Al-Hajj

الحج

The Pilgrimage • 78 ayahs • Medinan

بِسْمِ ٱللَّهِ ٱلرَّحْمَٰنِ ٱلرَّحِيمِ

يَٰٓأَيُّهَا ٱلنَّاسُ ٱتَّقُواْ رَبَّكُمۡۚ إِنَّ زَلۡزَلَةَ ٱلسَّاعَةِ شَيۡءٌ عَظِيمٞ﴿١﴾

1Sekanu a manga taw na ikagilek nu su Kadenan nu, su kalinug a ipenggubal (sa dunya) na masla (timbang a siksa).

يَوۡمَ تَرَوۡنَهَا تَذۡهَلُ كُلُّ مُرۡضِعَةٍ عَمَّآ أَرۡضَعَتۡ وَتَضَعُ كُلُّ ذَاتِ حَمۡلٍ حَمۡلَهَا وَتَرَى ٱلنَّاسَ سُكَٰرَىٰ وَمَا هُم بِسُكَٰرَىٰ وَلَٰكِنَّ عَذَابَ ٱللَّهِ شَدِيدٞ﴿٢﴾

2U mailay nu bu na kalimpangan nu babay a pedsusuwan i papedsusu nin, endu makambata su magingay sa di kena waktu, endu ya nengka mailay kanu manga taw na galangut (sabap sa gilekin) na di kena silan galangut ugayd na siksa nu Allah a sangat i kapasangin (di nilan gagenggen).

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَيَتَّبِعُ كُلَّ شَيۡطَٰنٖ مَّرِيدٖ﴿٣﴾

3Kaped kanu manusya nabpalawa kanu Allah sa dala sabutin endu yanin unutan i shaytan a natading.

كُتِبَ عَلَيۡهِ أَنَّهُۥ مَن تَوَلَّاهُ فَأَنَّهُۥ يُضِلُّهُۥ وَيَهۡدِيهِ إِلَىٰ عَذَابِ ٱلسَّعِيرِ﴿٤﴾

4Pinadtanan den (kanu shaytan) sa entayn i munut lun na tadingen nin, endu lu nin tutulun sa siksa a pegkalaw-kalaw.

يَٰٓأَيُّهَا ٱلنَّاسُ إِن كُنتُمۡ فِي رَيۡبٖ مِّنَ ٱلۡبَعۡثِ فَإِنَّا خَلَقۡنَٰكُم مِّن تُرَابٖ ثُمَّ مِن نُّطۡفَةٖ ثُمَّ مِنۡ عَلَقَةٖ ثُمَّ مِن مُّضۡغَةٖ مُّخَلَّقَةٖ وَغَيۡرِ مُخَلَّقَةٖ لِّنُبَيِّنَ لَكُمۡۚ وَنُقِرُّ فِي ٱلۡأَرۡحَامِ مَا نَشَآءُ إِلَىٰٓ أَجَلٖ مُّسَمّٗى ثُمَّ نُخۡرِجُكُمۡ طِفۡلٗا ثُمَّ لِتَبۡلُغُوٓاْ أَشُدَّكُمۡۖ وَمِنكُم مَّن يُتَوَفَّىٰ وَمِنكُم مَّن يُرَدُّ إِلَىٰٓ أَرۡذَلِ ٱلۡعُمُرِ لِكَيۡلَا يَعۡلَمَ مِنۢ بَعۡدِ عِلۡمٖ شَيۡـٔٗاۚ وَتَرَى ٱلۡأَرۡضَ هَامِدَةٗ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡ وَأَنۢبَتَتۡ مِن كُلِّ زَوۡجِۭ بَهِيجٖ﴿٥﴾

5Sekanu a manga taw, amayka penduwa-duwa kanu sa kambuwat nu na benal a binaluy nami sekanu ebpun sa lupa, mawli na nutfah (midsimbul a ig na mama-babay), mawli na lugu a aden sapu nin, a napasad i gapa nin endu aden bun da mapasad (galudos), ipebpayag nami sa lekanu endu papedtangenen nami kanu (ludep nu tyan) su mag-kahanda nami taman sa timpu nin a napasad, mawli na palyun nami sekanu a wata a manawt, mawli na masampay nu su kabagel nu (kanguda) endu aden bun pebpatay (sa mangagan) endu aden bun pakagaws sa taman (sa matwa) sa mababa gayd i kailay lun ka mimbalingan sa wata endu dala den katawanin apiya paydu (bungaw), endu mailay nengka su lupa sa mamala, na amayka pinatulunan nami sa ulan na enggagalebek endu egkapulu endu patun nin i embalangan na mapya i palas nin.

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّهُۥ يُحۡيِ ٱلۡمَوۡتَىٰ وَأَنَّهُۥ عَلَىٰ كُلِّ شَيۡءٖ قَدِيرٞ﴿٦﴾

6Kagina su Allah na sekanin i haqq (bantang) endu sekanin i banguyag sa namamatay endu kagaga nin i langun na enggaga-isa.

وَأَنَّ ٱلسَّاعَةَ ءَاتِيَةٞ لَّا رَيۡبَ فِيهَا وَأَنَّ ٱللَّهَ يَبۡعَثُ مَن فِي ٱلۡقُبُورِ﴿٧﴾

7Benal a su gay a mawli na di ebplis na makawma, endu benal su Allah na pambuwaten nin su (manga taw) sa kubur.

وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَلَا هُدٗى وَلَا كِتَٰبٖ مُّنِيرٖ﴿٨﴾

8Endu ped kanu taw na ebpalawa sa Allah sa dala kataw nin endu dala tutulu endu dala kitabin a masigay.

ثَانِيَ عِطۡفِهِۦ لِيُضِلَّ عَن سَبِيلِ ٱللَّهِۖ لَهُۥ فِي ٱلدُّنۡيَا خِزۡيٞۖ وَنُذِيقُهُۥ يَوۡمَ ٱلۡقِيَٰمَةِ عَذَابَ ٱلۡحَرِيقِ﴿٩﴾

9Lemengi sa bala sa kasandag ka endu gatading sa agama, lekanin sya sa dunya i kayaya endu pananamen nami sekanin sa gay a mawli kanu siksa a pakatutung.

