At-Tur

الطور

The Mount • 49 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

وَٱلطُّورِ﴿١﴾

1ვფიცავ ტურის მთას (რომელზეც წინასწარმეტყველმა მუსამ ყოვლისშემძლე ალლაჰთან ილაპარაკა)

وَكِتَٰبٖ مَّسۡطُورٖ﴿٢﴾

2და წიგნს (ყურანს), დაწერილს

فِي رَقّٖ مَّنشُورٖ﴿٣﴾

3გაშლილ ეტრატში

وَٱلۡبَيۡتِ ٱلۡمَعۡمُورِ﴿٤﴾

4და სახლს, რომელსაც სტუმრობენ [ზეციური ტაძარი, რომელიც მეშვიდე ზეცაზე მდებარეობს, სადაც სამოცდაათი ათასი ანგელოზი ყოველდღიურად შედის, რათა იქ ალლაჰს თაყვანი სცენ, და ამის შემდეგ ისინი იქ აღარასდროს ბრუნდებიან],

وَٱلسَّقۡفِ ٱلۡمَرۡفُوعِ﴿٥﴾

5და ამაღლებულ ჭერს [ყველაზე ახლოს მყოფი ცა – სამყარო]

وَٱلۡبَحۡرِ ٱلۡمَسۡجُورِ﴿٦﴾

6და ზღვას აღვსებულს

إِنَّ عَذَابَ رَبِّكَ لَوَٰقِعٞ﴿٧﴾

7ჭეშმარიტად, შენი უფლის სასჯელი (ო, შუამავალო) (რომელიც ურწმუნოებს დაჰპირდა) უეჭველად დადგება.

مَّا لَهُۥ مِن دَافِعٖ﴿٨﴾

8არაა (არანაირი ძალა) მისი ამრიდებელი

يَوۡمَ تَمُورُ ٱلسَّمَآءُ مَوۡرٗا﴿٩﴾

9იმ დღეს, როცა ცა ძლიერ შეიძვრება(ნიშნად იმისა რომ ეს ქვეყანა დასასრულს მიუახლოვდა)

وَتَسِيرُ ٱلۡجِبَالُ سَيۡرٗا﴿١٠﴾

10და მთები დაიწყებენ მოძრაობას (ღრუბლებივით).

فَوَيۡلٞ يَوۡمَئِذٖ لِّلۡمُكَذِّبِينَ﴿١١﴾

11ვაი იმ დღეს იმათთვის, ვინც სიცრუედ შერაცხავდა,

ٱلَّذِينَ هُمۡ فِي خَوۡضٖ يَلۡعَبُونَ﴿١٢﴾

12რომელნიც ცრუსიტყვაობაში ერთობიან( და არ ადარდებთ, და არც სწამთ ხელმეორედ გაცოცხლებისა)

يَوۡمَ يُدَعُّونَ إِلَىٰ نَارِ جَهَنَّمَ دَعًّا﴿١٣﴾

13იმ დღეს, როცა მათ ჯოჯოხეთის ცეცხლში უხეშად შეყრიან

هَٰذِهِ ٱلنَّارُ ٱلَّتِي كُنتُم بِهَا تُكَذِّبُونَ﴿١٤﴾

14(და ეთქმებათ მათ): "ეს არის ცეცხლი, რომელსაც უარყოფდით"

أَفَسِحۡرٌ هَٰذَآ أَمۡ أَنتُمۡ لَا تُبۡصِرُونَ﴿١٥﴾

15ნუთუ ეს ჯადოქრობაა, თუ თქვენ ვერ ხედავთ?

ٱصۡلَوۡهَا فَٱصۡبِرُوٓاْ أَوۡ لَا تَصۡبِرُواْ سَوَآءٌ عَلَيۡكُمۡۖ إِنَّمَا تُجۡزَوۡنَ مَا كُنتُمۡ تَعۡمَلُونَ﴿١٦﴾

16(და ეტყვიან მათ): "დაიწვით მასში! მოითმენთ თუ არა, სულერთია. თქვენ მხოლოდ იმის მიხედვით მიიღებთ საზღაურს, რასაც (დედამიწაზე ცხოვრებისას) აკეთებდით".

إِنَّ ٱلۡمُتَّقِينَ فِي جَنَّٰتٖ وَنَعِيمٖ﴿١٧﴾

17უეჭველად, ღვთისმოშიშნი (აღმოჩნდებიან) სამოთხეებსა და ნეტარებაში.

