As-Saffat

الصافات

Those Ranged in Ranks • 182 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

وَٱلصَّٰٓفَّٰتِ صَفّٗا﴿١﴾

1Saki (Allah) idsapa ku (su malaikat) a ya nin bu galebek na simba sa Allah.

فَٱلزَّٰجِرَٰتِ زَجۡرٗا﴿٢﴾

2Endu idsapa ku su (malaikat) a pedsedseg sa sambel.

فَٱلتَّٰلِيَٰتِ ذِكۡرًا﴿٣﴾

3Endu (idsapa ku) su pembatya kanu kitab.

إِنَّ إِلَٰهَكُمۡ لَوَٰحِدٞ﴿٤﴾

4Na saben-sabenal na Kadenan nu na isa bu.

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ﴿٥﴾

5Na Kadenan nu manga langit endu lupa endu su pageletan nin endu Kadenan nu pedsebangan.

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ﴿٦﴾

6Saben-sabenal a pibpalasan nami su langit u dunya sa palas nu manga bitun a pegkingdat.

وَحِفۡظٗا مِّن كُلِّ شَيۡطَٰنٖ مَّارِدٖ﴿٧﴾

7Endu ipebparahala sa shaytan a darwaka.

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ﴿٨﴾

8Di den silan makapakikineg lu sa pulu endu pembalantayn silan sa embala-bala.

دُحُورٗاۖ وَلَهُمۡ عَذَابٞ وَاصِبٌ﴿٩﴾

9Binugaw silan, endu aden siksa nilan a tatap.

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ﴿١٠﴾

10Ya tabya na su bamagayas a banayab, na gatundugan na apuy ebpun kanu bitun sa gatutung.

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ﴿١١﴾

11Idsay ka silan (Muhammad) u silan i mabagel a binaluy atawaka su binaluy nami (langit-lupa)? Na binaluy nami su manusya ebpun sa lupa a malumiket.

بَلۡ عَجِبۡتَ وَيَسۡخَرُونَ﴿١٢﴾

12Nagayp ka (Muhammad) sa kapagungat nilan sa leka.

وَإِذَا ذُكِّرُواْ لَا يَذۡكُرُونَ﴿١٣﴾

13Endu amayka patademen silan na di silan tumadem.

وَإِذَا رَأَوۡاْ ءَايَةٗ يَسۡتَسۡخِرُونَ﴿١٤﴾

14Upama aden nailay nilan a ayat na pinagumpak nilan.

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ﴿١٥﴾

15Endu ya nilan edtalun: namba na sih’r a mapayag.

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ﴿١٦﴾

16Enduken upama matay tanu na nabaluy tanu a libubuk endu su manga tulan tanu na makambuwat tanu pan?

أَوَءَابَآؤُنَا ٱلۡأَوَّلُونَ﴿١٧﴾

17Endu su manga kalukesan tanu a nangawna?

قُلۡ نَعَمۡ وَأَنتُمۡ دَٰخِرُونَ﴿١٨﴾

18Edtalu ka (Muhammad): uway makambuwat kanu, sekanu na makalusak kanu.

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ﴿١٩﴾

19Ka makaisa bu a kayup (kanu sanggakala) na mailay nu i katamanan nu.

وَقَالُواْ يَٰوَيۡلَنَا هَٰذَا يَوۡمُ ٱلدِّينِ﴿٢٠﴾

20Endu ya nilan madtalu na: nabinasa tanu, nya su gay a kabalas.

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ﴿٢١﴾

21Nya ba su gay a kagkukum a pinandalbut nu (manga kafir).

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ﴿٢٢﴾

22(Edtalun kanu manga malaikat): bulig nu su manga kafir endu su manga kaluma nilan endu su pedsimban nilan (a barahala)-

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ﴿٢٣﴾

23A salakaw sa Allah, itutulu sa kanilan i lalan lu sa naraka jahannam.

وَقِفُوهُمۡۖ إِنَّهُم مَّسۡـُٔولُونَ﴿٢٤﴾

24Endu pabpalen nu silan ka madakel i bagidsa sa kanilan.

مَا لَكُمۡ لَا تَنَاصَرُونَ﴿٢٥﴾

25Na nginan ka di kanu pedtatabangay.