ذَٰلِكَ بِمَا قَدَّمَتۡ يَدَاكَ وَأَنَّ ٱللَّهَ لَيۡسَ بِظَلَّٰمٖ لِّلۡعَبِيدِ﴿١٠﴾

10Sabap sa galebekan nu lima nengka, endu benal su Allah na di edsalimbut kanu manga ulipen nin.

وَمِنَ ٱلنَّاسِ مَن يَعۡبُدُ ٱللَّهَ عَلَىٰ حَرۡفٖۖ فَإِنۡ أَصَابَهُۥ خَيۡرٌ ٱطۡمَأَنَّ بِهِۦۖ وَإِنۡ أَصَابَتۡهُ فِتۡنَةٌ ٱنقَلَبَ عَلَىٰ وَجۡهِهِۦ خَسِرَ ٱلدُّنۡيَا وَٱلۡأٓخِرَةَۚ ذَٰلِكَ هُوَ ٱلۡخُسۡرَانُ ٱلۡمُبِينُ﴿١١﴾

11Endu ped kanu manga taw a pedsimba sa Allah sa penduwa-duwa na amayka nasugat a mapya na makatana su atay nin endu amayka nasugat na batalu na enda nin su agama, na nalapis sa dunya endu lu sa akhirat na entuba i kinalapis a mapayag.

يَدۡعُواْ مِن دُونِ ٱللَّهِ مَا لَا يَضُرُّهُۥ وَمَا لَا يَنفَعُهُۥۚ ذَٰلِكَ هُوَ ٱلضَّلَٰلُ ٱلۡبَعِيدُ﴿١٢﴾

12Pedsimba sa salakaw sa Allah a di makagkayd sa lekanin endu di bun makangguna sa lekanin, entuba i gatading sa mawatan.

يَدۡعُواْ لَمَن ضَرُّهُۥٓ أَقۡرَبُ مِن نَّفۡعِهِۦۚ لَبِئۡسَ ٱلۡمَوۡلَىٰ وَلَبِئۡسَ ٱلۡعَشِيرُ﴿١٣﴾

13Pedsimbanin i ya masupeg i kabinasan nin sa pakangguna nin, mawag a benal a pedtabang endu ngin den i kawag nin a tagapeda.

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۚ إِنَّ ٱللَّهَ يَفۡعَلُ مَا يُرِيدُ﴿١٤﴾

14Benal su Allah na paludepen nin su manga mu'min a minggalebek sa manga mapya sa manga surga a belagilay sa kababan nin i manga pulangi, su Allah na enggalebekenin i kahanda nin.

مَن كَانَ يَظُنُّ أَن لَّن يَنصُرَهُ ٱللَّهُ فِي ٱلدُّنۡيَا وَٱلۡأٓخِرَةِ فَلۡيَمۡدُدۡ بِسَبَبٍ إِلَى ٱلسَّمَآءِ ثُمَّ لۡيَقۡطَعۡ فَلۡيَنظُرۡ هَلۡ يُذۡهِبَنَّ كَيۡدُهُۥ مَا يَغِيظُ﴿١٥﴾

15Entayn i taw a antapen nin i di tabangan nu Allah su sinugu nin (Muhammad) sya sa dunya endu akhirat na pekeIenin i ginawa nin sa tali kanu atep nu walay nin ka ebpatay, na ilaynin u ngintu su galebek nin antu na maawa nin su di nin kalilinyan a tabang (kanu Muhammad).

وَكَذَٰلِكَ أَنزَلۡنَٰهُ ءَايَٰتِۭ بَيِّنَٰتٖ وَأَنَّ ٱللَّهَ يَهۡدِي مَن يُرِيدُ﴿١٦﴾

16Endu mamba i kinapatulun nami sa manga ayat a manga mapayag endu su Allah na tutulunin endaw i magkahanda nin.

إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلصَّٰبِـِٔينَ وَٱلنَّصَٰرَىٰ وَٱلۡمَجُوسَ وَٱلَّذِينَ أَشۡرَكُوٓاْ إِنَّ ٱللَّهَ يَفۡصِلُ بَيۡنَهُمۡ يَوۡمَ ٱلۡقِيَٰمَةِۚ إِنَّ ٱللَّهَ عَلَىٰ كُلِّ شَيۡءٖ شَهِيدٌ﴿١٧﴾

17Benal su manga mu'min endu su manga Yahudi endu su manga Nasrani endu su Sabit endu su Majusi endu su manga mushrik na su Allah i kumukum kanilan sa gay a mawli, su Allah na langun nu enggaga-isa na kadsaksyan nin.

أَلَمۡ تَرَ أَنَّ ٱللَّهَ يَسۡجُدُۤ لَهُۥۤ مَن فِي ٱلسَّمَٰوَٰتِ وَمَن فِي ٱلۡأَرۡضِ وَٱلشَّمۡسُ وَٱلۡقَمَرُ وَٱلنُّجُومُ وَٱلۡجِبَالُ وَٱلشَّجَرُ وَٱلدَّوَآبُّ وَكَثِيرٞ مِّنَ ٱلنَّاسِۖ وَكَثِيرٌ حَقَّ عَلَيۡهِ ٱلۡعَذَابُۗ وَمَن يُهِنِ ٱللَّهُ فَمَا لَهُۥ مِن مُّكۡرِمٍۚ إِنَّ ٱللَّهَ يَفۡعَلُ مَا يَشَآءُ۩﴿١٨﴾

18Ngintu da nengka katawi su Allah na pedsugyudan nu dalem nu manga langit endu su lupa endu senang endu ulan-ulan endu su manga bitun endu su manga palaw endu su manga kayu endu su mamelanap-lanap, endu su kadakelan kanu manga taw? Endu madakel bun menem (kanu manga taw) i nawagib sa lekanin su siksa, endu su taw a ilusak nu Allah na dala makapulu lun, endu su Allah na penggalebekenin i kahanda nin.

