Al-Jathiyah

الجاثية

The Kneeling • 37 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

حمٓ﴿١﴾

1Ha-Meem (su Allah i mataw kanu ma’na nin).

تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ﴿٢﴾

2Nakatulun su kitab (Qur’an) ebpun sa Allah a mapulu a mataw sa kapandadayta.

إِنَّ فِي ٱلسَّمَٰوَٰتِ وَٱلۡأَرۡضِ لَأٓيَٰتٖ لِّلۡمُؤۡمِنِينَ﴿٣﴾

3Saben-sabenal kanu manga langit endu su lupa na manga tanda (nu kaisa-isa nu Allah) kanu manga taw a manga bamaginugut.

وَفِي خَلۡقِكُمۡ وَمَا يَبُثُّ مِن دَآبَّةٍ ءَايَٰتٞ لِّقَوۡمٖ يُوقِنُونَ﴿٤﴾

4Endu kinabaluy sa lekanu (manusya) endu su pembuwat a manga pauled-uled na manga tanda ebpun kanu manga taw a gatagu sa ginawa nilan.

وَٱخۡتِلَٰفِ ٱلَّيۡلِ وَٱلنَّهَارِ وَمَآ أَنزَلَ ٱللَّهُ مِنَ ٱلسَّمَآءِ مِن رِّزۡقٖ فَأَحۡيَا بِهِ ٱلۡأَرۡضَ بَعۡدَ مَوۡتِهَا وَتَصۡرِيفِ ٱلرِّيَٰحِ ءَايَٰتٞ لِّقَوۡمٖ يَعۡقِلُونَ﴿٥﴾

5Endu su kapedsukelya nu magabi-malmag, endu pinatulun nu Allah ebpun sa langit a pakawyag kanu lupa sa ulyan na kinapatay nin, endu su sambel a pebpayapat na manga tanda lu kanu manga taw a aden akal nin.

تِلۡكَ ءَايَٰتُ ٱللَّهِ نَتۡلُوهَا عَلَيۡكَ بِٱلۡحَقِّۖ فَبِأَيِّ حَدِيثِۭ بَعۡدَ ٱللَّهِ وَءَايَٰتِهِۦ يُؤۡمِنُونَ﴿٦﴾

6Su langun nu manga tanda nu Allah na pembatiyan nami sa leka (Muhammad) sa bantang, na ngin pan i kadtalu a salakaw kanu kadtalu nu Allah endu su manga ayatan nin i pangimbenalen nilan.

وَيۡلٞ لِّكُلِّ أَفَّاكٍ أَثِيمٖ﴿٧﴾

7Su bawgan sa naraka i kadtakenan nu malbut a baradusa.

يَسۡمَعُ ءَايَٰتِ ٱللَّهِ تُتۡلَىٰ عَلَيۡهِ ثُمَّ يُصِرُّ مُسۡتَكۡبِرٗا كَأَن لَّمۡ يَسۡمَعۡهَاۖ فَبَشِّرۡهُ بِعَذَابٍ أَلِيمٖ﴿٨﴾

8Gakineg nin su manga ayatan nu Allah sa pembatiyan sa lekanin, mawli na mananalusan bun su kapemamasla nin sa mana bun dala nin makineg, panudtul ka sa lekanin su siksa a masakit.

وَإِذَا عَلِمَ مِنۡ ءَايَٰتِنَا شَيۡـًٔا ٱتَّخَذَهَا هُزُوًاۚ أُوْلَٰٓئِكَ لَهُمۡ عَذَابٞ مُّهِينٞ﴿٩﴾

9Amayka aden natawan nin a paydu a ayat na pinagungat nin bu, silan su manga taw a kanilan su siksa a di nilan ganga ganan.

مِّن وَرَآئِهِمۡ جَهَنَّمُۖ وَلَا يُغۡنِي عَنۡهُم مَّا كَسَبُواْ شَيۡـٔٗا وَلَا مَا ٱتَّخَذُواْ مِن دُونِ ٱللَّهِ أَوۡلِيَآءَۖ وَلَهُمۡ عَذَابٌ عَظِيمٌ﴿١٠﴾

10Taligkudan nilan su naraka, endu da katagan nin sa kanilan su pantiyalyan nilan, endu su sinimba nilan a salakaw sa Allah, endu sa kanilan su siksa a masla.

هَٰذَا هُدٗىۖ وَٱلَّذِينَ كَفَرُواْ بِـَٔايَٰتِ رَبِّهِمۡ لَهُمۡ عَذَابٞ مِّن رِّجۡزٍ أَلِيمٌ﴿١١﴾

11Namba na tutulu, su manga kafir kanu ayatan nu Allah (pedsupaken nilan) na kanilan su siksa a kayaya a masakit.

