An-Naba

¹Tungkol sa ano nagtatanungan sila [na mga tagapagtambal]?

²Tungkol sa balitang dakila [ng Qur’ān],

³na sila kaugnay rito ay mga nagkakaiba-iba.

⁴Aba’y hindi! Makaaalam sila.

⁵Pagkatapos aba’y hindi! Makaaalam sila.

⁶Hindi ba Kami gumawa sa lupa bilang nakalatag

⁷at sa mga bundok bilang mga tulos?

⁸Lumikha Kami sa inyo na magkapares.

⁹Gumawa Kami sa pagtulog ninyo bilang pamamahinga.

¹⁰Gumawa Kami sa gabi bilang kasuutan.

¹¹Gumawa Kami sa maghapon bilang pinaghahanap-buhayan.

¹²Nagpatayo Kami sa ibabaw ninyo ng pitong [langit na] matindi.

¹³Gumawa Kami ng [araw bilang] isang sulo na palaliyab.

¹⁴Nagpababa Kami mula sa mga dagim ng isang tubig na bumubuhos

¹⁵upang magpalabas Kami sa pamamagitan nito ng mga butil at halaman

¹⁶at mga harding magkakapulupot.

¹⁷Tunay na ang Araw ng Pagpapasya ay isang takdang oras

¹⁸sa Araw na iihip sa tambuli saka pupunta kayo na pulu-pulutong.

¹⁹Bubuksan ang langit saka ito ay magiging mga pintuan.

²⁰Iuusad ang mga bundok saka ang mga ito ay magiging isang malikmata.

²¹Tunay na ang Impiyerno ay magiging isang pantambang,

²²na para sa mga tagapagmalabis ay isang uwian,

²³na mga mamamalagi roon sa mga yugto.

²⁴Hindi sila makatitikim doon ng isang lamig ni isang inumin,

²⁵maliban sa isang nakapapasong tubig at isang nana

²⁶bilang ganting angkop [sa masagwang gawa].

²⁷Tunay na sila dati ay hindi nag-aasam ng isang pagtutuos.

²⁸Nagpasinungaling sila sa mga talata Namin [sa Qur’ān] nang isang [tahasang] pagpapasinungaling.

²⁹Sa bawat bagay [mula sa mga gawa ninyo ay nag-isa-isa sa isang talaan.

³⁰Kaya lumasap kayo [ng pagdurusa] sapagkat hindi Kami magdaragdag sa inyo kundi ng isang pagdurusa.

³¹Tunay na ukol sa mga tagapangilag magkasala ay isang pagtatamuan [ng hinihiling nila]

³²ng mga hardin at mga ubasan [sa Paraiso],

³³ng mga dalagang mabibilog ang dibdib, na mga magkasinggulang,

³⁴at ng kopang pinuno [ng alak].

³⁵Hindi sila makaririnig doon [sa Paraiso] ng isang kabalbalan ni isang pagsisinungaling,

³⁶bilang ganti mula sa Panginoon mo, bilang bigay na sulit

³⁷[mula sa] Panginoon ng mga langit at lupa at anumang nasa pagitan ng mga ito, ang Napakamaawain; hindi sila nakapangyayari sa Kanya sa isang pakikipag-usap [malibang may pahintulot].

³⁸Sa Araw na tatayo ang Espiritu [na si Anghel Gabriel] at ang mga anghel nang nakahanay, hindi sila magsasalita maliban sa sinumang nagpahintulot para roon ang Napakamaawain at magsasabi iyon ng tumpak.

³⁹Iyon ay ang Araw na totoo; kaya ang sinumang lumuob gumawa siya tungo sa Panginoon niya ng isang uwian.

⁴⁰Tunay na Kami ay nagbabala sa inyo ng isang pagdurusang malapit sa Araw na titingin ang tao sa anumang [maganda o masagwang gawa na] ipinauna ng mga kamay niya at magsasabi ang tagatangging sumampalataya: “O kung sana ako ay naging alabok!”