۞ هَٰذَانِ خَصۡمَانِ ٱخۡتَصَمُواْ فِي رَبِّهِمۡۖ فَٱلَّذِينَ كَفَرُواْ قُطِّعَتۡ لَهُمۡ ثِيَابٞ مِّن نَّارٖ يُصَبُّ مِن فَوۡقِ رُءُوسِهِمُ ٱلۡحَمِيمُ﴿١٩﴾

19Su duwa a di magayun (mu'min-kafir) na lu silan egkukum sa Allah, su kafir i ginapa i balegkasin ebpun sa naraka sa pembubuwan su ulu nin sa midtaman i kayaw nin a ig sa naraka.

يُصۡهَرُ بِهِۦ مَا فِي بُطُونِهِمۡ وَٱلۡجُلُودُ﴿٢٠﴾

20Pakatunag sa dalem na tyan nilan endu upis nilan.

وَلَهُم مَّقَٰمِعُ مِنۡ حَدِيدٖ﴿٢١﴾

21Aden pan kanilan i manga putaw a ipembetay (dinidisan).

كُلَّمَآ أَرَادُوٓاْ أَن يَخۡرُجُواْ مِنۡهَا مِنۡ غَمٍّ أُعِيدُواْ فِيهَا وَذُوقُواْ عَذَابَ ٱلۡحَرِيقِ﴿٢٢﴾

22Uman silan miyug lemyu sa naraka endu lidu na ginawa nilan na imbalingan bun silan (na edtalun menem kanilan): nanami nu su siksa a pakatutung.

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ يُحَلَّوۡنَ فِيهَا مِنۡ أَسَاوِرَ مِن ذَهَبٖ وَلُؤۡلُؤٗاۖ وَلِبَاسُهُمۡ فِيهَا حَرِيرٞ﴿٢٣﴾

23Saben-sabenal su Allah na paludepen nin su manga mu'min a minggalebek sa manga mapya sa surga a belagilay sa kababanin i manga pulangi, na aden pamun kanilan i manga pagigimuwan a manga bulusu a bulawan endu muntya, endu ya nilan balegkas na sutra.

وَهُدُوٓاْ إِلَى ٱلطَّيِّبِ مِنَ ٱلۡقَوۡلِ وَهُدُوٓاْ إِلَىٰ صِرَٰطِ ٱلۡحَمِيدِ﴿٢٤﴾

24Endu natutulu silan sa mapya a kadtalu (laa ilaaha illa Allah) endu tinutulu silan kanu lalan a mapya (agama Islam).

إِنَّ ٱلَّذِينَ كَفَرُواْ وَيَصُدُّونَ عَن سَبِيلِ ٱللَّهِ وَٱلۡمَسۡجِدِ ٱلۡحَرَامِ ٱلَّذِي جَعَلۡنَٰهُ لِلنَّاسِ سَوَآءً ٱلۡعَٰكِفُ فِيهِ وَٱلۡبَادِۚ وَمَن يُرِدۡ فِيهِ بِإِلۡحَادِۭ بِظُلۡمٖ نُّذِقۡهُ مِنۡ عَذَابٍ أَلِيمٖ﴿٢٥﴾

25Benal su manga kafir na ipedsapal nilan i kaunut sa lalan sa Allah (Islam), endu su Masjidil Haram na binaluy nami kanu manga taw sa mamagidsan, (haj-umrah) su pedtakena endu su belagkut, endu su (manga taw) pegkahanda kanu dalem nin sa mawag na pananamen nami sekanin sa siksa a masakit.

وَإِذۡ بَوَّأۡنَا لِإِبۡرَٰهِيمَ مَكَانَ ٱلۡبَيۡتِ أَن لَّا تُشۡرِكۡ بِي شَيۡـٔٗا وَطَهِّرۡ بَيۡتِيَ لِلطَّآئِفِينَ وَٱلۡقَآئِمِينَ وَٱلرُّكَّعِ ٱلسُّجُودِ﴿٢٦﴾

26Endu initutulu nami kanu Ibrahim su nabetadan nu baytullah, (tig nu Allah): di ka pedsakutu sa apiya paydu, endu suti ka su walay ku kanu bamed-tawaf endu su bamedtindeg endu su peruku-pedsugyud.

وَأَذِّن فِي ٱلنَّاسِ بِٱلۡحَجِّ يَأۡتُوكَ رِجَالٗا وَعَلَىٰ كُلِّ ضَامِرٖ يَأۡتِينَ مِن كُلِّ فَجٍّ عَمِيقٖ﴿٢٧﴾

27Pakatawika (Ibrahim) sa manga taw su kagkagi, makawma silan sa belalakaw endu pegkuda sa unta a malubay, embala-bala a mawatan i gasunguwan nin.

لِّيَشۡهَدُواْ مَنَٰفِعَ لَهُمۡ وَيَذۡكُرُواْ ٱسۡمَ ٱللَّهِ فِيٓ أَيَّامٖ مَّعۡلُومَٰتٍ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۖ فَكُلُواْ مِنۡهَا وَأَطۡعِمُواْ ٱلۡبَآئِسَ ٱلۡفَقِيرَ﴿٢٨﴾

28Ka endu nilan kadsaksyan su makambarapantag kanilan (sa gay a mawli), endu katademan nilan i ngalan nu Allah kanu paydu a gay (kanu kasumbali nilan) sa kanu inirizki nu Allah kanilan ebpun kanu manga binatang a pangangayamen a pedsumbalin (Qurban-Hadyi), na kan kanu lun endu pakan nu su gapasangan gayd sa kabpaguyag.

ثُمَّ لۡيَقۡضُواْ تَفَثَهُمۡ وَلۡيُوفُواْ نُذُورَهُمۡ وَلۡيَطَّوَّفُواْ بِٱلۡبَيۡتِ ٱلۡعَتِيقِ﴿٢٩﴾

29Mawli na ituman nilan su langun u (manaasikul haj) endu ituman nilan i manga samaya nilan, endu tumawaf silan sa (Ka'bah) a danden a walay.

