An-Najm

¹Na monzoto tango ekweyaka.

²Moninga na bino abungi te mpe akosami te.

³Mpe azali koloba makambo na makanisi naye te.

⁴Ezali sé emoniseli ezali kokitela ye.

⁵(Anzelu Djibril) oyo atonda bokasi nde atangisaki ye yango.

⁶Oyo azali na bokasi sima amilakisi na lolenge naye ya anzelu.

⁷Mpe atelemaki na kongombela ya likolo koleka.

⁸Sima apusanaki pene mpe akitaki na nsé koleka.

⁹Ezalaki bongo na ntaka mibale to mpe mua moke na yango.

¹⁰Amoniselaki mowumbu naye maye amonisaki.

¹¹Motema ekosaki te oyo emonaki.

¹²Boye bokoboyela ye na oyo amonaki?

¹³Мре amonaki ye lisusu tango akitaki тропа mbala ya mibale .

¹⁴Pene na sidr muntaha[1].

¹⁵Mpembeni na yango nde paladizo ya seko ezuami.

¹⁶Tango nzete ya sidr ezipamaki na oyo ezipi yango.

¹⁷Miso ebungi te, elekisi mpe ndelote.

¹⁸Ya soló, amonaki bikamuiseli minene ya Nkolo naye.

¹⁹Bopesa ngai sango ya Láta na Uzza[1]?

²⁰Mpe mosusu ya misato Manáta[1].

²¹Boye bokozala na mwana mobali mpe ye azala na mwana mwasi?

²²Wana ezali bokaboli ya mabe.

²³Wana ezali sé bankombo oyo bopesa yango bino moko na batata mpe bankoko na bino, Allah akitisela yango elembetele te. Bazali kolanda sé makanisi na bamposa, nzoka nde bokambi esilaki koyela bango kowuta epai ya Nkolo na bango.

²⁴To boye moto alingi azua nyoso lolenge azali kokanisa?

²⁵Bomoyi ya nsé na oyo ya lobi, ezali epai ya Allah.

²⁶Boni kati ya ba anzelu na likolo kosengela na bango bato ekosalisa te, sé sima ya ndingisa ya Allah na oyo alingi mpe asepeli.

²⁷Ya soló, baye bazali kondima na mokolo ya suka te, bapesi ba anzelu bankombo ya basi.

²⁸Kasi bazali na boyebi te, bazali sé kolanda makanisi. Mpe makanisi esalaka bosembo eloko te.

²⁹Mitiya mosika na oyo akoboya bokundoli bwa biso, mpe bazali sé kolinga bomoyi ya mokili.

³⁰Kuna nde esika mayele na bango ekendeke. Ya sólo, Nkolo nayo ayebi malamu nani abungi nzela naye, mpe ayebi nani oyo akambami.

³¹Mpe maye manso mazali na likolo mpe na nsé ezali ya Allah, mpo afuta baye basali mabe mpo na misala na bango, mpe afuta baye basali malamu тропа misala na bango.

³²Baye bazali komitiya mosika na masumu ya minene, bazali sé kokweya na mwa mabunga ya mike mike, ya sólo Nkolo wa yo azali na bolimbisi bonene. Azali na boyebi koleka bino, ayebi malamu lolenge akelaki bino kowuta na mabele,mpe tango oyo bozalaki litono ya makila okati ya mabumu ya bamama na bino. Bomikumisa te na kondima, ye nde ayebi nani azali kobanga ye mpenza.

³³Omoni te oyo azali kopesa mokongo?

³⁴Mpe apesaka sé moke (suka na yango) akati kopesa.

³⁵Boye azali na boyebi ya mabombami nde azali kornona?

³⁶To boye bayebisaki ye te na ntina ya makomi ya Mûssa?

³⁷Na ya Ibrâhîm oyo akokisaki elaka,

³⁸Moto moko te akomema lisumu ya moninga,

³⁹Kasi ya soló, moto akozuaka sé na molende naye.

⁴⁰Mpe ya sólo, molende naye ekomonana,

⁴¹Sima, akofutama mpenza malamu.

⁴²Mpe ya sólo, nyoso ekosukisama epai ya Nkolo wayo,

⁴³Mpe ye nde asekisaka mpe alelisaka,

⁴⁴Мре ye nde abomaka mpe apesaka bomoyi?

⁴⁵Mpe ye nde akela balongani mibale, mwasi na mobali,

⁴⁶Kowuta na litanga ya mayi ya mokongo tango babwaki yango .

⁴⁷Mpe kokela ya mbala ya mibale ezali sé epai naye.

⁴⁸Mpe ye nde apesaka moto bomengo, mpe ye nde apesaka bobola.

⁴⁹Mpe ye nde Nkolo ya ach-chi’râ[1].

⁵⁰Ye nde abomaka bato ya liboso na (mboka) Aad,

⁵¹Na Thamûd, moko atikala te.

⁵²Mpe liboso na bango, bato ya Nûh bazalaki babubi mpe balekisaki ndelo.

⁵³Lolenge moko na mboka oyo ebalusamaki (mutafikah mboka ya Loth),

⁵⁴Azipaki yango ndenge azipaki etumbu ya makasi.

⁵⁵Bolamu nini ya Allah oyo ozali kotiela yango tembe?

⁵⁶Oyo azali mokebisi lokola bakebisi ya yambo.

⁵⁷Ngonga esili kobeleme.

⁵⁸Mosusu azali te oyo akofungola yango na botiki Allah.

⁵⁹Boye bozali kokamwa na masolo oyo? (kurani)

⁶⁰Mpe bozali koseka na esika ya kolela?

⁶¹Kasi bozali sé kosakana?

⁶²Bogumbama тропа Allah mpe bobondela (ye).