Al-Mu'minun

المؤمنون

The Believers • 118 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

قَدۡ أَفۡلَحَ ٱلۡمُؤۡمِنُونَ﴿١﴾

1Saben-sabenal a nakauntung su manga mu'min.

ٱلَّذِينَ هُمۡ فِي صَلَاتِهِمۡ خَٰشِعُونَ﴿٢﴾

2Silan kanu kapedsambayang nilan na gilek silan sa Allah.

وَٱلَّذِينَ هُمۡ عَنِ ٱللَّغۡوِ مُعۡرِضُونَ﴿٣﴾

3Endu silan na di nilan amungan i da kataganin.

وَٱلَّذِينَ هُمۡ لِلزَّكَوٰةِ فَٰعِلُونَ﴿٤﴾

4Endu ibagenggay nilan su zakat ilan.

وَٱلَّذِينَ هُمۡ لِفُرُوجِهِمۡ حَٰفِظُونَ﴿٥﴾

5Endu pedtuldun nilan su sangulan nilan.

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ﴿٦﴾

6Ya tabiya na kaluma nilan, atawa su kamilikan nilan a di silan matila.

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ﴿٧﴾

7Na entayn i mangilay sa subla pan sa nya ba na entuba su manga taw a matibaba.

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ﴿٨﴾

8Endu pedtuldun nilan su salig sa kanilan endu su pasad ilan.

وَٱلَّذِينَ هُمۡ عَلَىٰ صَلَوَٰتِهِمۡ يُحَافِظُونَ﴿٩﴾

9Endu pedtuganulen nilan i langun nu manga sambayangilan.

أُوْلَٰٓئِكَ هُمُ ٱلۡوَٰرِثُونَ﴿١٠﴾

10Na silan i pakawaris.

ٱلَّذِينَ يَرِثُونَ ٱلۡفِرۡدَوۡسَ هُمۡ فِيهَا خَٰلِدُونَ﴿١١﴾

11Kanu surga a firdaws sa di den silan makaliyu.

وَلَقَدۡ خَلَقۡنَا ٱلۡإِنسَٰنَ مِن سُلَٰلَةٖ مِّن طِينٖ﴿١٢﴾

12Endu saben-sabenal a binaluy nami si Adam a yanin tupu na lupa.

ثُمَّ جَعَلۡنَٰهُ نُطۡفَةٗ فِي قَرَارٖ مَّكِينٖ﴿١٣﴾

13Mawli na binaluy nami su muli-a-taw sa nutfah (midsimbul a ig nu mama-babay) sya kanu tiyan nu babay.

ثُمَّ خَلَقۡنَا ٱلنُّطۡفَةَ عَلَقَةٗ فَخَلَقۡنَا ٱلۡعَلَقَةَ مُضۡغَةٗ فَخَلَقۡنَا ٱلۡمُضۡغَةَ عِظَٰمٗا فَكَسَوۡنَا ٱلۡعِظَٰمَ لَحۡمٗا ثُمَّ أَنشَأۡنَٰهُ خَلۡقًا ءَاخَرَۚ فَتَبَارَكَ ٱللَّهُ أَحۡسَنُ ٱلۡخَٰلِقِينَ﴿١٤﴾

14Mawli na pinambaluy nami su nutfah sa lugu, pinambaluy nami su lugu sa mana kemel, pinambaluy sa tulan, na binawsan nami sa sapu, mawli na iniyupan nami (atawa tinaguwan sa ngyawa), mahasuti su Allah a mapya gayd i kapamaluy nin.

ثُمَّ إِنَّكُم بَعۡدَ ذَٰلِكَ لَمَيِّتُونَ﴿١٥﴾

15Mawli na sekanu na matay kanu bun.

ثُمَّ إِنَّكُمۡ يَوۡمَ ٱلۡقِيَٰمَةِ تُبۡعَثُونَ﴿١٦﴾

16Mawli na sekanu na (makawma) kanu sa gay a mawli sa makambuat sa kubur.

وَلَقَدۡ خَلَقۡنَا فَوۡقَكُمۡ سَبۡعَ طَرَآئِقَ وَمَا كُنَّا عَنِ ٱلۡخَلۡقِ غَٰفِلِينَ﴿١٧﴾

17Endu saben-sabenal a binaluy nami kanu pulu nu i pitu lapis a langit, endu dala sa lekami i makadtalipenda nami su langun u binaluy.

وَأَنزَلۡنَا مِنَ ٱلسَّمَآءِ مَآءَۢ بِقَدَرٖ فَأَسۡكَنَّٰهُ فِي ٱلۡأَرۡضِۖ وَإِنَّا عَلَىٰ ذَهَابِۭ بِهِۦ لَقَٰدِرُونَ﴿١٨﴾

18Endu pinatulun nami ebpun sa langit su ig sa na-ukul bu, na pinadtakena (pinasenep) nami sa lupa, endu magaga nami i mailang su langun a ig sa dunya.

