Ya-Sin

يس

Ya-Sin • 83 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

يسٓ﴿١﴾

1Ya-Seen (su Allah i mataw kanu ma’na nin).

وَٱلۡقُرۡءَانِ ٱلۡحَكِيمِ﴿٢﴾

2Saki (Allah) idsapa ku su Qur’an a naatul sa mapya.

إِنَّكَ لَمِنَ ٱلۡمُرۡسَلِينَ﴿٣﴾

3Saben-sabenal a seka (Muhammad) na kuyug ka kanu manga sinugu.

عَلَىٰ صِرَٰطٖ مُّسۡتَقِيمٖ﴿٤﴾

4Nanget a pedtuntul sa lalan a matidtu.

تَنزِيلَ ٱلۡعَزِيزِ ٱلرَّحِيمِ﴿٥﴾

5Initulun ebpun kanu mapulu a malimu (Allah).

لِتُنذِرَ قَوۡمٗا مَّآ أُنذِرَ ءَابَآؤُهُمۡ فَهُمۡ غَٰفِلُونَ﴿٦﴾

6Endu nengka kapakagilekan su manga taw kanu inipakagilek kanu manga kalukesan nilan, ka silan na dala labut nilan (sa iman sa Allah).

لَقَدۡ حَقَّ ٱلۡقَوۡلُ عَلَىٰٓ أَكۡثَرِهِمۡ فَهُمۡ لَا يُؤۡمِنُونَ﴿٧﴾

7Saben-sabenal na ya madakel sa kanilan i nawagib su siksa, kagina di silan bangimbenal (sa Allah endu nabi).

إِنَّا جَعَلۡنَا فِيٓ أَعۡنَٰقِهِمۡ أَغۡلَٰلٗا فَهِيَ إِلَى ٱلۡأَذۡقَانِ فَهُم مُّقۡمَحُونَ﴿٨﴾

8Saben-sabenal a binaluy nami kanu manga tengu nilan i lantay-lantay taman kanu bakelengan nilan sa dili silan makatulug.

وَجَعَلۡنَا مِنۢ بَيۡنِ أَيۡدِيهِمۡ سَدّٗا وَمِنۡ خَلۡفِهِمۡ سَدّٗا فَأَغۡشَيۡنَٰهُمۡ فَهُمۡ لَا يُبۡصِرُونَ﴿٩﴾

9Endu binaluy nami kanu kasangulan nilan i pelen (makatanggub) endu taligkudan nilan i pelen na dinapengan nami silan sa dili den silan makailay.

وَسَوَآءٌ عَلَيۡهِمۡ ءَأَنذَرۡتَهُمۡ أَمۡ لَمۡ تُنذِرۡهُمۡ لَا يُؤۡمِنُونَ﴿١٠﴾

10Endu magidsan bun i pakagilekan nengka silan atawaka di na dili bun silan mangimbenal.

إِنَّمَا تُنذِرُ مَنِ ٱتَّبَعَ ٱلذِّكۡرَ وَخَشِيَ ٱلرَّحۡمَٰنَ بِٱلۡغَيۡبِۖ فَبَشِّرۡهُ بِمَغۡفِرَةٖ وَأَجۡرٖ كَرِيمٍ﴿١١﴾

11Na ya bu pambarapantag kanu indawan na su minunut (sa Qur’an) endu nagilekan sa Allah sa gayb, na pakalilini ka silan kanu ampun endu balas a mapulu.

إِنَّا نَحۡنُ نُحۡيِ ٱلۡمَوۡتَىٰ وَنَكۡتُبُ مَا قَدَّمُواْ وَءَاثَٰرَهُمۡۚ وَكُلَّ شَيۡءٍ أَحۡصَيۡنَٰهُ فِيٓ إِمَامٖ مُّبِينٖ﴿١٢﴾

12Saben-sabenal na uyagen nami su namamatay endu isulat nami su manga galebek nilan a nawna endu su pinambuwat nilan a manga kukuman pagidsan i mapya-mawag, langun na tinuganul nami lu sa kitab a mapayag.

وَٱضۡرِبۡ لَهُم مَّثَلًا أَصۡحَٰبَ ٱلۡقَرۡيَةِ إِذۡ جَآءَهَا ٱلۡمُرۡسَلُونَ﴿١٣﴾

13Endu pambuwat ka sa kanilan i upaman kanu taw nu dalpa a nakawma sa kanilan i sinugu nu Allah.

