An-Najm

¹ Клянуся зоркаю, калі падае яна!

² Не заблукаў ваш таварыш i не адхіліўся ад шляху

³ І не кажа ён па капрызе,

⁴ бо гэта – адкрыццё, якое адкрываецца яму.

⁵ Навучыў яго гэтаму надзелены дужаю моцаю,

⁶ прыгожы выглядам. Ён узняўся

⁷ на найвышэйшы небасхіл,

⁸ а потым сышоў і наблізіўся.

⁹ I быў на адлегласці двух палётаў стрэл ці яшчэ бліжэй,

¹⁰i адкрыў рабу Ягонаму тое, што адкрыў,

¹¹i не ашукала яго сэрца ў тым, што ён бачыў.

¹²Няўжо ж вы будзеце спрачацца пра тое, што ён бачыў?

¹³Ён бачыў яшчэ i ягонае іншае сыходжанне –

¹⁴каля ўскрайняга лотаса,

¹⁵побач якога знаходзіцца сад прытулку.

¹⁶I тагды пакрыла лотас тое, што пакрыла.

¹⁷Не адхiлiўся погляд ягоны і не заблукаў.

¹⁸Ён убачыў велізарны знак свайго Госпада.

¹⁹Ці бачылі вы аль-Лат ды аль-Уззу?

²⁰I яшчэ гэтую, трэцюю з іх – Манат?

²¹Няўжо вам – мужчыны, а Яму – жанчыны?

²²Такое размеркаванне было б няслушным.

²³Яны – нішто іншае, як імёны, выдуманыя вамі і вашымі баць¬камі. Аллаг не пасылаў пра іх ніводнага доказу. Яны ідуць толькі за здагадкамі i тым, чаго жадаюць душы, тагды як просты шлях ад Госпа¬да ўжо прыйшоў да іх.

²⁴Няўжо чалавек атрымае тое, чаго жадае?

²⁵Аллагу належыць жыццё наступнае і сёлетняе.

²⁶Колькі ж на нябёсах анёлаў, абарона якіх не прынясе аніякае ка¬рысці! Толькі некаторым Аллаг дазволіць абараніць тых, каго пажадае i кім задаволены Ён.

²⁷Сапраўды, тыя, якія не вераць у наступнае жыццё, называюць анёлаў жаночымі імёнамі.

²⁸У іх няма ведання пра гэтае, i ідуць яны толькі за здагадкамі, а здагадка нiяк не заменіць сабою праўду.

²⁹Цякай ж ад таго, хто адхiнуўся ад згадкі пра Нас і які не пажа¬даў нічога, апроч зямнога жыцця.

³⁰Вось мяжа іхнага ведання. Сапраўды, Госпад твой лепей ведае тых, хто адхіліўся ад Ягонага шляху, i Ён лепей ведае тых, хто ідзе про¬стым шляхам.

³¹Аллагу належыць усё, што на нябёсах i на зямлі, каб Ён адпла¬ціў злачынцам за iхныя ўчынкі, i адгадзіў найлепшым тым, якія рабiлi дабро,

³²якія пазбягаюць вялікіх грахоў і брыдоты, апроч нязначных правін. Сапраўды, Госпад твой ахоплівае дараваннем усё. Ён лепш ведаў вас, калі тварыў вас з зямлі, i калі вы былі зародкамі ў чэравах маці вашых. Не ўслаўляйце саміх сябе, бо Аллаг лепш ведае тых, якія збожныя.

³³Ты бачыў таго, хто адхiнуўся,

³⁴ахвяраваў мала, а потым спыніў наогул?

³⁵Няўжо ён ведае таемнае так, што бачыць яго?

³⁶Хiба яму не распавялі пра тое, што ў скрутках Мусы

³⁷ды Ібрагіма, які выканаў абяцанае?

³⁸Нiводная душа не панясе цяжар іншае душы.

³⁹Сапраўды, чалавек атрымае толькі тое, да чаго імкнецца.

⁴⁰I ўбачаць ягоныя імкненнi,

⁴¹а потым ён цалкам атрымае ўзнагароджанне.

⁴²У Госпада твайго – канчатковая мяжа,

⁴³i гэта Ён дорыць смех i плач,

⁴⁴i гэта Ён даруе скананне i жыццё,

⁴⁵i гэта Ён стварыў пару – мужчыну і жанчыну

⁴⁶з кроплі, якая вывяргаецца,

⁴⁷i гэта Яму належыць стварэнне наступнае,

⁴⁸i гэта Ён надзяляе багаццем i маёмасцю,

⁴⁹i гэта Ён – Госпад Сірыуса,

⁵⁰i гэта Ён знішчыў першых адытаў,

⁵¹i самудытаў, не пакінуўшы нікога.

⁵²А яшчэ раней за іх – народ Нуха, а яны былі яшчэ больш прыг¬нятальнiкамi і непакорлівымi.

⁵³I знішчыў перакуленыя паселiшчы,

⁵⁴якія накрыла тое, што накрыла.

⁵⁵На конт якіх жа дабрадзействаў твайго Госпада ты маеш ваганне?

⁵⁶Гэты ўгаворшчык такі ж, як i першыя ўгаворшчыкi.

⁵⁷Надышло тое, што надыходзіць,

⁵⁸I не прадухіліць яго ніхто, апроч Аллага.

⁵⁹Няўжо вы дзівіцеся гэтаму аповеду,

⁶⁰цешыцеся, а не плачаце,

⁶¹ды яшчэ і бавіцеся?

⁶²дык упадзіце нiцма ж перад Аллагам і пакланяйцеся Яму!