Al-Infitar

¹ Калі неба расколецца,

² i калі зоркі пасыплюцца,

³ i калі моры зліюцца,

⁴ i калі магілы перакінуцца –

⁵ пазнае душа, што яна зрабіла і чаго не зрабіла.

⁶ о чалавек! Што ж спакусіла цябе адносна Госпада твайго Шчодрага,

⁷ Які стварыў цябе і размеркаваў аблічча тваё i ўпарадкаваў цябе

⁸ у такім выглядзе, у якім пажадаў Госпад твой?

⁹ Але не! Вы ўсё ж адмаўляеце Суд.

¹⁰І, сапраўды, над вамі ёсць наглядчыкі –

¹¹гожыя пiсары,

¹²якія ведаюць, што вы робіце.

¹³Сапраўды, багабойныя апынуцца ў шчасці.

¹⁴А грэшнікі, сапраўды, апынуцца ў пекле.

¹⁵Увойдуць яны туды ў Судны дзень.

¹⁶I не здолеюць яны пазбегнуць гэтага.

¹⁷Адкуль табе ведаць пра тое, што такое Судны дзень?

¹⁸I яшчэ раз: адкуль табе ведаць пра тое, што такое Судны дзень?

¹⁹Гэта – дзень, калі ніводная душа не здолее дапамагчы іншаму, а пастанова ў той дзень будзе належыць Аллагу.