بَلۡ هُمُ ٱلۡيَوۡمَ مُسۡتَسۡلِمُونَ﴿٢٦﴾

26Saguna a gay na sinumangkup silan sa dala katagan nin.

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ﴿٢٧﴾

27Endu edsasangula silan sa naraka sa idsan nu isa su kaped in.

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ﴿٢٨﴾

28Edtalun nu manga lubay i sekanu a manga mabagel u di kena sekanu na di kami makanaraka, ugayd na inidsapa nu lu sa dunya i benal kanu.

قَالُواْ بَل لَّمۡ تَكُونُواْ مُؤۡمِنِينَ﴿٢٩﴾

29Tig nu manga mabagel: di bun ugayd na da kanu bun pangimbenal.

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ﴿٣٠﴾

30Na dala saguna bagel nami a makatabang sa lekanu, endu sekanu na dupang kanu bun tanan.

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ﴿٣١﴾

31Wagib su siksa sa lekitanu saguna, ka nanaman tanu langun.

فَأَغۡوَيۡنَٰكُمۡ إِنَّا كُنَّا غَٰوِينَ﴿٣٢﴾

32Sekami bu i sabap, ugayd na natadin tanu bun tanan.

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ﴿٣٣﴾

33Silan kanu gay a mawli na pinadsimbul silan kanu siksa.

إِنَّا كَذَٰلِكَ نَفۡعَلُ بِٱلۡمُجۡرِمِينَ﴿٣٤﴾

34Saben-sabenal i sekami na maytu ba i kapakayd nami ku manga balasala (baradusa).

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ﴿٣٥﴾

35Silan na amayka pidtalu sa kanilan i dala kadenan a wagib a simban ya tabya na su Allah na mimamasela silan.

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ﴿٣٦﴾

36Endu kadtalu nilan pan: enduken ka pedtagaken tanu su manga kadenan tanu sabap bu sa pababayuk a buneg?

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ﴿٣٧﴾

37Inunta na bantang i napananggit nin (Muhammad) endu pinangimbenal a nawna a manga sinugu.

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ﴿٣٨﴾

38Sekanu na nanami nu su siksa a sangat i kasakit in.

وَمَا تُجۡزَوۡنَ إِلَّا مَا كُنتُمۡ تَعۡمَلُونَ﴿٣٩﴾

39Endu dala ibalas sa lekanu a salakaw kanu lalaw nu galebek nu.

إِلَّا عِبَادَ ٱللَّهِ ٱلۡمُخۡلَصِينَ﴿٤٠﴾

40Ya salakaw na su manga ulipen nu Allah a pinamagel nin.

أُوْلَٰٓئِكَ لَهُمۡ رِزۡقٞ مَّعۡلُومٞ﴿٤١﴾

41Silan na aden rizki nilan a natawan sa mapayag.

فَوَٰكِهُ وَهُم مُّكۡرَمُونَ﴿٤٢﴾

42Manga unga na kayu, endu silan na pedsasangulay.

فِي جَنَّٰتِ ٱلنَّعِيمِ﴿٤٣﴾

43Sa dalem na surga a na’eem.

عَلَىٰ سُرُرٖ مُّتَقَٰبِلِينَ﴿٤٤﴾

44Lu kanu manga kantil (katri) silan pedsasangulay.

يُطَافُ عَلَيۡهِم بِكَأۡسٖ مِّن مَّعِينِۭ﴿٤٥﴾

45Pembalibaten silan sa basu a baginuman a mapya i nanam in.

بَيۡضَآءَ لَذَّةٖ لِّلشَّٰرِبِينَ﴿٤٦﴾

46Na maputi palnan a kapyanan su baginemun.

لَا فِيهَا غَوۡلٞ وَلَا هُمۡ عَنۡهَا يُنزَفُونَ﴿٤٧﴾

47Dala magedam nilan a malat endu dala sa kanilan i kalangut.

وَعِندَهُمۡ قَٰصِرَٰتُ ٱلطَّرۡفِ عِينٞ﴿٤٨﴾

48Endu aden pan sa kanilan i manga babay a ya nin bu mailay na su kaluma nin.