۞ ٱللَّهُ ٱلَّذِي سَخَّرَ لَكُمُ ٱلۡبَحۡرَ لِتَجۡرِيَ ٱلۡفُلۡكُ فِيهِ بِأَمۡرِهِۦ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ﴿١٢﴾

12Su Allah na pinandaya nin sa lekanu su lagat ka endu makapalalaguy su bagedan nu sa kahanda nu Allah ka endu nu mapangilay su limu nu Allah endu kanu makadsukur.

وَسَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ جَمِيعٗا مِّنۡهُۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ﴿١٣﴾

13Endu pinandaya nin sa lekanu su dalem nu langit endu su lupa sa langun nin, langun entu ba na manga tanda nu Allah kanu manga taw, ka endu silan makapamikir.

قُل لِّلَّذِينَ ءَامَنُواْ يَغۡفِرُواْ لِلَّذِينَ لَا يَرۡجُونَ أَيَّامَ ٱللَّهِ لِيَجۡزِيَ قَوۡمَۢا بِمَا كَانُواْ يَكۡسِبُونَ﴿١٤﴾

14Edtalu ka (Muhammad) kanu manga bamaginugut i ampunen nilan su manga taw a dala kanilan su manga gay (gay a siksa) nu Allah endu kabalasan su manga taw sa lalaw nu galebek nilan.

مَنۡ عَمِلَ صَٰلِحٗا فَلِنَفۡسِهِۦۖ وَمَنۡ أَسَآءَ فَعَلَيۡهَاۖ ثُمَّ إِلَىٰ رَبِّكُمۡ تُرۡجَعُونَ﴿١٥﴾

15Su taw a enggalebek sa mapya na lekanin bun, su mawag menem na maytu bun ba, mawli na lu kanu bun makambalingan sa Allah.

وَلَقَدۡ ءَاتَيۡنَا بَنِيٓ إِسۡرَٰٓءِيلَ ٱلۡكِتَٰبَ وَٱلۡحُكۡمَ وَٱلنُّبُوَّةَ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَى ٱلۡعَٰلَمِينَ﴿١٦﴾

16Endu saben-sabenal a inenggan nami su tupu nu Israel sa kitab endu kapangukum endu su kanabi, endu rinizkiyan nami silan kanu manga mapya, endu su timpu nilan na inilabi nami silan kanu salakaw sa kanilan sya sa dunya.

وَءَاتَيۡنَٰهُم بَيِّنَٰتٖ مِّنَ ٱلۡأَمۡرِۖ فَمَا ٱخۡتَلَفُوٓاْ إِلَّا مِنۢ بَعۡدِ مَا جَآءَهُمُ ٱلۡعِلۡمُ بَغۡيَۢا بَيۡنَهُمۡۚ إِنَّ رَبَّكَ يَقۡضِي بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ﴿١٧﴾

17Endu inenggay nami su manga mapayag a kasuguwan na da silan embida-bida ya tabya na nakawma sa kanilan su kataw, sabap sa dengki nilan, su Allah bu i kumukum sa kanilan sa gay a mawli kanu langun nu di nilan bamagayunan.

ثُمَّ جَعَلۡنَٰكَ عَلَىٰ شَرِيعَةٖ مِّنَ ٱلۡأَمۡرِ فَٱتَّبِعۡهَا وَلَا تَتَّبِعۡ أَهۡوَآءَ ٱلَّذِينَ لَا يَعۡلَمُونَ﴿١٨﴾

18Mawli na binaluy nami (seka Muhammad) kanu lalan nu agama na namba i unuti ka, di ka munuti su kyug nu manga taw a di mataw.

إِنَّهُمۡ لَن يُغۡنُواْ عَنكَ مِنَ ٱللَّهِ شَيۡـٔٗاۚ وَإِنَّ ٱلظَّٰلِمِينَ بَعۡضُهُمۡ أَوۡلِيَآءُ بَعۡضٖۖ وَٱللَّهُ وَلِيُّ ٱلۡمُتَّقِينَ﴿١٩﴾

19Silan a manga taw na dala guna nilan sa leka apya paydu, endu su manga dupang menem na silan-silan sa gay a mawli, su Allah menem i pedtuldu kanu magilek sa Allah.

هَٰذَا بَصَٰٓئِرُ لِلنَّاسِ وَهُدٗى وَرَحۡمَةٞ لِّقَوۡمٖ يُوقِنُونَ﴿٢٠﴾

20Namba (su Qur’an) i palitan nu manga taw, endu tutulu, endu limu kanu manga taw a natagu sa ginawa nin su gay a mawli.

