At-Tur

¹Na ngomba ya at’tur.[1]

²Na buku oyo ekomama (na ba anzelu).

³Likolo ya ekomami ya polele.

⁴Na ndako oyo etondama.

⁵Mpe na likolo lolenge etombwama.

⁶Мре na ebale ya kotonda.

⁷Ya soló, etumbu ya Nkolo nayo ekokokisama.

⁸Ekozala na moto ya kopekisa yango te.

⁹Mokolo likolo likoningana.

¹⁰Mpe bangomba bikotambola.

¹¹Mpasi ekozalaka mokolo wana epai ya babuki lokuta.

¹²Baye bazalaki na komibuaka na kati ya masano.

¹³Mokolo oyo bakobendaka bango na makasi na lifelo.

¹⁴Oyo nde lifelo oyo bozalaki kotiyela yango tembe.

¹⁵Boye oyo mpe ezali kindoki to bozali kornona malamu te?

¹⁶Bôžika kati na yango, bozala na bozeli to te, bokozala sé ndenge moko. Bokofutama sé kolandana na oyo bozalaki kosala.

¹⁷Ya sôló, babangi bakozalaka o kati ya lola na bolamu na bango.

¹⁸Bakomisepelisa na oyo Nkolo wa bango akopesa bango, mpe Nkolo wa bango akobatela bango na etumbu ya lifelo.

¹⁹Bolia bomela na mposa na biso, тропа lifuta ya maye bosalaki.

²⁰Mpe bayekami likolo ya bambeto ebongisama kitoko, mpe tokobalisa bango basi ya kitoko ya miso ya minene ya moyindo.

²¹Mpe тропа baye bandima mpe mabota na bango elandi bango na bondimi; tokolandisela bango mabota na bango, mpe tokokutolaka maye basalaki ata токе te okati ya misala mia bango. Moto nyoso akotunamaka na makambo naye.

²²Mpe tokopesaka bango bambuma mpe mișuni (ya kolia) oyo bakolinga.

²³Nkeni moko ekotambola kati kati na bango, ekopesa bilobela lobela te mpe lisumu te.

²⁴Okati na bango, bilenge mibali bakotelamaka тропа kosalela bango, bazali kongenga lokola mabanga kitoko na bongengi.

²⁵Mpe bakobalukaka bango na bango bazali kotunana.

²⁶Bakoloba ete: Ya soló, tofandaki okati ya mabota ma biso na bobangi (Allah)

²⁷Yango Allah apesi biso mpe abateli biso na etumbu ya lifelo.

²⁸Ya sólo, tozalaki kobondela ye, ya sólo, ye azali malamu mpe atonda mawa.

²⁹Kundola тропа bolamu ya Nkolo nayo, ozali nganga te mpe ozali ligboma te.

³⁰То bazali koloba ete: Azali mokomi ntoki, tozela likama naye ya liwa.

³¹Loba: Bozela, ngai mpe na bino mpe tozali kozela.

³²То boye bamposa na bango ezali kotinda na lolenge wana, to boye bazali nde batomboki?

³³To bazali koloba ete: Asalaki yango na ndenge naye moko? Kasi bazali kondima na yango te.

³⁴(Malamu) baya na makambo mosusu ezala lokola yango, soki ya soló, bazali na bosembo.

³⁵To bakelamaki kowuta na eloko moko te, to bango nde bakeli.

³⁶To bango nde bakela likolo na nsé? Kasi bazali kondima te?

³⁷To bazali na sanduku ya bozui ya Nkolo nayo, to baleki ye na nyoso?

³⁸To bazali na emateli ya likolo mpo baya koyokamela? Kasi moyokameli na bango aya na elembo na yango ya polele.

³⁹To (Allah) azali na bana basi mpe bino bozali na bana mibali?!

⁴⁰To azali kosenga bango lifuta oyo ezali kopesa bango pasi тропа kofuta?

⁴¹To bazali na boyebi ya mabombami nde bazali кокота yango?

⁴²To bazali kosala likita ya mabe? Kasi likita ya bapengwi ezongelaka sé bango moko.

⁴³To bazali na nzambe mosusu na botiki Allah? Lokumu na Allah aleki oyo bazali kosangisa.

⁴⁴Mpe soki bamoni ndambu ya likolo ekweyi (etumbu enene), balobi: Wana ezali nde mapata ekangama.

⁴⁵Tika bango kino bakokutanaka na mokolo na bango oyo bakobetamaka na nkake.

⁴⁶Mokolo oyo likita ya mabe na bango likosalisa bango na eloko moko te, mpe bakozuaka lisungi te.

⁴⁷Ya soló, babubi bakozala na etumbu mosusu likolo ya oyo ya liboso, kasi ebele na bango bazali koyeba te.

⁴⁸Mpe kanga motema тропа kozela motindo ya Nkolo nayo, mpo ete ya sólo, yo ozali na nsé ya ebateli na biso. Mpe sanzola lokumu ya Nkolo nayo tango ozali kotelema.

⁴⁹Mpe kumisa ye (Allah) okati ya eteni ya butu, mpe otango minzoto mizali kolimwa.