Al-Ghashiyah

¹ Ці дайшоў да цябе аповяд пра тое што пакрывае?

² Твары адных у той дзень будуць прыніжаныя,

³ знясіленыя, стомленыя,

⁴ увойдуць яны ў пякельны агонь,

⁵ i паіць іх будуць з крыніцы кіпячай,

⁶ не будзе ім там ежы, апроч калючак,

⁷ ад якіх не грубеюць, i якія не спатольваюць голаду.

⁸ Твары іншых у дзень той будуць уцешнымі,

⁹ намаганнямі сваімі задаволеныя,

¹⁰у садах высокіх.

¹¹Не пачуюць там марнаслоўя,

¹²там – крыніца праточная,

¹³там – ложкі ўзведзеныя,

¹⁴келіхі расстаўленыя,

¹⁵узгалоўкі раскладзеныя,

¹⁶дываны разасланыя.

¹⁷Няўжо яны не паглядзяць на вярблюдаў – як створаныя яны?

¹⁸Як узнята неба,

¹⁹I ў горы – як узнятыя яны?

²⁰I на зямлю – як распасцёрта яна?

²¹Нагадвай жа, бо ты – настаўнік.

²²I ты не маеш улады над імі.

²³А тых, хто адхiнуўся i не верыў,

²⁴Аллаг скарае найбольшай караю!

²⁵Сапраўды, да Нас паварочаюцца яны.

²⁶Потым Нам належыцьме разлік з імі!