Nuh

¹Ya soló totindaki Nûh epai ya bato naye ete: Kebisa bato nayo yambo ya etumbu makasi eyela bango.

²Alobaki: Oh bato na ngai! Ya sôló, nazali mokebisi ya polele тропа bino,

³Bobondela Allah, bobanga ye тре botosa ngai,

⁴Mpo alimbisa bino masumu тре apesa bino mikolo kino elaka yango ekoka. Ya soló, tango elaka ya Allah ekoki ezelaka te soki bozali koyeba!

⁵Alobi: Nkolo! Ya sólo, natei bato na ngai butu na moyi,

⁶Kasi mateya na ngai ebakiseli bango sé kokima,

⁷Mpe tango nazali kobenga bango mpo olimbisa bango, bazali kotiya misapi na matoyi na bango mpe kozipa yango na bilamba, basali motu makasi mpe lolendo.

⁸Sima nabengaki bango na polele,

⁹Mpe nayebisaki bango na polele mpe na lolenge ya kobombama.

¹⁰Nayebisaki bango été: Botubela epai ya Nkolo na bino. Ya soló, ye azali molimbisi.

¹¹Mpo akitisela bino kowuta na likolo mbula ezala ya kolandana,

¹²Mpe apesa bino misolo na bana ebele, mpe abómbela bino bilanga mpe mingala.

¹³Mpona nini bozali kokumisa Allah te na ndenge esengeli?

¹⁴Mpe akela bino ndambu ndambu ya kotangama?

¹⁵Bozali kornona te lolenge Allah akela mapata sambo elandani,

¹⁶Mpe atiya bongengi kati ya sanza mpe mwinda okati ya moyi?

¹⁷Allah nde abimisa bino na mabele lokola milona.

¹⁸Sima akozongisa bino kati na yango mpe sima akobimisa bino penza.

¹⁹Allah atandela bino mabele ezala lokola etoko,

²⁰Mpo botambola na kati ya banzela na yango.

²¹Nûh alobaki ete: Nkolo! Baboyi kotosa ngai kaši balandi sé moto oyo bozui naye na bana ekobakisela ye sé libungi.

²²Mpe basali likita ya monene, (ya mabe).

²³Mpe balobi ete: Botika banzambe na bino te, botika Waad te, botika mpe Suwaa te, yarúsa te, yaúqa mpe te na Nasra te. (ezali bankombo ya bikeko ya bango bazalaki kobondela)

²⁴(Mpe) yango bisili kobungisa ebele mpe ezali kobakisela babubi sé libungi.

²⁵Mpona mabe na bango, bazindisamaki na mayi, mpe bakotaki na móto, mpe bazuaki basungi te na botiki Allah.

²⁶Mpe Nûh alobi: Nkolo! Kotika ata mopagano moko te na mokili.

²⁷Soki otiki bango (na bomoyi), bakobungisa bawumbu nayo mpe bakobota sé basumuki.

²⁸Nkolo! Limbisa ngai, na baboti na ngai na moto nyoso oyo akokota ndako na ngai mondimi mpe bandimi ya mibali na ya basi, mpe kobakisela bapengwi te sé libungi.