فَأَنشَأۡنَا لَكُم بِهِۦ جَنَّٰتٖ مِّن نَّخِيلٖ وَأَعۡنَٰبٖ لَّكُمۡ فِيهَا فَوَٰكِهُ كَثِيرَةٞ وَمِنۡهَا تَأۡكُلُونَ﴿١٩﴾

19Na pinambuwat nami sa lekanu kanu ig i manga pamulanu, kayu kulma endu inab, aden lekanu a manga unga na kayu a madakel, endu entuba i pegken nu.

وَشَجَرَةٗ تَخۡرُجُ مِن طُورِ سَيۡنَآءَ تَنۢبُتُ بِٱلدُّهۡنِ وَصِبۡغٖ لِّلۡأٓكِلِينَ﴿٢٠﴾

20Endu kayu a lu bagetu’ kanu palaw a (Sina'i) sa entuba a kayu na aden lana nin, kaped lun na pegkenu (namba su zaitun).

وَإِنَّ لَكُمۡ فِي ٱلۡأَنۡعَٰمِ لَعِبۡرَةٗۖ نُّسۡقِيكُم مِّمَّا فِي بُطُونِهَا وَلَكُمۡ فِيهَا مَنَٰفِعُ كَثِيرَةٞ وَمِنۡهَا تَأۡكُلُونَ﴿٢١﴾

21Endu aden kanu manga binatang i manga indawan, banginumen su gatasin endu madakel i papedtagan lun, endu pegken nu pan su (kaped kanu) binatang.

وَعَلَيۡهَا وَعَلَى ٱلۡفُلۡكِ تُحۡمَلُونَ﴿٢٢﴾

22Endu bagedan nu sya sa kapuluwan (pegkudan nu), sya menem sa ig su kapal.

وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ﴿٢٣﴾

23Endu sinugu nami su Nuh lu kanu manga taw nin, ya nin pidtalu: simba nu su Allah, ka da kadenan nu a salakaw sa lekanin, na ngintu ka di nu ikagilek?

فَقَالَ ٱلۡمَلَؤُاْ ٱلَّذِينَ كَفَرُواْ مِن قَوۡمِهِۦ مَا هَٰذَآ إِلَّا بَشَرٞ مِّثۡلُكُمۡ يُرِيدُ أَن يَتَفَضَّلَ عَلَيۡكُمۡ وَلَوۡ شَآءَ ٱللَّهُ لَأَنزَلَ مَلَٰٓئِكَةٗ مَّا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ﴿٢٤﴾

24Ya pidtalu nu manga ganga-unutan nu manga kafir kanu manga taw nin: da inan (si Nuh) ka manusya a pagidsan tanu bun, ya nin kyugan na kalabiyan kanu nin, u pegkyug su Allah (sa matutulu tanu) na yanin patulunen i malaikat, ka dala nami makineg inan sa kalukesan nami.

إِنۡ هُوَ إِلَّا رَجُلُۢ بِهِۦ جِنَّةٞ فَتَرَبَّصُواْ بِهِۦ حَتَّىٰ حِينٖ﴿٢٥﴾

25Benal a mama inan (su Nuh) a buneg, angati nu ka matay bun.

قَالَ رَبِّ ٱنصُرۡنِي بِمَا كَذَّبُونِ﴿٢٦﴾

26Tig nu Nuh: Kadenan ku, tabangi aku sabap sa papendalebuten aku nilan.

فَأَوۡحَيۡنَآ إِلَيۡهِ أَنِ ٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا فَإِذَا جَآءَ أَمۡرُنَا وَفَارَ ٱلتَّنُّورُ فَٱسۡلُكۡ فِيهَا مِن كُلّٖ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ مِنۡهُمۡۖ وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ﴿٢٧﴾

27Ini-wahi nami sa lekanin: umbal ka sa awang sa parihala nami endu suguwan nami, na amayka mawma su kahanda nami na edsebu su pugun (bagaluganan) na papageda ka i embiyasan sa enggaga-duwa (babay-mama), endu su kaluma nengka ya tabiya na su na-ukul den sa maka amung mabinasa, endu di aku imbityala pantag kanu manga kafir ka makageled silan tanan.

فَإِذَا ٱسۡتَوَيۡتَ أَنتَ وَمَن مَّعَكَ عَلَى ٱلۡفُلۡكِ فَقُلِ ٱلۡحَمۡدُ لِلَّهِ ٱلَّذِي نَجَّىٰنَا مِنَ ٱلۡقَوۡمِ ٱلظَّٰلِمِينَ﴿٢٨﴾

28Amayka nakapageda kanu den sa awang endu su manga tagapeda nengka na edtalu ka: langun a pugi na kanu Allah ka linepas kami nin kanu manga salimbuten.

وَقُل رَّبِّ أَنزِلۡنِي مُنزَلٗا مُّبَارَكٗا وَأَنتَ خَيۡرُ ٱلۡمُنزِلِينَ﴿٢٩﴾

29Endu edtalu ka: Kadenan ku, pambeken aku sa katumpan a barakat, endu seka i mapya gayd a mapagkaleben.

إِنَّ فِي ذَٰلِكَ لَأٓيَٰتٖ وَإِن كُنَّا لَمُبۡتَلِينَ﴿٣٠﴾

30Benal a nadalem lu ba su tanda a kapegkagaga nu Allah, endu nabatalu su Nuh endu su manga taw nin.

