'Abasa

¹Akangi elongi mpe apesi mokongo.

²Mpo ete mokufi miso aye epai naye.

³Nani akoyebisa yo ntango mosusu ye alingi komipetola?

⁴To mpe kokanisa mpo ete mateya esalisa ye?

⁵Mpona moto oyo amitondisi na lolendo mpona bozwi naye,

⁶Ozali koyamba ye na lombango.

⁷Kasi bopetwami naye ezali na maboko nayo te.

⁸Kasi mpona oyo aye na lombango epai nayo,

⁹Naye azali na bobangi,

¹⁰Ozali kotala ye te.

¹¹Kosala lisusu boye te oyo ezali ya soló liteya.

¹²Oyo alingi akanisa yango.

¹³Ezwami kati ya makomi ya lokumu,

¹⁴Etombwami mpe epetolami,

¹⁵O’maboko ma bantoma,

¹⁶Baye ya lokumu тре botosi.

¹⁷Moto amibomi na bopengwi naye.

¹⁸Na eloko nini akelamaki?

¹⁹Akelamaki kowuta na mayi ya mokongo, akeli ye mpe akokiseli ye mokano mwa ye.

²⁰Sima alakisi ye nzela.

²¹Sima abomi ye mpe akotisi ye na lilita.

²²Mpe akosekwisa ye na ntango alingi.

²³Moto akokisi te maye atindamaki.

²⁴Esengeli na moto atala bileyi naye.

²⁵Ya soló, biso nde tozali kokitisa mayi.

²⁶Sima topasoli mabele na nzela,

²⁷Mpe na nzela wana tobimisi bambuma,

²⁸Ba inab[1] mpe bandunda.

²⁹Na nzete ya zaítún[2] na nzete ya nagh’l[3],

³⁰ЗО. Мре bilanga ebele,

³¹Мре tobimisi mbuma mpe matiti.

³²Bileyi тропа bino na An’âm[1] na bino.

³³Kasi tango bobulungani ekoya,

³⁴Mokolo moye moto akokima ndeko naye,

³⁵Mpe akokima mama naye mpe tata naye,

³⁶Akokima mwasi naye mpe bana baye.

³⁷Mpamba te mokolo wana moto na moto akotala sé makambo matali ye-

³⁸Mokolo wana bilongi bisusu bikongenga,

³⁹Bakoseka mpe bakosepela.

⁴⁰Kasi bilongi bisusu mokolo yango bikozala na putulu,

⁴¹Bikozipama na molili.

⁴²Baye wana nde bazali bapengwi mpe bato ya mabe.