فَٰكِهِينَ بِمَآ ءَاتَىٰهُمۡ رَبُّهُمۡ وَوَقَىٰهُمۡ رَبُّهُمۡ عَذَابَ ٱلۡجَحِيمِ﴿١٨﴾

18დატკბებიან იმით, რასაც უფალი უბოძებთ მათ. და უფალმა იხსნა ისინი ჯოჯოხეთის ტანჯვისაგან.

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ﴿١٩﴾

19(მათ ეტყვიან): ჭამეთ და სვით ნეტარებით თქვენი ნამოქმედარის გამო

مُتَّكِـِٔينَ عَلَىٰ سُرُرٖ مَّصۡفُوفَةٖۖ وَزَوَّجۡنَٰهُم بِحُورٍ عِينٖ﴿٢٠﴾

20ისინი მიწოლილნი იქნებიან მწკრივად გაწყობილ ტახტებზე და ჩვენ შევაუღლებთ მათ თვალმშვენიერ ჰურიებს.

وَٱلَّذِينَ ءَامَنُواْ وَٱتَّبَعَتۡهُمۡ ذُرِّيَّتُهُم بِإِيمَٰنٍ أَلۡحَقۡنَا بِهِمۡ ذُرِّيَّتَهُمۡ وَمَآ أَلَتۡنَٰهُم مِّنۡ عَمَلِهِم مِّن شَيۡءٖۚ كُلُّ ٱمۡرِيِٕۭ بِمَا كَسَبَ رَهِينٞ﴿٢١﴾

21და რომელთაც ირწმუნეს და მათი შვილები რწმენაში მათ მიჰყვნენ, – ჩვენ მათ [მორწმუნე მშობლებს] (სამოთხეში) შევუერთებთ მათ შვილებს და არ შევამცირებთ მათ საქმეებს [მშობლების საზღაურს] თუნდაც მცირედით. ყოველი ადამიანი არის თავისი ნამოქმედარის მძევალი.

وَأَمۡدَدۡنَٰهُم بِفَٰكِهَةٖ وَلَحۡمٖ مِّمَّا يَشۡتَهُونَ﴿٢٢﴾

22და ჩვენ დავამატეთ მათ (კიდევ უფრო მეტი) ნაყოფი და ხორცი, რა სახისაც არ უნდა მოესურვებინათ.

يَتَنَٰزَعُونَ فِيهَا كَأۡسٗا لَّا لَغۡوٞ فِيهَا وَلَا تَأۡثِيمٞ﴿٢٣﴾

23იქ ისინი ერთმანეთს ფიალას გაუწვდიან (ზეციური ღვინით) – ამით [ამ ღვინით] არც ფუჭსიტყვაობა იქნება და არც ცოდვისკენ წაქეზება.

۞ وَيَطُوفُ عَلَيۡهِمۡ غِلۡمَانٞ لَّهُمۡ كَأَنَّهُمۡ لُؤۡلُؤٞ مَّكۡنُونٞ﴿٢٤﴾

24და გარს შემოუვლიან მათ ჭაბუკნი, (რომლებიც თავიანთი სილამაზითა და სიწმინდით) ჰგვანან მარგალიტებს, შენახულს (საზღვაო ნიჟარაში).

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ﴿٢٥﴾

25და ისინი ერთმანეთს მიუბრუნდებიან და შეკითხვებს დაუსვამენ(ერთმანეთს), (როგორ დაიმსახურეს ალლაჰისგან ასეთი საზღაური)

قَالُوٓاْ إِنَّا كُنَّا قَبۡلُ فِيٓ أَهۡلِنَا مُشۡفِقِينَ﴿٢٦﴾

26ისინი უპასუხებენ: "ჭეშმარიტად, ჩვენ გვეშინოდა (ალლაჰის სასჯელის), როდესაც ჩვენს ოჯახებთან ერთად ვიყავით [ჩვენს მიწიერ ცხოვრებაში]".

فَمَنَّ ٱللَّهُ عَلَيۡنَا وَوَقَىٰنَا عَذَابَ ٱلسَّمُومِ﴿٢٧﴾

27მაგრამ ალლაჰმა შეგვიწყალა და გვიხსნა მწველი ქარის ტანჯვისგან (ჯოჯოხეთის ცეცხლისგან).

إِنَّا كُنَّا مِن قَبۡلُ نَدۡعُوهُۖ إِنَّهُۥ هُوَ ٱلۡبَرُّ ٱلرَّحِيمُ﴿٢٨﴾

28ჭეშმარიტად, ჩვენ წინათ ვთხოვდით მას (რომ დავეცვეთ ჯოჯოხეთის სასჯელისგან და მოენიჭებინა ჩვენთვის სამოთხის ნეტარება); რადგან ის ჭეშმარიტად, კეთილისმყოფელი და შემწყალებელია!

