'Abasa

عبس

He Frowned • 42 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

عَبَسَ وَتَوَلَّىٰٓ﴿١﴾

1Migkalibedteng endu tinemaligkud (si Muhammad).

أَن جَآءَهُ ٱلۡأَعۡمَىٰ﴿٢﴾

2Kanu kinawma sa lekanin nu buta (di pakailay).

وَمَا يُدۡرِيكَ لَعَلَّهُۥ يَزَّكَّىٰٓ﴿٣﴾

3Endu di nengka egkatawan (Muhammad) i sekanin besen i pedsuti (malityaya) sa leka.

أَوۡ يَذَّكَّرُ فَتَنفَعَهُ ٱلذِّكۡرَىٰٓ﴿٤﴾

4Ataw ka makandudulugud na makangguna lun su patadem.

أَمَّا مَنِ ٱسۡتَغۡنَىٰ﴿٥﴾

5Makapantag kanu entayn i di pakanasisita.

فَأَنتَ لَهُۥ تَصَدَّىٰ﴿٦﴾

6Na sekanin i inipamamantag nengka.

وَمَا عَلَيۡكَ أَلَّا يَزَّكَّىٰ﴿٧﴾

7Endu da bun sa leka i dusa amengka di sekanin makadsuti (malityala).

وَأَمَّا مَن جَآءَكَ يَسۡعَىٰ﴿٨﴾

8Endu makapantag kanu entayn i nakawma sa leka a bamagayas.

وَهُوَ يَخۡشَىٰ﴿٩﴾

9Na sekanin banan i egkagilekan (kanu Allah).

فَأَنتَ عَنۡهُ تَلَهَّىٰ﴿١٠﴾

10Na sekanin i nakadtalipenda nengka.

كَلَّآ إِنَّهَا تَذۡكِرَةٞ﴿١١﴾

11Di kena maitu! Ka saben-sabenal na su Qur’an na patadem.

فَمَن شَآءَ ذَكَرَهُۥ﴿١٢﴾

12Na entayn i egkalilini (sa labitan/pangagi) na tademan nin intuba.

فِي صُحُفٖ مُّكَرَّمَةٖ﴿١٣﴾

13Siya kanu suhuf (Qur’an) masla/bala-alaga.

مَّرۡفُوعَةٖ مُّطَهَّرَةِۭ﴿١٤﴾

14Mapulu (i pangkatan nin) a suti.

بِأَيۡدِي سَفَرَةٖ﴿١٥﴾

15Siya kanu lima nu manga malaikat (a bamedsulat).

كِرَامِۭ بَرَرَةٖ﴿١٦﴾

16Manga mapulu i pangkatan nin endu matidtu

قُتِلَ ٱلۡإِنسَٰنُ مَآ أَكۡفَرَهُۥ﴿١٧﴾

17Gimela (namulkan) su manusya kanun ngin den a kinasupakin.

مِنۡ أَيِّ شَيۡءٍ خَلَقَهُۥ﴿١٨﴾

18Endaw ebpun a enggaga-isa i binaluyan sa lekanin nu Kadenan?

مِن نُّطۡفَةٍ خَلَقَهُۥ فَقَدَّرَهُۥ﴿١٩﴾

19Ebpun kanu ig (mama endu babay) i kinalimbag lun, mawli na dinyangka nin.

ثُمَّ ٱلسَّبِيلَ يَسَّرَهُۥ﴿٢٠﴾

20Mawli na su lalan a mapya na pinakalemuwanin sa lekanin.

ثُمَّ أَمَاتَهُۥ فَأَقۡبَرَهُۥ﴿٢١﴾

21Mawli na inalap sekanin (nu Allah) na inipalebengin.

ثُمَّ إِذَا شَآءَ أَنشَرَهُۥ﴿٢٢﴾

22Mawli na amayka magkahanda nin na pambuwaten nin (kanu ulyan nu kaalap).

كَلَّا لَمَّا يَقۡضِ مَآ أَمَرَهُۥ﴿٢٣﴾

23Benal a da ka-ebplis in na da nin makatunay su nganin a kasuguwan sa lekanin.

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ﴿٢٤﴾

24Na panulimanen nu su manusya su makanin/pegkenin.

أَنَّا صَبَبۡنَا ٱلۡمَآءَ صَبّٗا﴿٢٥﴾

25Saben-sabenal na sekami na inibubus nami su ig sa sampulna a kinabubus,

ثُمَّ شَقَقۡنَا ٱلۡأَرۡضَ شَقّٗا﴿٢٦﴾

26Mawli na pinambutekad nami su lupa sa kinambutekad.

فَأَنۢبَتۡنَا فِيهَا حَبّٗا﴿٢٧﴾

27Na pinatu’ nami kanu manga lupa su manga unud (lagas).

وَعِنَبٗا وَقَضۡبٗا﴿٢٨﴾

28Endu manga anggur endu manga kakamun.

وَزَيۡتُونٗا وَنَخۡلٗا﴿٢٩﴾

29Endu zaitun endu kulma.

وَحَدَآئِقَ غُلۡبٗا﴿٣٠﴾

30Endu manga pamumulan a malalabung.

وَفَٰكِهَةٗ وَأَبّٗا﴿٣١﴾

31Endu manga unga na kayu endu manga kawyagan nu manga binatang,

مَّتَٰعٗا لَّكُمۡ وَلِأَنۡعَٰمِكُمۡ﴿٣٢﴾

32Kawyagan nu sekanu endu su manga pangangayamen nu.

فَإِذَا جَآءَتِ ٱلصَّآخَّةُ﴿٣٣﴾

33Na amayka makatalingguma su kisek (kabangkit).

يَوۡمَ يَفِرُّ ٱلۡمَرۡءُ مِنۡ أَخِيهِ﴿٣٤﴾

34Gay a palaguyan nu taw su suledin.

وَأُمِّهِۦ وَأَبِيهِ﴿٣٥﴾

35Endu si ina nin endu si ama nin.

وَصَٰحِبَتِهِۦ وَبَنِيهِ﴿٣٦﴾

36Endu si kaluma nin endu si wata nin,

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ﴿٣٧﴾

37Uman isa kanilan kanu entuba a gay na ya nin madtulan na ginawa nin.

وُجُوهٞ يَوۡمَئِذٖ مُّسۡفِرَةٞ﴿٣٨﴾

38Su manga pamenengan kanu entuba a gay na pedsigay.

ضَاحِكَةٞ مُّسۡتَبۡشِرَةٞ﴿٣٩﴾

39Sa pedtatawa a masigalaw.

وَوُجُوهٞ يَوۡمَئِذٍ عَلَيۡهَا غَبَرَةٞ﴿٤٠﴾

40Endu pamenengan kanu entuba a gay aden lun i libubuk.

تَرۡهَقُهَا قَتَرَةٌ﴿٤١﴾

41Nabawsan na kalibutengan.

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ﴿٤٢﴾

42Silan ba entu su manga sinumupak kanu Allah a manga dupang.

← An-Nazi'atAt-Takwir→

RELATED SURAHS

1

Al-Fatiha

The Opening

36

Ya-Sin

Ya-Sin

55

Ar-Rahman

The Most Merciful

67

Al-Mulk

The Sovereignty

Browse all 114 surahs