Al-Hijr

¹Alif, lâm, râ.[1] oyo wana ezali nde mikapo mia buku mpe kurani ya polele.

²(O mokolo mwa suka) bapengwi bakolobaka ete: Soki tozalaka ata ba mizilima.

³Tika bango balia, basepela moke (na ngonga) mpe elikya ya mokili ebosanisi bango mokolo ya bosôló, kasi kala mingi te bakoyeba.

⁴Kasi tobomaka mboka moko te sé ezala na mokano moyebani mosila kokomama.

⁵Umma[2] moko te ekoki kopuşa liboso to kozongisa mokano na bango sima.

⁶Mpe bakolobaka été: Oh yo moto bakitiseli ye buku! Ya soló, ozali moto ya ligboma.

⁷тропа nini te oyelaki biso ba anzelu soki ozalaki o kati ya balobi bosôló.

⁸Tokitisaka ba anzelu sé na bosôló, mpe bazelisaka te тропа etumbu.

⁹Tokitisaki bokundoli (kurani) na bosôló, тре sé biso nde tobatelaka yango.

¹⁰Mpe ya soló, totindaki batindami yambo nayo, o kati ya bato ba kala.

¹¹Mpe motindami moko te ayelaki bango sé batióla ye.

¹²Ndenge wana nde tokotisaka kibopengwi o mitema mia batomboki.

¹³Bakondimaka na yango te,[1] mpe ya sólo, esilaki kosalama na bato ya liboso.

¹⁴Ata soki tofungolelaka bango ezibeli ya likolo тропа komata nde bandimaki mpe te.

¹⁵Bakolobaka: Ya soló miso та biso mizali ya kolangwa, kasi tozali nde balokami.

¹⁶Mpe tosilaki ya sólo, kotia minzoto na mapata, mpe topesi yango bonzenga тропа botali.

¹⁷Mpe tobatelaki yango na mabe manso ma satana wa botutu.

¹⁸Ata oyo akolinga koyokamela yango, tokolandisa ye moto

¹⁹Mpe o mabele totandaki yango, mpe totiyeli yango bangomba mpe tolandisaki eloko nyoso na bokoki bwa yango.

²⁰Mpe totiyelaki bino okati na yango (mabele) bilei mpe bikelamu bisusu biye bozali na nguya ya koleisa yango te.

²¹Ezali na eloko moko te sé ezala na sanduku ya bozui na yango epai na biso, mpe tozali kokitisa yango ndambu ndambu na lolenge esengeli.

²²Mpe tozali kotinda mipepe ya kokolisa milona mpe tokitisi mayi kowuta na mapata тропа komelisa bino na yango, oyo bozali na bokoki ya kobomba yango te.

²³Mpe ya soló, tozali kopesa bomoyi mpe liwa, mpe biso nde tozali kopesa bokitani.

²⁴Mpe toyebi baye baleka liboso na bino (basila kokufa), mpe toyebi baye batikali naino sima.

²⁵Mpe ya sólo, Nkolo wayo akosangisaka bango, ya soló ye nde azali na bwanya atonda boyebi.

²⁶Мре tokelaki moto na mabele ya kokawuka oyo ezwami na mabele ya muselu.

²⁷Mpe tokelaki ba djini[1] liboso na moto ya molunge makasi.

²⁸Mpe tango Nkolo wayo alobaki na ba anzelu ete: Ya soló nalingi kokela moto na mabele ya kokawuka oyo ezwami na mabele ya muselu.

²⁹Mpe tango nakosilisa kobongisa ye na lolenge ya kitoko mpe na fuli okati naye, pema nangai bofukamela ye na botosi.

³⁰Mpe ba anzelu banso bafukamaki.

³¹Longola sé lusufele (ibilisa), aboyaka kogumbama elongo na bagumbami.

³²Na yango (Allah) alobaki: Oh lusufele! Mpona nini ozuami o motango mwa bagumbami te?

³³Alobi: Nazali te mpona kogumbamela moto oyo okeli ye kowuta na mabele ya kokawuka oyo ezwami na mabele ya muselu.

³⁴Mpe (Allah) alobi: Bima wana (na lola) mpo ozali na botutu.

³⁵Mpe okozala na botutu kino mokolo mwa suka.

³⁶Alobi: Oh Nkolo wa ngai! Pesa ngai mwa tango kino mokolo mwa bosekwisami.

³⁷Мре (Allah) alobaki naye ete: Ya soló, ozali kati ya bazelisami.

³⁸Kino mokolo ya ngonga eye eyebani.

³⁹Alobi: Oh Nkolo wa ngai! Pamba te mpo omemi ngai na libungi, mpe na kobongisela bango mokili mpe nakobungisa bango banso.

⁴⁰Longola sé bawumbu nayo baye osilaki коропа.

⁴¹(Allah) alobi: Oyo nde nzela ya bokambami epai na ngai.

⁴²Ya solo, bawumbu ba ngai ozali na bokonzi likolo na bango te longola sé baye bakolanda yo nakati ya babungi.

⁴³Mpe ya soló, lifelo ekozala esika na bango banso.

⁴⁴Ezali na bikuke sambo тропа kokota, mpe bikuke binso biyebani na bato ba yango.

⁴⁵Ya sólo, babangi bakozala na paladiso biye bizali na maziba.

⁴⁶Bokota na kati na yango na kimia nyoso.

⁴⁷Mpe tokolongolaka bango likunya eye ezalaki na mitema na bango mpe bakozala bandeko likolo ya bambeto yakotalana.

⁴⁸Moko te bolembu ekozua ye, mpe bakobimaka o kati na yango te.

⁴⁹Yebisa bawumbu ba ngai, ya soló, ngai nazali molimbisi natonda ngolu.