ثُمَّ أَنشَأۡنَا مِنۢ بَعۡدِهِمۡ قَرۡنًا ءَاخَرِينَ﴿٣١﴾

31Mawli na pinambuwat ami sa ulyan nilan i manga taw a nauli kanilan (tupu nilan).

فَأَرۡسَلۡنَا فِيهِمۡ رَسُولٗا مِّنۡهُمۡ أَنِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ﴿٣٢﴾

32Na sinugu nami kanilan i sinugu ebpun bun kanilan (ya nin pedtalun): paka-isa nu su Allah a simban ka dala kadenan nu a salakaw sa lekanin, na ngintu di nu ikagilek?

وَقَالَ ٱلۡمَلَأُ مِن قَوۡمِهِ ٱلَّذِينَ كَفَرُواْ وَكَذَّبُواْ بِلِقَآءِ ٱلۡأٓخِرَةِ وَأَتۡرَفۡنَٰهُمۡ فِي ٱلۡحَيَوٰةِ ٱلدُّنۡيَا مَا هَٰذَآ إِلَّا بَشَرٞ مِّثۡلُكُمۡ يَأۡكُلُ مِمَّا تَأۡكُلُونَ مِنۡهُ وَيَشۡرَبُ مِمَّا تَشۡرَبُونَ﴿٣٣﴾

33Endu pidtalu nu manga kasaligan kanu kawmin a kafir endu napandalebut sa kabaratemu sa Allah sa gay a mawli endu inenggan nami sa limu sya sa dunya: dala bun inan ka manusya a pagidsan tanu nu, ya nilan bun pegken na pegken tanu endu ya nilan bun baginumen na su baginumen tanu.

وَلَئِنۡ أَطَعۡتُم بَشَرٗا مِّثۡلَكُمۡ إِنَّكُمۡ إِذٗا لَّخَٰسِرُونَ﴿٣٤﴾

34Amayka paginugutan nu i manusya a pagidsan nu bun na sekanu den i manga taw a nangalugi.

أَيَعِدُكُمۡ أَنَّكُمۡ إِذَا مِتُّمۡ وَكُنتُمۡ تُرَابٗا وَعِظَٰمًا أَنَّكُم مُّخۡرَجُونَ﴿٣٥﴾

35Inibpasad in sa lekanu i amayka minatay kanu den endu libubuk kanu den endu nangalupet den su tulan nu na makambuwat pamun?

۞ هَيۡهَاتَ هَيۡهَاتَ لِمَا تُوعَدُونَ﴿٣٦﴾

36Mawatan-mawatan a manggula i langun a pedtalunin i namba a mama.

إِنۡ هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا نَحۡنُ بِمَبۡعُوثِينَ﴿٣٧﴾

37Da galebek ka baguyag tanu bu sya sa dunya, matay tanu endu embibyag tanu, endu da den kambuwat tanu ebpaluman (dala den siksa, atawa gay a mawli).

إِنۡ هُوَ إِلَّا رَجُلٌ ٱفۡتَرَىٰ عَلَى ٱللَّهِ كَذِبٗا وَمَا نَحۡنُ لَهُۥ بِمُؤۡمِنِينَ﴿٣٨﴾

38Namba sekanin na mama a pedtebuwanin su Allah sa kalebut, endu da sa lekitanu i kapangimbenal sa lekanin.

قَالَ رَبِّ ٱنصُرۡنِي بِمَا كَذَّبُونِ﴿٣٩﴾

39Ya nin nadtalu; Kadenan ku tabangi aku kagina pinandalbut aku nilan.

قَالَ عَمَّا قَلِيلٖ لَّيُصۡبِحُنَّ نَٰدِمِينَ﴿٤٠﴾

40Tig nu Allah: paydu bu a timpu i nasama kanilan ka makadsendit silan langun.

فَأَخَذَتۡهُمُ ٱلصَّيۡحَةُ بِٱلۡحَقِّ فَجَعَلۡنَٰهُمۡ غُثَآءٗۚ فَبُعۡدٗا لِّلۡقَوۡمِ ٱلظَّٰلِمِينَ﴿٤١﴾

41Na sinayab silan na kilat, minatay silan, na binaluy nami silan sa mana utan a nagangu sa mawatan den kanu limu nu Allah su manga taw a salimbuten.

ثُمَّ أَنشَأۡنَا مِنۢ بَعۡدِهِمۡ قُرُونًا ءَاخَرِينَ﴿٤٢﴾

42Mawli na pinambuwat nami sa ulyan nilan i manga taw a nakasukeli.

مَا تَسۡبِقُ مِنۡ أُمَّةٍ أَجَلَهَا وَمَا يَسۡتَـٔۡخِرُونَ﴿٤٣﴾

43Di makawna kanu taw su ajal nin, endu di bun makadtatangguli.

ثُمَّ أَرۡسَلۡنَا رُسُلَنَا تَتۡرَاۖ كُلَّ مَا جَآءَ أُمَّةٗ رَّسُولُهَا كَذَّبُوهُۖ فَأَتۡبَعۡنَا بَعۡضَهُم بَعۡضٗا وَجَعَلۡنَٰهُمۡ أَحَادِيثَۚ فَبُعۡدٗا لِّقَوۡمٖ لَّا يُؤۡمِنُونَ﴿٤٤﴾

44Mawli na sinugu nami su manga sinugu sa namakadtutundug, uman makawma kanu manga taw su sinugu na pandalbuten nu nawman nilan, endu midtutundug bun i kinabinasa kanilan, binaluy nami silan a bityala a mawag (tarsilan), mawatan su limu kanu manga taw a di bangimbenal.

