الانفطار
The Cleaving • 19 ayahs • Meccan
بِسْمِ ٱللَّهِ ٱلرَّحْمَٰنِ ٱلرَّحِيمِ
1کاتێك کە ئاسمان لەت بوو
2 وەدەمێك کە ئەستێرەکان(کەوتنە خوارەوە) بە پەرش وبڵاوی
3وە ساتێك کە دەریاکان تێکەڵ کران
4وە ساتێك کە گۆڕەکان ژێرە وژوور کران واتە (مردووەکان ھاتنە دەرەوە)
5ئەو کاتە ھەموو کەسێك دەزانێت کە چی لەپێشەوە ناردوەو(چیشی) دوا خستوە (بۆ خۆی)
6ئەی ئینسان چی تۆی خەلەَتاندووە بە پەروەردگاری بەڕێز وگەورەت (وا لێی یاخی بوویت)
7ئەو(پەروەردگارەی) کە دروستی کردوویت وڕێکی خستوویت وجیای کردویتەوە (لە گیان لەبەرانی تر)
8 لە ھەر وێنەیەکدا کە خۆی ویستبێتی یەکی خستوویت
9وانیە (کە تێی گەیشتوویت) بەڵکو (ڕۆژی) پاداشت بەدرۆ دەزانن
10بێگومان چەند چاودێرێکتان بەسەرەوەیە
11کە بەڕێز ونووسەرن
12ھەرچی بکەن دەیزانن
13بەڕاستی چاکەکاران لەناو ناز ونیعمەتدان
14بێگومان بەدکاران لە دۆزەخان
15 لە ڕۆژی پاداشتدا دەچنە ناویەوە
16وە ئەوان لێی دەرناچن
17تۆ چووزانیت کە ڕۆژی پاداشت چیە
18دووبارە چووزانیت ڕۆژی پاداشت چیە
19ڕۆژێکە کە ھیچ کەس ھیچی بەدەست نیە بۆ ھیچ کەس، وە فەرمان لەو ڕۆژەدا ھەر بۆ خوایە