At-Takwir

¹Sa diha nga ang adlaw naputos 'sa kangitngit' ug gitabonan,

²Ug sa diha nga ang mga bitoon mongitngit (ug mangahulog),

³Ug sa diha nga ang mga kabukiran papalihokon 'ug ipakatag ingon nga mga abog',

⁴Ug sa diha nga ang buros nga mga kamelyo nga hapit nang manganak[1] mapasagdan,

⁵Ug sa diha nga ang ihalas nga mga mananap pagatigumon,

⁶Ug sa diha nga ang mga dagat gitakda sa kalayo ug magbukal (o moawas ngadto sa usag-usa),

⁷Ug sa diha nga ang mga kalag mahiusa[2],

⁸Ug sa diha nga ang anak nga babaye nga gilubong nga buhi pangutan-on[3],

⁹Alang sa unsa nga sala siya gipatay,

¹⁰Ug sa diha nga ang mga linukot nga basahon (sa mga buhat sa tawo) mabuklad,

¹¹Ug sa diha nga ang langit makunis,

¹²ug sa diha nga ang Impiyerno mapintas nga misilaob,

¹³ug sa diha nga ang Paraiso gipaduol (ngadto sa mga matarung),

¹⁴Ang matag kalag 'unya' mahibalo kung unsa ang sa giandam (nga maayo o daotan nga mga buhat).

¹⁵Busa nanumpa ako sa mga planeta nga nag-urong,

¹⁶Nga nagdagan sa ilang mga agianan (ug) musalop,

¹⁷Ug pinaagi sa gabii sa diha nga kini matapos,

¹⁸Ug pinaagi sa kabuntagon sa diha nga kini muginhawa (muhayag),

¹⁹Sa pagkatinuod, kini nga ˹Quran˺ mao ang Pulong sa ˹Allah nga gihatud ni Gabriel,˺ usa ka halangdon nga mensahero-anghel,

²⁰Gitugahan sa gahum, nga gihatag sa (Allah), ang Ginoo sa (Dakong) Trono,

²¹Mituman didto ˹sa langit˺, ug kasaligan.

²²Ug (Oh mga tawo) ang inyong kauban (ang Propeta Muhammad) dili (gayud) buang.

²³Ug sa pagkatinuod siya nakakita kaniya (Gabriel) sa tin-aw nga kapunawpunawan.

²⁴Ug siya niini wala mag-hikaw ˹unsay padayag kaniya sa˺ nga dili makita.

²⁵Ni kini (ang Qur’an dili) pulong sa tinunglo nga Satanas,

²⁶Busa asa kamo padulong 'sa inyong paglimod sa Qur'an ug pagtalikod niini?

²⁷Kini (ang Qur’an) mao lamang sa usa ka Pahinumdom sa (tanang) mga katawhan ug jinn,

²⁸Alang Kaniya taliwala kaninyo nga buot musubay sa hustong dalan 'ngadto sa Allāh'.

²⁹Apan dili kamo makahimo sa nagbuot, gawas kon ang Allah ang mobuot, ang Ginoo sa tanan nga linalang.