ثُمَّ أَرۡسَلۡنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلۡطَٰنٖ مُّبِينٍ﴿٤٥﴾

45Mawli na sinugu nami si Musa endu su suledin a si Harun kanu manga ayatan nami endu tindeg a mapayag.

إِلَىٰ فِرۡعَوۡنَ وَمَلَإِيْهِۦ فَٱسۡتَكۡبَرُواْ وَكَانُواْ قَوۡمًا عَالِينَ﴿٤٦﴾

46Lu kani Fir’awn endu su kadakelin, na mimamasla silan, na silan i manga taw a mibpapulu.

فَقَالُوٓاْ أَنُؤۡمِنُ لِبَشَرَيۡنِ مِثۡلِنَا وَقَوۡمُهُمَا لَنَا عَٰبِدُونَ﴿٤٧﴾

47Ya nilan pidtalu na di tanu mangimbenal sa pagidsan tanu bun, su taw nilan na namba su bangulipenen tanu.

فَكَذَّبُوهُمَا فَكَانُواْ مِنَ ٱلۡمُهۡلَكِينَ﴿٤٨﴾

48Pinandalbut nilan, na nabinasa silan.

وَلَقَدۡ ءَاتَيۡنَا مُوسَى ٱلۡكِتَٰبَ لَعَلَّهُمۡ يَهۡتَدُونَ﴿٤٩﴾

49Saben-sabenal a inenggay nami kani Musa su kitab ka basi matutulu silan.

وَجَعَلۡنَا ٱبۡنَ مَرۡيَمَ وَأُمَّهُۥٓ ءَايَةٗ وَءَاوَيۡنَٰهُمَآ إِلَىٰ رَبۡوَةٖ ذَاتِ قَرَارٖ وَمَعِينٖ﴿٥٠﴾

50Endu binaluy nami su wata a mama ni Maryam (Eisa) endu si ina nin a tanda, endu tinuganul nami silan lu kanu mapulu a lupa sa aden buwalin.

يَٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٞ﴿٥١﴾

51Sekanu a manga sinugu kan kanu kanu mapya, endu enggalebek kanu sa mapya, ka benal a katawan ku i galebek nu.

وَإِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱتَّقُونِ﴿٥٢﴾

52Endu nya ba i agama nu na satiman bu, na saki bu i Kadenan nu, na ikagilek aku nu.

فَتَقَطَّعُوٓاْ أَمۡرَهُم بَيۡنَهُمۡ زُبُرٗاۖ كُلُّ حِزۡبِۭ بِمَا لَدَيۡهِمۡ فَرِحُونَ﴿٥٣﴾

53Na nakabpipitas silan sa madakel i lumpukan nilan, uman isa kanu pegkamalanin na entuba i kalilinyanin.

فَذَرۡهُمۡ فِي غَمۡرَتِهِمۡ حَتَّىٰ حِينٍ﴿٥٤﴾

54Pasagadi ka silan kanu kapendusa nilan, ka makawma bun kanilan su kapatay.

أَيَحۡسَبُونَ أَنَّمَا نُمِدُّهُم بِهِۦ مِن مَّالٖ وَبَنِينَ﴿٥٥﴾

55(Ngintu) bagantapen nilan i kabagenggay nami kanilan sa tamuk endu wata?

نُسَارِعُ لَهُمۡ فِي ٱلۡخَيۡرَٰتِۚ بَل لَّا يَشۡعُرُونَ﴿٥٦﴾

56Na bamagayasan nami silan sa mapaya, na di nilan egkagedam (na kanarakan nilan).

إِنَّ ٱلَّذِينَ هُم مِّنۡ خَشۡيَةِ رَبِّهِم مُّشۡفِقُونَ﴿٥٧﴾

57Benal a ya mapya a taw na su di gapinda kanu ginawa nin i gilekin sa Allah.

وَٱلَّذِينَ هُم بِـَٔايَٰتِ رَبِّهِمۡ يُؤۡمِنُونَ﴿٥٨﴾

58Endu silan a nangimbenal kanu manga ayatan u Kadenan nilan.

وَٱلَّذِينَ هُم بِرَبِّهِمۡ لَا يُشۡرِكُونَ﴿٥٩﴾

59Endu di silan pedsakutu sa Kadenan nilan.

وَٱلَّذِينَ يُؤۡتُونَ مَآ ءَاتَواْ وَّقُلُوبُهُمۡ وَجِلَةٌ أَنَّهُمۡ إِلَىٰ رَبِّهِمۡ رَٰجِعُونَ﴿٦٠﴾

60Endu inggay nilan pamun su inenggay kanilan a tamuk atawa sadaqah, endu atay nilan na magilek, endu lu silan pembalingan sa Allah.

