Al-Muzzammil

¹Eh yo (Muhammad) mofiniki bilamba!

²Telema mpo (osambela) butu mobimba, longola sé mwa tango moke,

³Kati kati na yango to moke,

⁴To bakisa yango mpe tanga kurani malembe mpe polele!

⁵Tokokitisela yo maloba ya kilo (ya lokumu penza).

⁶Kosambela na butu ezali malamu mpe epesaka makasi, mpe ezali malamu mingi тропа botangi.

⁷Mpo ete ya soló, ozali na misala ebele na moyi.

⁸Mpe kanisa nkombo ya Nkolo nayo mpe mipesa naye.

⁹Nkolo ya moniele mpe eloli, nzambe mosusu azali te ya kobondela na bosóló sé ye, zúa ye mobateli (wa bino)!

¹⁰Kanga motema na maye bazali koyebisa yo, mpe mitiya mosika na bango na lolenge ya malamu.

¹¹Мре tika ngai na baye bazuaka manso na lokuta baye bazali kosepela na bisengo na bango, bazali sé na tango moke ya kozela.

¹²Ya soló, tobombeli bango singa ya monene mpe lifelo.

¹³Mpe bilia ya solo mabe, mpe etumbu ya makasi.

¹⁴Mokolo oyo mabele na bangomba bikoningana, mpe bikokoma lokola mputulu ya zelo ya kopanzana.

¹⁵Ya soló, totindelaki bino motindami, azala nzeneneke epai ya bino, lolenge moko totindaki motindami epai ya falo.

¹⁶Mpe falo aboyaki kotosa motindami mpe tozuaki ye kozua moko ya mabe.

¹⁷Ndenge nini bokomibatela na bopengwi na mokolo oyo ekokomisa bana lokola bampaka suki mpembe?

¹⁸Likolo likopasukaka (na somo wana) mpe akokokisaka elaka naye, wana ezali na tembe te.

¹⁹Ya sólo, oyo ezali bokundoli, oyo alingi, azua nzela epai na Nkolo naye.

²⁰Ya soló, Nkolo nayo (Muhammad), ayebi ete otelemaka na nsé ya mibale ya misato ya butu, mpe kati kati na yango, mpe moko ya misato na yango, elongo na ndambu ya bandimi batelemaka mpe lokola. Allah azali kokabola butu na mokolo, ayebi ete bokokoka kotanga yango te yango ayambi tubeli na bino. Kasi botanga oyo ezali mpete kati na kurani, ayebi ete kati na bino bato ya bokono bakozala, basusu bakotambola тропа koluka bolamu ya Allah, mpe basusu bakokende kobunda na nzela ya Allah. Botanga oyo ezali mpete kati na yango, mpe botelemisa losambo mpe bofuta zakat mpe bokotisa Allah nyongo ya malamu. Mpe bolamu nyoso bokosala, bokokuta yango epai na Allah, azali malamu mpe monene na kofuta, mpe bosenga Allah bolimbisi. Ya sólo, Allah azali molimbisi atonda ngolu.