كَأَنَّهُنَّ بَيۡضٞ مَّكۡنُونٞ﴿٤٩﴾

49Na pakalagid sa kaputyan na leman a nabawsan.

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ﴿٥٠﴾

50Endu edsasangula silan ka mamagidsaya silan sa dalem na surga.

قَالَ قَآئِلٞ مِّنۡهُمۡ إِنِّي كَانَ لِي قَرِينٞ﴿٥١﴾

51Ya edtalun nu isa sa kanilan: aden tagapeda ku lu sa dunya.

يَقُولُ أَءِنَّكَ لَمِنَ ٱلۡمُصَدِّقِينَ﴿٥٢﴾

52Ya nin edtalun sa laki: pangimbenal ka sa gay a mawli?

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ﴿٥٣﴾

53Amayka matay tanu endu libubuk tanu endu nalupet su manga tulan tanu na makambuwat tanu pamun?

قَالَ هَلۡ أَنتُم مُّطَّلِعُونَ﴿٥٤﴾

54Pidtalu nilan: ngintu nailay nu bun saguna?

فَٱطَّلَعَ فَرَءَاهُ فِي سَوَآءِ ٱلۡجَحِيمِ﴿٥٥﴾

55Guna nin bagilaya na lu nin nailay sa naraka jahannam.

قَالَ تَٱللَّهِ إِن كِدتَّ لَتُرۡدِينِ﴿٥٦﴾

56Na ya nin madtalu na ibet sa Allah na paydu sama na makailing aku sa leka sa lusak.

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ﴿٥٧﴾

57Endu upama ka di kena bu su limu nu Allah na naka-amung aku den sa naraka.

أَفَمَا نَحۡنُ بِمَيِّتِينَ﴿٥٨﴾

58Na dala den kapatay tanu.

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ﴿٥٩﴾

59Ya tabya na su nawna a kinapatay tanu lu sa dunya na ngin pan i siksa tanu.

إِنَّ هَٰذَا لَهُوَ ٱلۡفَوۡزُ ٱلۡعَظِيمُ﴿٦٠﴾

60Saben-sabenal a namba i kinabadtug a masla.

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ﴿٦١﴾

61Su namba a upaman na wagib i enggalebek su manga taw.

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ﴿٦٢﴾

62Na ngintu entu ba i mapya atawaka su kayu a zakkum?

إِنَّا جَعَلۡنَٰهَا فِتۡنَةٗ لِّلظَّٰلِمِينَ﴿٦٣﴾

63Saben-sabenal a binaluy nami i namba a kayu a fitna kanu manga kafir.

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ﴿٦٤﴾

64Entu a kayu na lu minetu sa naraka jahannam.

طَلۡعُهَا كَأَنَّهُۥ رُءُوسُ ٱلشَّيَٰطِينِ﴿٦٥﴾

65Manga panga nin na mana den su ulu nu manga shaytan.

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ﴿٦٦﴾

66Saben-sabenal na pegkan silan kanu (zakkum) a di nilan ma-uta a di malamed.

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ﴿٦٧﴾

67Mawli na aden pan baginumen nilan a sangat i kayaw nin.

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ﴿٦٨﴾

68Mawli na saben-sabenal a baguliyan nilan na lu sa naraka jahannam.

إِنَّهُمۡ أَلۡفَوۡاْ ءَابَآءَهُمۡ ضَآلِّينَ﴿٦٩﴾

69Kagina silan na nabalatemu nilan su manga lukes nilan sa manga tading.

فَهُمۡ عَلَىٰٓ ءَاثَٰرِهِمۡ يُهۡرَعُونَ﴿٧٠﴾

70Silan na ya nilan bamagayasan pedtuntul na su ukit nu kalukesan.

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ﴿٧١﴾

71Endu saben-sabenal a madakel i natading a nawna pan sa kanilan.

وَلَقَدۡ أَرۡسَلۡنَا فِيهِم مُّنذِرِينَ﴿٧٢﴾

72Endu saben-sabenal a sinugu nami lu sa kanilan i papegkagilek.

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ﴿٧٣﴾

73Ilayka (Muhammad) upama ngin i ulyan na nanggula nu manga taw a dala pangimbenal.