أُوْلَٰٓئِكَ يُسَٰرِعُونَ فِي ٱلۡخَيۡرَٰتِ وَهُمۡ لَهَا سَٰبِقُونَ﴿٦١﴾

61Entuba i bamagayas sa mapya endu silan i nawna (enggula) sa mapya.

وَلَا نُكَلِّفُ نَفۡسًا إِلَّا وُسۡعَهَاۚ وَلَدَيۡنَا كِتَٰبٞ يَنطِقُ بِٱلۡحَقِّ وَهُمۡ لَا يُظۡلَمُونَ﴿٦٢﴾

62Endu da inibpaliyugat nami ya tabiya na su magaga nu, endu sya sa lekami su kitab a pedtalu sa bantang, endu di silan madsalimbut.

بَلۡ قُلُوبُهُمۡ فِي غَمۡرَةٖ مِّنۡ هَٰذَا وَلَهُمۡ أَعۡمَٰلٞ مِّن دُونِ ذَٰلِكَ هُمۡ لَهَا عَٰمِلُونَ﴿٦٣﴾

63Ugayd na su atay nilan na tading sya sa nya ba (Qur’ an) endu aden pan manga galebek ilan a kaped a penggalebeken nilan a kasiksan.

حَتَّىٰٓ إِذَآ أَخَذۡنَا مُتۡرَفِيهِم بِٱلۡعَذَابِ إِذَا هُمۡ يَجۡـَٔرُونَ﴿٦٤﴾

64Taman sa bininasa nami su gangaunutan nilan (lu sa Bad'r) uman isa kanilan na mimbukasu.

لَا تَجۡـَٔرُواْ ٱلۡيَوۡمَۖ إِنَّكُم مِّنَّا لَا تُنصَرُونَ﴿٦٥﴾

65Da kanu pembukasu kanu nya a gay, ka sekanu na di kanu katabangan.

قَدۡ كَانَتۡ ءَايَٰتِي تُتۡلَىٰ عَلَيۡكُمۡ فَكُنتُمۡ عَلَىٰٓ أَعۡقَٰبِكُمۡ تَنكِصُونَ﴿٦٦﴾

66Ka saben-sabenal a pembatyan sa lekanu su manga ayatan ku na sekanu na semunud kanu a semalilit kanu.

مُسۡتَكۡبِرِينَ بِهِۦ سَٰمِرٗا تَهۡجُرُونَ﴿٦٧﴾

67Pemamasla kanu, namagumpung (sa mawag) kanu magabi sa tagaken nilan (su Qur’an).

أَفَلَمۡ يَدَّبَّرُواْ ٱلۡقَوۡلَ أَمۡ جَآءَهُم مَّا لَمۡ يَأۡتِ ءَابَآءَهُمُ ٱلۡأَوَّلِينَ﴿٦٨﴾

68Ngintu ka di nilan pangangasipen (su Qur’an) aden nakawma kanilan a dala makawma kanu kalukesan nilan a nangawna?

أَمۡ لَمۡ يَعۡرِفُواْ رَسُولَهُمۡ فَهُمۡ لَهُۥ مُنكِرُونَ﴿٦٩﴾

69Atawa da nilan katawi su sinugu (Muhammad) ka bagungkiren nilan?

أَمۡ يَقُولُونَ بِهِۦ جِنَّةُۢۚ بَلۡ جَآءَهُم بِٱلۡحَقِّ وَأَكۡثَرُهُمۡ لِلۡحَقِّ كَٰرِهُونَ﴿٧٠﴾

70Atawa ya nilan pedtalun na buneg? Kena! Ka nakawma kanilan su bantang (ugayd) na ya madakel kanilan i mabensi sa bantang.

وَلَوِ ٱتَّبَعَ ٱلۡحَقُّ أَهۡوَآءَهُمۡ لَفَسَدَتِ ٱلسَّمَٰوَٰتُ وَٱلۡأَرۡضُ وَمَن فِيهِنَّۚ بَلۡ أَتَيۡنَٰهُم بِذِكۡرِهِمۡ فَهُمۡ عَن ذِكۡرِهِم مُّعۡرِضُونَ﴿٧١﴾

71Amayka su bantang ka edtatanggunut kanu kyug u ginawa nilan na mabinasa su manga langit endu su lupa endu su pageletan nilan, tembu inenggay nami kanilan su Qur’an, (ugayd) na tinaligkudan nilan.

أَمۡ تَسۡـَٔلُهُمۡ خَرۡجٗا فَخَرَاجُ رَبِّكَ خَيۡرٞۖ وَهُوَ خَيۡرُ ٱلرَّٰزِقِينَ﴿٧٢﴾

72Di kena ka pegkuwa kanilan sa buwis, ka su buwis nu Kadenan nengka na ya pan labi i kapiya nin, endu sekanin i mapya a pe-rizki.

وَإِنَّكَ لَتَدۡعُوهُمۡ إِلَىٰ صِرَٰطٖ مُّسۡتَقِيمٖ﴿٧٣﴾

73Endu seka (Muhammad) na bagenggaten nengka silan lu sa matidtu a lalan.

