Al-A'la

¹1. Phoroporo-on ka so ngaran o kadnan ka a Maporo,

²2. A so Miyangadun, go Mithaong Phiyapiya;

³3. Go Sukaniyan so Mindi- diyangka na Minggonanao;

⁴4. Go Sukaniyan so Piyakagu­mao Niyan so pagupur,

⁵5. Na biyaloi Niyan a rarag a maitum.

⁶6. Phakibatiya Ami Ruka (Ya Muhammad) na Dingka khalipatan,

⁷7. Inonta sa kabaya o Allah: Mata-an! A Sukaniyan i Mata-o ko Mapapayag a go so Misosolun;

⁸8. Go pulubodun Ami Ruka so okit a malbod.

⁹9. Na Pamakatadum Ka, amai ka phakanggai a gona so Pananadum.

¹⁰10. Phakatadum so tao a ma­alukun (ko Allah);

¹¹11. Na Phakawatanan sukaniyan o marata i okor,

¹²12. A so phakasolud ko Apoi a mala;

¹³13. Oriyan niyan na di ro-o pha­tai go di khaoyag (sa kaoyag a mapiya).

¹⁴14. Sabunar a miyakada-ag so tao a Mishoti,

¹⁵15. Go kiyataduman niyan so Ngaran o Kadnan Niyan, go Mis­hambayang.

¹⁶16. Kuna, ka ilulubi niyo so Kaoyagoyag ko doniya;

¹⁷17. A so Akhirat i thomo a go kakal.

¹⁸18. Mata-an! A giyaya na titho a matatago ko manga Kitab a miya­ona,-

¹⁹19. A manga Kitab o Ibrahim a go so Musa.