الفجر
The Dawn • 30 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Idsapa ku kanu Faj’r (kabukakas su mapita).
2Endu ku manga magabi a sapulu (paganayan a sapulu gay kanu Zul-Hijjah).
3Idsapa ku kani gunep (sapi) endu gansal (watri)
4Idsapa ko kanu magabi amayka lumipus.
5Ngintu lu kanu entuba a sapa i kigkuwan sa kenal?
6Ngintu da nengka madsuliman (Muhammad) u panun i kinapakayd nu Kadenan nengka kani Aad?
7Taw na Iram (mabagel endu masla a manga taw) a aden sa kanilan i manga walay a malambeg i manga palaws in.
8Da den napamaluy a pagidsan siya kanu manga dalpa.
9Endu si Thamud a pinamanebal nilan su manga lakungan siya ku bawgan.
10Endu si Fir’awn a kigkuwan sa manga pasek.
11Silan ba antu i naminasakan siya kanu manga dalpa.
12Na pinakadakel nilan lun su kabinasan.
13Na binubusan silan nu Kadenan nengka (Muhammad) sa tapidas a siksa.
14Saben-sabenal na su Kadenan nengka (Muhammad) na labi masuliman.
15Na makapantag kanu manusya amayka batalun sekanin nu Kadenanin na inipulu nin endu inikalimunin na yanin madtalu na “su Kadenan ku na inipulu aku nin.”
16Endu amayka batalun sekanin sa pagengeten sa lekanin su rizki nin na ya nin edtalun na “su Kadenan ku na inilusak aku nin.”
17Benal! Ugayd na di nu ipegkalimu su manga ilu.
18Endu di nu ipedsusuguway su kapakan ku manga miskin.
19Endu bamegkan kanu sa kawalisan sa kapegkan a ganggam.
20Na endu kalinyan nu su manga tamuk sa kalilini a subla.
21Benal den! Amayka tapungen den su lupa sa tidtu a katapung na matapung den.
22Makawma su Nangaden endu su manga malaikat a midsaf silan kanu kapagkukum.
23Endu itingguma den su jahannam (naraka) kanu namba a gay, na katademan nu taw su galebak nin a da katagan nin sa lekanin.
24Sa yanin madtalu na “Hay! Entuba ka nakatapenay aku (sa galebek) kanu uyag uyag aku pan (sa dunya).”
25Na gay ba antu na di makasiksa su siksa nin sa kaped.
26Endu di makapawik su pawikin sa kaped.
27Hay! Seka a ginawa a tumatana.
28Embalingan ka den kanu Kadenan nengka sa dalem a kasuwat ka endu kasuwatan ka nin.
29Na simbul ka siya kanu manga ulipen ku.
30Endu ludep ka den kanu surga ku.