أَمۡ حَسِبَ ٱلَّذِينَ ٱجۡتَرَحُواْ ٱلسَّيِّـَٔاتِ أَن نَّجۡعَلَهُمۡ كَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَوَآءٗ مَّحۡيَاهُمۡ وَمَمَاتُهُمۡۚ سَآءَ مَا يَحۡكُمُونَ﴿٢١﴾

21Ga-antap nu manga kafir a manga maledsik i galebekan nin i baluyn nami silan sa mana su manga nangimbenal endu minggalebek sa manga mapya sa magidsan silan sa kawyag endu kapatay, mawag a benal intu a hukuman.

وَخَلَقَ ٱللَّهُ ٱلسَّمَٰوَٰتِ وَٱلۡأَرۡضَ بِٱلۡحَقِّ وَلِتُجۡزَىٰ كُلُّ نَفۡسِۭ بِمَا كَسَبَتۡ وَهُمۡ لَا يُظۡلَمُونَ﴿٢٢﴾

22Endu binaluy nu Allah su manga langit endu su lupa sa bantang ka endu kabalasan i uman isa kanu galebek nin, endu silan na dili silan madtalimbul.

أَفَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ وَأَضَلَّهُ ٱللَّهُ عَلَىٰ عِلۡمٖ وَخَتَمَ عَلَىٰ سَمۡعِهِۦ وَقَلۡبِهِۦ وَجَعَلَ عَلَىٰ بَصَرِهِۦ غِشَٰوَةٗ فَمَن يَهۡدِيهِ مِنۢ بَعۡدِ ٱللَّهِۚ أَفَلَا تَذَكَّرُونَ﴿٢٣﴾

23Nailay nengka su taw a ya nin pigkadenanen su kyug na ginawa nin, endu tinutupan su tangila nin endu su pusung nin endu su kailay nin sa isa a tutup, na entayn i makatutulu sa lekanin a salakaw sa Allah, na ngintu ka di kanu ma-indaw?

وَقَالُواْ مَا هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا يُهۡلِكُنَآ إِلَّا ٱلدَّهۡرُۚ وَمَا لَهُم بِذَٰلِكَ مِنۡ عِلۡمٍۖ إِنۡ هُمۡ إِلَّا يَظُنُّونَ﴿٢٤﴾

24Endu ya nilan kadtalu na da inan (gay a mawli) ya tabya na mawyag tanu sa dunya, matay tanu endu mawyag tanu, endu da makapatay sa lekitanu ya tabya na (makawma) su timpu, na da sabut nilan sa tindeg nilan ya tabya na kapangantap.

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ مَّا كَانَ حُجَّتَهُمۡ إِلَّآ أَن قَالُواْ ٱئۡتُواْ بِـَٔابَآئِنَآ إِن كُنتُمۡ صَٰدِقِينَ﴿٢٥﴾

25Endu amayka batyan sa kanilan su manga ayatan nami a mapayag na dala edsalinan nilan ya tabya nadtalu nilan: pambuwat nu su manga lukes nami amayka benal kanu.

قُلِ ٱللَّهُ يُحۡيِيكُمۡ ثُمَّ يُمِيتُكُمۡ ثُمَّ يَجۡمَعُكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِ وَلَٰكِنَّ أَكۡثَرَ ٱلنَّاسِ لَا يَعۡلَمُونَ﴿٢٦﴾

26Edtalu ka (Muhammad) sa kanilan: su Allah i baguyag sa lekanu, mawli na imatayan kanu nin, mawli na limuden kanu nin sa dala kabplis nin sa gay a mawli, ugayd na madakel kanu taw i di nilan katawan.

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۚ وَيَوۡمَ تَقُومُ ٱلسَّاعَةُ يَوۡمَئِذٖ يَخۡسَرُ ٱلۡمُبۡطِلُونَ﴿٢٧﴾

27Lekanin a Allah i kamilik sa manga langit endu su lupa endu su gay a mawma su gay a mawli na malugi den su manga batil i galebek nin.

وَتَرَىٰ كُلَّ أُمَّةٖ جَاثِيَةٗۚ كُلُّ أُمَّةٖ تُدۡعَىٰٓ إِلَىٰ كِتَٰبِهَا ٱلۡيَوۡمَ تُجۡزَوۡنَ مَا كُنتُمۡ تَعۡمَلُونَ﴿٢٨﴾

28Endu mailay nengka su ummat a mayan sa balitekenan, uman isa na tawagen su kitab nin, saguna na pembalasan kanu den kanu balas nu manga galebek nu.