إِذۡ أَرۡسَلۡنَآ إِلَيۡهِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٖ فَقَالُوٓاْ إِنَّآ إِلَيۡكُم مُّرۡسَلُونَ﴿١٤﴾

14Kutika kinasugu nami sa duwa kataw lu sa kanilan na pinandalbut nilan, na binagel nami sa ikatelu, pidtalu nilan i sinugu kami san sa lekanu.

قَالُواْ مَآ أَنتُمۡ إِلَّا بَشَرٞ مِّثۡلُنَا وَمَآ أَنزَلَ ٱلرَّحۡمَٰنُ مِن شَيۡءٍ إِنۡ أَنتُمۡ إِلَّا تَكۡذِبُونَ﴿١٥﴾

15Pidtalu nilan (su manga sinugu): sekanu na manusya kanu bun a magidsan tanu bun, endu dala den initutulu nu Allah a apya ngin a di kena papendalbuten nu.

قَالُواْ رَبُّنَا يَعۡلَمُ إِنَّآ إِلَيۡكُمۡ لَمُرۡسَلُونَ﴿١٦﴾

16Pidtalu nilan: su Kadenan nami i mataw na saben-sabenal a sekami na sinugu kami sa lekanu.

وَمَا عَلَيۡنَآ إِلَّا ٱلۡبَلَٰغُ ٱلۡمُبِينُ﴿١٧﴾

17Endu ya bu man wagib sa lekami na kapapedsampay.

قَالُوٓاْ إِنَّا تَطَيَّرۡنَا بِكُمۡۖ لَئِن لَّمۡ تَنتَهُواْ لَنَرۡجُمَنَّكُمۡ وَلَيَمَسَّنَّكُم مِّنَّا عَذَابٌ أَلِيمٞ﴿١٨﴾

18Pidtalu nu mga taw: edtempuwan nami sekanu, amayka di kanu menda na rajamen nami sekanu, endu aden mananam nu sa lekami a siksa a masakit (kadtalu nu manga darwaka kanu manga sinugu).

قَالُواْ طَٰٓئِرُكُم مَّعَكُمۡ أَئِن ذُكِّرۡتُمۚ بَلۡ أَنتُمۡ قَوۡمٞ مُّسۡرِفُونَ﴿١٩﴾

19Pidtalu nu manga sinugu: su kapanendit nu na san bun sa lekanu sa kabpangindaw sa lekanu, ka sekanu a manga taw na nakasagad i kadarwaka nin.

وَجَآءَ مِنۡ أَقۡصَا ٱلۡمَدِينَةِ رَجُلٞ يَسۡعَىٰ قَالَ يَٰقَوۡمِ ٱتَّبِعُواْ ٱلۡمُرۡسَلِينَ﴿٢٠﴾

20Endu nakawma ebpun sa mawatan kanu dalpa i mama bamagayas, ya nin pidtalu: hay sekanu a manga taw! Unuti nu su manga sinugu.

ٱتَّبِعُواْ مَن لَّا يَسۡـَٔلُكُمۡ أَجۡرٗا وَهُم مُّهۡتَدُونَ﴿٢١﴾

21Pamaginuguti nu i entayn i di kanu nin bangingidsan (pangeniyan) sa sukay sa silan na pamakatuntul.

وَمَالِيَ لَآ أَعۡبُدُ ٱلَّذِي فَطَرَنِي وَإِلَيۡهِ تُرۡجَعُونَ﴿٢٢﴾

22Endu da sa laki i di ku simban su minaluy sa laki, endu lu kanu bun makambalingan sa lekanin.

ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرّٖ لَّا تُغۡنِ عَنِّي شَفَٰعَتُهُمۡ شَيۡـٔٗا وَلَا يُنقِذُونِ﴿٢٣﴾

23Ngintu ka mamaluy kanu pan sa kadenan a salakaw sa Allah, na u ya nin kyug sa laki i makagkayd na di makabarapantag salaki i safa’at nilan sa apya paydu.

إِنِّيٓ إِذٗا لَّفِي ضَلَٰلٖ مُّبِينٍ﴿٢٤﴾

24Upama ka maytu ba na saki den i natading sa mapayag.