وَإِنَّ ٱلَّذِينَ لَا يُؤۡمِنُونَ بِٱلۡأٓخِرَةِ عَنِ ٱلصِّرَٰطِ لَنَٰكِبُونَ﴿٧٤﴾

74Endu benal su manga taw a di bangimbenal sa gay a mawli, na sinemibay sa kanu lalan a matidtu. (agama Islam)

۞ وَلَوۡ رَحِمۡنَٰهُمۡ وَكَشَفۡنَا مَا بِهِم مِّن ضُرّٖ لَّلَجُّواْ فِي طُغۡيَٰنِهِمۡ يَعۡمَهُونَ﴿٧٥﴾

75Amayka inikalimu nami silan endu iyawa nami su pakagkayd kanilan na mananalusan silan sa kadupangan nilan.

وَلَقَدۡ أَخَذۡنَٰهُم بِٱلۡعَذَابِ فَمَا ٱسۡتَكَانُواْ لِرَبِّهِمۡ وَمَا يَتَضَرَّعُونَ﴿٧٦﴾

76Endu saben-sabenal a bininasa nami silan sa siksa, na dabun silan embaba kanu Kadenan nilan, endu dala silan pangumpaya sa Allah.

حَتَّىٰٓ إِذَا فَتَحۡنَا عَلَيۡهِم بَابٗا ذَا عَذَابٖ شَدِيدٍ إِذَا هُمۡ فِيهِ مُبۡلِسُونَ﴿٧٧﴾

77Taman sa amayka bukatan nami su bengawan nu naraka nilan a sangat i kapasangin, na natebped kanilan su inam sa mapya.

وَهُوَ ٱلَّذِيٓ أَنشَأَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ﴿٧٨﴾

78Sekanin a Allah i minumbal sa lekanu sa kakineg endu kailay endu atay, na paydu gayd i kadsukur nu (sa Allah).

وَهُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ﴿٧٩﴾

79Endu sekanin (Allah) i minaluy sa lekanu sya sa lupa, endu lu kanu bun tanan mabulig sa lekanin.

وَهُوَ ٱلَّذِي يُحۡيِۦ وَيُمِيتُ وَلَهُ ٱخۡتِلَٰفُ ٱلَّيۡلِ وَٱلنَّهَارِۚ أَفَلَا تَعۡقِلُونَ﴿٨٠﴾

80Endu sekanin (Allah) i bangimatay endu banguyag, endu lekanin su kambidayan nu magabi endu malamag, na ngintu ka di kanu bagungangen?

بَلۡ قَالُواْ مِثۡلَ مَا قَالَ ٱلۡأَوَّلُونَ﴿٨١﴾

81Kena! Ka ya nilan kadtalu na mana bun su nadtalu nu nangawna.

قَالُوٓاْ أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ﴿٨٢﴾

82Tig nilan: u matay tanu na nabaluy tanu a libubuk a nangalupet su manga tulan tanu na (ngintu) makambuwat tanu pon?

لَقَدۡ وُعِدۡنَا نَحۡنُ وَءَابَآؤُنَا هَٰذَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ﴿٨٣﴾

83Saben-sabenal a inibpasad sa lekami endu su kalukesan nami i namba sa dapan makawma (si Muhammad) na (da) inan ya tabiya na kalbutan a nangawna a manga taw.

قُل لِّمَنِ ٱلۡأَرۡضُ وَمَن فِيهَآ إِن كُنتُمۡ تَعۡلَمُونَ﴿٨٤﴾

84Edtalu ka kanilan (Muhammad): entayn i kigkuwan sa lupa endu su dalemin amayka katawan nu?

سَيَقُولُونَ لِلَّهِۚ قُلۡ أَفَلَا تَذَكَّرُونَ﴿٨٥﴾

85Ya nilan edtalun na: kanu Allah, na edtalu ka kanilan i ngintu ka di kanu ma-indaw?

قُلۡ مَن رَّبُّ ٱلسَّمَٰوَٰتِ ٱلسَّبۡعِ وَرَبُّ ٱلۡعَرۡشِ ٱلۡعَظِيمِ﴿٨٦﴾

86Edtalu ka kanilan: entayn i Kadenan nu manga langit a pitu lapis endu entayn i Kadenan nu Arsh a masla?

سَيَقُولُونَ لِلَّهِۚ قُلۡ أَفَلَا تَتَّقُونَ﴿٨٧﴾

87Ya nilan edtalun na: kanu Allah, na edtalu ka kanilan: ngintu ka di silan kagilekan?

قُلۡ مَنۢ بِيَدِهِۦ مَلَكُوتُ كُلِّ شَيۡءٖ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ﴿٨٨﴾

88Edtalu ka kanilan: entayn i pakamilik kanu masulen u enggaga-isa na sekanin i pedtuldu? Di kena ba sekanin i pedtuldu lun amayka katawan nu?

سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ﴿٨٩﴾

89Ya nilan edtalun na: kanu Allah, edtalu ka kanilan: ngintu ka pedsibay kanu?

بَلۡ أَتَيۡنَٰهُم بِٱلۡحَقِّ وَإِنَّهُمۡ لَكَٰذِبُونَ﴿٩٠﴾

90Kena! Ka initingguma nami kanilan su bantang, endu silan i manga malbut.

