Al-Hajj

¹ о людзі! Палохайцеся Госпада вашага! Сапраўды, землятрус Часу – жудасная рэч!

² У той дзень, калі вы ўбачыце яго, кожная карміцелька забудзе пра тых, каго жывіла, а кожная цяжарная жанчына выкіне свой плод. Ты ўбачыш людзей, як п’яных, але насамрэч яны не п’яныя – гэта пака¬ранне Гасподняе будзе цяжкім.

³ Ёсць сярод людзей такі, хто спрачаецца пра Аллага без усяляка¬га ведання, ідучы за кожным шатанам збунтаваным,

⁴ якім загадана, што кожнага, хто зробіць яго сваім абаронцам, таго ён саб’е са шляху і прывядзе да вогненнага пакарання.

⁵ о людзі! Калі вы знаходзіцеся ў сумневе адносна адраджэння, дык Мы стварылі вас спачатку з праху, потым – з кроплі насення, по¬тым – з згустку крыві, а потым – з часціцы плоці, якая мае сваю выяву ці яшчэ не мае. Так Мы тлумачым гэта вам! Мы змяшчаем ва чэраве тое, чаго жадаем, да пэўнага тэрміну. Потым Мы выводзім вас адтуль дзецьмі, каб вы маглі дасягнуць сталасці. Некаторыя з вас сканаюць, а некаторыя дажывуць да бездапаможных часоў, забываючыся на ўсё, што калісьці ведалі. І бачыш ты зямлю нячулую, а калі ж Мы льём на яе ваду, яна прыходзіць у рух, набракае і гадуе ўсялякія цудоўныя пары (раслін).

⁶ Гэта так, бо Аллаг Праўдзівы. Ён адраджае скананых, ён здольны на кожную рэч,

⁷ і Час прыйдзе, няма сумневу ў гэтым, i Аллаг адродзіць тых, хто ў магілах.

⁸ Сярод людзей ёсць такі, хто спрачаецца пра Аллага без усяляка¬га ведання, простага шляху альбо Пісання, якое даруе святло.

⁹ Ён ганарыста паварочвае шыю, каб збіваць іншых са шляху Ал¬лага. Ганьба чакае на яго ў гэтым свеце, а ў свеце наступным Мы дамо яму паспрабаваць абпальваючага агню.

¹⁰Гэта – за тое, што падрыхтавалі рукі твае. Аллаг не робіць ня¬слушна са Сваімі рабамі.

¹¹Сярод людзей ёсць такія, хто пакланяецца Аллагу, знаходзячы¬ся на краі. Калі з ім адбудзецца нешта добрае, ён супакойваецца. А калі яго спаткае выпрабаванне, ён адхінаецца сваім тварам. Ён губляе i зям¬ное жыццё, i наступнае! Гэта – відавочная страта!

¹²заміж Аллага ён звяртаецца да таго, што не робіць яму ні шко¬ды, ні карысці. Гэта і ёсць вялікая аблуда.

¹³звяртаецца да таго, што хутчэй нашкодзіць, ніж прынясе карыс¬ць. дрэнны такі пан, дрэнны такі сябар!

¹⁴Сапраўды, тых, якія паверылі і здзяйснялі добрыя справы, Аллаг увядзе ў сады, дзе цурчаць рэкі. Сапраўды, Аллаг чыніць, як пажадае!

¹⁵Хто лічыць, што Аллаг ніколі не дапаможа Прароку – ні ў зям¬ным, ні ў наступным жыцці – той няхай прывяжа вяроўку наверсе, а потым перарэжа яе і паглядзіць, ці знішчыць ягонае мудрагельства тое, што выклікае ягонае шаленства.

¹⁶Мы паслалі [Каран] як выразныя аяты (знакі). Аллаг вядзе про¬стым шляхам, каго пажадае!

¹⁷Сапраўды, тыя, якія паверылі, тыя, якія з’яўляюцца юдэямі, і са¬беі, і хрысціяне, і зараастрыйцы – Аллаг разважыць паміж імі ўсімі ў дзень Адраджэння! Сапраўды, Аллаг – кожнай рэчы Сведка.

¹⁸Няўжо ты не бачыш, што перад Аллагам падае ніцма тое, што на нябёсах, і тое, што на зямлі – сонца, месяц, зоркі, горы, дрэвы, жы¬вёлы і шмат людзей. І шмат хто заслугоўвае пакарання! Каго Аллаг зняважыць, таго ніхто не ўшануе! Сапраўды, Аллаг робіць, як пажадае.

