العاديات
The Chargers • 11 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1እያለከለኩ ሩዋጮች በኾኑት (ፈረሶች) እምላለሁ፡፡
2(በሰኮናቸው) እያጋጩ እሳትን አውጪዎች በኾኑትም፤
3በማለዳ ወራሪዎች በኾኑትም፤
4በእርሱ አቧራን በቀሰቀሱትም፤
5በ(ጠላት) ክቢ መካከል በእርሱ (በጧት) በተጋፈጡትም እምላለሁ፡፡
6ሰው ለጌታው ብርቱ ከሓዲ ነው፡፡
7እርሱም በዚህ ላይ መስካሪ ነው፡፡
8እርሱም ገንዘብን ለመውደድ በጣም ብርቱ ነው፡፡
9(ሰው) አያውቅምን? በመቃብሮች ያሉት (ሙታን) በተቀሰቀሱ ጊዜ፤
10በልቦች ውስጥ ያለውም ሁሉ በተገለጸ ጊዜ (እንዴት እንደሚኾን)፡፡
11ጌታቸው በዚያ ቀን በእነርሱ (ነገር) በእርግጥ ውስጠ አዋቂ ነው፡፡