At-Tariq

¹قسم ہے آسمان کی اور اندھیرے میں روشن ہونے والے کی.

²تجھے معلوم بھی ہے کہ وه رات کو نمودار ہونے والی چیز کیا ہے؟

³وه روشن ستاره ہے.[1]

⁴کوئی ایسا نہیں جس پر نگہبان فرشتہ نہ ہو.[1]

⁵انسان کو دیکھنا چاہئے کہ وه کس چیز سے پیدا کیا گیا ہے.

⁶وه ایک اچھلتے پانی سے پیدا کیا گیا ہے.[1]

⁷جو پیٹھ اور سینے کے درمیان سے نکلتا ہے.[1]

⁸بیشک وه اسے پھیر ﻻنے پر یقیناً قدرت رکھنے واﻻ ہے.[1]

⁹جس دن پوشیده بھیدوں کی جانچ پڑتال ہوگی.[1]

¹⁰تو نہ ہوگا اس کے پاس کچھ زور نہ مدددگار.[1]

¹¹بارش والے آسمان کی قسم![1]

¹²اور پھٹنے والی زمین کی قسم![1]

¹³بیشک یہ (قرآن) البتہ دو ٹوک فیصلہ کرنے واﻻ کلام ہے.[1]

¹⁴یہ ہنسی کی (اور بے فائده) بات نہیں.[1]

¹⁵البتہ کافر داؤ گھات میں ہیں.[1]

¹⁶اور میں بھی ایک چال چل رہا ہوں.[1]

¹⁷تو کافروں کو مہلت دے[1] انہیں تھوڑے دنوں چھوڑ دے.