إِلَّا عِبَادَ ٱللَّهِ ٱلۡمُخۡلَصِينَ﴿٧٤﴾

74Ya tabya na su manga ulipen nu Allah a ikhlas.

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ﴿٧٥﴾

75Endu saben-sabenal a tinawag nu Nuh (su Allah) na mapya gayd a tinumalima.

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ﴿٧٦﴾

76Endu linepas nami (su Nuh) endu su kadakel nin kanu batalu a masela.

وَجَعَلۡنَا ذُرِّيَّتَهُۥ هُمُ ٱلۡبَاقِينَ﴿٧٧﴾

77Endu binaluy nami su mawli a taw nin sa silan i manga nasama.

وَتَرَكۡنَا عَلَيۡهِ فِي ٱلۡأٓخِرِينَ﴿٧٨﴾

78Endu inisama nami sa lekanin i badtugan a mapya.

سَلَٰمٌ عَلَىٰ نُوحٖ فِي ٱلۡعَٰلَمِينَ﴿٧٩﴾

79Mahasuti nanget kanu Nuh kanu dalem nu dunya.

إِنَّا كَذَٰلِكَ نَجۡزِي ٱلۡمُحۡسِنِينَ﴿٨٠﴾

80Saben-sabenal a maytu ba i kabalas nami kanu manga mapya a taw.

إِنَّهُۥ مِنۡ عِبَادِنَا ٱلۡمُؤۡمِنِينَ﴿٨١﴾

81Sekanin na kuyug kanu manga ulipen a nangimbenal.

ثُمَّ أَغۡرَقۡنَا ٱلۡأٓخَرِينَ﴿٨٢﴾

82Mawli na pinageled nami su madakel (a kafir).

۞ وَإِنَّ مِن شِيعَتِهِۦ لَإِبۡرَٰهِيمَ﴿٨٣﴾

83Endu saben-sabenal a aden bun kanu manga tagapeda nin i sya menem kanu Ibrahim.

إِذۡ جَآءَ رَبَّهُۥ بِقَلۡبٖ سَلِيمٍ﴿٨٤﴾

84Kanu kinasangul nin Kanu kadenan nin sa pusung a sagyahatra.

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ﴿٨٥﴾

85Aden gay a pidtalu nin kani ama nin endu su manga taw nin: ngin i pedsimban nu?

أَئِفۡكًا ءَالِهَةٗ دُونَ ٱللَّهِ تُرِيدُونَ﴿٨٦﴾

86Kalbutan a manga kadenan a salakaw sa Allah i kalilinyan nu.

فَمَا ظَنُّكُم بِرَبِّ ٱلۡعَٰلَمِينَ﴿٨٧﴾

87Ngin i kalangan nu kanu Kadenan nu dunya.

فَنَظَرَ نَظۡرَةٗ فِي ٱلنُّجُومِ﴿٨٨﴾

88Minilay su (Ibrahim) kanu manga bitun.

فَقَالَ إِنِّي سَقِيمٞ﴿٨٩﴾

89Ya nin bu lawa nadtalu na saben-sabenal a saki na dili gapya i ginawa ku.

فَتَوَلَّوۡاْ عَنۡهُ مُدۡبِرِينَ﴿٩٠﴾

90Na tinagak nu manga taw nin sa namangawa silan.

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ﴿٩١﴾

91(Su Ibrahim) na linumu kanu manga kadenan nilan (barahala) ya nin pidtalu: di kanu pegkan?

مَا لَكُمۡ لَا تَنطِقُونَ﴿٩٢﴾

92Nginan ka di kanu pedtalu? (manga barahala).

فَرَاغَ عَلَيۡهِمۡ ضَرۡبَۢا بِٱلۡيَمِينِ﴿٩٣﴾

93Na entu pan ba a pinametay nin sa kawanan.

فَأَقۡبَلُوٓاْ إِلَيۡهِ يَزِفُّونَ﴿٩٤﴾

94Pidsangul nilan sekanin sa pamagayas silan.

قَالَ أَتَعۡبُدُونَ مَا تَنۡحِتُونَ﴿٩٥﴾

95Ya nin pidtalu (si Ibrahim): nginan ka pedsimban nu i sekanu bun i bagumbal lun.

