الغاشية
The Overwhelming • 26 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Ngintu nawma ka (Muhammad) nu tudtulan kanu Ghasiyah? (gay a mawli).
2Su manga beneng kanu entuba a gay na magilek.
3Penggalebek sa linutayan.
4A makaludep kanu naraka a pegkalaw-kalaw
5Pabpaginumen ebpun kanu buwalan na naraka a pedsebu-sebu.
6Da sa kanilan i pegken ya tabya na makabpun kanu manga Dhari (kayu sa Naraka a teneken, madu, mayaw, endu mapayt).
7Di makagkasebud endu di makangguna kanu taw a kagutem.
8Su manga beneng sa entuba gay na magalaw.
9Na mapya i ginawa nin kanu nanggalebekin (sa dunya a manga mapya) a nalinyanin (sa gay a mawli).
10Siya kanu surga mapulu.
11Sa dala makineg nengka lun a gusyawat (da kapantagin a bityala).
12Aden lun i manga buwalan a ebpelagilay.
13Aden lun i manga igan (katri) a namakapulu.
14Endu manga basu a namakaadil.
15Endu manga ulunan a namaka-antang.
16Endu su manga palamandi a nangapamelat.
17Ngintu di nilan pedsulimanen su unta u panun I kinapamaluy lun?
18Endu su langit na panun i kinapulu lun (kinagantung lun)?
19Endu su manga palaw sa panun i kinapamuladtek lun.
20Endu su lupa sa panun i kinapamelat lun.
21Na patedem ka (Muhammad) ka ya bu man leka na kapatadem.
22Ka di nengka man silan kagyug-kyugan.
23Ya tabya na entayn i taligkudanan nin (su indawan) endu egkafir.
24Na siksan sekanin nu Allah sa kasiksan a sangat a masela.
25Saben-sabenal na sekami i kambalinganan nilan.
26Mawli na saben-sabenal siya sa lekami su kagkwinta sa kanilan.