Yunus

يونس

Jonah • 109 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

الٓرۚ تِلۡكَ ءَايَٰتُ ٱلۡكِتَٰبِ ٱلۡحَكِيمِ﴿١﴾

1ალიფ. ლაამ. რაა. ესაა ბრძნული წიგნის აიათები.

أَكَانَ لِلنَّاسِ عَجَبًا أَنۡ أَوۡحَيۡنَآ إِلَىٰ رَجُلٖ مِّنۡهُمۡ أَنۡ أَنذِرِ ٱلنَّاسَ وَبَشِّرِ ٱلَّذِينَ ءَامَنُوٓاْ أَنَّ لَهُمۡ قَدَمَ صِدۡقٍ عِندَ رَبِّهِمۡۗ قَالَ ٱلۡكَٰفِرُونَ إِنَّ هَٰذَا لَسَٰحِرٞ مُّبِينٌ﴿٢﴾

2განა გასაკვირია ხალხისთვის, რომ ჩვენ შთავაგონეთ მათგან (ერთ) კაცს: გააფრთხილე ხალხი (ალლაჰის სასჯელის შესახებ) და ახარე მორწმუნეებს, რომ მათთვის მათი უფლის წინაშე მომზადებულია დიდი ჯილდო? მაგრამ ურწმუნოებმა თქვეს: ჭეშმარიტად, ეს [მუჰამმადი] აშკარად ჯადოქარია!

إِنَّ رَبَّكُمُ ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ يُدَبِّرُ ٱلۡأَمۡرَۖ مَا مِن شَفِيعٍ إِلَّا مِنۢ بَعۡدِ إِذۡنِهِۦۚ ذَٰلِكُمُ ٱللَّهُ رَبُّكُمۡ فَٱعۡبُدُوهُۚ أَفَلَا تَذَكَّرُونَ﴿٣﴾

3ჭეშმარიტად, თქვენი ღმერთი (ო ხალხო), არის ალლაჰი. ის, ვინც შექმნა ცანი და მიწა ექვს დღეში(მიუხედავად იმისა, რომ მას შეეძლო ისინი ერთი სიტყვით იყავ! წამებში შეექმნა), შემდეგ კი ამაღლდა ტახტზე (ისე, როგორც შეეფერება მხოლოდ მის სიდიადეს), და განაგებს ყველა საქმეს. არავინაა ისეთი, ვინც შეძლებს შუამდგომლობას მის წინაშე, გარდა იმ შემთხვევისა, როცა თვითონ ის ნებას მისცემს. აი ასეთი არის ალლაჰი, თქვენი უფალი თაყვანი ეცით მხოლოდ მას! ნუთუ არ მოეგებით გონს და არ დაფიქრდებით?

إِلَيۡهِ مَرۡجِعُكُمۡ جَمِيعٗاۖ وَعۡدَ ٱللَّهِ حَقًّاۚ إِنَّهُۥ يَبۡدَؤُاْ ٱلۡخَلۡقَ ثُمَّ يُعِيدُهُۥ لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ بِٱلۡقِسۡطِۚ وَٱلَّذِينَ كَفَرُواْ لَهُمۡ شَرَابٞ مِّنۡ حَمِيمٖ وَعَذَابٌ أَلِيمُۢ بِمَا كَانُواْ يَكۡفُرُونَ﴿٤﴾

4ხოლოდ მასთან იქნება თქვენი დაბრუნება (განსჯის დღეს) ალლაჰის ჭეშმარიტი აღთქმისამებრ. ჭეშმარიტად, ის იწყებს ქმნას [შექმნას არაფრიდან] და შემდეგ კვლავ აღადგენს მას [თავისი ძლიერებით], რათა სამართლიანად დააჯილდოვოს ისინი, რომელთაც ირწმუნეს და კეთილი საქმეები აკეთეს [ალლაჰის გულისთვის, მისი და მისი მოციქულის ბრძანებების მიხედვით]. ხოლო ისინი, ვინც ურწმუნონი გახდნენ, მათთვის გამზადებულია ადუღებული წყალი დასალევად და მტანჯველი სასჯელი მათი ურწმუნოების გამო

هُوَ ٱلَّذِي جَعَلَ ٱلشَّمۡسَ ضِيَآءٗ وَٱلۡقَمَرَ نُورٗا وَقَدَّرَهُۥ مَنَازِلَ لِتَعۡلَمُواْ عَدَدَ ٱلسِّنِينَ وَٱلۡحِسَابَۚ مَا خَلَقَ ٱللَّهُ ذَٰلِكَ إِلَّا بِٱلۡحَقِّۚ يُفَصِّلُ ٱلۡأٓيَٰتِ لِقَوۡمٖ يَعۡلَمُونَ﴿٥﴾

