An-Nazi'at

¹(Na lapi) na baye bapikolaka na makasi!

²Mpe na baye bayambaka na boboto!

³Mpe baye batambolaka ndenge balingi!

⁴Mpe balekaka na lombango!

⁵Mpe bazali kobongisa makambo!

⁶Mokolo moye mabele makoningana (na bofuli ya yambo),

⁷Sima elandani ya mibale.

⁸Mokolo mona mitema mikoningana na bobangi.

⁹Miso ma bango mikobanga,

¹⁰Bakoloba ete: Ya sôló, tokozongisama na bomoyi na biso sima ya liwa?

¹¹Sima, yakokoma mikuwa ya kopola?

¹²Balobi ete: Wana ezali bozongisami ya mpamba.

¹³Ya sôló, yango ezali bosangisi ya mbala moko.

¹⁴Mpe bakozwamaka likolo ya mabele kowuta na malita ma bango.

¹⁵Sango ya Mûssa ekomelaki yo te,

¹⁶Ntango Nkolo naye abengaki ye na ngomba esantu?

¹⁷Kende epai ya falo pamba te asili kotomboka,

¹⁸Мре loba naye ококі komipetola te,

¹⁹Мре nakamba yo epai ya Nkolo nayo mpo obanga ye?

²⁰Mpe (Mûssa) alakisaki ye likamwisi linene,

²¹(Falo alobaki) eza lokuta mpe aboyaki kotosa.

²²Sima apesaki mokongo mpe asali lolendo.

²³Abiangi mpe asangisi bato naye.

²⁴Sima alobaki ete: Ngai nazali Nkolo na bino oyo azali na likolo koleka.

²⁵Na yango Allah azwaki ye na etumbu awa na nsé mpe na mokolo ya suka.

²⁶Wana ya soló, ezali elembo тропа moto azali na bobangi.

²⁷Kokelama na bino ezali makasi koleka to mapata maye atonga?

²⁸Atombola etando na yango mpe akokisa yango.

²⁹Atieli yango butu na moyi.

³⁰Mpe na sima atandi mabele.

³¹Mpe na kati na yango abimisi mayi na matiti.

³²Mpe atelemisi bangomba.

³³Ezali bilei тропа bino mpe na bibuele na bino.

³⁴Kasi ntango bobulungani ya monene ekoya,

³⁵Mokolo moye moto akokanisa maye asalaki.

³⁶Moto ya lifelo mokozala polele na oyo akomona,

³⁷Mpona oyo alekisaki ndelo,

³⁸Mpe aponaki bomoyi bwa nsé,

³⁹Ya soló, lifelo ekozala esika naye ya kofanda.

⁴⁰Kasi mpona oyo abangaki kotelema liboso ya Nkolo naye mpe amipekisaki na bamposa,

⁴¹Ya soló, lola ekozala esika naye ya bopemi.

⁴²Bazali kotuna yo na maye matali mokolo ya suka ntango nini mokolo yango?

⁴³Bwanya nini ozali na yango тропа koyanola bango?

⁴⁴Ngonga na yango eyebani epai na Nkolo nayo.

⁴⁵Ya soló yo ozali sé mokebisi тропа oyo azali na bobangi ya mokolo wana.

⁴⁶Ntango bakomona yango bakomimona lokola barandaki na malita sé mokolo moko to ndambo ya mokolo.