At-Tariq

¹1. Ibut ko Langit, a go so Bito-on a Tariq,-

²2. Na antawa-a i Miyakandao Ruka o antona-a so Bito-on a Tariq?-

³3. So Bito-on a Masindao!-

⁴4. Da-a Baraniyawa a ba da-a somisiyapon.

⁵5. Na nggudaguda-a o Manosiya so kiyapakapo-on o kiya-aduna on!

⁶6. lnadun a pho-on ko ig a mini pantos,

⁷7. Phuliyo a puphakapo-on ko pagulutan o bukhokong (o Ama) a go so manga gosok (o Ina).

⁸8. Mata-an! A Sukaniyan na ma­tatangkud a Gaos Iyan a kikasowin Niyan non (ko Kaoyagoyag)!

⁹9. Si-i ko Alongan a payagun so Piyamaguma;

¹⁰10. Na da-a bagur iyan ro-o, go da-a tabanga iyan.

¹¹11. lbut ko Kawang, a gi-i kha­sokasoyan (o Oran),

¹²12. Go so Lopa a gi-i mbabatu­kad,

¹³13. Ka Mata-an! (A giya Qur-an naya) na titho a Katharo a miyaka­shunggaya (ko ontol a go so ribat):

¹⁴14. Go kuna a ba sukaniyan ka­ sandagan.

¹⁵15. Mata-an! A siran na Pupha­gantangan siran sa toto-o a Antan­gan a marata,

¹⁶16. Na Puphagantangan Ako sa toto-o a antangan.

¹⁷17. Na Pakapulagodangka (Ya Muhammad) so manga Kapir: Pa­kapulagodangka siran sa di mathai.