'Abasa

¹Siya (ang Propeta) mikunot ang agtang ug mitalikod,

²Sa diha nga kaniya mi-duol ang ta-wong buta[1],

³Apan unsa ba nakapaamgo kanimo tingali mahimong siya mosulay sa pagputli sa iyang kaugalingon,

⁴O mapahinumdoman, ug ang Pahinumdom kaayohan kaniya?

⁵Alang kaniya nga nag-isip sa iyang kaugalingon nga gawasnon gikan sa panginahanglanon (sa Balaanong Giya),

⁶Ikaw naghatag ug (labaw nga) pagtagad ngadto kaniya.

⁷Ug dili ka mahimong mabasol kong siya dili magputli sa iyang kaugalingon,

⁸Apan mahitungod sa usa nga miabot kanimo naghinamhinam (aron makat-on ug magiyahan),

⁹samtang nahadlok (sa Allah) ug nagtahod,

¹⁰Gikan kaniya ikaw nalinga?

¹¹Apan dili! Kini nga ˹Qur'an˺ tinuod nga usa ka pahinumdom.

¹²Busa siya nga buot, siya pahinumdomi pinaagi niini;

¹³(Kini) natala (pag-ayo) sa pinasidunggan nga mga talaan,

¹⁴Gipataas, ug Giputli,

¹⁵Sa mga kamot sa mga eskriba (nga mga anghel).

¹⁶Halangdon ug masinulondon.

¹⁷Tinunglo ang tawo (ang manlilimod). Pagkadili-mapasalamaton ba gud niya!

¹⁸Sa unsa nga butang (ang Allah) naglalang kaniya?

¹⁹Gikan sa usa ka tinulo sa semilya; Siya naglalang kaniya, unya Siya nagtakda alang kaniya;

²⁰Unya (mahitungod sa) dalan Iyang gihimo nga sayon ​​alang kaniya[2],

²¹Unya Siya nag-buot kaniya nga ma-matay ug igalubong.

²²Unya sa diha nga Siya mobuot, Siya magbanhaw kaniya pag-usab.

²³Apan wala niya buhata ang unsay Iyang (Allah) gisugo kaniya.

²⁴Unya himoa nga ang tawo makahunahuna (sa tinubdan sa) iyang pagkaon,

²⁵Nga Kami (Allah) nagbubo sa tubig 'gikan sa mga panganod', pagbubo (niini) nga abunda,

²⁶Unya Kami nagpikas sa yuta, pagpikas (niini) sa pagkabahin 'uban sa mga turok',

²⁷Aron sa pagpatubo niini sa mga lugas,

²⁸Ug mga ubas ug mga pananom,

²⁹Ug ang olibo ug ang palma,

³⁰Ug labong nga mga tanaman,

³¹Ug mga prutas ug mga (lunhaw) nga sagbot,

³²Usa ka tagana alang kaninyo ug sa inyong mga bakahan.

³³Apan sa diha nga ang makabungol nga pagbuto moabut[3],

³⁴Nianang adlawa ang usa ka tawo mokalagiw gikan sa iyang igsoon,

³⁵Ug 'gikan sa' iyang inahan ug amahan,

³⁶Ug gikan sa iyang asawa ug mga anak.

³⁷Ang matag usa kanila sa Adlawa adunay igo nga mabalaka sa sa iyang kaugalingon ug makapapuliki kaniya.

³⁸(Ang uban sa) mga nawong nianang Adlawa mahayag (kini sila ang mga magtutuo),

³⁹Nga nagkatawa ug malipayon.

⁴⁰Apan (ang uban) nga mga nawong nianang Adlawa masulob-on, sa ibabaw niini abug,

⁴¹Ang kangitngit motabon kanila.

⁴²Kini sila mao ang mga manlilimod, ang mga dautan.