ذَٰلِكَۖ وَمَن يُعَظِّمۡ حُرُمَٰتِ ٱللَّهِ فَهُوَ خَيۡرٞ لَّهُۥ عِندَ رَبِّهِۦۗ وَأُحِلَّتۡ لَكُمُ ٱلۡأَنۡعَٰمُ إِلَّا مَا يُتۡلَىٰ عَلَيۡكُمۡۖ فَٱجۡتَنِبُواْ ٱلرِّجۡسَ مِنَ ٱلۡأَوۡثَٰنِ وَٱجۡتَنِبُواْ قَوۡلَ ٱلزُّورِ﴿٣٠﴾

30Su taw a pakasla nin su agama nu Allah na entuba i makagkapiya sa lekanin lu sa Kadenan in, endu inihalal sa lekanu su manga binatang, ya tabiya na su hinaram, na edsanggilay nu su maledsik ebpun kanu manga barahala, endu edsanggilay nu su kadtalu a kalebutan (atawa sakutu).

حُنَفَآءَ لِلَّهِ غَيۡرَ مُشۡرِكِينَ بِهِۦۚ وَمَن يُشۡرِكۡ بِٱللَّهِ فَكَأَنَّمَا خَرَّ مِنَ ٱلسَّمَآءِ فَتَخۡطَفُهُ ٱلطَّيۡرُ أَوۡ تَهۡوِي بِهِ ٱلرِّيحُ فِي مَكَانٖ سَحِيقٖ﴿٣١﴾

31Bantang i kasangkup sa Allah, di semakutu sa lekanin, endu su taw a semakutu sa Allah na mana bun tinumibpu ebpun sa langit a bamagagawan na papanuk, atawa ka mana bun nasugat na sambel a nakabayug sa mawatan.

ذَٰلِكَۖ وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ﴿٣٢﴾

32Su taw a pakasela nin su manga (galebekanin) a simba sa ebpiya-piyananin na tanda nu gilek sa Allah ebpun sa manga atay.

لَكُمۡ فِيهَا مَنَٰفِعُ إِلَىٰٓ أَجَلٖ مُّسَمّٗى ثُمَّ مَحِلُّهَآ إِلَى ٱلۡبَيۡتِ ٱلۡعَتِيقِ﴿٣٣﴾

33Aden kangataganin sa lekanu (i pinanumbali) taman kanu timpu a paydu, mawli na su tidtu a kataganin na lu sa walay a danden (baytullah).

وَلِكُلِّ أُمَّةٖ جَعَلۡنَا مَنسَكٗا لِّيَذۡكُرُواْ ٱسۡمَ ٱللَّهِ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۗ فَإِلَٰهُكُمۡ إِلَٰهٞ وَٰحِدٞ فَلَهُۥٓ أَسۡلِمُواْۗ وَبَشِّرِ ٱلۡمُخۡبِتِينَ﴿٣٤﴾

34Uman isa tumpuk kanu nangawna na aden pedsumbaliyanin, ka endu nilan katademan su ngalan nu Allah kanu inirizki nin kanilan a manga binatang a pangangayamen, su Kadenan nu na Kadenan a isa bu na sekanin i sangkupi nu, endu pakalilini ka (Muhammad) su manga taw a bangalimbaban sa Allah.

ٱلَّذِينَ إِذَا ذُكِرَ ٱللَّهُ وَجِلَتۡ قُلُوبُهُمۡ وَٱلصَّٰبِرِينَ عَلَىٰ مَآ أَصَابَهُمۡ وَٱلۡمُقِيمِي ٱلصَّلَوٰةِ وَمِمَّا رَزَقۡنَٰهُمۡ يُنفِقُونَ﴿٣٥﴾

35Amayka linabit su Allah na egkelep i atay nilan sa gilek nilan, endu matigkel silan sa makasugat kanilan a mapasang (batalu), endu pedtindeg silan sa sambayang, endu su ped kanu rizki kanilan na pem-baranggyan nilan.

وَٱلۡبُدۡنَ جَعَلۡنَٰهَا لَكُم مِّن شَعَٰٓئِرِ ٱللَّهِ لَكُمۡ فِيهَا خَيۡرٞۖ فَٱذۡكُرُواْ ٱسۡمَ ٱللَّهِ عَلَيۡهَا صَوَآفَّۖ فَإِذَا وَجَبَتۡ جُنُوبُهَا فَكُلُواْ مِنۡهَا وَأَطۡعِمُواْ ٱلۡقَانِعَ وَٱلۡمُعۡتَرَّۚ كَذَٰلِكَ سَخَّرۡنَٰهَا لَكُمۡ لَعَلَّكُمۡ تَشۡكُرُونَ﴿٣٦﴾

36Binaluy nami sa lekanu su unta a tanda nu agama nu Allah, aden pakagkapiya nin sa lekanu, na labit u i ngala nu Allah sa kasumbali lun, amayka minatay den sa da den galebekin na entupan ka pagitung nu i kakan nu lun, endu pakan nu su da pegkenin a di bangeni, endu su da bun pegkenin a bangeni, mamba i kinapandaya nami lun sa lekanu, ka endu kanu makadsukur sa Allah.

لَن يَنَالَ ٱللَّهَ لُحُومُهَا وَلَا دِمَآؤُهَا وَلَٰكِن يَنَالُهُ ٱلتَّقۡوَىٰ مِنكُمۡۚ كَذَٰلِكَ سَخَّرَهَا لَكُمۡ لِتُكَبِّرُواْ ٱللَّهَ عَلَىٰ مَا هَدَىٰكُمۡۗ وَبَشِّرِ ٱلۡمُحۡسِنِينَ﴿٣٧﴾

37Di pakasampay sa Allah su lugu endu su sapu nin ugayd na ya pakasampay na su gilek ebpun sa lekanu, mamba i kinapandaya nami Iun sa lekanu, ka endu kanu makatakbir sa Allah kanu initutulu nin sa lekanu, endu pakalilini ka (Muhammad) su manga taw a ebpiya-piya.