مَا ٱتَّخَذَ ٱللَّهُ مِن وَلَدٖ وَمَا كَانَ مَعَهُۥ مِنۡ إِلَٰهٍۚ إِذٗا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعۡضُهُمۡ عَلَىٰ بَعۡضٖۚ سُبۡحَٰنَ ٱللَّهِ عَمَّا يَصِفُونَ﴿٩١﴾

91Dala wata nu Allah endu dala kapedin a kadenan, u naduwa timan bu i kadenan na uman isa na tyakapanin i binaluy nin, endu ebpapuluwan a isa i kaped in, mahasuti su Allah kanu pedtalun nu manga mushrik.

عَٰلِمِ ٱلۡغَيۡبِ وَٱلشَّهَٰدَةِ فَتَعَٰلَىٰ عَمَّا يُشۡرِكُونَ﴿٩٢﴾

92Katawan nu Allah su gayb endu su mapayag, mahasuti su Allah kanu ipedsakutu nilan a manga mushrik.

قُل رَّبِّ إِمَّا تُرِيَنِّي مَا يُوعَدُونَ﴿٩٣﴾

93Edtalu ka (Muhammad): Kadenan ku u ipailay nengka sa laki su kasiksan nilan.

رَبِّ فَلَا تَجۡعَلۡنِي فِي ٱلۡقَوۡمِ ٱلظَّٰلِمِينَ﴿٩٤﴾

94Kadenan ku di aku lumagit kanu manga salimbuten.

وَإِنَّا عَلَىٰٓ أَن نُّرِيَكَ مَا نَعِدُهُمۡ لَقَٰدِرُونَ﴿٩٥﴾

95Endu benal a sekami na magaga nami mapailay sa leka i siksa nilan.

ٱدۡفَعۡ بِٱلَّتِي هِيَ أَحۡسَنُ ٱلسَّيِّئَةَۚ نَحۡنُ أَعۡلَمُ بِمَا يَصِفُونَ﴿٩٦﴾

96Ya nengka isuli kanu mawag a pakaydan nilan sa leka na mapya sa taman a magaga nengka, ka katawan nami su langun u kapendalbut ilan.

وَقُل رَّبِّ أَعُوذُ بِكَ مِنۡ هَمَزَٰتِ ٱلشَّيَٰطِينِ﴿٩٧﴾

97Endu edtalu ka (Muhammad): Kadenan ku lumindung aku sa leka kanu sasat nu shaytan.

وَأَعُوذُ بِكَ رَبِّ أَن يَحۡضُرُونِ﴿٩٨﴾

98Endu lumindung aku sa leka kadenan ku kanu dalpa nu shaytan.

حَتَّىٰٓ إِذَا جَآءَ أَحَدَهُمُ ٱلۡمَوۡتُ قَالَ رَبِّ ٱرۡجِعُونِ﴿٩٩﴾

99Taman sa amayka nawma na kapatay su isa sa kanilan (manga kafir), na tig nilan: pambalingan aku pan Kadenan ku.

لَعَلِّيٓ أَعۡمَلُ صَٰلِحٗا فِيمَا تَرَكۡتُۚ كَلَّآۚ إِنَّهَا كَلِمَةٌ هُوَ قَآئِلُهَاۖ وَمِن وَرَآئِهِم بَرۡزَخٌ إِلَىٰ يَوۡمِ يُبۡعَثُونَ﴿١٠٠﴾

100Ka basi manggalebek ku i mapya a dinadag ku, dala kambalinganin, namba a kadtalu na da kataganin kanu midtalu, endu aden dalinding sa di nilan kambalingan sa dunya (namba su barzakh) taman sa kambuwat ilan sa kubur (kagkukum).

فَإِذَا نُفِخَ فِي ٱلصُّورِ فَلَآ أَنسَابَ بَيۡنَهُمۡ يَوۡمَئِذٖ وَلَا يَتَسَآءَلُونَ﴿١٠١﴾

101Na amayka yupen su sanggakala na dala den su kapamagandagay sa bangsa, endu di silan makapamidsaya.

فَمَن ثَقُلَتۡ مَوَٰزِينُهُۥ فَأُوْلَٰٓئِكَ هُمُ ٱلۡمُفۡلِحُونَ﴿١٠٢﴾

102Su taw a ya mawgat sa timbangan su mapya nin na silan a manga taw i namakauntung.

وَمَنۡ خَفَّتۡ مَوَٰزِينُهُۥ فَأُوْلَٰٓئِكَ ٱلَّذِينَ خَسِرُوٓاْ أَنفُسَهُمۡ فِي جَهَنَّمَ خَٰلِدُونَ﴿١٠٣﴾

103Su taw a ya mawgat sa timbangan su marat na entuba i manga taw a linugi nilan i ginawa nilan, a di silan makaliyu sa naraka.

تَلۡفَحُ وُجُوهَهُمُ ٱلنَّارُ وَهُمۡ فِيهَا كَٰلِحُونَ﴿١٠٤﴾

104Ka galupang nu apuy i manga biyas nilan, endu silan i mawag a benal i mabpalas nilan.

أَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَكُنتُم بِهَا تُكَذِّبُونَ﴿١٠٥﴾

105Di kena ba pembatyan bun sa lekanu su manga ayatan ku na sekanu na papendalbuten nu su manga ayatan ku?