¹⁹Вось два гурта, якія спрачаліся пра свайго Госпада. Тым, якія не вераць, выкраяць вопратку з агню, а на іхныя галовы будуць ліць кіпень,

²⁰ад якога будуць тапіцца іхныя вантробы ды скура.

²¹Іх чакаюць жалезныя кіюгі.

²²Кожны раз, калі яны жадацьмуць выйсці адтуль і пазбавіцца ро¬спачы, іх вяртацьмуць назад: «Паспрабуйце пакарання ад абпальваю¬чага агню!»

²³Сапраўды, тых, якія паверылі і здзяйснялі добрыя справы, Ал¬лаг увядзе ў сады, у якіх цурчаць рэкі. Яны будуць упрыгожаныя бран¬залетамі з золата і пэрлаў, а вопратка іхная там – ядваб!

²⁴Іх навучылі добрым словам і накіравалі на шлях Пахвальнага.

²⁵Сапраўды, тым, якія не вераць і збіваюць другіх са шляху Алла¬га і не пускаюць да забароненае Мячэці, якую Мы зрабілі для ўсіх люд¬ зей – ці яны там жывуць, ці вандруюць – а таксама тым, хто схіляец¬ца ў ёй да няслушнасці, Мы дамо спазнаць пакутлівага пакарання.

²⁶Вось Мы паказалі Ібрагіму на месца для дому: «Нічога не дада¬вай Мне ў пакланенні і ачышчай Мой дом для тых, хто робіць абыход вакол яго, здзяйсняе малітву, кланяецца ды падае ніцма».

²⁷Паведамі людзям пра хадж! Яны прыйдуць да цябе пехатою і на стомленых вярблюдах з самых адлеглых месцаў.

²⁸Няхай яны сведчаць пра тое, што прыносіць ім карысць, і няхай у вызначаныя дні згадваюць імя Аллага над той худобаю, якой Ён іх надзяліў. Ежце яе самі і жывіце незаможнага.

²⁹Няхай яны сатруць бруд свой, выканаюць абяцанкі і абыдуць вакол старажытнага дома!

³⁰Менавіта так! Хто паважае забароны Аллага, робіць гэта на ка¬рысць сабе перад Госпадам. Вам дазволеная жывёла, апроч той, пра якую вам чытаюць. Пазбягайце бруду стодаў і пазбягайце хлуслівых слоў.

³¹Будзьце перад Аллагам ханiфамі, а не паганцамі. А хто дадае Ал¬лагу роўных у пакланенні, той як падае з неба: альбо падхопяць яго птушкі, альбо вецер аднясе яго ў адлеглае месца.

³²Менавіта так! Хто паважае знакі Аллага, дык робіць гэта праз збожнасць у сэрцы.

³³да пэўнага часу вы маеце ад іх карысць, а месца іхнага ахвяра¬вання – каля старажытнага дома.

³⁴для кожнай грамады Мы ўсталявалі абрады, каб людзі згадвалі імя Аллага над худобаю, якою Ён іх надзяліў. Ваш Бог – Бог Адзіны, таму будзьце пакорлівыя Яму! А ты пацеш ціхмяных,

³⁵тых, сэрцы якіх, згадваючы Аллага, напаўняюцца сполахам, якія трываюць тое, што спасцігла іх, здзяйсняюць малітву і ахвяруюць з таго, чым Мы надзялілі іх.

³⁶Ахвярных вярблюдаў Мы зрабілі для вас знакамі Аллага, у якіх – дабро для вас! Таму згадвайце імя Аллага над шэрагамі іхнымі! А калі іх пакладуць на бокі, дык ежце і жывіце тых, хто задаволены сваёй до¬ляю, а таксама тых, хто просіць. Так Мы падпарадкавалі іх вам – маг¬чыма, вы будзеце ўдзячныя!

³⁷Ні мяса, ні кроў іхныя не дасягаюць Аллага, але Яго дасягае ва¬шая збожнасць! Так Ён падпарадкаваў іх вам, каб вы ўзвялічвалі Ал¬лага за тое, што Ён паказаў вам просты шлях! Таму пацеш праведных.

³⁸Сапраўды, Аллаг абараняе тых, хто паверыў. Сапраўды, Аллаг не любіць розных няўдзячных здраднікаў!