وَٱللَّهُ خَلَقَكُمۡ وَمَا تَعۡمَلُونَ﴿٩٦﴾

96Endu su Allah i minaluy sa lekanu endu su penggalebeken nu.

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ﴿٩٧﴾

97Ya nilan pidtalu: tambaki nu sa kayu sa tutudan ka idtug sekanin (Ibrahim) sa apuy.

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ﴿٩٨﴾

98Bagitungan sa mabinasa, na binaluy nami sa silan i nabinasa.

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ﴿٩٩﴾

99Endu pidtalu nu (Ibrahim): saben-sabenal a saki na sangulan ku su Kadenan ku, ka tutulun aku nin.

رَبِّ هَبۡ لِي مِنَ ٱلصَّٰلِحِينَ﴿١٠٠﴾

100Kadenan ku enggi aku sa kanu manga mapya.

فَبَشَّرۡنَٰهُ بِغُلَٰمٍ حَلِيمٖ﴿١٠١﴾

101Pinagkalilinyan nami (kanu Ibrahim) i wata a matigkel (Ismail).

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ﴿١٠٢﴾

102Guna su pakatabang den sa galebekan (Ismail) kani ama nin (Ibrahim) pidtalu nu Ibrahim: Hay wata ku! Nailay ku sa kapedtulug ku i sumbalin ku seka na ngin i leka? Tig nu Ismail: Hay ama! Enggalebek ka i suguwan sa leka, ka maparuli aku nengka bun amayka myug su Allah lu kanu manga taw a barasabar.

فَلَمَّآ أَسۡلَمَا وَتَلَّهُۥ لِلۡجَبِينِ﴿١٠٣﴾

103Guna su sinumangkup silan duwa na inibetad nin su putaw sa bakelengan nin.

وَنَٰدَيۡنَٰهُ أَن يَٰٓإِبۡرَٰهِيمُ﴿١٠٤﴾

104Na tinawag nami: Hay Ibrahim! Sugati ka den.

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ﴿١٠٥﴾

105Ka saben-sabenal natuman nengka den su taginepen nengka, sekami (Allah) na maytu ba i kabalas nami kanu manga mapya a manga taw.

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ﴿١٠٦﴾

106Ka nan a nanggula na batalu a mapayag.

وَفَدَيۡنَٰهُ بِذِبۡحٍ عَظِيمٖ﴿١٠٧﴾

107Endu sinambyan nami su (Ismail) sa kibas (kambing) a masla.

وَتَرَكۡنَا عَلَيۡهِ فِي ٱلۡأٓخِرِينَ﴿١٠٨﴾

108Endu tinagak nami a badtugan a mapya sa lekanin sya kanu gangawli.

سَلَٰمٌ عَلَىٰٓ إِبۡرَٰهِيمَ﴿١٠٩﴾

109Su sagyahatra na nanget den kanu Ibrahim.

كَذَٰلِكَ نَجۡزِي ٱلۡمُحۡسِنِينَ﴿١١٠﴾

110Sa maytu ba i kabpamalas nami kanu manga mapya manga taw.

إِنَّهُۥ مِنۡ عِبَادِنَا ٱلۡمُؤۡمِنِينَ﴿١١١﴾

111Ka sekanin na kuyug kanu manga ulipen a nangimbenal.

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ﴿١١٢﴾

112Endu pinakalilinyan nami sa lekanin su Ishaq a nabi a kuyug kanu manga mapya.

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ﴿١١٣﴾

113Endu pinambarakat nami sa lekanin endu su Ishaq endu manga muli a taw nilan na aden bamaginugut endu aden bun kafir sa mapayag.

وَلَقَدۡ مَنَنَّا عَلَىٰ مُوسَىٰ وَهَٰرُونَ﴿١١٤﴾

114Endu saben-sabenal a linanun (inikalimu) nami su Musa endu su Harun.

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ﴿١١٥﴾

115Endu linepas nami silan duwa endu su manga taw nilan kanu tiyuba a masla.

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ﴿١١٦﴾

116Endu tinabangan nami silan, na silan i tinemalaw.

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ﴿١١٧﴾

117Endu inenggan nami silan duwa sa kitab a mapayag.