قَالُواْ رَبَّنَا غَلَبَتۡ عَلَيۡنَا شِقۡوَتُنَا وَكُنَّا قَوۡمٗا ضَآلِّينَ﴿١٠٦﴾

106Ya nilan madtalu na: Kadenan nami tinalaw kami nu makabinasa sa lekami, na sekami i manga taw a nangatading.

رَبَّنَآ أَخۡرِجۡنَا مِنۡهَا فَإِنۡ عُدۡنَا فَإِنَّا ظَٰلِمُونَ﴿١٠٧﴾

107Kadenan nami paliyu kami sa naraka, ka amayka ebpaluman kami na sekami i manga dupang.

قَالَ ٱخۡسَـُٔواْ فِيهَا وَلَا تُكَلِّمُونِ﴿١٠٨﴾

108Tig nu Allah: san kanu den ba egkaleben, da kanu mangeni-magingalap.

إِنَّهُۥ كَانَ فَرِيقٞ مِّنۡ عِبَادِي يَقُولُونَ رَبَّنَآ ءَامَنَّا فَٱغۡفِرۡ لَنَا وَٱرۡحَمۡنَا وَأَنتَ خَيۡرُ ٱلرَّٰحِمِينَ﴿١٠٩﴾

109Su kaped kanu manga ulipen ku na ya nilan edtalun na: Kadenan nami nangimbenal kami na ampun ka sa lekami (su dusa) endu ikalimu kami nengka endu seka i labi a mapya a malimu.

فَٱتَّخَذۡتُمُوهُمۡ سِخۡرِيًّا حَتَّىٰٓ أَنسَوۡكُمۡ ذِكۡرِي وَكُنتُم مِّنۡهُمۡ تَضۡحَكُونَ﴿١١٠﴾

110Ya nu pinakaydan kanilan na bagungaten nu, taman sa tinagak nu su Qur’an endu pedtatawan nu silan.

إِنِّي جَزَيۡتُهُمُ ٱلۡيَوۡمَ بِمَا صَبَرُوٓاْ أَنَّهُمۡ هُمُ ٱلۡفَآئِزُونَ﴿١١١﴾

111Benal a saki na saguna na binalasan ku silan kanu kinadsabar nilan, ka silan i manga taw a namakauntung a nambadtug sa mapya.

قَٰلَ كَمۡ لَبِثۡتُمۡ فِي ٱلۡأَرۡضِ عَدَدَ سِنِينَ﴿١١٢﴾

112(Tig nu Allah): ngin i kinawget nu sa lupa kanu tilenduwan na lagun?

قَالُواْ لَبِثۡنَا يَوۡمًا أَوۡ بَعۡضَ يَوۡمٖ فَسۡـَٔلِ ٱلۡعَآدِّينَ﴿١١٣﴾

113Tig nilan: nakasampay kami bu sa dunya sa sagay bu atawa seged bu sa gay, idsa nu kanu pedtuldu sa manga galebek (malaikat).

قَٰلَ إِن لَّبِثۡتُمۡ إِلَّا قَلِيلٗاۖ لَّوۡ أَنَّكُمۡ كُنتُمۡ تَعۡلَمُونَ﴿١١٤﴾

114(Tig nu Allah): da kanu matangen sa dunya ya tabiya na paidu bu gayd umana bu ka katawanu (ya mawget i ka naraka).

أَفَحَسِبۡتُمۡ أَنَّمَا خَلَقۡنَٰكُمۡ عَبَثٗا وَأَنَّكُمۡ إِلَيۡنَا لَا تُرۡجَعُونَ﴿١١٥﴾

115Ya nu ga-antap na kinabaluy sa lekanu na dala hikmah (sabapin), endu di kanu makambalingan sa lekami?

فَتَعَٰلَى ٱللَّهُ ٱلۡمَلِكُ ٱلۡحَقُّۖ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡكَرِيمِ﴿١١٦﴾

116Mahasuti su Allah a datu a bantang, da Kadenan a pedsimban a wagib ya tabiya na sekanin a Kadenan nu Ar'sh a masla.

وَمَن يَدۡعُ مَعَ ٱللَّهِ إِلَٰهًا ءَاخَرَ لَا بُرۡهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓۚ إِنَّهُۥ لَا يُفۡلِحُ ٱلۡكَٰفِرُونَ﴿١١٧﴾

117Endu su taw a semimba pamun sa salakaw sa Allah a dala tindegin, na benal su balasin na lu bun kanu Kadenanin, endu benal su manga kafir na da silan makauntung.

وَقُل رَّبِّ ٱغۡفِرۡ وَٱرۡحَمۡ وَأَنتَ خَيۡرُ ٱلرَّٰحِمِينَ﴿١١٨﴾

118Endu edtalu ka (Muhammad): Kadenan ku ampun ka, ka malimu ka, seka i mapya a malimu.

← Al-HajjAn-Nur→

RELATED SURAHS

6

Al-An'am

The Cattle

15

Al-Hijr

The Rocky Tract

16

An-Nahl

The Bee

1

Al-Fatiha

The Opening

Browse all 114 surahs