۞ إِنَّ ٱللَّهَ يُدَٰفِعُ عَنِ ٱلَّذِينَ ءَامَنُوٓاْۗ إِنَّ ٱللَّهَ لَا يُحِبُّ كُلَّ خَوَّانٖ كَفُورٍ﴿٣٨﴾

38Benal su Allah na pangalawanin sa makagkayd su manga mu'min, su Allah na di nin kyugan su di kasaligan.

أُذِنَ لِلَّذِينَ يُقَٰتَلُونَ بِأَنَّهُمۡ ظُلِمُواْۚ وَإِنَّ ٱللَّهَ عَلَىٰ نَصۡرِهِمۡ لَقَدِيرٌ﴿٣٩﴾

39Inisugut kanu manga mu'min i embunuwa silan, kagina dinupang silan, endu su Allah i tumabang kanilan a pakagaga.

ٱلَّذِينَ أُخۡرِجُواْ مِن دِيَٰرِهِم بِغَيۡرِ حَقٍّ إِلَّآ أَن يَقُولُواْ رَبُّنَا ٱللَّهُۗ وَلَوۡلَا دَفۡعُ ٱللَّهِ ٱلنَّاسَ بَعۡضَهُم بِبَعۡضٖ لَّهُدِّمَتۡ صَوَٰمِعُ وَبِيَعٞ وَصَلَوَٰتٞ وَمَسَٰجِدُ يُذۡكَرُ فِيهَا ٱسۡمُ ٱللَّهِ كَثِيرٗاۗ وَلَيَنصُرَنَّ ٱللَّهُ مَن يَنصُرُهُۥٓۚ إِنَّ ٱللَّهَ لَقَوِيٌّ عَزِيزٌ﴿٤٠﴾

40Su silan a binugaw sa dalpa nilan sa dala kawagibin, ya tabiya (a kinabugaw) na kapedtalu nilan sa ya nami kadenan su Allah, endu di kena bu su kalbihan nu Allah kanu manga taw a mu'min kanu manga kafir na nagubal su pedsimban nu ulama nu manga Yahudi, endu su pedsimban nu manga Nasrani, endu su manga masjid a pedtademan sa Allah sa madakel, endu idsabek nu Allah su taw a idsabekin su agama nu Allah, su Allah i mabagel a mapulu.

ٱلَّذِينَ إِن مَّكَّنَّٰهُمۡ فِي ٱلۡأَرۡضِ أَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ وَأَمَرُواْ بِٱلۡمَعۡرُوفِ وَنَهَوۡاْ عَنِ ٱلۡمُنكَرِۗ وَلِلَّهِ عَٰقِبَةُ ٱلۡأُمُورِ﴿٤١﴾

41Silan a manga taw na amayka nakadtakena silan kanu lupa na itunay nilan su sambayang endu zakat endu isugu nilan su mapya endu isapal nilan su mawag, endu lu bun sa Allah i kambalinganan nu manga taw endu langun nu galebek.

وَإِن يُكَذِّبُوكَ فَقَدۡ كَذَّبَتۡ قَبۡلَهُمۡ قَوۡمُ نُوحٖ وَعَادٞ وَثَمُودُ﴿٤٢﴾

42Amayka pandalebuten ka nilan na pinandalebut nilan bun su nangawna kanilan su kawm nu Nuh endu su Aad endu su Thamud.

وَقَوۡمُ إِبۡرَٰهِيمَ وَقَوۡمُ لُوطٖ﴿٤٣﴾

43Endu su kawm nu Ibrahim endu kawm nu Lut.

وَأَصۡحَٰبُ مَدۡيَنَۖ وَكُذِّبَ مُوسَىٰۖ فَأَمۡلَيۡتُ لِلۡكَٰفِرِينَ ثُمَّ أَخَذۡتُهُمۡۖ فَكَيۡفَ كَانَ نَكِيرِ﴿٤٤﴾

44Endu su manga tagapeda nu Madian, endu pinadalebut bun su Musa, na pinadtaday ku su kafir, mawli na bininasa ku silan, na di ebplis i katumpalak ku kanilan.

فَكَأَيِّن مِّن قَرۡيَةٍ أَهۡلَكۡنَٰهَا وَهِيَ ظَالِمَةٞ فَهِيَ خَاوِيَةٌ عَلَىٰ عُرُوشِهَا وَبِئۡرٖ مُّعَطَّلَةٖ وَقَصۡرٖ مَّشِيدٍ﴿٤٥﴾

45Madakel i manga dalpa a bininasa nami sa entuba na dupang i taw nin, na nalundus i manga walay nilan, endu su kalut a nailatan, endu maligay a mabagel sa namamatay kigkuwan lun.

أَفَلَمۡ يَسِيرُواْ فِي ٱلۡأَرۡضِ فَتَكُونَ لَهُمۡ قُلُوبٞ يَعۡقِلُونَ بِهَآ أَوۡ ءَاذَانٞ يَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَٰرُ وَلَٰكِن تَعۡمَى ٱلۡقُلُوبُ ٱلَّتِي فِي ٱلصُّدُورِ﴿٤٦﴾

46Ngintu ka di silan lumalakaw kanu lupa ka endu kataguwan silan a pusung a magungangen, atawa manga tangila a ipanuliman, ka di man gapisek su manga mata nu, ugayda ya gapisek na su manga pusung sya sa laleb.

وَيَسۡتَعۡجِلُونَكَ بِٱلۡعَذَابِ وَلَن يُخۡلِفَ ٱللَّهُ وَعۡدَهُۥۚ وَإِنَّ يَوۡمًا عِندَ رَبِّكَ كَأَلۡفِ سَنَةٖ مِّمَّا تَعُدُّونَ﴿٤٧﴾

47Endu pedtagadan kanilan sa makawma den kanilan i siksa, na di man ebplis i pasad u Allah, endu benal a sagay lu sa Kadenan nengka na timbang a sangibu lagun sya sa dunya.

