الانفطار
The Cleaving • 19 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
11 Amayka su langit na magupakan.
2Endu amayka su manga bitun na mangalubpug.
3Endu amayka su manga lagat na embebetu (mamelipil).
4Endu amayka su manga pakuburan na mabalikwat.
5Na katawan den nu taw su nganin a nanggalebekin a nawna endu nawli.
6Hay seka nan a manusya! Ngin i nakabintyana sa leka kanu kadenan nengka a mapulu?
7A binaluy ka sa inimpitan ka nin sa pinandadayta ka nin.
8Siya sa kanu ngin a buntal a nganin a nagkahanda nin na pinadsaluswa ka nin.
9Benal! Ugayd na papendalbuten nu su gay a mawli.
10Endu saben-sabenal na aden sa lekanu i bamedtanding (malaikat).
11Manga mapulu a ebpamelukis (kanu manga galebekan).
12Katawan nilan su penggalebeken nu.
13Saben-sabenal a su manga mapya a taw na da den ka-ebplis in na siya den kanu limu.
14Endu saben-sabenal na su manga dalwaka na da den ka-ebplis in na siya den kanu jaheem (naraka).
15Kaludepan nilan den sa entuba (jaheem/naraka) sa gay a mawli.
16Endu di den ba silan lun maka-awa.
17Endu di nengka katawan (Muhammad) ngin i Yawm Ad-Deen?
18Mawli na di nengka katawan ngini pidtalu a Yawm Ad-Deen?
19Gay a di kamilikan nu isa a ginawa su isa a ginawa kanu enggaga-isa endu su kyug kanu entuba a timpu na kanu Allah.