Al-Infitar

¹Sa diha nga ang langit magkabuak-buak.

²Ug sa diha nga ang mga bitoon magkatibulaag,

³Ug sa diha nga ang mga dagat maga-awas,

⁴Ug sa diha nga ang (mga sulod sa) mga lubnganan mahabwa,

⁵Ang matag kalag (unya) mahibalo kung unsa ang iyang gipadala ug unsa ang iyang gibiyaan (nga maayo o daotan nga mga buhat).

⁶Oh tawo, unsa ang nakapalinga kaninyo gikan sa imong Ginoo (Allah), nga Labing Mahinatagon,

⁷Kinsa ba ang naglalang kaninyo, nag-umol kaninyo, ug naghulma kaninyo sa kahingpitan?

⁸Sa bisan unsang dagway nga Iyang gibuot gimugna Niya kamo.

⁹Apan dili, Ikaw naglimod sa (Adlaw sa Paghukom ug) Pagbalus.

¹⁰Ug sa pagkatinuod adunay mga magbalantay ibabaw kaninyo (mga anghel);

¹¹Nga pinasidung'gan nga mga eskriba,

¹²Nahibalo sila sa tanan ninyong gibuhat.

¹³Sa pagkatinuod, ang mga matarung maanaa sa Kalipay,

¹⁴Ug sa pagkatinuod ang mga dautan maanaa sa nagdilaab nga Kalayo,

¹⁵Nga diin sila mosulod sa Adlaw sa Pagbalus.

¹⁶Ug sila dili gayud mawala gikan niini.

¹⁷Ug unsa ang magpahibalo kanimo kung unsa ang Adlaw 'sa Paghukom ug' sa Pagbalus?

¹⁸Sa makausa pa, unsay makapahibalo kanimo kon unsa ang Adlaw sa Pagbalus?

¹⁹Mao na kana ang adlaw sa diha nga ang kalag wala nay gahum sa pagbuhat ug bisan unsa alang sa (laing) kalag; ug tanang hukom nianang Adlawa (bug-os) alang lang sa Allāh.