Nuh

نوح

Noah • 28 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

إِنَّآ أَرۡسَلۡنَا نُوحًا إِلَىٰ قَوۡمِهِۦٓ أَنۡ أَنذِرۡ قَوۡمَكَ مِن قَبۡلِ أَن يَأۡتِيَهُمۡ عَذَابٌ أَلِيمٞ﴿١﴾

1Saben-sabenal a sinugu nami su Nuh lu kanu manga taw nin, endu pidtalu nami lun: pakagileki ka su taw nengka sa unan a di pan makawma sa kanilan su siksa a malipedes.

قَالَ يَٰقَوۡمِ إِنِّي لَكُمۡ نَذِيرٞ مُّبِينٌ﴿٢﴾

2Ya pidtalu nu Nuh: sekanu a manga taw ku na saki na mapayag i kapakagilek ku sa lekanu.

أَنِ ٱعۡبُدُواْ ٱللَّهَ وَٱتَّقُوهُ وَأَطِيعُونِ﴿٣﴾

3Sa simba nu su Allah endu ikagilek nu endu paginuguti nu.

يَغۡفِرۡ لَكُم مِّن ذُنُوبِكُمۡ وَيُؤَخِّرۡكُمۡ إِلَىٰٓ أَجَلٖ مُّسَمًّىۚ إِنَّ أَجَلَ ٱللَّهِ إِذَا جَآءَ لَا يُؤَخَّرُۚ لَوۡ كُنتُمۡ تَعۡلَمُونَ﴿٤﴾

4Ka ampunen su kaped kanu dusa nu endu bintengan nin su ajal nu taman bu kanu ka-imatay sa lekanu, su ajal nu Allah na amayka makawma na di makasundul umana bu gatawan nu.

قَالَ رَبِّ إِنِّي دَعَوۡتُ قَوۡمِي لَيۡلٗا وَنَهَارٗا﴿٥﴾

5Tig nu Nuh: Huu Kadenan ku! Pinangenggat ku su taw ku sa magabi-malamag.

فَلَمۡ يَزِدۡهُمۡ دُعَآءِيٓ إِلَّا فِرَارٗا﴿٦﴾

6Na da nakawma kanu enggatan ku sa kanilan a di kena kinapalalaguy.

وَإِنِّي كُلَّمَا دَعَوۡتُهُمۡ لِتَغۡفِرَ لَهُمۡ جَعَلُوٓاْ أَصَٰبِعَهُمۡ فِيٓ ءَاذَانِهِمۡ وَٱسۡتَغۡشَوۡاْ ثِيَابَهُمۡ وَأَصَرُّواْ وَٱسۡتَكۡبَرُواْ ٱسۡتِكۡبَارٗا﴿٧﴾

7Endu saben-sabenal a saki na uman ku silan enggaten ka endu nengka ma-ampun silan na palnen nilan su manga tangila nilan ka endu di nilan makineg su indawan ku sa kanilan, endu edtanggub silan, endu ya nilan dinayun su kapemamasela.

ثُمَّ إِنِّي دَعَوۡتُهُمۡ جِهَارٗا﴿٨﴾

8Mawli na saki na matanug den i kina-enggat ku sa kanilan.

ثُمَّ إِنِّيٓ أَعۡلَنتُ لَهُمۡ وَأَسۡرَرۡتُ لَهُمۡ إِسۡرَارٗا﴿٩﴾

9Mawli na saki na inipayag ku endu inisulen ku su kabpangenggat ku sa kanilan.

فَقُلۡتُ ٱسۡتَغۡفِرُواْ رَبَّكُمۡ إِنَّهُۥ كَانَ غَفَّارٗا﴿١٠﴾

10Pidtalu ku: pangeni kanu sa ampun lu sa Allah ka su Allah na mangampun.

يُرۡسِلِ ٱلسَّمَآءَ عَلَيۡكُم مِّدۡرَارٗا﴿١١﴾

11Ka paulanan kanu nin sa maleges.

وَيُمۡدِدۡكُم بِأَمۡوَٰلٖ وَبَنِينَ وَيَجۡعَل لَّكُمۡ جَنَّٰتٖ وَيَجۡعَل لَّكُمۡ أَنۡهَٰرٗا﴿١٢﴾

12Endu enggan kanu nin sa manga tamuk endu manga wata, endu enggan kanu nin sa manga pamulan endu manga lawas na ig.

مَّا لَكُمۡ لَا تَرۡجُونَ لِلَّهِ وَقَارٗا﴿١٣﴾

13Nginan ka da kanu makadsinganay sa limu nu Allah sabap sa kapangimbenal.

وَقَدۡ خَلَقَكُمۡ أَطۡوَارًا﴿١٤﴾

14Endu saben-sabenal a binaluy kanu nin sa aden bangkatan nin.

أَلَمۡ تَرَوۡاْ كَيۡفَ خَلَقَ ٱللَّهُ سَبۡعَ سَمَٰوَٰتٖ طِبَاقٗا﴿١٥﴾

15Ngintu di nu gailay i kinabaluy nu Allah kanu pitu lapis a langit sa mindadalapisa.