إِنِّيٓ ءَامَنتُ بِرَبِّكُمۡ فَٱسۡمَعُونِ﴿٢٥﴾

25Saben-sabenal i saki na nangimbenal aku kanu pedtiyakap sa lekanu na pamakikineg aku nu.

قِيلَ ٱدۡخُلِ ٱلۡجَنَّةَۖ قَالَ يَٰلَيۡتَ قَوۡمِي يَعۡلَمُونَ﴿٢٦﴾

26Ya pidtalu sa lekanin: ludep ka sa surga, ya nin nadtalu na nya ba ka su manga taw ku a katawan nilan bu.

بِمَا غَفَرَ لِي رَبِّي وَجَعَلَنِي مِنَ ٱلۡمُكۡرَمِينَ﴿٢٧﴾

27Sabap sa inampun aku nu Kadenan ku, endu binaluy aku nin sa nakuyug aku sa kanu manga taw a ipebpulu.

۞ وَمَآ أَنزَلۡنَا عَلَىٰ قَوۡمِهِۦ مِنۢ بَعۡدِهِۦ مِن جُندٖ مِّنَ ٱلسَّمَآءِ وَمَا كُنَّا مُنزِلِينَ﴿٢٨﴾

28Endu dala initulun nami kanu manga taw nin sa ulyan a kinapatay nin a malaikat ebpun sa langit endu di nami den itulun.

إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ خَٰمِدُونَ﴿٢٩﴾

29Ugayd na siksa i makawma sa kanilan, isa timan bu a tekik i nakasugat sa kanilan, na da nasama sa kanilan.

يَٰحَسۡرَةً عَلَى ٱلۡعِبَادِۚ مَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ﴿٣٠﴾

30Duwan-duwan nin su manga ulipen a da makawma sa kanilan a sinugu a di kena bagungatan nilan bu.

أَلَمۡ يَرَوۡاْ كَمۡ أَهۡلَكۡنَا قَبۡلَهُم مِّنَ ٱلۡقُرُونِ أَنَّهُمۡ إِلَيۡهِمۡ لَا يَرۡجِعُونَ﴿٣١﴾

31Ngintu da nilan mailay i madakel i bininasa nami a nawna sa kanilan sa dala den silan makambalingan (sa dunya).

وَإِن كُلّٞ لَّمَّا جَمِيعٞ لَّدَيۡنَا مُحۡضَرُونَ﴿٣٢﴾

32Endu langun na nangawna endu su gangawli na kabulig sa hadapan nu Allah.

وَءَايَةٞ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبّٗا فَمِنۡهُ يَأۡكُلُونَ﴿٣٣﴾

33Endu tanda sa kanilan su lupa a minatay (dala bagetu lun) a inuyag nami, endu pinambuwat nami i manga lagas, su kaped na pegken nu.

وَجَعَلۡنَا فِيهَا جَنَّٰتٖ مِّن نَّخِيلٖ وَأَعۡنَٰبٖ وَفَجَّرۡنَا فِيهَا مِنَ ٱلۡعُيُونِ﴿٣٤﴾

34Endu binaluy nami kanu lupa i manga pamulan kayu-kulma endu inab, endu pinambwat nami sya sa lupa i manga buwal.

لِيَأۡكُلُواْ مِن ثَمَرِهِۦ وَمَا عَمِلَتۡهُ أَيۡدِيهِمۡۚ أَفَلَا يَشۡكُرُونَ﴿٣٥﴾

35Ka endu silan makakan sa unga nin, endu su unga nu galebekan nu lima nilan, na ngintu di silan makadsukur?

سُبۡحَٰنَ ٱلَّذِي خَلَقَ ٱلۡأَزۡوَٰجَ كُلَّهَا مِمَّا تُنۢبِتُ ٱلۡأَرۡضُ وَمِنۡ أَنفُسِهِمۡ وَمِمَّا لَا يَعۡلَمُونَ﴿٣٦﴾

36Mahasuti su Allah a binaluy nin i embalangan a pabpagetun u lupa endu su bagatu kanu lawas nilan (babay-mama) endu madakel pan i di nilan katawan.

وَءَايَةٞ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ﴿٣٧﴾

37Endu tanda pan sa kanilan su magabi endu su malamag a padsukelya (u nakawma su magabi) na nalibutangan silan.

