Muhammad

¹ Учынкі тых, якія не паверылі і збівалі іншых са шляху Аллага, Ён зрабіў марнымі.

² А тым, якія паверылі і здзяйснялі дабро, якія паверылі ў тое, што паслана Мухаммаду – а яно ёсць праўдаю ад Госпада іхнага – Ён дара¬ваў злыя ўчынкі іхныя і палепшыў справы іхныя.

³ Гэта так, бо тыя, якія не паверылі, пайшлі ўтроп хлусні, а тыя, якія паверылі, пайшлі ўтроп праўды ад іхнага Госпада. Вось так Аллаг прыводзіць людзям iхныя прыпавесці.

⁴ А калі сустракаеце тых, якія не паверылі, сячыце iхныя шыі. А калі вы пераадолееце іх, дык моцна накладвайце кайданы. далей ці злітуйцеся над iмi, цi бярыце выкуп – да таго часу, пакуль вайна не скі¬не свой цяжар. да! Калі б Аллаг пажадаў, дык адпомсціў бы ім сам, але Ён жадае выпрабаваць адных з вас іншымі. Учынкі тых, якія вядуць змаганне на шляху Аллага, Ён ніколі не зробіць марнымі,

⁵ пакажа ім просты шлях і палепшыць іхныя справы,

⁶ і ўвядзе ў Рай, пра які ўжо даў ім ведаць.

⁷ о тыя, якія паверылі! Калі вы дапаможаце Аллагу, дык Ён дапа¬можа вам і ўмацуе вашую ступу.

⁸ Няхай згінуць тыя, якія не вераць! Ён зробіць марнымі iхныя ўчынкі.

⁹ Гэта так, бо яны зненавідзелі тое, што паслаў Аллаг; Ён зрабіў бес-карыснымі iхныя ўчынкі.

¹⁰Няўжо яны не падарожнічалі зямлёю і не бачылі, якім быў ка¬нец тых, якія жылі раней за іх? Аллаг знішчыў іх. Гэтаксама чакае нявернiкаў!

¹¹Гэтаксама, бо Аллаг – Абаронца тых, якія паверылі, а нявернiкi не маюць абаронцы.

¹²Сапраўды, тых, якія паверылі і здзяйснялі дабро, Аллаг увядзе ў сады раю, дзе цурчаць рэкі. А тыя, якія не паверылі, насалоджваюц¬ ца дабротамi і спажываюць ежу, як жывёлы. Прытулкам iхным будзе агонь.

¹³Колькі паселiшчаў, мацней за тваё паселiшча, з якога цябе вы¬гналі, мы знішчылі. У іх не было памагатага.

¹⁴Няўжо той, хто трымаецца выразнага доказу ад свайго Госпада, роўны таму, каму здаліся цудоўнымі ягоныя злыя ўчынкі і хто ідзе ўтроп сваіх захапленняў?

¹⁵Такі вобраз раю, абяцанага збожным: там цурчаць рэкі з вады, якая не застойваецца, ракі з малака, якое не мяняе свайго смаку, ракі з віна, якое дорыць асалоду тым, хто яго п’е, ракі з вычышчанага мёду. Яны мецьмуць там кожны плод і прабачэнне ад Госпада свайго. Няўжо яны падобныя да тых, хто павек трывацьме ў пекле ды пiцьме гатава¬ную ваду, якая iрвацьме iхныя вантробы?

¹⁶Сярод іх ёсць тыя, хто слухае цябе. Але калі яны выйшлі ад цябе, дык сказалі тым, каму дадзена веданне: «Што гэта ён казаў кагад¬зе?» Яны – тыя, чые сэрцы Аллаг запячатаў і хто ідзе ўтроп сваіх заха¬пленняў.

¹⁷А тым, хто ідзе простым шляхам, Ён павялічвае Сваё кіраўні¬цтва і дорыць ім іхную збожнасць.

¹⁸Няўжо яны чакаюць чагосьці іншага заміж Часу, які прыйдзе да іх раптам? Ужо з’явіліся ягоныя прыкметы. Ці дапаможа ім нагадка, калі яна прыйдзе да іх?