5მხოლოდ ისაა (ალლაჰი), რომელმაც ჰქმნა მზე მანათობელად (ნათების წყაროდ შექმნა), ხოლო მთვარე შუქად [რომელიც მზის სინათლეს ირეკლავს], და განუსაზღვრა მას სადგურები (ფაზები), რათა იცოდეთ წლების რაოდენობა და დროის აღრიცხვა [მზე განსაზღვრავს დღეებს, ხოლო მთვარე თვეებსა და წელიწადებს]. ალლაჰმა ეს ყველაფერი ჭეშმარიტად [სიბრძნითა და მიზანით] შექმნა. ის განმარტავს თავის სასწაულებს იმ ხალხისთვის, რომელთაც იციან

إِنَّ فِي ٱخۡتِلَٰفِ ٱلَّيۡلِ وَٱلنَّهَارِ وَمَا خَلَقَ ٱللَّهُ فِي ٱلسَّمَٰوَٰتِ وَٱلۡأَرۡضِ لَأٓيَٰتٖ لِّقَوۡمٖ يَتَّقُونَ﴿٦﴾

6უეჭველად, ღამისა და დღის მონაცვლეობაში და იმაში, რაც ღმერთმა შექმნა ცათა შინა და ქვეყანაზედ, სასწაულებია ხალხისთვის, რომელთაც ეშინიათ

إِنَّ ٱلَّذِينَ لَا يَرۡجُونَ لِقَآءَنَا وَرَضُواْ بِٱلۡحَيَوٰةِ ٱلدُّنۡيَا وَٱطۡمَأَنُّواْ بِهَا وَٱلَّذِينَ هُمۡ عَنۡ ءَايَٰتِنَا غَٰفِلُونَ﴿٧﴾

7ჭეშმარიტად, ისინი, რომელნიც არ იმედოვნებენ ჩვენთან შეხვედრას [არ სწამთ განსჯის დღის], და კმაყოფილნი არიან ამქვეყნიური ცხოვრებით და მასში ნუგეშს პოულობენ [სრულად ეძლევიან ამ ცხოვრებას], და ისინი, ვინც უყურადღებონი არიან ჩვენი სასწაულების მიმართ,

أُوْلَٰٓئِكَ مَأۡوَىٰهُمُ ٱلنَّارُ بِمَا كَانُواْ يَكۡسِبُونَ﴿٨﴾

8მათი სამყოფელი ცეცხლია იმის სანაცვლოდ, რასაც ისინი იმკიდნენ [მათი ცოდვების და ურწმუნოების გამო].

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ يَهۡدِيهِمۡ رَبُّهُم بِإِيمَٰنِهِمۡۖ تَجۡرِي مِن تَحۡتِهِمُ ٱلۡأَنۡهَٰرُ فِي جَنَّٰتِ ٱلنَّعِيمِ﴿٩﴾

9ჭეშმარიტად, რომელთაც ირწმუნეს და ჰქმნეს კეთილი საქმენი, მათი ღმერთი წარმართავს მათ მათივე რწმენით. მათ ქვეშ იდინებენ მდინარეები ნეტარების ბაღებში.

دَعۡوَىٰهُمۡ فِيهَا سُبۡحَٰنَكَ ٱللَّهُمَّ وَتَحِيَّتُهُمۡ فِيهَا سَلَٰمٞۚ وَءَاخِرُ دَعۡوَىٰهُمۡ أَنِ ٱلۡحَمۡدُ لِلَّهِ رَبِّ ٱلۡعَٰلَمِينَ﴿١٠﴾

10მათი ვედრება [სამოთხეში იქნება: დიდება შენდა, ო, ალლაჰ! და მათი მისალმება იქ იქნება მშვიდობა! და მათი მოხმობის დასასრული იქნება: ქება ალლაჰს, სამყაროთა ღმერთს!

۞ وَلَوۡ يُعَجِّلُ ٱللَّهُ لِلنَّاسِ ٱلشَّرَّ ٱسۡتِعۡجَالَهُم بِٱلۡخَيۡرِ لَقُضِيَ إِلَيۡهِمۡ أَجَلُهُمۡۖ فَنَذَرُ ٱلَّذِينَ لَا يَرۡجُونَ لِقَآءَنَا فِي طُغۡيَٰنِهِمۡ يَعۡمَهُونَ﴿١١﴾

11და ალლაჰს რომ დაეჩქარებინა ადამიანთათვის ბოროტება ისე, როგორც ისინი სიკეთეს ისწრაფვიან, მაშინ მათი ვადა (ბედი) უკვე გადაწყვეტილი იქნებოდა (ისინი უკვე გარდაიცვლებოდნენ). მაგრამ ჩვენ მივატოვებთ მათ, რომელნიც ჩვენთან შეხვედრას არ იმედოვნებენ, თავიანთ უსამართლობაში, ბრმად იარონ თავიანთ შეცდომასა და გზააბნეულობაში.