وَٱلشَّمۡسُ تَجۡرِي لِمُسۡتَقَرّٖ لَّهَاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ﴿٣٨﴾

38Endu su senang na sya bagukit kanu tampat nin, entu na atulan nu Allah a mapulu a mataw.

وَٱلۡقَمَرَ قَدَّرۡنَٰهُ مَنَازِلَ حَتَّىٰ عَادَ كَٱلۡعُرۡجُونِ ٱلۡقَدِيمِ﴿٣٩﴾

39Endu su ulan-ulan na binaluy nami a tanda (kapila na sebang) sabap kanu kabpagiseg nin na gabpalin-palin (i buntal nin) makailing sa tenduk a gapeku sa nagangu atawaka mana langgaman.

لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلّٞ فِي فَلَكٖ يَسۡبَحُونَ﴿٤٠﴾

40Dala kanu senang i sumenang kanu magabi na dala bun kanu ulan-ulan, endu dala kanu magabi i egkagabi sa malamag, maytu bun ba su malamag, uman isa na bagukit sa kanu lalan nin.

وَءَايَةٞ لَّهُمۡ أَنَّا حَمَلۡنَا ذُرِّيَّتَهُمۡ فِي ٱلۡفُلۡكِ ٱلۡمَشۡحُونِ﴿٤١﴾

41Endu tanda sa kanilan i pinageda nami su mawli a taw nilan kanu awang (awang nu Nuh).

وَخَلَقۡنَا لَهُم مِّن مِّثۡلِهِۦ مَا يَرۡكَبُونَ﴿٤٢﴾

42Endu binaluy nami bun sa kanilan sya sa kapuluwan i bagedan nilan.

وَإِن نَّشَأۡ نُغۡرِقۡهُمۡ فَلَا صَرِيخَ لَهُمۡ وَلَا هُمۡ يُنقَذُونَ﴿٤٣﴾

43Upama pigkahanda nami bu i pageleden nami silan sa lagat na dala makatabang sa kanilan endu dala sa kanilan i makalipus silan.

إِلَّا رَحۡمَةٗ مِّنَّا وَمَتَٰعًا إِلَىٰ حِينٖ﴿٤٤﴾

44Ya tabya na su limu ebpun sa Allah ka endu kanu malilini pamun taman sa ajal nu.

وَإِذَا قِيلَ لَهُمُ ٱتَّقُواْ مَا بَيۡنَ أَيۡدِيكُمۡ وَمَا خَلۡفَكُمۡ لَعَلَّكُمۡ تُرۡحَمُونَ﴿٤٥﴾

45Endu amayka pidtalu sa kanilan: ikagilek nu su dusa nu saguna endu su dusa nu a naypus ka malemu-lemu sa lekanu i ikalimu kanu (amayka maituba i enggulan nu).

وَمَا تَأۡتِيهِم مِّنۡ ءَايَةٖ مِّنۡ ءَايَٰتِ رَبِّهِمۡ إِلَّا كَانُواْ عَنۡهَا مُعۡرِضِينَ﴿٤٦﴾

46Endu dala pakatalingguma sa kanilan a gugudan a ped kanu manga gugudan nu pedtiyakap sa kanilan u di kena nangabaluy silan lun a namedtangkili.

وَإِذَا قِيلَ لَهُمۡ أَنفِقُواْ مِمَّا رَزَقَكُمُ ٱللَّهُ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَنُطۡعِمُ مَن لَّوۡ يَشَآءُ ٱللَّهُ أَطۡعَمَهُۥٓ إِنۡ أَنتُمۡ إِلَّا فِي ضَلَٰلٖ مُّبِينٖ﴿٤٧﴾

47Endu amayka pidtalu sa kanilan: embaranggya (enggastu) nu su kaped kanu inirizki nu Allah sa lekanu, na ya edtalun nu manga kafir kanu manga bamaginugut: enduken ka papegkanen nami na u pegkyug su Kadenan nu na sekanin den mun i mapakan lun, sekanu a taw (pedsugu sa kapakan) na natading kanu sa mapayag.

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ﴿٤٨﴾

48Endu kadtalu nilan pan: kanu i kawma na namba a pasad amayka benal kanu?

