Al-Jinn

¹Loba: Emoniseli ekitela ngai ya soló ete: Lisanga moko ya bilima batiaki matoyi тропа koyoka mpe balobaki ete: Ya sólo, toyoki buku ya lokumu na etangeli ya somo,

²Ezali kokamba na nzela ya semba mpe tondimaki na yango, mpe tokosangisa Nkolo wa biso na eloko mosusu te.

³Ya sólo, bonene naye Nkolo ya biso ekumama, azali na mwasi te, mpe mwana te.

⁴Mpe ya sólo, ye (satana) azali koloba mabe тропа Allah.

⁵Mpe tokanisi ete: Bato na bilima bakoki kokosela Allah te.

⁶Mpe ya sólo, Kati na bato, ezali na mibali misusu bazali koluka libateli epai ya bilima ya mibali, kasi yango ezali kobakisela bango sé mpasi.

⁷Mpe bakanisaki lolenge bokanisaki été Allah akosekwisa moto te.

⁸Мре ya soló tomataki na mapata тропа koluka koyokamela, kasi tokutaki yango na babateli ya makasi mpe minzoto ya moto (mizali kobamba na mbangu mingi).

⁹Мре tozalaki kofanda mpe koyoka, kasi oyo akoyokamela sika oyo akokutana na masasi ya moto (minzoto) ekobengana ye.

¹⁰Mpe ya sólo, toyebi te soki bazali kolingela bato ya mokili mabe to Nkolo na bango alingi kotiya bango na nzela ya semba.

¹¹Mpe kati na biso tozali na baye ya malamu mpe basusu bazali mabe, mpe tokabwanaki na mangomba ebele.

¹²Mpe ya sólo, tokanisaki été tokokutola nguya ya Allah awa na nsé te mpe lisusu ete tokosilisa nguya naye te na kokima.

¹³Mpe ya sólo, tango toyokaki bokambi, (kurani) tondimaki na yango, mpe oyo akondima na Nkolo naye, abanga te тропа bokutolami ya lifuta naye, mpe akobebisama te.

¹⁴Mpe kati na biso, tozali na baye bazali bamizilima mpe na baye bazali babubi mpe baye bayambaki islam nde baye balukaki nzela ya semba,

¹⁵Kasi тропа babubi, bakozala na moto ya lifelo ya bakoni oyo ezali kopela.

¹⁶Soki bamitiyaka na nzela ya malamu, tolingaki komelisa bango mayi ya malamu,

¹⁷Mpo tomeka bango kati na yango. Kasi oyo akoboya bokundoli ya Nkolo naye, akosukisa ye na nzela ya etumbu oyo ekosilaka te[1].

¹⁸Mpe ya sôló, ba Masâdjid[1] bizali тропа Allah, kasi bobondela eloko mosusu elongo na Allah te.

¹⁹Mpe tango mowumbu ya Allah atelemaki тропа kosambela ye, bayaki ebele kotelema pembeni naye (tango wana nde bilima bandimaki na kurani esantu tango etangamaki).

²⁰Loba: Nazali kobondela Nkolo na ngai mpe nakosangisa ye na eloko mosusu te.

²¹Loba: Ya sólo, ngai nazali na bokoki ya kosala bino mabe to kotiya bino na nzela ya semba te.

²²Loba: Ya soló, moko te akobatela ngai na botiki Allah, mpe nazui ekimeli mosusu te na botiki Allah.

²³(Nazali se) momemi sango mpe kokomisa liloba ya Allah. Mpe oyo akozanga kotosa Allah na motindami naye, ya solo akozala na moto ya lifelo libela na libela.

²⁴Kino bakomona oyo elengelami тропа bango ya etumbu, тре bakoyeba ba nani bazali па lisungi ya makasi, mpe ba nani bazali mike.

²⁵Loba: Nayebi te maye balaki bino ezali pene to Nkolo na ngai atikeli yango tango molai.

²⁶Moyebi ya mabombami, mpe moko te ayebi mabombami naye,

²⁷Longola sé oyo akosepela naye lokola motindami, mpe akotiela ye bakengeli liboso na sima naye,

²⁸Mpo bayeba été bakomisa maloba ya Nkolo na bango, mpe azingi maye bazali na yango, mpe ayebi motango ya biloko nyoso.