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ﴿١١٨﴾

118Endu tinutulu nami silan duwa sa lalan a matidtu.

وَتَرَكۡنَا عَلَيۡهِمَا فِي ٱلۡأٓخِرِينَ﴿١١٩﴾

119Endu inisama nami sa kanilan duwa i mapya a badtugan kanu gangawli sa kanilan.

سَلَٰمٌ عَلَىٰ مُوسَىٰ وَهَٰرُونَ﴿١٢٠﴾

120Su sagyahatra na nanget kanu Musa endu kani Harun.

إِنَّا كَذَٰلِكَ نَجۡزِي ٱلۡمُحۡسِنِينَ﴿١٢١﴾

121Benal a mamba i kabalas nami kanu manga mapya a manga taw.

إِنَّهُمَا مِنۡ عِبَادِنَا ٱلۡمُؤۡمِنِينَ﴿١٢٢﴾

122Benal na silan duwa na kuyug kanu manga ulipen a nangimbenal.

وَإِنَّ إِلۡيَاسَ لَمِنَ ٱلۡمُرۡسَلِينَ﴿١٢٣﴾

123Endu su Ilyas na kuyug kanu manga sinugu.

إِذۡ قَالَ لِقَوۡمِهِۦٓ أَلَا تَتَّقُونَ﴿١٢٤﴾

124Kutika a pidtalu nin kanu taw nin: namba ka magilek kanu bu sa Allah.

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ﴿١٢٥﴾

125Ngintu ka ya nu pedsimban i barahala, na ipedtagak nu su mapya gayd i kapamaluy nin.

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ﴿١٢٦﴾

126Su Allah i kadenan nu a kadenan bun nu manga lukes nu a nangawna.

فَكَذَّبُوهُ فَإِنَّهُمۡ لَمُحۡضَرُونَ﴿١٢٧﴾

127Pinandalbut nilan, na silan ba i taw sa naraka.

إِلَّا عِبَادَ ٱللَّهِ ٱلۡمُخۡلَصِينَ﴿١٢٨﴾

128Ya tabya na su manga ulipen nu Allah a manga ikhlas.

وَتَرَكۡنَا عَلَيۡهِ فِي ٱلۡأٓخِرِينَ﴿١٢٩﴾

129Endu inisama nami i mapya a bandingan (badtugan) sa lekanin kanu gangawli a manga taw.

سَلَٰمٌ عَلَىٰٓ إِلۡ يَاسِينَ﴿١٣٠﴾

130Su sagyahatra na nanget kanu Ilyas.

إِنَّا كَذَٰلِكَ نَجۡزِي ٱلۡمُحۡسِنِينَ﴿١٣١﴾

131Benal a mamba i kabalas nami kanu manga mapya a manga taw.

إِنَّهُۥ مِنۡ عِبَادِنَا ٱلۡمُؤۡمِنِينَ﴿١٣٢﴾

132Saben-sabenal na sekanin na kuyug kanu manga ulipen nami a nangimbenal.

وَإِنَّ لُوطٗا لَّمِنَ ٱلۡمُرۡسَلِينَ﴿١٣٣﴾

133Endu su Lut na kuyug bun kanu manga sinugu.

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ﴿١٣٤﴾

134Na linepas nami sekanin endu su kadakel nin langun.

إِلَّا عَجُوزٗا فِي ٱلۡغَٰبِرِينَ﴿١٣٥﴾

135Ya tabya na su kaluma nin a nakuyug kanu manga taw a nabinasa.

ثُمَّ دَمَّرۡنَا ٱلۡأٓخَرِينَ﴿١٣٦﴾

136Mawli na bininasa nami su langun nu liyu sa kanilan.

وَإِنَّكُمۡ لَتَمُرُّونَ عَلَيۡهِم مُّصۡبِحِينَ﴿١٣٧﴾

137Endu sekanu na pedsagadan nu bun su dalpa nilan sa mapita-

وَبِٱلَّيۡلِۚ أَفَلَا تَعۡقِلُونَ﴿١٣٨﴾

138Endu magabi na ngintu ka di nu kapamandapat (mapamikir) a pikiran?