مَا يَنظُرُونَ إِلَّا صَيۡحَةٗ وَٰحِدَةٗ تَأۡخُذُهُمۡ وَهُمۡ يَخِصِّمُونَ﴿٤٩﴾

49Da kapangangapan nilan ya tabya na kayup a paganay ka nu sanggakala a ipedtekaw sa kanilan sa penggusyawa silan.

فَلَا يَسۡتَطِيعُونَ تَوۡصِيَةٗ وَلَآ إِلَىٰٓ أَهۡلِهِمۡ يَرۡجِعُونَ﴿٥٠﴾

50Na di nilan magaga i kapanutuma sa apya ngin, endu di silan makawli sa walay nilan.

وَنُفِخَ فِي ٱلصُّورِ فَإِذَا هُم مِّنَ ٱلۡأَجۡدَاثِ إِلَىٰ رَبِّهِمۡ يَنسِلُونَ﴿٥١﴾

51Endu su mawli den a kayup kanu sanggakala na langun nilan na makambuwat kanu kubur nilan, ka lu silan mamagayas kanu hadapan nu Allah.

قَالُواْ يَٰوَيۡلَنَا مَنۢ بَعَثَنَا مِن مَّرۡقَدِنَاۜۗ هَٰذَا مَا وَعَدَ ٱلرَّحۡمَٰنُ وَصَدَقَ ٱلۡمُرۡسَلُونَ﴿٥٢﴾

52Ya nilan madtalu: entayn i napagedam sa lekitanu? Nya den basu inibpasad nu Allah a kambuwat sa ulyan na kapatay, benal bun su langun na sinugu.

إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ جَمِيعٞ لَّدَيۡنَا مُحۡضَرُونَ﴿٥٣﴾

53Isa timan bu a suwara a nakawma sa kanilan na langun nilan na naibped silan, nabulig kanu pegkukuman.

فَٱلۡيَوۡمَ لَا تُظۡلَمُ نَفۡسٞ شَيۡـٔٗا وَلَا تُجۡزَوۡنَ إِلَّا مَا كُنتُمۡ تَعۡمَلُونَ﴿٥٤﴾

54Saguna a gay na dili madsalimbut i uman isa sa apya paydu, endu dala makwa nu a balas ya tabya na lalaw nu galebek nu.

إِنَّ أَصۡحَٰبَ ٱلۡجَنَّةِ ٱلۡيَوۡمَ فِي شُغُلٖ فَٰكِهُونَ﴿٥٥﴾

55Saben-sabenal su manga taw sa surga na magayp silan sa kagalaw na ginawa nilan.

هُمۡ وَأَزۡوَٰجُهُمۡ فِي ظِلَٰلٍ عَلَى ٱلۡأَرَآئِكِ مُتَّكِـُٔونَ﴿٥٦﴾

56Silan endu su manga kaluma nilan na sya sa masilung a pedsandig kanu manga kantil (katri).

لَهُمۡ فِيهَا فَٰكِهَةٞ وَلَهُم مَّا يَدَّعُونَ﴿٥٧﴾

57Patut kanilan siya ku entu i manga unga na kasapadan endu patut pan kanilan i nganin a ibamedsinganin nilan.

سَلَٰمٞ قَوۡلٗا مِّن رَّبّٖ رَّحِيمٖ﴿٥٨﴾

58Kadtalu a mapya i makineg nilan ebpun kanu Kadenan a malimu.

وَٱمۡتَٰزُواْ ٱلۡيَوۡمَ أَيُّهَا ٱلۡمُجۡرِمُونَ﴿٥٩﴾

59Nakasenggay menem kanu namba a gay i manga darwaka (lu sa naraka).

۞ أَلَمۡ أَعۡهَدۡ إِلَيۡكُمۡ يَٰبَنِيٓ ءَادَمَ أَن لَّا تَعۡبُدُواْ ٱلشَّيۡطَٰنَۖ إِنَّهُۥ لَكُمۡ عَدُوّٞ مُّبِينٞ﴿٦٠﴾

60Inibpasad ku sa lekanu a tupu nu Adam i di nu pedsimba su shaytan ka saben-sabenal a satru (kuntra) kanu nin a mapayag.