⁵⁰Mpe ya sólo, etumbu na ngai ezalaka etumbu ya makasi.

⁵¹Mpe yebisa bango тропа bapaya ba Ibrâhîm.

⁵²Tango bakotelaki ye mpe balobaki: Kimia (salam) alobi: Tozali kobanga bino.

⁵³Balobaki: Kobanga te, ya sólo, tozali kopesa yo sango ya muana mayele oyo atondi na bwanya.

⁵⁴Alobaki: Bozali kopesa ngai (sango eye) mpe boyebi malamu ete kibopaka esili kozua ngai, boye sango malamu nini bozali kopesa ngai?

⁵⁵Balobaki: Tozali kopesa yo sango ya bosóló kozala okati ya baye bazangaka elikya te тропа bolamu.

⁵⁶Mpe alobi: Nani azangaka elikya mpe ngolu ya Nkolo waye sé baye babunga nzela?

⁵⁷Mpe (alobaki na bango): Eh batindami (ba Allah)! Bolingi nini?

⁵⁸Balobi: Ya soló, totindami epai ya batomboki,

⁵⁹Longola sé libota lia Loth, ya sólo tokolongisa bango banso,

⁶⁰Longola sé mwasi waye, tosila kokata (Allah) ete akozala o kati ya baye bakozua etumbu.

⁶¹Mpe tango batindami bapusanaki pene na libota lia Loth,

⁶²Alobi: Bozali bato bayebani te.

⁶³Balobi: Toyeli yo mpo topesa etumbu na baye bazali kotiya tembe mpe bazali kondima te.

⁶⁴Mpe toyei epai nayo na bosóló mpe tozali bato ba bosembo.

⁶⁵Kima noki (kende noki) na libota lia yo na butu, zala sima na bango, moko te kati na bino atala sima. Mpe bökende sé na esika eye bakolakisa bino.

⁶⁶Mpe topesaki ye mobeko mona, mpo bato bana etumbu ezua bango kobanda ntongo tii suka.

⁶⁷Mpe bato ba mboka bayeli ye bazali kosepela,

⁶⁸Alobi: Ya sólo, baye bazali bapaya ba ngai bosala bango mabe te.

⁶⁹Bobanga Allah, kasi bokitisa lokumu na ngai te.

⁷⁰Мре balobaki (na Loth): Topekisaki yo te na koyamba bato ya mokili?

⁷¹Alobi: Bozua bana ba ngai ya basi soki bolingi bosala bango oyo bolingi.

⁷²Na bomoyi bwayo, ya soló bango bazali na milangwa mia liwa тропа bopengwi bwa bango.

⁷³Mpe lolaka ya makasi ezuaki bango na ebimeli ya moyi.

⁷⁴Mpe tobalusaki (mboka yango) na bangambo inso, mpe tobetiselaki bango mbula ya mabanga maye esanganaki na moto makasi.

⁷⁵Ya sólo, wana nde bilembo тропа baye bazali na boyebi bakoka kornona.

⁷⁶Мре ya sólo, mboka ena ezalaki lokola nzela eye eyebanaki na moto nyoso.

⁷⁷Ya sólo, wana ezali elembo тропа bandimi.

⁷⁸Ya sólo, etuka ya aïkat[1] bazalaki mpe babubi.

⁷⁹Tozuaki bango mpe lokola, kasi mboka mibale oyo eyebanaki na bisika na yango awa na mokili mpe bitikalaki bilembo binene.

⁸⁰Мре bato ba mboka ya hijr[1] basilaki kosala batindami mabe.

⁸¹Mpe tolakisaki bango makamwisi ma biso kasi balandaki yango te.

⁸²Mpe bazalaki kotonga bandako bia bango okati ya bangomba тропа kozala na kimia.

⁸³Mpe topesaki bango etumbu na ntongo o sima ya kolamuka.

⁸⁴Maye manso bazalaki na yango, bakokaki kosala na yango eloko te.

⁸⁵Mpe tokelaki likolo na nsé, na maye manso mazuami o kati na yango mibale te sé na bosóló, mpe ya soló, ngonga ekokokaka, limbisa bolimbisi bwa malamu.

⁸⁶Ya sólo, Nkolo wayo azali mokeli mpe moyebi.

⁸⁷Mpe tosilaki kopesa yo mikapo sambo[1] тропа kozongela yango na kotanga mbala na mbala, na kurani ya monene.

⁸⁸Mpe kotala te na kolula bozwi ya kitoko topesaki balisanga na bango тропа bisengo ya tango токе, koyoka pasi тропа bango te, kasi zala na komikitisa pona bandimi.

⁸⁹Mpe loba: Ya soló, nazali mokebisi ya polele.

⁹⁰Ndenge moko tokitisaki (etumbu) likolo lia bakaboli[1],

⁹¹Baye bazuaki kurani ezala eloko ya bokabwani mpe tembe kati na yango,

⁹²Mpe na nkombo ya Nkolo nayo, nakotunaka bango banso.

⁹³Mpona maye bazalaki kosala.

⁹⁴Monisa polele maye otindami na yango, mpe pesa mokongo na basangisi (Allah).

⁹⁵Tozali kosunga yo liboso lia baye bazali kotiola yo.

⁹⁶Baye bazali kosangisa Allah na biloko bisusu, bakoyebaka kala te.

⁹⁷Mpe tosilaki koyeba ete motema nayo ezali kokangama na ntina ya maye bazali koloba.

⁹⁸Mpe kumisa Nkolo wayo, mpe zala o kati ya bagumbami.

⁹⁹Mpe bondela Nkolo wayo, kino bosôló bokoyelaka yo[1].