وَإِذَا مَسَّ ٱلۡإِنسَٰنَ ٱلضُّرُّ دَعَانَا لِجَنۢبِهِۦٓ أَوۡ قَاعِدًا أَوۡ قَآئِمٗا فَلَمَّا كَشَفۡنَا عَنۡهُ ضُرَّهُۥ مَرَّ كَأَن لَّمۡ يَدۡعُنَآ إِلَىٰ ضُرّٖ مَّسَّهُۥۚ كَذَٰلِكَ زُيِّنَ لِلۡمُسۡرِفِينَ مَا كَانُواْ يَعۡمَلُونَ﴿١٢﴾

12როდესაც ადამიანს უბედურება შეეხება, ის მოგვიხმობს მწოლიარე, მჯდომარე ან მდგომარე მდგომარეობაში. მაგრამ როცა ჩვენ მოვაშორებთ მას მის გასაჭირს, ის მიდის ისე, თითქოს არასოდეს მოუხმია ჩვენთვის უბედურების დროს. ამგვარად მორთულად და მშვენივრად ეჩვენებათ ზღვარგადასულთ რასაც აკეთებენ [რასაც აკეთებენ თავიანთი ქმედებები].

وَلَقَدۡ أَهۡلَكۡنَا ٱلۡقُرُونَ مِن قَبۡلِكُمۡ لَمَّا ظَلَمُواْ وَجَآءَتۡهُمۡ رُسُلُهُم بِٱلۡبَيِّنَٰتِ وَمَا كَانُواْ لِيُؤۡمِنُواْۚ كَذَٰلِكَ نَجۡزِي ٱلۡقَوۡمَ ٱلۡمُجۡرِمِينَ﴿١٣﴾

13და ჩვენ უკვე გავანადგურეთ თაობები თქვენამდე, როცა მათ უსამართლობა ჩაიდინეს და მოვიდნენ მათთან მათი შუამავლები ცხადი მტკიცებულებებით, მაგრამ მათ არ ირწმუნეს. ასე მივუზღავთ ჩვენ დამნაშავე ხალხს.

ثُمَّ جَعَلۡنَٰكُمۡ خَلَٰٓئِفَ فِي ٱلۡأَرۡضِ مِنۢ بَعۡدِهِمۡ لِنَنظُرَ كَيۡفَ تَعۡمَلُونَ﴿١٤﴾

14შემდეგ ჩვენ გქმენით თქვენ (ო ხალხო), მათ შემდეგ დედამიწის მემკვიდრეებად, რათა დავინახოთ, როგორ მოიქცევით (რა საქმეებს ჩაიდენთ და შემდეგ მოგაგოთ თქვენი ქმედებების შესაბამისად)

وَإِذَا تُتۡلَىٰ عَلَيۡهِمۡ ءَايَاتُنَا بَيِّنَٰتٖ قَالَ ٱلَّذِينَ لَا يَرۡجُونَ لِقَآءَنَا ٱئۡتِ بِقُرۡءَانٍ غَيۡرِ هَٰذَآ أَوۡ بَدِّلۡهُۚ قُلۡ مَا يَكُونُ لِيٓ أَنۡ أُبَدِّلَهُۥ مِن تِلۡقَآيِٕ نَفۡسِيٓۖ إِنۡ أَتَّبِعُ إِلَّا مَا يُوحَىٰٓ إِلَيَّۖ إِنِّيٓ أَخَافُ إِنۡ عَصَيۡتُ رَبِّي عَذَابَ يَوۡمٍ عَظِيمٖ﴿١٥﴾

15როცა მათ [მრავალღმერთიანებს] წაუკითხავენ ჩვენს ნათელ და მკაფიო სასწაულებს [ყურანის აიათებს], ისინი, ვინც არ იმედოვნებენ ჩვენთან შეხვედრას [არ სჯერათ სასჯელის დღის], ამბობენ: მოგვიტანე სხვა ყურანი, ამისგან განსხვავებული [ისეთი, სადაც არ იქნება ის, რაც ჩვენ არ მოგვწონს], ან შეცვალე იგი, უთხარი მათ (ო, შუამავალო): მე არ მაქვს უფლება, თვითნებურად შევცვალო იგი. მე მხოლოდ იმას მივყვები, რაც ზეშთამეგონა (ალლაჰისგან). ჭეშმარიტად, თუ ჩემს უფალს ვეურჩები, მე მეშინია დიადი დღის [განკითხვის დღის]

