Al-Infitar

¹Igihe ijuru ryasadaguritse;

²Igihe n’inyenyeri zahungurutse;

³Igihe n’ibiyaga vyagomorowe bigacika kimwe;

⁴Igihe n’imva zazuwe;

⁵Ivyo vyose nivyashika, umuntu wese azomenya ico yakoze n’ico yirengagije, aheze agihemberwe.

⁶Ewe muntu uhakana izurwa ry’ibiremwa! Wahenzwe n’igiki kigutuma ugarariza Imana yawe Rurema Allah, Nyenubugiraneza?

⁷Ni Yo Yakuremye, Iragutunganya, Iranakuringaniza neza;

⁸Yakuremye uko Ishaka mw’ishusho rihambaye.

⁹Bantu ! Nimuteshwe mute murahumba! Murihenda mu gusenga ibigirwamana. Ahubwo mwebwe muhakana mwivuye inyuma umusi w’impera n’iharurirwa.

¹⁰Mu vy’ukuri, mufise abamalayika bajejwe kubabungabungira ivyo mukora mu kuvyandika;

¹¹Batewe iteka n’Imana Allah, bandika vyose ata kibacika;

¹²Barazi ivyo mukora vyose, vyaba ivyiza canke ibibi.

¹³Mu vy’ukuri aberanda bubahiriza agateka k’Imana Allah n’agateka k’ibiremwa, ni ukuri bazoba bari mu nema z’Ubwami bw’ijuru.

¹⁴Mu vy’ukuri, n’inkozi z’ikibi zitigera zubahiriza agateka k’Imana Allah n’ak’ibiremwa, na zo zizoba ziri mu muriro ururumba;

¹⁵Zizowinjira, ziwote ku musi w’impera;

¹⁶Ntizizowukira ngo ziwuvemwo canke ngo zipfe.

¹⁷Mbega, ni igiki cokumenyesha uwo musi w’impera ico ari co!

¹⁸Hanyuma, ni igiki cokumenyesha uwo musi w’impera ico ari co!

¹⁹Ni umusi umuntu ata co azomarira mugenziwe. Itegeko kuri uwo musi, ni iry’Imana Allah Yonyene.