وَأَنِ ٱعۡبُدُونِيۚ هَٰذَا صِرَٰطٞ مُّسۡتَقِيمٞ﴿٦١﴾

61Endu saki nu i simba ka nan ba i lalan a matidtu (su kasimba sa Allah).

وَلَقَدۡ أَضَلَّ مِنكُمۡ جِبِلّٗا كَثِيرًاۖ أَفَلَمۡ تَكُونُواْ تَعۡقِلُونَ﴿٦٢﴾

62Endu saben-sabenal a natadin na shaytan i kadakelan sa lekanu, na ngintu ka di kanu makapagugangen?

هَٰذِهِۦ جَهَنَّمُ ٱلَّتِي كُنتُمۡ تُوعَدُونَ﴿٦٣﴾

63Nya su naraka jahannam a inidtalanga sa lekanu.

ٱصۡلَوۡهَا ٱلۡيَوۡمَ بِمَا كُنتُمۡ تَكۡفُرُونَ﴿٦٤﴾

64Ludep kanu saguna a gay, sabap kanu kapegkafir nu.

ٱلۡيَوۡمَ نَخۡتِمُ عَلَىٰٓ أَفۡوَٰهِهِمۡ وَتُكَلِّمُنَآ أَيۡدِيهِمۡ وَتَشۡهَدُ أَرۡجُلُهُم بِمَا كَانُواْ يَكۡسِبُونَ﴿٦٥﴾

65Saguna a gay na di nami padtalun su ngali nu, ya embityala sa lekami na su manga lima nilan, a pedsaksi menem su manga ay nilan kanu langun na galebek nilan (sa dunya).

وَلَوۡ نَشَآءُ لَطَمَسۡنَا عَلَىٰٓ أَعۡيُنِهِمۡ فَٱسۡتَبَقُواْ ٱلصِّرَٰطَ فَأَنَّىٰ يُبۡصِرُونَ﴿٦٦﴾

66Endu u mana bu ka nagkahanda nami i piseken nami i manga mata nilan na tumuntul silan sa lalan na panun i kailay nilan.

وَلَوۡ نَشَآءُ لَمَسَخۡنَٰهُمۡ عَلَىٰ مَكَانَتِهِمۡ فَمَا ٱسۡتَطَٰعُواْ مُضِيّٗا وَلَا يَرۡجِعُونَ﴿٦٧﴾

67Endu upama mana bu ka pigkahanda nami i sambiyan nami silan sa palas lu kanu kambetadan nilan na di silan makagaga miseg atawaka sumunud (embalingan).

وَمَن نُّعَمِّرۡهُ نُنَكِّسۡهُ فِي ٱلۡخَلۡقِۚ أَفَلَا يَعۡقِلُونَ﴿٦٨﴾

68Endu su pagkalendun nami i umur nin na egkulang su bagel-palas nin, na ngintu ka di kanu makapamikir sa kaungagenan.

وَمَا عَلَّمۡنَٰهُ ٱلشِّعۡرَ وَمَا يَنۢبَغِي لَهُۥٓۚ إِنۡ هُوَ إِلَّا ذِكۡرٞ وَقُرۡءَانٞ مُّبِينٞ﴿٦٩﴾

69Endu da nami mapamandu sa bayuk (su Muhammad) endu di nin dayt ya tabya na indawan su Qur’an a mapayag.

لِّيُنذِرَ مَن كَانَ حَيّٗا وَيَحِقَّ ٱلۡقَوۡلُ عَلَى ٱلۡكَٰفِرِينَ﴿٧٠﴾

70Endu nin mapangindaw su manga taw a bibyag endu madsama nu manga kafir su siksa.

أَوَلَمۡ يَرَوۡاْ أَنَّا خَلَقۡنَا لَهُم مِّمَّا عَمِلَتۡ أَيۡدِينَآ أَنۡعَٰمٗا فَهُمۡ لَهَا مَٰلِكُونَ﴿٧١﴾

71Di nilan gailay i binaluy nami sa kanilan kanu bagel nami su manga binatang a silan i pakamilik lun.

وَذَلَّلۡنَٰهَا لَهُمۡ فَمِنۡهَا رَكُوبُهُمۡ وَمِنۡهَا يَأۡكُلُونَ﴿٧٢﴾

72Endu pinandayan sa kanilan, aden pegkudan nilan endu su kaped menem na pegkanen nilan.