وَجَعَلَ ٱلۡقَمَرَ فِيهِنَّ نُورٗا وَجَعَلَ ٱلشَّمۡسَ سِرَاجٗا﴿١٦﴾

16Endu binaluy nin (kanu langit) su ulan-ulan a sigay, endu su senang a palitan.

وَٱللَّهُ أَنۢبَتَكُم مِّنَ ٱلۡأَرۡضِ نَبَاتٗا﴿١٧﴾

17Endu su Allah i napambwat sa lekanu ebpun sa lupa.

ثُمَّ يُعِيدُكُمۡ فِيهَا وَيُخۡرِجُكُمۡ إِخۡرَاجٗا﴿١٨﴾

18Mawli na pambalinganen kanu nin sya sa lupa, endu pambuwaten kanu nin (san bun sa lupa) sa kagkukum.

وَٱللَّهُ جَعَلَ لَكُمُ ٱلۡأَرۡضَ بِسَاطٗا﴿١٩﴾

19Endu su Allah na binaluy nin sa lekanu su lupa sa binelat.

لِّتَسۡلُكُواْ مِنۡهَا سُبُلٗا فِجَاجٗا﴿٢٠﴾

20Ka endu mapya i kalalakaw nu sa lalan a makalag.

قَالَ نُوحٞ رَّبِّ إِنَّهُمۡ عَصَوۡنِي وَٱتَّبَعُواْ مَن لَّمۡ يَزِدۡهُ مَالُهُۥ وَوَلَدُهُۥٓ إِلَّا خَسَارٗا﴿٢١﴾

21Ya pidtalu nu Nuh: Kadenan ku, sinupak aku nilan sa ya nilan inunutan su taw a madakel i tamuk nin endu wata nin a pakabinasa sa lekanin, endu uman pegkadakel na nawmanan menem i kapegkalugi nilan.

وَمَكَرُواْ مَكۡرٗا كُبَّارٗا﴿٢٢﴾

22Endu nagitung silan sa ukit a makabinasa (kanu Nuh).

وَقَالُواْ لَا تَذَرُنَّ ءَالِهَتَكُمۡ وَلَا تَذَرُنَّ وَدّٗا وَلَا سُوَاعٗا وَلَا يَغُوثَ وَيَعُوقَ وَنَسۡرٗا﴿٢٣﴾

23Endu ya nilan pidtalu: di nu bagenday su manga kadenan nu endu su Wadd endu su Suwa’a endu su Yaguth endu su Yauq endu su Nasra (namba i manga kadenan nilan).

وَقَدۡ أَضَلُّواْ كَثِيرٗاۖ وَلَا تَزِدِ ٱلظَّٰلِمِينَ إِلَّا ضَلَٰلٗا﴿٢٤﴾

24Endu saben-sabenal a timading sa madakel a taw endu dala idsinggumana nengka kanu manga taw a dupang a di kena katadingan.

مِّمَّا خَطِيٓـَٰٔتِهِمۡ أُغۡرِقُواْ فَأُدۡخِلُواْ نَارٗا فَلَمۡ يَجِدُواْ لَهُم مِّن دُونِ ٱللَّهِ أَنصَارٗا﴿٢٥﴾

25Sabap kanu kadusan nilan inigeled silan kanu degan, na pinaludep silan sa naraka, na dala naparuli nilan a salakaw sa Allah a makadtabang sa kanilan.

وَقَالَ نُوحٞ رَّبِّ لَا تَذَرۡ عَلَى ٱلۡأَرۡضِ مِنَ ٱلۡكَٰفِرِينَ دَيَّارًا﴿٢٦﴾

26Endu pidtalu nu Nuh: Kadenan ku, di ka den pedsamay su liyawaw na lupa sa kafir a makapaguyag.

إِنَّكَ إِن تَذَرۡهُمۡ يُضِلُّواْ عِبَادَكَ وَلَا يَلِدُوٓاْ إِلَّا فَاجِرٗا كَفَّارٗا﴿٢٧﴾

27Ka amayka saman nengka na tadingen nilan su manga ulipen nengka endu da embatan nilan a di kena darwaka a kafir.

رَّبِّ ٱغۡفِرۡ لِي وَلِوَٰلِدَيَّ وَلِمَن دَخَلَ بَيۡتِيَ مُؤۡمِنٗا وَلِلۡمُؤۡمِنِينَ وَٱلۡمُؤۡمِنَٰتِۖ وَلَا تَزِدِ ٱلظَّٰلِمِينَ إِلَّا تَبَارَۢا﴿٢٨﴾

28Kadenan ku, ampun aku endu su duwa a lukes ku endu su makaludep kanu walay ku a mangimbenal, endu su mama endu babay a mangimbenal, endu da iyuman nengka kanu manga salimbuten a di kena makabinasa sa kanilan.

← Al-Ma'arijAl-Jinn→

RELATED SURAHS

11

Hud

Hud

1

Al-Fatiha

The Opening

36

Ya-Sin

Ya-Sin

55

Ar-Rahman

The Most Merciful

Browse all 114 surahs