قُل لَّوۡ شَآءَ ٱللَّهُ مَا تَلَوۡتُهُۥ عَلَيۡكُمۡ وَلَآ أَدۡرَىٰكُم بِهِۦۖ فَقَدۡ لَبِثۡتُ فِيكُمۡ عُمُرٗا مِّن قَبۡلِهِۦٓۚ أَفَلَا تَعۡقِلُونَ﴿١٦﴾

16უთხარი მათ (ო, მოციქულო): თუ ალლაჰი ისურვებდა, მე არ წაგიკითხავდით მას [ყურანს] და არც თქვენ გექნებოდათ ცოდნა მის შესახებ, მე ხომ მთელი ჩემი ცხოვრება თქვენ შორის გავატარე [სანამ გამოცხადება არ გადმოვიდა]. ნუთუ არ დაფიქრდებით?

فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِـَٔايَٰتِهِۦٓۚ إِنَّهُۥ لَا يُفۡلِحُ ٱلۡمُجۡرِمُونَ﴿١٧﴾

17და ვინაა უფრო უსამართლო იმაზე, ვინც სიცრუეს თხზავს ალლაჰის შესახებ ან ცრუდ რაცხავს მის აიათებს/სასწაულებს? ჭეშმარიტად, არ იქნებიან წარმატებულნი დამნაშავენი [მრავალღმერთიანნი]

وَيَعۡبُدُونَ مِن دُونِ ٱللَّهِ مَا لَا يَضُرُّهُمۡ وَلَا يَنفَعُهُمۡ وَيَقُولُونَ هَٰٓؤُلَآءِ شُفَعَٰٓؤُنَا عِندَ ٱللَّهِۚ قُلۡ أَتُنَبِّـُٔونَ ٱللَّهَ بِمَا لَا يَعۡلَمُ فِي ٱلسَّمَٰوَٰتِ وَلَا فِي ٱلۡأَرۡضِۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ﴿١٨﴾

18და ისინი თაყვანს სცემენ ალლაჰის გარდა იმას, რაც ვერ ავნებს მათ და ვერ სარგებელს მოუტანს, და ამბობენ: ესენი არიან ჩვენი შუამდგომლები ალლაჰთან! უთხარი მათ (ო, მოციქულო): ნუთუ ალლაჰს ატყობინებთ იმას, რასაც მან არ უწყის ცათა შინა და მიწაზე? წმინდა და დიდებულია იგი იმ ყველაფერზე, რასაც მას უთანაზიარებენ!

وَمَا كَانَ ٱلنَّاسُ إِلَّآ أُمَّةٗ وَٰحِدَةٗ فَٱخۡتَلَفُواْۚ وَلَوۡلَا كَلِمَةٞ سَبَقَتۡ مِن رَّبِّكَ لَقُضِيَ بَيۡنَهُمۡ فِيمَا فِيهِ يَخۡتَلِفُونَ﴿١٩﴾

19და არ იყვნენ ადამიანები, გარდა ერთი თემისა(რწმენისა), მაგრამ ისინი გაიყვნენ. და რომ არა სიტყვა, რომელიც წინ უსწრებდა შენი ღმერთისგან, მათ შორის უკვე გადაწყვეტილი იქნებოდა ის, რაზეც ისინი დავობენ.

وَيَقُولُونَ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦۖ فَقُلۡ إِنَّمَا ٱلۡغَيۡبُ لِلَّهِ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ﴿٢٠﴾

20ისინი [ურწმუნონი] ამბობენ: რატომ არ გარდმოევლინა მას (მუჰამმადს) სასწაული მისი ღმერთისგან? უთხარი: ჭეშმარიტად, უხილავი მხოლოდ ალლაჰს ეკუთვნის. მაშ, დაელოდეთ (როცა ალლაჰი განსჯის ჩვენს შორის), და მეც თქვენთან ერთად ვიქნები მათ შორის, ვინც ელოდება

وَإِذَآ أَذَقۡنَا ٱلنَّاسَ رَحۡمَةٗ مِّنۢ بَعۡدِ ضَرَّآءَ مَسَّتۡهُمۡ إِذَا لَهُم مَّكۡرٞ فِيٓ ءَايَاتِنَاۚ قُلِ ٱللَّهُ أَسۡرَعُ مَكۡرًاۚ إِنَّ رُسُلَنَا يَكۡتُبُونَ مَا تَمۡكُرُونَ﴿٢١﴾

21და როცა ადამიანებს ვაგემებინებთ წყალობას გასაჭირის შემდეგ, რომელიც მათ შეეხო, მაშინვე ისინი მზაკვრობენ ჩვენი აიათების წინააღმდეგ. უთხარი: ალლაჰი უფრო სწრაფია ხრიკებში. ჭეშმარიტად, ჩვენი მოციქულნი [ანგელოზები] იწერენ თქვენს ყველა ზრახვას.

