An-Nazi'at

¹Ako (Allāh) Nanumpa pinaagi niadtong (mga anghel) nga nagguyod sa mga kalag sa mga manlilimod (sa panahon sa kamatayon) uban kayugot.

²Ug pinaagi niadtong (mga anghel) nga malumong nagkuha sa mga kalag (sa mga magtotoo sa panahon sa kamatayon),

³Ug pinaagi niadtong (mga bituon ug mga planeta) nga naglutaw-lutaw sa kawanangan (diha sa ilang mga orbito o agianan),

⁴Ug pinaagi niadtong (mga anghel) nga naglumba sa usag-usa diha sa panaglumba, nga nagdali sa pagtuman sa mga sugo ni Allāh;

⁵Ug pinaagi niadtong (mga anghel) nga naghan-ay sa matag butang sumala sa Pagtakda sa Allāh[1].

⁶Sa Adlaw nga ang unang (Pagtayhop sa) Trumpeta, mahitabo ug magpauyog (sa kalibutan).

⁷Ug ang ikaduha nga (Pagtayhop sa Trumpeta alang sa Pagkabanhaw) mosunod niini.

⁸Ang mga kasingkasing sa mga manlilimod ug mga masupilon nianang adlawa magkurog,

⁹Ang ilang mga mata nagpaubos (uban sa kahadlok).

¹⁰(Niining kinabuhia ) ingon nila: "Kami ba gayud ibalik (human sa kamatayon) ngadto sa (among) unang kahimtang?"

¹¹Bisan pa kon kami nangadunot na nga mga bukog "mabanhaw ba kita human niana"?

¹²Sila nag-ingon: "Kana, unya, usa ka pagbalik uban sa kapildihan."

¹³Apan kini (ang ikaduhang Pagtayhop sa trompeta alang sa Pagkabanhaw) usa lamang ka 'gamhanan' singgit,

¹⁴Sa diha nga sila pukawon (nga buhi human sa kamatayon).

¹⁵Wala ba ang istorya ni Moises midangat kanimo ˹O Propeta Muhammad˺?

¹⁶Sa diha nga ang iyang Ginoo – Allāh – mitawag kaniya didto sa sagrado nga walog sa Ṭuwā:

¹⁷(Ug Miingon): "Lakaw ngadto kang Paraon, kay siya sa pagkatinuod nakalapas sa tanang mga utlanan."

¹⁸Ug isulti: "Ikaw ba (adunay tinguha) sa pagputli sa imong kaugalingon 'gikan mga sala'?"

¹⁹Ug ako magatultol kaninyo ngadto sa inyong Ginoo (Allah) aron kamo mahadlok Kaniya.

²⁰Unya siya (Moises) nag-pakita kaniya sa labing dako nga ilhanan[2];

²¹Apan siya (Paraon) misalikway ug misupak 'ni Moises'.

²²unya siya mitalikod, nga nanlimbasug ˹batok sa kamatuoran˺.

²³Busa iyang gitigum (ang iyang mga tawo) ug nagtawag:

²⁴Sa pag-ingon: "Ako mao ang inyong ginoo, ang labing taas!"

²⁵Busa ang Allah milabnot kaniya alang sa iyang ulahi ug una "nga paglapas[3]",

²⁶Sa pagkatinuod adunay pagtulon-an niini ngadto kaniya nga nahadlok (sa Allah).

²⁷Mas kusgan ka ba sa paglalang o ang langit, nga Iyang (Allāh) gitukod,

²⁸Sa kahitas' an Siya nagtuboy niini ug Siya nag-hatag niini sa nag-kaigo nga kahingpitan.

²⁹Ug iyang gihimo nga mangitngit ang gabii niini, ug gipagula ang adlaw niini (kahayag).

³⁰Ug ang yuta, Iyang gipalapdan kini human niana.

³¹Siya gipagula gikan niini ang tubig ug ang mga sibsibanan niini.

³²Ug ang kabukiran Iyang gipahamutang nga malig-on,

³³Usa ka tagana alang kaninyo ug sa inyong mga bakahan.

³⁴Apan sa diha nga ang dakong Makagagahum nga Katalagman moabut,

³⁵Sa Adlaw nga ang matag tawo mahinumdom sa tanan nilang pagpaningkamot (maayo man o daotan),

³⁶Ug ang Imperno nga kalayo gibutyag alang sa bisan kinsa nga makakita niini,

³⁷Alang kaniya nga nakalapas;

³⁸Ug gipalabi ang kinabuhi niining kalibutana,

³⁹Nan, sa pagkatinuod ang Imperno, kana mao ang iyang Puloy-anan.

⁴⁰Apan alang kaniya nga anaa sa Kahadlok sa pagbarog sa Atubangan sa 'Allāh' Ang Ginoo (alang sa Pagkwenta ug Paghukom), ug nagpugong sa iyang kalag gikan sa ubos nga mga tinguha,

⁴¹Nan sa pagkatinuod ang Paraiso, mao ang iyang Puloy-anan.

⁴²Sila nangutana kanimo mahitungod sa Takna (ang Adlaw sa Pagkabanhaw ug Paghukom), Kanus'a ba kini mahitabo?

⁴³lkaw walay kahibalo sa pagsulti ug bisan unsa mahitungod niini (bisan pa ikaw usa sa mga Timaan).

⁴⁴Ngadto sa (Allah) nga imong Ginoo (lamang) mao(ang Kahibalo sa) takna niini.

⁴⁵Ang imong katungdanan mao lamang ang pagpasidaan ngadto kaniya nga nahadlok niini.

⁴⁶Sa Adlaw nga sila makakita niini, kini mahitabo nga sama nga sila wala makapabilin (niining kalibutana) gawas sa (gidugayon) sa usa ka hapon o usa ka buntag lamang.