هَٰذَا كِتَٰبُنَا يَنطِقُ عَلَيۡكُم بِٱلۡحَقِّۚ إِنَّا كُنَّا نَسۡتَنسِخُ مَا كُنتُمۡ تَعۡمَلُونَ﴿٢٩﴾

29Nan su kitab nami, edtalu sa lekanu sa benal, ka pedtuldun nami su langun nu pinggalebek nu.

فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَيُدۡخِلُهُمۡ رَبُّهُمۡ فِي رَحۡمَتِهِۦۚ ذَٰلِكَ هُوَ ٱلۡفَوۡزُ ٱلۡمُبِينُ﴿٣٠﴾

30Su manga bamaginugut endu minggalebek sa manga mapya na paludepen silan nu Kadenan nilan kanu limu nin, entu den ba su badtugan a mapayag.

وَأَمَّا ٱلَّذِينَ كَفَرُوٓاْ أَفَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَٱسۡتَكۡبَرۡتُمۡ وَكُنتُمۡ قَوۡمٗا مُّجۡرِمِينَ﴿٣١﴾

31Endu su manga kafir menem na idsan silan: di kena ba pembatyan sa lekanu su ayatan ku na mimamasela kanu, na sekanu banan i manga taw a manga darwaka.

وَإِذَا قِيلَ إِنَّ وَعۡدَ ٱللَّهِ حَقّٞ وَٱلسَّاعَةُ لَا رَيۡبَ فِيهَا قُلۡتُم مَّا نَدۡرِي مَا ٱلسَّاعَةُ إِن نَّظُنُّ إِلَّا ظَنّٗا وَمَا نَحۡنُ بِمُسۡتَيۡقِنِينَ﴿٣٢﴾

32Endu amayka pidtalu sa kanilan su pasad nu Allah na benal a matuman endu su gay a mawli na da kebplis nin, na ya nu kadtalu: di nami katawan i gay a mawli, bangantap kami bu sa di kena bun gatagu sa ginawa nami.

وَبَدَا لَهُمۡ سَيِّـَٔاتُ مَا عَمِلُواْ وَحَاقَ بِهِم مَّا كَانُواْ بِهِۦ يَسۡتَهۡزِءُونَ﴿٣٣﴾

33Endu napayag sa kanilan su kawag nu galebek nilan, endu nakatumpalak den sa kanilan su kabagungat nilan.

وَقِيلَ ٱلۡيَوۡمَ نَنسَىٰكُمۡ كَمَا نَسِيتُمۡ لِقَآءَ يَوۡمِكُمۡ هَٰذَا وَمَأۡوَىٰكُمُ ٱلنَّارُ وَمَا لَكُم مِّن نَّٰصِرِينَ﴿٣٤﴾

34Endu edtalun sa kanilan: saguna na itagak kanu sya sa naraka, ka mana bun su kinatagak nu sa nya ba a gay nu, endu ya nu kadtakenan su naraka a dala makadtabang sa lekanu.

ذَٰلِكُم بِأَنَّكُمُ ٱتَّخَذۡتُمۡ ءَايَٰتِ ٱللَّهِ هُزُوٗا وَغَرَّتۡكُمُ ٱلۡحَيَوٰةُ ٱلدُّنۡيَاۚ فَٱلۡيَوۡمَ لَا يُخۡرَجُونَ مِنۡهَا وَلَا هُمۡ يُسۡتَعۡتَبُونَ﴿٣٥﴾

35Kagina sekanu na ya nu pinakaydan kanu manga ayatan nu Allah na bagungaten bu, nasimpang kanu na kapaguyag sa dunya, na saguna a gay na di silan makalyu sa naraka endu dala makapangeni sa kagkapya nilan.

فَلِلَّهِ ٱلۡحَمۡدُ رَبِّ ٱلسَّمَٰوَٰتِ وَرَبِّ ٱلۡأَرۡضِ رَبِّ ٱلۡعَٰلَمِينَ﴿٣٦﴾

36Pugin su Allah kigkuwan sa manga langit endu su lupa, endu kigkuwan pan kanu dunya.

وَلَهُ ٱلۡكِبۡرِيَآءُ فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ﴿٣٧﴾

37Lekanin su kasla kanu pitu lapis a langit endu lupa, endu sekanin i mapulu a mataw sa kapandadayta.

← Ad-DukhanAl-Ahqaf→

RELATED SURAHS

7

Al-A'raf

The Heights

13

Ar-Ra'd

The Thunder

22

Al-Hajj

The Pilgrimage

1

Al-Fatiha

The Opening

Browse all 114 surahs