فَذَكِّرۡ فَمَآ أَنتَ بِنِعۡمَتِ رَبِّكَ بِكَاهِنٖ وَلَا مَجۡنُونٍ﴿٢٩﴾

29და შეახსენე მათ (ყურანით) (რომელთა მიმართაც შენ ხარ გაგზავნილი, ო, შუამავალო)! და შენ (ო, შუამავალო), შენი უფლის წყალობით, არც მკითხავი ხარ და არც შეშლილი (როგორც მრავალღმერთიანები ცრუდ გდებენ ბრალს).

أَمۡ يَقُولُونَ شَاعِرٞ نَّتَرَبَّصُ بِهِۦ رَيۡبَ ٱلۡمَنُونِ﴿٣٠﴾

30ან ისინი ამბობენ (შენზე, ო, მოციქულო): "(დიახ, ის მხოლოდ) პოეტია – მოვიცადოთ მისი ბედის ცვლილებას [როდესაც მოკვდება და დავისვენებთ მისგან]".

قُلۡ تَرَبَّصُواْ فَإِنِّي مَعَكُم مِّنَ ٱلۡمُتَرَبِّصِينَ﴿٣١﴾

31უთხარი მათ: "დაელოდეთ (ჩემს სიკვდილს), ჭეშმარიტად, მეც თქვენთან ერთად ვარ მომლოდინეთა შორის [დაველოდები, სანამ ალლაჰის სასჯელი დაგატყდებათ ჩემს მიმართ ურწმონოების გამო]!"

أَمۡ تَأۡمُرُهُمۡ أَحۡلَٰمُهُم بِهَٰذَآۚ أَمۡ هُمۡ قَوۡمٞ طَاغُونَ﴿٣٢﴾

32ან (იქნებ) მათი გონება უბრძანებს მათ, რომ ასე მოიქცნენ, ან (შესაძლოა) ისინი არიან ადამიანები, რომლებიც ზღვარს გადავიდნენ (ალლაჰისადმი ურჩობაში)?

أَمۡ يَقُولُونَ تَقَوَّلَهُۥۚ بَل لَّا يُؤۡمِنُونَ﴿٣٣﴾

33ან (ისინი) ამბობენ: "მან [მუჰამმადმა] ის [ყურანი] (თავად) გამოიგონა!" მაგრამ მათ არ სწამთ (ალლაჰისა და მის მიერ გაგზავნილი შუამავლის)!

فَلۡيَأۡتُواْ بِحَدِيثٖ مِّثۡلِهِۦٓ إِن كَانُواْ صَٰدِقِينَ﴿٣٤﴾

34დაე, მოიტანონ ამის მსგავსი თხრობა [ყურანი], თუ მართლები არიან (თავიანთ მტკიცებულებებში)!

أَمۡ خُلِقُواْ مِنۡ غَيۡرِ شَيۡءٍ أَمۡ هُمُ ٱلۡخَٰلِقُونَ﴿٣٥﴾

35ან (ნუთუ) ისინი არაფრისგან [შემოქმედის გარეშე] შეიქმნენ, ან თავად არიან საკუთარი თავის შემოქმედნი?

أَمۡ خَلَقُواْ ٱلسَّمَٰوَٰتِ وَٱلۡأَرۡضَۚ بَل لَّا يُوقِنُونَ﴿٣٦﴾

36ან (იქნებ) მათ შექმნეს ცა და მიწა?! მაგრამ მათ არ სწამთ (ჭეშმარიტებისა;არც სამოთხის, და არც ჯოჯოხეთის)!

أَمۡ عِندَهُمۡ خَزَآئِنُ رَبِّكَ أَمۡ هُمُ ٱلۡمُصَۜيۡطِرُونَ﴿٣٧﴾

37ან (განა) მათთანაა შენი ღმერთის საგანძურები, ან ისინი არიან განმგებელნი?

أَمۡ لَهُمۡ سُلَّمٞ يَسۡتَمِعُونَ فِيهِۖ فَلۡيَأۡتِ مُسۡتَمِعُهُم بِسُلۡطَٰنٖ مُّبِينٍ﴿٣٨﴾

38ან იქნებ მათ აქვთ კიბე (რომლითაც ზეცაში ადიან და) ისმენენ (ანგელოზთა სიტყვებს)? მათ შორის, ვინც ისმენს, მოვიდეს ცხადი მტკიცებულებით (რომელიც მათ სიმართლეზე მიუთითებს).

أَمۡ لَهُ ٱلۡبَنَٰتُ وَلَكُمُ ٱلۡبَنُونَ﴿٣٩﴾

39თუ მას [ალლაჰს] ჰყავს ქალიშვილები, თქვენ კი (ო, მრავალღმერთიანებო) — ვაჟები?