³⁹дазволена весці барацьбу тым, з кім зрабілі няслушна. Сапраў¬ды, Аллаг здольны дапамагчы ім.

⁴⁰Яны былі няслушна выгнаныя з іхнага жылля толькі за тое, што яны казалі: «Госпад наш – Аллаг!» Калі б Аллаг не дазваляў адным люд¬зям абараняцца ад іншых, дык былі б знішчаныя кляштары, храмы, сі¬нагогі і мячэці, дзе часта згадваецца імя Бога. Аллаг абавязкова дапама¬гае тым, хто дапамагае Яму. Сапраўды, Аллаг – Усемагутны, Велічны!

⁴¹Калі Мы ўмацуем іх на зямлі, яны будуць здзяйсняць малітву, даваць закят, заклікаць здзяйсняць ухваляемае і забараняць заганнае. А канчатак справаў – у Аллага!

⁴²Калі яны лічаць цябе хлусам, дык яшчэ раней (пасланцоў) лічылі хлусамі народ Нуха, адыты, самудыты,

⁴³народ Ібрагіма, народ Лута,

⁴⁴жыхары Мад’яну. Хлусам лічылі і Мусу. І Я даў нявернікам ад¬тэрміноўку, а потым схапіў іх! Якая ж была адплата.

⁴⁵Колькі ж няслушных паселішчаў Мы знішчылі! Яны разбура¬ныя да падставы. Колькі ж пакінутых калодзежаў i высокіх замкаў.

⁴⁶Няўжо яны не падарожнічалі зямлёю, маючы сэрцы, якімі здоль¬ныя разумець, а таксама вушы, якімі здольныя слухаць! Робяцца не¬відушчымі не вачыма, а сэрцамі, якія ў грудзях!

⁴⁷Яны просяць, каб ты паскорыў пакаранне. Аллаг ніколі не пару¬шае Сваёй абяцанкі! дзень у Госпада твайго такі, як тысяча гадоў з тых, што вы лічыце.

⁴⁸Колькім няслушным паселішчам Мы даравалі адтэрміноўку! А потым Я схапіў іх і да Мяне прыбудуць яны!

⁴⁹Скажы: « о людзі! Сапраўды, Я для вас – выразны засцерагаль¬нік!»

⁵⁰На тых, якія паверылі і здзяйснялі добрыя справы, чакае пра-бачэнне і шчодрая доля,

⁵¹а тыя, якія імкнуліся пазбавіць моцы Нашыя знакі – жыхары пекла!

⁵²Мы не выпраўлялі раней пасланца ці прарока, якому б шатан не падкінуў што–небудзь у ягоннае чытанне, калі ён чытаў. І Аллаг зніш¬чае тое, што падкінуў шатан! Потым Аллаг сцвярджае знакі Свае. Ал¬лаг – Усеведаючы, Мудры!

⁵³Тое, што падкінуў шатан, Ён робіць выпрабаваннем для тых, у чыіх сэрцах хвароба і чыі сэрцы жорсткія. Сапраўды, прыгнятальнікі трапілі ў вялікую спрэчку!

⁵⁴Няхай ведаюць тыя, каму дадзена разуменне, што гэта – праўда ад Госпада твайго. Няхай яны вераць у яе і падпарадкоўваюць ёй свае сэрцы. Сапраўды, тых, якія паверылі, Аллаг вядзе простым шляхам!

⁵⁵Тыя, якія не вераць, не спыняцца вагацца ў ім, пакуль раптам не прыйдзе да іх Час альбо пакаранне ў Бясплённы дзень.

⁵⁶Улада ў той дзень будзе належаць Аллагу, які разважыць паміж імі. Тыя, якія паверылі і здзяйснялі дабро, апынуцца ў садах асалоды,

⁵⁷а на тых, якія не паверылі і лічылі хлуснёю Нашыя знакі, чакае зневажальнае пакаранне.

⁵⁸А тых, якія ажыццявілі пярэбары на шляху Аллага, потым былі забітыя ці сканалі, Аллаг надзеляе выдатнаю доляю. Сапраўды, Аллаг – лепшы з надзеляючых.

⁵⁹Ён абавязкова ўвядзе іх тым уваходам, якім яны будуць задаво¬леныя. Сапраўды, Аллаг – Усеведаючы, Вытрыманы.