وَكَأَيِّن مِّن قَرۡيَةٍ أَمۡلَيۡتُ لَهَا وَهِيَ ظَالِمَةٞ ثُمَّ أَخَذۡتُهَا وَإِلَيَّ ٱلۡمَصِيرُ﴿٤٨﴾

48Endu madakel a dalpa a pinadtaday ku, a benal a dupang i taw nin, mawli na bininasa ku, endu sya bun silan sa laki makadsunud.

قُلۡ يَٰٓأَيُّهَا ٱلنَّاسُ إِنَّمَآ أَنَا۠ لَكُمۡ نَذِيرٞ مُّبِينٞ﴿٤٩﴾

49Edtalu ka kanilan (Muhammad): sekanu a manga taw! Benal a saki na ya bu laki na kapapedtidtu a mapayag.

فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغۡفِرَةٞ وَرِزۡقٞ كَرِيمٞ﴿٥٠﴾

50Su manga mu'min endu minggalebek sa manga mapya na kanilan su ampun endu rizki a mapulu. (surga)

وَٱلَّذِينَ سَعَوۡاْ فِيٓ ءَايَٰتِنَا مُعَٰجِزِينَ أُوْلَٰٓئِكَ أَصۡحَٰبُ ٱلۡجَحِيمِ﴿٥١﴾

51Su manga taw menem a ya nilan galebek na pebpelnen (su Qur’an) a di nilan pagalagan su namangunut kanu nabi na silan i manga taw kigkuwan sa apuy sa naraka.

وَمَآ أَرۡسَلۡنَا مِن قَبۡلِكَ مِن رَّسُولٖ وَلَا نَبِيٍّ إِلَّآ إِذَا تَمَنَّىٰٓ أَلۡقَى ٱلشَّيۡطَٰنُ فِيٓ أُمۡنِيَّتِهِۦ فَيَنسَخُ ٱللَّهُ مَا يُلۡقِي ٱلشَّيۡطَٰنُ ثُمَّ يُحۡكِمُ ٱللَّهُ ءَايَٰتِهِۦۗ وَٱللَّهُ عَلِيمٌ حَكِيمٞ﴿٥٢﴾

52Endu dala sinugu nami a nawna sa leka (Muhammad), endu dala nabi ya tabiya na aden binatya nin a ayat, na simbulan nu shaytan su binatya nin, na batalen nu Allah su inamung nu shaytan, mawli na atul nu Allah su manga ayatin, su Allah i mataw sa mapayag-masulen.

لِّيَجۡعَلَ مَا يُلۡقِي ٱلشَّيۡطَٰنُ فِتۡنَةٗ لِّلَّذِينَ فِي قُلُوبِهِم مَّرَضٞ وَٱلۡقَاسِيَةِ قُلُوبُهُمۡۗ وَإِنَّ ٱلظَّٰلِمِينَ لَفِي شِقَاقِۭ بَعِيدٖ﴿٥٣﴾

53Ka mabaluy su binatya nu shaytan a fitnah kanu nakadalem kanu manga atay nilan i dalu, endu manga tegas i manga atay nilan, endu su manga salimbuten na mawatan i katalima nilan sa haqq.

وَلِيَعۡلَمَ ٱلَّذِينَ أُوتُواْ ٱلۡعِلۡمَ أَنَّهُ ٱلۡحَقُّ مِن رَّبِّكَ فَيُؤۡمِنُواْ بِهِۦ فَتُخۡبِتَ لَهُۥ قُلُوبُهُمۡۗ وَإِنَّ ٱللَّهَ لَهَادِ ٱلَّذِينَ ءَامَنُوٓاْ إِلَىٰ صِرَٰطٖ مُّسۡتَقِيمٖ﴿٥٤﴾

54Endu katawan u manga taw a aden ilmu nin su Qur’an na haqq ebpun kanu Kadenan nengka na pangimbenalen nilan endu makatana su manga atay nilan, endu su Allah i tumutulu kanu manga mu'min kanu lalan a matidtu (Islam).

وَلَا يَزَالُ ٱلَّذِينَ كَفَرُواْ فِي مِرۡيَةٖ مِّنۡهُ حَتَّىٰ تَأۡتِيَهُمُ ٱلسَّاعَةُ بَغۡتَةً أَوۡ يَأۡتِيَهُمۡ عَذَابُ يَوۡمٍ عَقِيمٍ﴿٥٥﴾

55Endu di gapinda kanu manga kafir i kanduwa- duwa kanu Qur’an taman sa makawma kanilan sa matekaw su kabangkit sa dunya (atawa kapatay) atawa makawma kanilan i siksa kanu gay a da den kapiya nin kanilan.

ٱلۡمُلۡكُ يَوۡمَئِذٖ لِّلَّهِ يَحۡكُمُ بَيۡنَهُمۡۚ فَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فِي جَنَّٰتِ ٱلنَّعِيمِ﴿٥٦﴾

56Su kadatu kanu gay a mawli na kanu Allah, kukumen nin silan, na su manga mu'min a minggalebek sa manga mapya na lu silan kanu dalem u surga a na’eem.

وَٱلَّذِينَ كَفَرُواْ وَكَذَّبُواْ بِـَٔايَٰتِنَا فَأُوْلَٰٓئِكَ لَهُمۡ عَذَابٞ مُّهِينٞ﴿٥٧﴾

57Su manga kafir menem endu napandalbut sa manga ayatan nami na kanilan menem i siksa a makalusak kanilan.

وَٱلَّذِينَ هَاجَرُواْ فِي سَبِيلِ ٱللَّهِ ثُمَّ قُتِلُوٓاْ أَوۡ مَاتُواْ لَيَرۡزُقَنَّهُمُ ٱللَّهُ رِزۡقًا حَسَنٗاۚ وَإِنَّ ٱللَّهَ لَهُوَ خَيۡرُ ٱلرَّٰزِقِينَ﴿٥٨﴾

58Endu su manga taw a nalalaguy sabap sa agama nilan mawli na nabunu silan atawa minatay silan, na pe-rizkiyan nu Allah silan sa mapya a rizki, endu su Allah i mapya gayd a pe-rizki.