وَإِنَّ يُونُسَ لَمِنَ ٱلۡمُرۡسَلِينَ﴿١٣٩﴾

139Endu saben-sabenal su Yunus na kuyug bun kanu manga sinugu.

إِذۡ أَبَقَ إِلَى ٱلۡفُلۡكِ ٱلۡمَشۡحُونِ﴿١٤٠﴾

140Su kutika a minawa sa lu mibpawang kanu bagedan sa napenu na lulan.

فَسَاهَمَ فَكَانَ مِنَ ٱلۡمُدۡحَضِينَ﴿١٤١﴾

141Na sekanin (Yunus) i nambuwatan nu ilayan sa sekanin i pageleden sa lagat.

فَٱلۡتَقَمَهُ ٱلۡحُوتُ وَهُوَ مُلِيمٞ﴿١٤٢﴾

142Endu nilinu nu seda, saleta aden pedtalya sa lekanin.

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ﴿١٤٣﴾

143Upama ka di kena bu mategel tumasbih.

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ﴿١٤٤﴾

144Na matangen kanu tiyan nu seda taman sa kabangkit sa dunya.

۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ﴿١٤٥﴾

145Pinagemaw nami sekanin sya sa tadtab nu lagat sa malubay sekanin.

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ﴿١٤٦﴾

146Endu pinatu’ nami sa lekanin i kayu a kasilungan nin a makagayp.

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ﴿١٤٧﴾

147Endu sinugu nami sekanin lu kanu labi magatus ngibu a manga taw atawaka subra pan.

فَـَٔامَنُواْ فَمَتَّعۡنَٰهُمۡ إِلَىٰ حِينٖ﴿١٤٨﴾

148Na nangimbenal silan na inenggan nami silan sa kalilini a taman bu kanu ajal nilan.

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ﴿١٤٩﴾

149Idsa nengka (Muhammad) kanu manga kafir u kanu Kadenan nengka su manga babay na kanilan su manga mama.

أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ﴿١٥٠﴾

150Atawaka kinabaluy nami kanu manga malaikat na ngintu nadsaksyan nilan i manga babay su malaikat?

أَلَآ إِنَّهُم مِّنۡ إِفۡكِهِمۡ لَيَقُولُونَ﴿١٥١﴾

151Saben-sabenal na ya nilan bun madtalu na kalbut nilan.

وَلَدَ ٱللَّهُ وَإِنَّهُمۡ لَكَٰذِبُونَ﴿١٥٢﴾

152Na pinambata nilan su Allah na silan na sangat i kalbut nin.

أَصۡطَفَى ٱلۡبَنَاتِ عَلَى ٱلۡبَنِينَ﴿١٥٣﴾

153Sa ya kun pinamili nu Allah na su manga babay kanu manga mama.

مَا لَكُمۡ كَيۡفَ تَحۡكُمُونَ﴿١٥٤﴾

154Da sa lekanu i kapangukum sa da nu mailay.

أَفَلَا تَذَكَّرُونَ﴿١٥٥﴾

155Ngintu di kanu den ma-indaw egkatulanged?

أَمۡ لَكُمۡ سُلۡطَٰنٞ مُّبِينٞ﴿١٥٦﴾

156Atawaka aden tindeg nu a mapayag (kanu pedtalun nu)?

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ﴿١٥٧﴾

157Pambuwat nu i kitab nu amayka benal kanu.

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ﴿١٥٨﴾

158Endu inumbalan nu manga mushrik sa kabpagalya nilan kanu jin, na saben-sabenal a katawan nu jin su mushrik na pedsiksan sa naraka.

سُبۡحَٰنَ ٱللَّهِ عَمَّا يَصِفُونَ﴿١٥٩﴾

159Mahasuti su Allah kanu langun na kadtalu nilan a supak.

إِلَّا عِبَادَ ٱللَّهِ ٱلۡمُخۡلَصِينَ﴿١٦٠﴾

160Ya tabya na su manga ulipen nu Allah a manga ikhlas.

فَإِنَّكُمۡ وَمَا تَعۡبُدُونَ﴿١٦١﴾

161Na saben-sabenal sekanu endu su pedsimban nu (barahala).

