Al-Ghashiyah

¹1. Ino a miyakatalingoma Ruka so Totholan ko khikolob?

²2. Adun a manga paras, sa Alon­gan noto, a Khipakatitipadung,

³3. A Gomagalubuk, a khidodo­kawan,-

⁴4. A phamakasolud ko Apoi a tanto a mayao,-

⁵5. A phuphamaka-inomun ko bowalan a pulikabo.

⁶6. Da-a Pangunungkun niran a rowar ko sorokun,

⁷7. Di ipukhaolit, go di Phakarun sa kaor.

⁸8. Adun a manga paras, sa Alon­gan noto, a Madadarandang,

⁹9. Sabap ko galubuk iran na Masosowat siran;

¹⁰10. Si-i ko Sorga a Maporo,

¹¹11. Da-a khanug iran non a ilang:

¹²12. Katatagowan sa manga Bo­walan a Puphamanoga;

¹³13. Katatagowan sa manga kan­tir a manga poporo,

¹⁴14. Go manga baso a khi-a adir­un,

¹⁵15. Go manga olona a khi-a anti­bun,

¹⁶16. Go manga Paramadali a khi­kakayatun.

¹⁷17. Ba iran ndi Punggudaguda-a so manga Onta o andamanaya i kiya-aduna-on?

¹⁸18. Go so Langit o andamanaya i Kiniporo-onon?

¹⁹19. Go so manga Palao o anda­manaya i kiyapamakatindugaon?

²⁰20. Go so Lopa o andamanaya i kiyakayataon?

²¹21. Na Pamaka-inungka Ka, a Suka na matag Puphamaka-inung­ ka.

²²22. Kuna a ba siran Ruka paki­ phanugulun,

²³23. Ogaid na sa dun sa tomali­khod go Mongkir,

²⁴24. Na isiksa on o Allah so siksa a mala.

²⁵25. Mata-an! A si-i Rukami so khandodan niran;

²⁶26. Oriyan niyan na Mata-an! A si-i Rukami so itongan kiran.