وَلَهُمۡ فِيهَا مَنَٰفِعُ وَمَشَارِبُۚ أَفَلَا يَشۡكُرُونَ﴿٧٣﴾

73Endu aden pan kangatagan nin sa kanilan, endu paginumen, na ngintu ka dili pakadsukur?

وَٱتَّخَذُواْ مِن دُونِ ٱللَّهِ ءَالِهَةٗ لَّعَلَّهُمۡ يُنصَرُونَ﴿٧٤﴾

74Endu minumbal silan sa manga kadenan a salakaw sa Allah ka basi makadtabang sa kanilan.

لَا يَسۡتَطِيعُونَ نَصۡرَهُمۡ وَهُمۡ لَهُمۡ جُندٞ مُّحۡضَرُونَ﴿٧٥﴾

75Na di makagaga tumabang sa kanilan (su barahala) ka silan endu su barahala nilan na ebpalawa silan sa hadapan nu Allah.

فَلَا يَحۡزُنكَ قَوۡلُهُمۡۘ إِنَّا نَعۡلَمُ مَا يُسِرُّونَ وَمَا يُعۡلِنُونَ﴿٧٦﴾

76Na di ka lumidu i ginawa nengka sa kadtalu nilan ka katawan nami su ibagena nilan endu su ipebpayag nilan.

أَوَلَمۡ يَرَ ٱلۡإِنسَٰنُ أَنَّا خَلَقۡنَٰهُ مِن نُّطۡفَةٖ فَإِذَا هُوَ خَصِيمٞ مُّبِينٞ﴿٧٧﴾

77Ngintu di katawan nu manusya i binaluy nami sekanin ebpun sa manni, na sekanin na mapayag gayd i kategas nin.

وَضَرَبَ لَنَا مَثَلٗا وَنَسِيَ خَلۡقَهُۥۖ قَالَ مَن يُحۡيِ ٱلۡعِظَٰمَ وَهِيَ رَمِيمٞ﴿٧٨﴾

78Endu minenggay sa upaman sa nalimpangan nin su punan nin, ya nin kadtalu na entayn i makawyag sa tulan a nalupet?

قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٖۖ وَهُوَ بِكُلِّ خَلۡقٍ عَلِيمٌ﴿٧٩﴾

79Edtalu ka (Muhammad): baguyagen nu minaluy lun paganay, endu su Allah na langun nu binaluy nin na katawan nin.

ٱلَّذِي جَعَلَ لَكُم مِّنَ ٱلشَّجَرِ ٱلۡأَخۡضَرِ نَارٗا فَإِذَآ أَنتُم مِّنۡهُ تُوقِدُونَ﴿٨٠﴾

80Na sekanin (Allah) na binaluyan kanu nin ebpun kanu mailaw a kayu sa apuy entu ba i ipedsulu nu.

أَوَلَيۡسَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِقَٰدِرٍ عَلَىٰٓ أَن يَخۡلُقَ مِثۡلَهُمۚ بَلَىٰ وَهُوَ ٱلۡخَلَّٰقُ ٱلۡعَلِيمُ﴿٨١﴾

81Su Allah i minaluy sa pitu lapis a manga langit endu lupa sa kagaga nin i mamaluy pamun sa pagidsan nin, su Allah i bamaluy a mataw.

إِنَّمَآ أَمۡرُهُۥٓ إِذَآ أَرَادَ شَيۡـًٔا أَن يَقُولَ لَهُۥ كُن فَيَكُونُ﴿٨٢﴾

82Saben-sabenal su Allah na amayka aden pegkahanda nin na ya nin bu edtalun na pangaden ka na maaden.

فَسُبۡحَٰنَ ٱلَّذِي بِيَدِهِۦ مَلَكُوتُ كُلِّ شَيۡءٖ وَإِلَيۡهِ تُرۡجَعُونَ﴿٨٣﴾

83Mahasuti su Allah, a sya kanu lima nin i kabpamilik kanu enggaga-isa endu lu bun sa lekanin pembalingan atau ka paguli.

← FatirAs-Saffat→

RELATED SURAHS

2

Al-Baqarah

The Cow

3

Ali 'Imran

Family of Imran

6

Al-An'am

The Cattle

1

Al-Fatiha

The Opening

Browse all 114 surahs