At-Takwir

¹Ntango mwese (moyi) mokokoma molili.

²Mpe ntango minzoto miko limwa.

³Mpe bangomba bikotambola.

⁴Mpe ntango bakamela ya zemi bakosundolama.

⁵Mpe banyama ya mabe bakosangisama.

⁶Mpe ntango bibale bikopela móto.

⁷Mpe milimo mikosangisama.

⁸Mpe ntango mwana шоке ya mwasi akotunama,

⁹Nalisumu nini asalaki mpo baboma ye.

¹⁰Mpe ntango bakosakola makomi.

¹¹Mpe ntango mapata makopasuka.

¹²Mpe ntango lifelo likopelisama.

¹³Mpe ntango lola ekokoma pembeni na bato.

¹⁴Moto akoyeba maye asalaki.

¹⁵Te, na lapi na mapata maye matongami,

¹⁶Maye mazali kokima mpe kolimwa,

¹⁷Na lapi mpe na butu ntango ekweyaka,

¹⁸Mpe na ntongo ntango etanaka,

¹⁹Ya soló, oyo ezali liloba ya motindami gabiliyele ya lokumu,

²⁰Atondi na nguya kowuta epai na Nkolo ya ngwende ya lokumu.

²¹Atosami atonda bosembo.

²²Sôló ndeko na bino (Muhammad) azali na ligboma te.

²³Amonaki ye ya sôló na suka, oyo likolo emonanaka polele lokola ekweyi na mabele.

²⁴Azali kobomba te maye makitaki epai naye.

²⁵Yango (kurani) ezali liloba ya satana te.

²⁶Bozali kokende wapi?

²⁷Ezali sé bokundoli тропа molongo mobimba,

²⁸Na oyo alingi kati na bino amisembwama.

²⁹Bokolingaka te sé sima ya kolinga ya (Allah) Nkolo ya mokili.