مَآ أَنتُمۡ عَلَيۡهِ بِفَٰتِنِينَ﴿١٦٢﴾

162Da sa lekanu i mabinasa nu apya isa-kataw bu.

إِلَّا مَنۡ هُوَ صَالِ ٱلۡجَحِيمِ﴿١٦٣﴾

163Ya tabya na su manga taw a pakaludep sa naraka a jaheem.

وَمَا مِنَّآ إِلَّا لَهُۥ مَقَامٞ مَّعۡلُومٞ﴿١٦٤﴾

164Endu da isa sa lekitanu a di kena aden simban nin a natawan nin.

وَإِنَّا لَنَحۡنُ ٱلصَّآفُّونَ﴿١٦٥﴾

165Endu sekitanu na pedsaf tanu sa sambayang.

وَإِنَّا لَنَحۡنُ ٱلۡمُسَبِّحُونَ﴿١٦٦﴾

166Endu sekitanu na pedtasbih tanu.

وَإِن كَانُواْ لَيَقُولُونَ﴿١٦٧﴾

167Endu saben-sabenal na ya nilan pan kadtalu na,

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ﴿١٦٨﴾

168Upama mana bu ka aden sa lekitanu i kitab ebpun kanu nangawna,

لَكُنَّا عِبَادَ ٱللَّهِ ٱلۡمُخۡلَصِينَ﴿١٦٩﴾

169Na mabaluy tanu a ulipen nu Allah a manga ikhlas.

فَكَفَرُواْ بِهِۦۖ فَسَوۡفَ يَعۡلَمُونَ﴿١٧٠﴾

170Na sinupak nilan bun, na di ebplis na katawan nilan.

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ﴿١٧١﴾

171Endu saben-sabenal a nawna den i Kalima nami kanu manga ulipen nami a manga sinugu.

إِنَّهُمۡ لَهُمُ ٱلۡمَنصُورُونَ﴿١٧٢﴾

172Na saben-sabenal a silan (manga sinugu) na silan i pedtabangan.

وَإِنَّ جُندَنَا لَهُمُ ٱلۡغَٰلِبُونَ﴿١٧٣﴾

173Endu su sundalu nami (bamaginugut) na silan i tumaban.

فَتَوَلَّ عَنۡهُمۡ حَتَّىٰ حِينٖ﴿١٧٤﴾

174Pasagadi ka silan a manga kafir sa taman a di pan gabunu silan.

وَأَبۡصِرۡهُمۡ فَسَوۡفَ يُبۡصِرُونَ﴿١٧٥﴾

175Endu ilayka su siksa sa kanilan, ka di ebplis na mailay nilan bun.

أَفَبِعَذَابِنَا يَسۡتَعۡجِلُونَ﴿١٧٦﴾

176Ngintu ka pedtagadan nilan su siksa nami sa kanilan.

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ﴿١٧٧﴾

177Na amayka nakatulun kanu lama-lama nilan na mawag den i katamanan nu mapita nu manga taw a pinakagilekan a da kagileki.

وَتَوَلَّ عَنۡهُمۡ حَتَّىٰ حِينٖ﴿١٧٨﴾

178Pasagadi ka silan sa taman a di ka pan gasugu sa kabunu sa kanilan.

وَأَبۡصِرۡ فَسَوۡفَ يُبۡصِرُونَ﴿١٧٩﴾

179Endu ilay ka su siksa ka di ebplis na mailay nilan bun.

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ﴿١٨٠﴾

180Mahasuti su Allah a Kadenan nengka a Kadenan a mapulu kanu langun nu kadtalu nilan a kadusan a masela.

وَسَلَٰمٌ عَلَى ٱلۡمُرۡسَلِينَ﴿١٨١﴾

181Endu su sagyahatra na nanget kanu manga sinugu.

وَٱلۡحَمۡدُ لِلَّهِ رَبِّ ٱلۡعَٰلَمِينَ﴿١٨٢﴾

182Endu pugi nu su Allah a Kadenan nu langun na dunya.

← Ya-SinSad→

RELATED SURAHS

2

Al-Baqarah

The Cow

3

Ali 'Imran

Family of Imran

6

Al-An'am

The Cattle

1

Al-Fatiha

The Opening

Browse all 114 surahs