أَمۡ تَسۡـَٔلُهُمۡ أَجۡرٗا فَهُم مِّن مَّغۡرَمٖ مُّثۡقَلُونَ﴿٤٠﴾

40ან იქნებ საზღაურს სთხოვ მათ (ალლაჰისგან ჭეშმარიტების მოტანისთვის), და ისინი ვალით არიან დამძიმებულნი?

أَمۡ عِندَهُمُ ٱلۡغَيۡبُ فَهُمۡ يَكۡتُبُونَ﴿٤١﴾

41ან მათ უხილავის (ცოდნა) აქვთ და ამას (ხალხისთვის) იწერენ (და ამცნობენ)?

أَمۡ يُرِيدُونَ كَيۡدٗاۖ فَٱلَّذِينَ كَفَرُواْ هُمُ ٱلۡمَكِيدُونَ﴿٤٢﴾

42ან იქნებ ხრიკის მოწყობა სურთ? მაგრამ ურწმუნოებს მათი ხრიკი მათვე დაუბრუნდებათ.

أَمۡ لَهُمۡ إِلَٰهٌ غَيۡرُ ٱللَّهِۚ سُبۡحَٰنَ ٱللَّهِ عَمَّا يُشۡرِكُونَ﴿٤٣﴾

43თუ მათ ალლაჰის გარდა სხვა ღმერთი ჰყავთ? განდიდებულია ალლაჰი ყოველივეზე, რასაც მას [ურწმუნოები] მიაწერენ!

وَإِن يَرَوۡاْ كِسۡفٗا مِّنَ ٱلسَّمَآءِ سَاقِطٗا يَقُولُواْ سَحَابٞ مَّرۡكُومٞ﴿٤٤﴾

44და თუ ისინი იხილავენ (უზარმაზარ) ნატეხს, რომელიც ციდან (მათ დასასჯელად) ჩამოვარდება, იტყვიან: "(ეს მხოლოდ) ერთმანეთზე შექუჩებული ღრუბლებია!"

فَذَرۡهُمۡ حَتَّىٰ يُلَٰقُواْ يَوۡمَهُمُ ٱلَّذِي فِيهِ يُصۡعَقُونَ﴿٤٥﴾

45დატოვე ისინი (ო, შუამავალო) იმ დღემდე, როდესაც მათ თავს დაატყდებათ (ელვის დარტყმასავით) [სიკვდილის დღე].

يَوۡمَ لَا يُغۡنِي عَنۡهُمۡ كَيۡدُهُمۡ شَيۡـٔٗا وَلَا هُمۡ يُنصَرُونَ﴿٤٦﴾

46იმ დღეს, როცა ვერაფერს არგებთ მათ მათივე ხრიკი და არც შეწევნა ექნებათ.

وَإِنَّ لِلَّذِينَ ظَلَمُواْ عَذَابٗا دُونَ ذَٰلِكَ وَلَٰكِنَّ أَكۡثَرَهُمۡ لَا يَعۡلَمُونَ﴿٤٧﴾

47და უეჭველად, უსამართლოთათვის არის სასჯელი ამის გარდა, მაგრამ მათმა უმრავლესობამ არ უწყის.

وَٱصۡبِرۡ لِحُكۡمِ رَبِّكَ فَإِنَّكَ بِأَعۡيُنِنَاۖ وَسَبِّحۡ بِحَمۡدِ رَبِّكَ حِينَ تَقُومُ﴿٤٨﴾

48და მოითმინე (ო, მუჰამმად) შენი უფლის გადაწყვეტილებამდე! რადგან, ჭეშმარიტად, შენ ჩვენს თვალწინ ხარ [ჩვენ მუდამ გხედავთ და გიცავთ მათგან შენზე მოწყობილი მზაკვრული გეგმებისგან]. და განადიდე შენი უფალი, მისი ქებით (ყოველთვის) როდესაც შენ წამოდგები!

وَمِنَ ٱلَّيۡلِ فَسَبِّحۡهُ وَإِدۡبَٰرَ ٱلنُّجُومِ﴿٤٩﴾

49და განადიდე იგი [ალლაჰი] ღამის ერთ-ერთ ნაწილში და როდესაც ვარსკვლავები გაქრებიან (განთიადზე).

← Adh-DhariyatAn-Najm→

RELATED SURAHS

69

Al-Haqqah

The Inevitable

7

Al-A'raf

The Heights

22

Al-Hajj

The Pilgrimage

1

Al-Fatiha

The Opening

Browse all 114 surahs