البلد
The City • 20 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Inidsapa ku kanu niyaba a dalpa (Makkah).
2Endu seka (Muhammad) na daludaya ka kanu nyaba a dalpa.
3Endu idsapa ku kanu (Adam) endu su nganin a madtupu nin.
4Saben-sabenal na binaluy nami su manusya sa kamalasayan.
5Ngin i ka-antapin da den makagaga sa lekanin apya isa bu?
6Ya nin pidtalu na “Nagudal aku sa tamuk a madakel (si Abu Jahl na nagudal sa tamuk sa kinambunwa sa Badr).”
7Ngintu egka-antap in sa da den nakailay lun apya isa bu?
8Ngintu da nami baluya sa lekanin i duwa a mata?
9Na endu dila endu duwa a bibil?
10Endu tinutulu nami sekanin (manusya) sa duwa a lalan (mapya endu mawag)?
11Da nin tinggapasi su Aqabah.
12Endu di nengka katawan ngin i Aqabah?
13Kabukawa (maradika) sa ulipen.
14Ataw ka kapakan kanu timpu a penggutem a benal su taw.
15Endu kanu manga wata ilu a pagali.
16Ataw ka su miskin a mimbudta (sangat a kapasangin).
17Ulyanin, naaden sekanin sa ped kanu manga namalityala endu inipamagindawa nilan su kadsabar endu inipamangindawa nilan su kagkakalimuwa.
18Silan ba antu i kigkuwan kanu Maymanah (manga taw a ya nilan makakawa kanu kitab nilan na su kawanan a lima nilan).
19Endu silan antu a migkafir kanu manga tanda nami na silan su kigkuwan kanu Mash-amah (manga taw a ya nilan makakawa kanu kitab nilan na su biwang a lima nilan).
20Patut sa kanilan i makaludep kanu naraka sa kadtileban silan.