Al-Mursalat

¹Ako (Dios) nanumpa pinaagi sa mga hangin nga gipadala unahan nga nagsunod-sunod (alang sa kaayohan sa mga tawo),

²Ug pinaagi sa naghaguros nga mga unos,

³Ug pinaagi sa mga hangin nga nagsabwag sa mga panganod ug ulan sa layo ug lapad,

⁴Ug pinaagi sa ang mga anghel nga nagdala mga pagpadayag nga nagbulag sa husto gikan sa sayop,

⁵Ug Ako nanumpa pinaagi sa mga anghel nga nagdala sa Pinadayag,

⁶Nagtapos sa mga pasangil ug paghatag ug mga pasidaan[1].

⁷Sa pagkatinuod, ang unsay saad kaninyo (sa grasya o kapungot sa Allāh Dios) matuman gayud.

⁸Busa sa diha nga ang mga bitoon mawad-an sa ilang kahayag,

⁹Sa diha nga ang langit napikas,

¹⁰Sa diha nga ang manga kabukiran paga-dugmukon sama sa abog,

¹¹Ug sa diha nga ang mga Mensahero (sa Allah) matigom sa ilang gikatakdang panahon.

¹²Alang sa unsang Adlawa ba kini gilangan?

¹³Alang sa Adlaw sa Paghukom.

¹⁴Ug unsay makapahibalo kanimo kon unsa ang Adlaw sa Paghukom?

¹⁵Nan, niadtong adlawa alaut alang niadtong milimod (sa Kamatuoran ug misupak sa Kalinaw),

¹⁶Wala ba Kami naglaglag sa kanhing (makasasala) mga Henerasyon?

¹⁷Ug Kami maghimo sa ulahing mga kaliwatan (nga sama kanila) nga mosunod kanila (sa kalaglagan).

¹⁸Sa ingon niana Kami nakiglabot ang mga daotan.

¹⁹Nan, niadtong adlawa alaut alang niadtong milimod (sa Kamatuoran ug misupak sa Kalinaw),

²⁰Wala ba Kami naglalang kaninyo gikan sa usa ka tinamay nga likido?

²¹Unya Among Gitipigan kini sa usa ka luwas nga dapit (ang tagoangkan),

²²Hangtod sa usa ka gitakda nga panahon,

²³Kami nagtakda niini, ug Kami maoy labing maayo sa pagtino niini.

²⁴Nan, niadtong adlawa alaut alang niadtong milimod (sa Kamatuoran ug misupak sa Kalinaw),

²⁵Wala ba Namo gihimo ang yuta ingon nga tigumanan 'ninyong tanan',

²⁶Alang sa mga buhi ug sa mga patay,

²⁷Ug naghimo sulod niini ug tag-as nga mga bukid, ug naghatag kaninyo ug lab-as nga tubig aron sa pag-inom?

²⁸Nan, niadtong adlawa alaut alang niadtong milimod (sa Kamatuoran ug misupak sa Kalinaw),

²⁹Ang mga manlilimod pagasultihon ', "Padayon ngadto sa kalayo nga imong gilimod kaniadto.

³⁰Padayon ngadto sa usa ka landong [sa aso] nga adunay tulo ka kolum,

³¹Nga wala maghatag ug katugnaw o kapasilongan gikan sa mga dilaab sa kalayo.

³²Sa pagkatinuod kini nagpadala ug mga aligato (nga ang gidak-on sama) sa mga palasyo,

³³Sama sa dalag [itom] nga mga kamelyo.

³⁴Nan, niadtong adlawa alaut alang niadtong milimod (sa Kamatuoran ug misupak sa Kalinaw),

³⁵Kini mao ang adlaw diin nga sila dili makahimo sa pagsulti:

³⁶Ug ang pagtugot dili ihatag ngadto kanila aron sila makahatag og mga pasangil.

³⁷Nan, niadtong adlawa alaut alang niadtong milimod (sa Kamatuoran ug misupak sa Kalinaw),

³⁸Kini mao ang Adlaw sa Paghukom: Gitigom ka namo ug niadtong nauna kaninyo.

³⁹Busa kon kamo adunay ilaraw, himoa ninyo kini nga paglaraw karon batok Kanako.

⁴⁰Nan, niadtong adlawa alaut alang niadtong milimod (sa Kamatuoran ug misupak sa Kalinaw),

⁴¹Sa pagkatinuod ang mga matarong maanaa sa mga landong nga kapasilongan ug mga tuburan,

⁴²Uban sa nagka-daiyang matang sa mga bunga nga ilang gitinguha.

⁴³Sila pagasultihon': "Kumaon ug uminom kamo sa katag-bawan sa inyong manga kasing-kasing, tungod sa imong mga matarong nga buhat."

⁴⁴Sa pagkatinuod, sa ingon niana Kami moganti sa mga tigbuhat ug maayo.

⁴⁵Nan, niadtong adlawa alaut alang niadtong milimod (sa Kamatuoran ug misupak sa Kalinaw),

⁴⁶O kamong mga manlilimod', kaon ug lipaya ang inyong mga kaugalingon sa makadiyut; sa pagkatinuod kamo sad-an.

⁴⁷Nan, niadtong adlawa alaut alang niadtong milimod (sa Kamatuoran ug misupak sa Kalinaw),

⁴⁸Sa diha nga kini iga-ingon ngadto kanila: "Yumukbo (ngadto sa Allah, ug pagbuhat ang pag-ampo alang sa Paghandum Kaniya), sila dili muyukbo."

⁴⁹Nan, niadtong adlawa alaut alang niadtong milimod (sa Kamatuoran ug misupak sa Kalinaw),

⁵⁰Sa unsa nga pamahayag pa unya, human niini (Qur'an), sila motuo?