لَيُدۡخِلَنَّهُم مُّدۡخَلٗا يَرۡضَوۡنَهُۥۚ وَإِنَّ ٱللَّهَ لَعَلِيمٌ حَلِيمٞ﴿٥٩﴾

59Paludepen nu Allah silan sa kaludepan a kasuwatan nilan, endu su Allah i mataw sa mapayag-masulen.

۞ ذَٰلِكَۖ وَمَنۡ عَاقَبَ بِمِثۡلِ مَا عُوقِبَ بِهِۦ ثُمَّ بُغِيَ عَلَيۡهِ لَيَنصُرَنَّهُ ٱللَّهُۚ إِنَّ ٱللَّهَ لَعَفُوٌّ غَفُورٞ﴿٦٠﴾

60Kagina su taw a mu'min a sinemuli sa mana bun su kinapakaydun, mawli na pindupangan sekanin, na tabangan u Allah ka su Allah na malasam a bangampun.

ذَٰلِكَ بِأَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَأَنَّ ٱللَّهَ سَمِيعُۢ بَصِيرٞ﴿٦١﴾

61Su Allah na ibeludepin su magabi kanu malamag, endu iludepin su malamag kanu umagabi, endu su Allah na pakakineg a pakailay.

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِۦ هُوَ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ﴿٦٢﴾

62Saben-sabenal kanu Allah na bantang endu su pedsimban nilan a salakaw sa Allah a barahala na batal, endu benal su Allah i mapulu a masla.

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءٗ فَتُصۡبِحُ ٱلۡأَرۡضُ مُخۡضَرَّةًۚ إِنَّ ٱللَّهَ لَطِيفٌ خَبِيرٞ﴿٦٣﴾

63Di nengka gailay i papedtulun nu Allah ebpun sa langit i ig, na mabaluy su lupa sa pegkagadung, su Allah na magungaya kanu ulipenin a mataw kanilan.

لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَإِنَّ ٱللَّهَ لَهُوَ ٱلۡغَنِيُّ ٱلۡحَمِيدُ﴿٦٤﴾

64Lekanin a (Allah) su dalem na pitu lapis a langit endu lupa, endu su Allah i kawasa a pebpugin.

أَلَمۡ تَرَ أَنَّ ٱللَّهَ سَخَّرَ لَكُم مَّا فِي ٱلۡأَرۡضِ وَٱلۡفُلۡكَ تَجۡرِي فِي ٱلۡبَحۡرِ بِأَمۡرِهِۦ وَيُمۡسِكُ ٱلسَّمَآءَ أَن تَقَعَ عَلَى ٱلۡأَرۡضِ إِلَّا بِإِذۡنِهِۦٓۚ إِنَّ ٱللَّهَ بِٱلنَّاسِ لَرَءُوفٞ رَّحِيمٞ﴿٦٥﴾

65Di nengka gailay i pinandayan nu Allah sa lekanu su lupa endu su bagedan a balalaguy sa lagat sa kahanda nin, endu pedsegedanin su manga langit sa di makabetad sa lupa ya tabiya na kahandanin, su Allah na malasam a malimu kanu manga taw.

وَهُوَ ٱلَّذِيٓ أَحۡيَاكُمۡ ثُمَّ يُمِيتُكُمۡ ثُمَّ يُحۡيِيكُمۡۗ إِنَّ ٱلۡإِنسَٰنَ لَكَفُورٞ﴿٦٦﴾

66Sekanin a (Allah) i minuyag sa lekanu, mawli na imatayan kanu nin, entupan a uyagen kanu nin, benal su manusya na madakel i kakafirin.

لِّكُلِّ أُمَّةٖ جَعَلۡنَا مَنسَكًا هُمۡ نَاسِكُوهُۖ فَلَا يُنَٰزِعُنَّكَ فِي ٱلۡأَمۡرِۚ وَٱدۡعُ إِلَىٰ رَبِّكَۖ إِنَّكَ لَعَلَىٰ هُدٗى مُّسۡتَقِيمٖ﴿٦٧﴾

67Binaluy nami kanu uman isa i agama nin a penggalebekenin, na da ka magukag (Muhammad) kanu salimpang nilan, endu pangenggat ka kanu agama nu Kadenan nengka, ka seka i natutulu sa matidtu.

وَإِن جَٰدَلُوكَ فَقُلِ ٱللَّهُ أَعۡلَمُ بِمَا تَعۡمَلُونَ﴿٦٨﴾

68Amayka ibpalawa kanilan, na edtalu ka (Muhammad): su Allah i mataw sa langun a penggalebekenu.

ٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِ فِيمَا كُنتُمۡ فِيهِ تَخۡتَلِفُونَ﴿٦٩﴾

69Su Allah i kumukum sa lekanu sa gay a mawli kanu langun a di nu bamagayunan.

أَلَمۡ تَعۡلَمۡ أَنَّ ٱللَّهَ يَعۡلَمُ مَا فِي ٱلسَّمَآءِ وَٱلۡأَرۡضِۚ إِنَّ ذَٰلِكَ فِي كِتَٰبٍۚ إِنَّ ذَٰلِكَ عَلَى ٱللَّهِ يَسِيرٞ﴿٧٠﴾

70Ngintu di nengka katawan na su Allah na katawanin i dalem a pitu lapis a langit endu lupa? Langun a entuba na nakadalem kanu kitab (Lawh Al-Mahfudh) endu benal a malemu gayd kanu Allah.

وَيَعۡبُدُونَ مِن دُونِ ٱللَّهِ مَا لَمۡ يُنَزِّلۡ بِهِۦ سُلۡطَٰنٗا وَمَا لَيۡسَ لَهُم بِهِۦ عِلۡمٞۗ وَمَا لِلظَّٰلِمِينَ مِن نَّصِيرٖ﴿٧١﴾

71Endu pedsimban nilan i salakaw sa Allah, sa dala nakatulun kanilan ebpun sa Allah a tindeg lun, endu dala kanilan a kataw endu dala kanu salimbuten i makadtabang kanilan.

