An-Naba

¹Mahitungod sa unsay ilang (mga pagano ug manlilimod) gipangutana sa usag-usa?

²Mahitungod sa Dakong Balita[1]?

³Nga sila magkalahi (o wala magkasinabot)?

⁴Apan dili! Sa dili madugay sila mahibalo,

⁵Pag-usab dili, sa dili madugay sila mahibalo[2].

⁶Wala ba Kami nagbuhat sa yuta ingon nga patag nga dapit pahulayanan alang kaninyo?

⁷Ug ang mga bukid ingon nga mga haligi ug sa mga istaka (dinha)?

⁸Ug naglalang kaninyo nga managkapares,

⁹Ug gihimo ang imong pagkatulog alang sa pagpahulay,

¹⁰Ug gihimo ang gabii ingon ka usa tabon (pinaagi sa kangitngit niini),

¹¹Ug gihimo ang adlaw alang sa panginabuhian.

¹²Ug nagtukod sa ibabaw nimo ug pito ka kusgan 'langit' usa ibabaw sa usa?

¹³Among gihimo 'ang adlaw' nagsiga nga lampara,

¹⁴Ug nagpadala gikan sa mga panganod tubig nga nagabu’bo nga abunda,

¹⁵Aron Kami makapabunga pinaagi niini ug mga lugas ug lain-laing mga tanom,

¹⁶Ug mga tanaman nga baga ug labong.

¹⁷Ang Adlaw sa Paghukom usa ka tinudlong panahon;

¹⁸Ang adlaw diin pagahuypan ang trompeta, ug unya kamo mangabot nga pinundok-pundok.

¹⁹Ug ang langit maabli aron kini mahimong mga ganghaan.

²⁰Ug ang mga bukid mapadpad, busa sila mahimong ingon mirage.

²¹Sa pagkatinuod ang Impiyerno mahimong usa ka pagbanhig,

²²Alang sa mga malinapason 'kini' maoy dapit nga padulngan.

²³nga magpabilin didto sa mga panahon ug mga yugto nga walay kataposan.

²⁴Walay bisan unsa nga bugnaw ang ilang matilawan niini, ni bisan unsa nga ilimnon,

²⁵Gawas sa nag-bukal nga tubig ug (nana sa mga samad),

²⁶Usa ka balus nga angay (sa ilang mga dautang buhat).

²⁷Sa pagkatinuod sila wala magdahum sa pag-ihap ug Paghukom,

²⁸Ug ilang gilimod ang Among mga pagpadayag (ang Qur’an) sa hingpit nga paglimod.

²⁹Apan ang tanang manga butang Amo nga gisulat ug gitipigan sa usa ka talaan,

³⁰Busa tilawi 'ang silot'! Kay Kami dili magdugang kaninyo ug bisan unsa gawas sa Silot.

³¹Sa pagkatinuod alang sa mga matarung ang pagkab-ot (sa Paraiso),

³²Mga tanaman ug mga ubasan,

³³Ug maanyag nga mga dalaga, uban sa kaulay niini ug sa pagkabatan-on, nga managsama ug edad,

³⁴Ug usa ka kopa nga puno (sa lunsay nga bino).

³⁵Sila dili makadungog sa sulod niini (sa Paraiso) ug bisan unsa nga walay kapuslanan nga mga pulong o bakak.

³⁶Usa ka Ganti gikan sa imong Ginoo (Allah), usa ka Gasa, nga igo na,

³⁷Ang Ginoo sa mga langit ug sa yuta ug sa unsay anaa sa taliwala kanila, ang Labing Madagayaon (Allah), walay usa nga adunay gahum sa pagpakigsulti ngadto Kaniya (sa Adlaw sa Paghukom gawas nga human sa Iyang Pagtugot).

³⁸Ang Adlaw diin ang nga espiritu (Gabriel) ug ang mga anghel magatindog nga mga nanaglaray; sila dili mosulti gawas sa usa nga gitugotan sa (Allah) ang Labing Madagayaon, ug mosulti sa kamatuoran.

³⁹Mao kana ang dili kalikayan nga adlaw; busa bisan kinsa nga magkagusto, tugoti siya nga mosubay sa (matarong) nga Dalan (Islam) nga padulong ngadto sa iyang (tinuod nga) Ginoo (Allah).

⁴⁰Kami nagpasidaan kaninyo mahitungod sa usa ka haduol nga pagsakit, ang Adlaw sa diha nga ang tawo makakita kon unsa ang (maayo o dautan nga mga buhat) gibuhat sa iyang duha ka mga kamot, ug ang manlilimod moingon: ‘Alaot ako, hinaut ako nahimo nalang ug abog!’