Al-Qamar

¹Ngonga epusani mpe sanza epasuki.

²Mpe soki bamoni elembo bazali koboya mpe balobi ete: Oyo ezali bonganga ya makasi.

³Mpe baboyi kondima balandi makambo na bango moko, nzoka nde likambo nyoso lizali na suka na yango.

⁴Mpe basango bisilaki koyela bango, basango ya kopekisa bango (mabe),

⁵Wana ezali bwanya (bolamu), kasi makebisi esali bango eloko te.

⁶Mitiya mosika na bango, mokolo oyo mobengi akobengaka epai (ya likambo) linene.

⁷Bakobima na malita bilongi ya kokitisama, bakopanzana lokola bamakonko.

⁸Bakokamata bango kokende mbangu epai ya molobeli, bapagano bakoloba ete: Oyo ezali mokolo ya mpasi mpe mindondo.

⁹Bato ya Nûh bagangaki na lokuta liboso na bango, baboyaki kondimela mowumbu na biso mpe balobaki ete: Oyo azali ligboma mpe bamitiaki mosika naye.

¹⁰Abengaki Nkolo wa ye (alobi): Ya soló nazali na bokoki te, sunga ngai (na bokasi bwa yo)

¹¹Мре tofungolaki bizibeli ya likolo mayi ebele.

¹²Мре topanzaki mabele na miluka mpe mayi makutanaki na mobeko oyo etiyamaki.

¹³Mpe tomemaki ye na mabaya na sete oyo esalaki masuwa.

¹⁴Etambolaki na miso na biso,mpe tofutaki baye baboyaki kondima mbano na bango.

¹⁵Mpe totikaki yango ezala elembo, boye moto azali kaka kokanisa te?

¹⁶Lolenge nini etumbu na makebisi na ngai ezalaki?

¹⁷Mpe tosilaki kotia kurani ezala pete na bokundoli, boye ezali na moto oyo akoki kokanisa?

¹⁸Ba Aad, baboyaki kondimela (bantoma na bango), boye etumbu na makebisi na ngai ezalaki boni?

¹⁹Ya soló, totindelaki bango mopepe ya makasi koleka ya kozongelama.

²⁰Ezali kopikola bato lokola biteni ya nagh’l[1] oyo bapikoli.

²¹Boye etumbu na makebisi na ngai ezalaki boni?

²²Мре tosilaki kotiya kurani ezala pete na bokundoli, boye ezali na moto oyo akoki kokanisa?

²³Ba Thamúd baboyaki kondimela makebisi.

²⁴Mpe balobaki: Tolanda sé moto moko okati na biso? Noki te tokobunga mpe tokokweya na mabe.

²⁵Boye baponaki ntoma sé ye kati na biso nyoso? Te; azali sé moto ya lokuta mpe lolendo monene.

²⁶Bakoyebaka lobi: Nani atondi na lokuta mpe lolendo.

²⁷Ya sólo, totindelaki bango náqah[1] lokola ekamwiseli mpe komekama, kengele bango mpe kanga motema.

²⁸Mpe yebisa bango été mayi ekabuani na biteni mibale kati na bango, bakozala na ntango na bango ya komela, ye mpe na ngonga naye.

²⁹Мре babengaki moninga na bango azui mbeli babomi ye mpe basasi ye.

³⁰Boye etumbu na makebisi na ngai ezalaki boni?

³¹Ya soló, totindelaki bango bogangi moko, mpe bango wana bakomi lokola banzete ekawuka.

³²Mpe tosilaki kotiya kurani ezala pete тропа bokundoli, boye moto azali te тропа kokanisa?

³³Bato ya Loth baboyaki kondimela makebisi.

³⁴Ya sólo, totindelaki bango mopepe ya makasijongola sé libota lia Loth liye tobikisaki ye yambo tongo etana.

³⁵Na bolamu kowuta epai na biso. Lolenge wana nde tofutaka oyo azali kotondo (Allah)

³⁶Mpe asilaki kokebisa bango тропа etumbu na biso, kasi bazangaki kondimela makebisi.

³⁷Mpe balingaki kokweisa bapaya naye, kasi tokangaki miso na bango, bomeka etumbu na ngai na makebisi na ngai.

³⁸Мре etumbu ya makasi ezuaki bango na ntongo.

³⁹Bomeka etumbu na ngai mpe makebisi na ngai.

⁴⁰Mpe totiyaki kurani ezala pete тропа bokundoli,boye ezali na moto te ya kokanisa?

⁴¹Mpe ya soló, makebisi makomelaka bato ya falo.

⁴²Baboyaki kondima na bilembo bia biso nionso, mpe tozuaki bango na bozwi ya oyo azali na nguya atonda makoki.

⁴³Boye bapengwi na bino bazali malamu koleka ba oyo kuna? То ezali na eloko ya kobatela bino okati ya makomi?

⁴⁴Bazali koloba: Tozali lisanga (makasi) tokolonga.

⁴⁵Lisanga na bango ekopanzana mpe bakokima.

⁴⁶Ngonga moko ya mpamba nde elaka na bango, mpe yango ezali nsomo mpe bololo.

⁴⁷Ya soló batomboki bazali na libungi mpe na kati ya moto.

⁴⁸Mokolo oyo bakobendamaka na bilongi na bango okati ya moto, bomeka etumbu ya lifelo.

⁴⁹Ya soló, tokelaki biloko binso na bokoki.

⁵⁰Mpe mitindo mia biso mizalaka sé liloba moko, ezali sé lokola kobuka liso.

⁵¹Mpe tosilaki koboma bato liboso lokola bino, boye ezali na moto yakokanisa te?

⁵²Mpe biloko binso biye bisalama bisila kokomama kati na (buku)

⁵³( Biloko) nyoso, ezala ya moke to ya monene ekomama.

⁵⁴Ya sólo, babangi (Allah) bakozalaka na kati ya lola mpe mpene ya mingala ezali koleka na nsé na yango.

⁵⁵Mpe esika ya bosembo yakofanda pene na mokonzi wa bokoki (Allah).