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ تَعۡرِفُ فِي وُجُوهِ ٱلَّذِينَ كَفَرُواْ ٱلۡمُنكَرَۖ يَكَادُونَ يَسۡطُونَ بِٱلَّذِينَ يَتۡلُونَ عَلَيۡهِمۡ ءَايَٰتِنَاۗ قُلۡ أَفَأُنَبِّئُكُم بِشَرّٖ مِّن ذَٰلِكُمُۚ ٱلنَّارُ وَعَدَهَا ٱللَّهُ ٱلَّذِينَ كَفَرُواْۖ وَبِئۡسَ ٱلۡمَصِيرُ﴿٧٢﴾

72Endu amayka batyan kanilan su manga ayatan nami a manga mapayag na mailay nengka kanu manga biyas ilan a manga kafir i kalibedteng, paydu gayd i di nilan kabetay kanu manga taw a pembatya kanilan kanu manga ayatan nami, na edtalun ku sa lekanu i mawag luba? Su apuy sa naraka, inibpasad u Allah kanu manga kafir a ngin den i kawagin a kabpawangan.

يَٰٓأَيُّهَا ٱلنَّاسُ ضُرِبَ مَثَلٞ فَٱسۡتَمِعُواْ لَهُۥٓۚ إِنَّ ٱلَّذِينَ تَدۡعُونَ مِن دُونِ ٱللَّهِ لَن يَخۡلُقُواْ ذُبَابٗا وَلَوِ ٱجۡتَمَعُواْ لَهُۥۖ وَإِن يَسۡلُبۡهُمُ ٱلذُّبَابُ شَيۡـٔٗا لَّا يَسۡتَنقِذُوهُ مِنۡهُۚ ضَعُفَ ٱلطَّالِبُ وَٱلۡمَطۡلُوبُ﴿٧٣﴾

73Sekanu a manga taw aden nakambwat a upaman na panuliman nu, su pedsimban nu a salakaw sa Allah a manga watu, manga kayu, na di a benal makaumbal sa apiya langaw bu i upamanin, apiya mimbulig silan, na amayka aden initangag a langaw kanu inideket kanu barahala, na apiya paydu na di magaga nu barahala mapaulit, magidsan a dala kagaga nin su pedsimba endu su pedsimban.

مَا قَدَرُواْ ٱللَّهَ حَقَّ قَدۡرِهِۦٓۚ إِنَّ ٱللَّهَ لَقَوِيٌّ عَزِيزٌ﴿٧٤﴾

74Da nilan pakasela su Allah a wagib a papegkaslan, saben-sabenal su Allah i mabagel a mapulu.

ٱللَّهُ يَصۡطَفِي مِنَ ٱلۡمَلَٰٓئِكَةِ رُسُلٗا وَمِنَ ٱلنَّاسِۚ إِنَّ ٱللَّهَ سَمِيعُۢ بَصِيرٞ﴿٧٥﴾

75Su Allah i bamili kanu malaikat sa manga sinugu, endu sya kanu manga taw, su Allah i pakakineg a pakailay.

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۚ وَإِلَى ٱللَّهِ تُرۡجَعُ ٱلۡأُمُورُ﴿٧٦﴾

76Katawan nu Allah su nanggalebek nilan den, endu su manggalebek nilan a mawli, endu lu sa Allah i langun a galebek a kambalinganan.

يَٰٓأَيُّهَا ٱلَّذِينَ ءَامَنُواْ ٱرۡكَعُواْ وَٱسۡجُدُواْۤ وَٱعۡبُدُواْ رَبَّكُمۡ وَٱفۡعَلُواْ ٱلۡخَيۡرَ لَعَلَّكُمۡ تُفۡلِحُونَ۩﴿٧٧﴾

77Sekanu a manga mu'min ruku' kanu endu sugyud kanu, endu simba nu su Kadenan nu, endu enggalebek nu i mapya, ka malemu sa lekanu i makauntung kanu.

وَجَٰهِدُواْ فِي ٱللَّهِ حَقَّ جِهَادِهِۦۚ هُوَ ٱجۡتَبَىٰكُمۡ وَمَا جَعَلَ عَلَيۡكُمۡ فِي ٱلدِّينِ مِنۡ حَرَجٖۚ مِّلَّةَ أَبِيكُمۡ إِبۡرَٰهِيمَۚ هُوَ سَمَّىٰكُمُ ٱلۡمُسۡلِمِينَ مِن قَبۡلُ وَفِي هَٰذَا لِيَكُونَ ٱلرَّسُولُ شَهِيدًا عَلَيۡكُمۡ وَتَكُونُواْ شُهَدَآءَ عَلَى ٱلنَّاسِۚ فَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَٱعۡتَصِمُواْ بِٱللَّهِ هُوَ مَوۡلَىٰكُمۡۖ فَنِعۡمَ ٱلۡمَوۡلَىٰ وَنِعۡمَ ٱلنَّصِيرُ﴿٧٨﴾

78Endu en-jihad kanu sa Allah sa benal a jihad, ka sekanin i namili sa lekanu (sa mamayapat sa Islam), endu da nin baluya sa lekanu su agama sa makapasang sa lekanu, agama nu ama nu a si Ibrahim a minedtu sa lekanu sa manga Muslim, sa unan a da pan makatulun su Qur’an, endu samba sa kitab anan su Rasul (Muhammad) a makadsaksi sa lekanu, na makadsaksi kanu bun kanu manga taw, na itindegu su sambayang endu inggay nu su zakat, endu kamali nu su agama nu Allah (Islam) ka sekanin i pedtuganul sa lekanu, na ngin den a kapiya na pedtuldu endu mapya gayd a tumabang.

← Al-AnbiyaAl-Mu'minun→

RELATED SURAHS

7

Al-A'raf

The Heights

45

Al-Jathiyah

The Kneeling

52

At-Tur

The Mount

1

Al-Fatiha

The Opening

Browse all 114 surahs