⁶⁰Менавіта так! А хто сам карае так, як яго пакрыўдзілі i з ім зра¬білі няслушна, таму Аллаг абавязкова дапаможа! Сапраўды, Аллаг – Спагадлівы і Прабачаючы.

⁶¹Гэта так, бо Аллаг скарачае дзень ноччу, а ноч скарачае днём. Аллаг – Усечуючы, Усебачачы.

⁶²Гэта так, бо Аллаг – Праўда, а тое, чаму вы пакланяецеся заміж Яго ёсць хлусня! Аллаг – Усявышні, Вялікі.

⁶³Няўжо ты не бачыш, што Аллаг пралівае з неба ваду, пасля чаго зямля робіцца зялёнаю? Гэта так, бо Аллаг – добры, дасведчаны.

⁶⁴Яму належыць тое, што на нябёсах, i тое, што на зямлі! Сапраў¬ды, Аллаг – Багаты, Пахвальны.

⁶⁵Няўжо ты не бачыш, што Аллаг падпарадкаваў вам усё, што на зямлі? Карабель плыве па моры па Ягоным загадзе. Ён утрымлівае неба, каб яно не ўпала на зямлю без Ягонага дазволу. Сапраўды, Аллаг Спагадлівы і Міласэрны да людзей!

⁶⁶Ён – Той, Хто дараваў вам жыццё, потым Ён заб’е вас i нанова даруе жыццё. Сапраўды, чалавек няўдзячны.

⁶⁷для кожнае грамады Мы ўсталявалі абрады, якіх яны і прытрым¬ліваюцца. Няхай не спрачаюцца з табою пра гэта. заклікай да Госпада свайго! Сапраўды, Ты – на простым шляху.

⁶⁸А калі яны будуць табе супярэчыць, дык скажы: «Аллаг лепей ведае пра тое, што вы робіце.

⁶⁹У дзень Адраджэння Аллаг разважыць паміж вамі ў тым, пра што вы спрачаецеся».

⁷⁰Няўжо ты не ведаеш, што Аллагу вядома тое, што на нябёсах і на зямлі? Сапраўды, гэта ёсць у Пісанні! Сапраўды, гэта латва для Аллага.

⁷¹Яны пакланяюцца заміж Аллага таму, пра што Ён не паслаў анія¬кага доказу і пра што яны не маюць веданння. Не будзе памагатага ня-слушным!

⁷²Калі ім чытаюць Нашыя знакі, ты бачыш на тварах нявернікаў непрыхільнасць. Яны ледзь не кідаюцца на тых, хто чытае ім Нашыя знакі. Скажы: «Ці не распавесці вам пра тое, што горш за гэта? Гэта – агонь, абяцаны Аллагам нявернікам. Якая ж агідная гэтая мясціна».

⁷³о людзі! Вось прыпавесць, паслухайце яе. Сапраўды, тыя, да каго вы звяртаецеся заміж Аллага, не створаць нават мухі, калі і ўсе згур¬туюцца разам! А калі муха адбярэ ў іх нешта, дык яны не здолеюць за¬браць гэтага ў яе. Кволы той, хто просіць, i той, у каго просяць.

⁷⁴Яны не цэняць Аллага так, як мае быць. Сапраўды, Аллаг – Усе¬магутны, Велічны.

⁷⁵Аллаг абраў пасланцоў i сярод анёлаў, i сярод людзей. Сапраў¬ды, Аллаг – Усечуючы, Усебачачы.

⁷⁶Ён ведае, што было перад імі, і тое, што будзе пасля іх. I да Ал¬лага вяртаюцца ўсе справы.

⁷⁷о вы, якія паверылі! Кланяйцеся, падайце ніцма, пакланяйцеся Госпаду вашаму і рабіце дабро! Магчыма, вы будзеце мець поспех!

⁷⁸змагайцеся ж за шлях Аллага вартым Яго змаганнем! Ён абраў вас i не зрабіў у веры ніякіх цяжкасцяў. Такая вера Ібрагіма, бацькі ва¬шага. Ён назваў вас мусульманамі яшчэ раней і ў гэтым (Каране), каб Пасланец быў сведкам для вас, а вы былі сведкамі людзям. Рабіце малітву, давайце закят i трымайцеся за Аллага! Ён – Ахоўнік ваш. Вы¬датны Ахоўнік, выдатны Памагаты!