التكوير
The Overthrowing • 29 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1Amayka su senang ka malimumu (kaawan na sigay).
2Endu amayka su manga bitun ka mangalubpug.
3Endu amayka su manga palaw na makabayug,
4Endu amayka su manga magingay a manga unta ka madtimatag (da den mamarihala lun).
5Endu amayka su manga mayla a manga binatang na matimu.
6Endu amayka su manga lagat na pakalegen.
7Endu amayka su ngiyawa ka padtagapedan (kanu lawasin/badanin).
8Endu amayka su wata a babay (a inilebeng sa bibyag) ka kaidsan.
9Endaw i kadusan a sabap a kinabunu lun?
10Endu su manga lukisan nu manga galebekan ka makapayapat.
11Endu amayka su langit ka mabaluba.
12Endu amayka su naraka na pasindawn.
13Endu amayka su surga na isiken (kanu pakasulga).
14Katawan den nu isa a ginawa su nganin a nanggalebekin.
15Saben-sabenal na ipedsapa ku kanu manga bitun (egkadadag u mapita su sigay nin na egkaliwanag u magabi su sigay nin).
16Su manga bitun a pendalaguyan sya kanu lalanin a pakapagena.
17Endu idsapa ku kanu magabi amayka egkalibuteng.
18Endu idsapa kanu mapita amayka egkaliwanag,
19Saben-sabenal na su Qur’an na kadtalu a inipadtalu kanu sinugu a mapulu (Jibril).
20Aden lun i bagel a katinggiyan nin lu kanu bamarihala kanu Arash.
21Balityalan (nu manga malaikat lu sa langit) ataw ka kasaligan.
22Endu kena man buneg su tagapeda nu.
23Endu saben-sabenal a nailay nu Muhammad si Jibril sa kawang-kawangan sa mapayag.
24Endu di nin ebpaningit su kataw makapantag kanu di nin gangailay.
25Endu su Qur’an na kena kadtalu nu manga shaytan a berajamen.
26Na endaw kanu pan ebpawang?
27Dala kanu Qur’an ya tabya na patadem kanu sakalyan alam.
28Kanu entayn i nagkahanda ebpun sa lekanu sa kadtinudtuan
29Endu na da magkahanda nu ya tabya na egkahanda nu Allah a pedtiyakap kanu sakalyan alam.