: "Ko hɗnno ara e amen Aaya immorde ka Joomi makko?" Enee, hara araani e maɓɓe ɓanngal ko woni ko e ɗeri adani ɗin?

¹³⁴Sinndo Minen Min kalkirno ɓe Lepte ko adii ɗum, ɓe mbi'atno: "Joomi amen, ko hannoo Nualaa e amen Nulaaɗo men njokka Aayeeje Maa ɗen, ko adii nde Men koyata men hesra.

¹³⁵Maaku: "Gooto kala [e amen] no habbitii, [onon kadi] habbitee aray anndon ko hommbo woni jom Laawol Pocciingol ngol ko hommbo kadi feewi".