¹⁹Таму ведай, што няма бога, апроч Аллага, прасі прабачэння за свой грэх, за грэх вернікаў i верніц. Аллаг ведае пра вашую працу і пра ваш адпачынак.

²⁰Кажуць тыя, якія паверылі: «Чаму не пасланая сура?» А калі была пасланая выразна выкладзеная сура і згадана там змаганне, ты ўбачыў, што тыя, у чыіх сэрцах хвароба, глядзяць на цябе поглядам таго, хто страціў прытомнасць перад скананнем. для іх лепш была б

²¹пакорлівасць і добрае слова. А калі справа вырашаная, дык праўдзівасць перад Аллагам будзе лепш для іх.

²²Магчыма, калі вы адхіліцеся, дык распаўсюдзіце нелад на зямлі і разарвяце крэўныя сувязі.

²³Яны з’яўляюцца тымі, каго Аллаг пракляў i пазбавіў слыху і зроку.

²⁴Няўжо не разважаюць яны над Каранам? Няўжо на іхных сэр¬цах – замкі?

²⁵Сапраўды, тых, якія павярталіся назад пасля таго, як ім зрабіў¬ся зразумелым просты шлях, спакусіў шатан і ашукаў хлуслівымі над¬зеямі.

²⁶Гэта так, бо яны сказалі тым, хто зненавідзеў пасланае Аллагам: «Мы будзем падпарадкоўвацца вам у некаторых справах». І Аллаг ве¬дае iхныя таямніцы.

²⁷А што будзе, калі анёлы забяруць іх і пачнуць біць па тварах i спінах?

²⁸Гэта так, бо яны пайшлі за тым, што ўгнявіла Аллага і зненавід¬зелі тое, чым Ён задаволены. Таму Ён зрабіў марнымі iхныя ўчынкі.

²⁹Няўжо тыя, у чыіх сэрцах хвароба, думаюць, што Аллаг не ад¬крые іхнае лютасці?

³⁰Калі б Мы пажадалі, дык паказалі б іх табе, i ты пазнаў бы іх па прыкметах iхных. Але ты пазнаеш гучанне iхных словаў. Аллаг ведае пра іхныя ўчынкі.

³¹Мы выпрабоўвацьмем вас, пакуль не даведаемся пра тых з вас, хто вядзе змаганне і тых, хто мае трыванне; i Мы выпрабуем весці ад вас.

³²Сапраўды, тыя, якія не паверылі, збівалі іншых са шляху Алла¬га і супярэчылі Пасланцу пасля таго, як ім зрабіўся зразумелым про¬сты шлях, ніяк не здолеюць пашкодзіць Аллагу, а Ён зробіць марнымі iхныя ўчынкі.

³³о тыя, якія паверылі! Падпарадкоўвайцеся Аллагу, падпарад¬коўвайцеся Пасланцу ды не губляйце сваіх учынкаў.

³⁴Сапраўды, тыя, якія не паверылі, збівалі іншых са шляху Алла¬га, а потым сканалі нявернiкамi, не маюцьмуць прабачэння ад Аллага.

³⁵Не рабіцеся кволымі і не заклікайце да міру, бо вы пераможаце. Аллаг – з вамі, і Ён не паменшыць вашых учынкаў.

³⁶Сапраўды, зямное жыццё – гэта толькі гульня і забава. Калі вы паверыце і будзеце збожнымi, Ён дасць вам узнагароджанне і не прасі¬цьме вашае маёмасцi.

³⁷Але калі Ён прасіцьме яе ўпарта, і вы будзеце хцівымі, Ён выкрые вашую лютасць.

³⁸Вось, вас заклікаюць ахвяраваць на шляху Аллага, але некато¬рыя з вас хцівыя. Той, хто хцівы, хцівы толькі на шкоду сабе. Аллаг – заможны, а вы незаможныя. Але калі вы адхіліцеся, Ён заменіць вас іншымі людзьмі, якія не будуць падобнымi да вас.