هُوَ ٱلَّذِي يُسَيِّرُكُمۡ فِي ٱلۡبَرِّ وَٱلۡبَحۡرِۖ حَتَّىٰٓ إِذَا كُنتُمۡ فِي ٱلۡفُلۡكِ وَجَرَيۡنَ بِهِم بِرِيحٖ طَيِّبَةٖ وَفَرِحُواْ بِهَا جَآءَتۡهَا رِيحٌ عَاصِفٞ وَجَآءَهُمُ ٱلۡمَوۡجُ مِن كُلِّ مَكَانٖ وَظَنُّوٓاْ أَنَّهُمۡ أُحِيطَ بِهِمۡ دَعَوُاْ ٱللَّهَ مُخۡلِصِينَ لَهُ ٱلدِّينَ لَئِنۡ أَنجَيۡتَنَا مِنۡ هَٰذِهِۦ لَنَكُونَنَّ مِنَ ٱلشَّٰكِرِينَ﴿٢٢﴾

22ის არის (ალლაჰი), ვინც გამგზავრებთ ხმელეთსა და ზღვაზე. ვიდრე არ აღმოჩნდებით ხომალდებში, რომლებიც სასიამოვნო ქარით მიაპობენ ტალღებს და ისინი ამით ხარობენ, მოევლინება მას მძვინვარე ქარიშხალი და ყოველი მხრიდან ტალღები მოადგებათ, და იფიქრებენ, რომ გარშემორტყმულნი არიან, მაშინ ისინი გულწრფელი რწმენით შეღაღადებენ ალლაჰს: თუკი გვიხსნი ამ განსაცდელისგან, უთუოდ, მადლიერთაგანი ვიქნებით!

فَلَمَّآ أَنجَىٰهُمۡ إِذَا هُمۡ يَبۡغُونَ فِي ٱلۡأَرۡضِ بِغَيۡرِ ٱلۡحَقِّۗ يَٰٓأَيُّهَا ٱلنَّاسُ إِنَّمَا بَغۡيُكُمۡ عَلَىٰٓ أَنفُسِكُمۖ مَّتَٰعَ ٱلۡحَيَوٰةِ ٱلدُّنۡيَاۖ ثُمَّ إِلَيۡنَا مَرۡجِعُكُمۡ فَنُنَبِّئُكُم بِمَا كُنتُمۡ تَعۡمَلُونَ﴿٢٣﴾

23ხოლო როცა იხსნა ისინი, მაშინვე ისინი უსამართლოდ ბოროტმოქმედებენ დედამიწაზე. ჰეი, ხალხო! თქვენი უსამართლობა მხოლოდ თქვენსავე სულებს ვნებს. ამქვეყნიური ცხოვრება დროებითი სიამოვნებაა. შემდეგ ჩვენთანაა თქვენი დაბრუნება, და გაუწყებთ თქვენ, რასაც სჩადიოდით.

إِنَّمَا مَثَلُ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ مِمَّا يَأۡكُلُ ٱلنَّاسُ وَٱلۡأَنۡعَٰمُ حَتَّىٰٓ إِذَآ أَخَذَتِ ٱلۡأَرۡضُ زُخۡرُفَهَا وَٱزَّيَّنَتۡ وَظَنَّ أَهۡلُهَآ أَنَّهُمۡ قَٰدِرُونَ عَلَيۡهَآ أَتَىٰهَآ أَمۡرُنَا لَيۡلًا أَوۡ نَهَارٗا فَجَعَلۡنَٰهَا حَصِيدٗا كَأَن لَّمۡ تَغۡنَ بِٱلۡأَمۡسِۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَتَفَكَّرُونَ﴿٢٤﴾

24ამქვეყნიური ცხოვრების მაგალითი იმ წყალს ჰგავს, რომელიც ჩვენ ზეციდან გარდმოვავლინეთ, რომლითაც აღმოცენდა მიწის მცენარეულობა, რომლითაც იკვებებიან ადამიანები და პირუტყვი. და როცა მიწა შეიმოსა თავისი სამკაულით და დამშვენდა, და მისმა მცხოვრებლებმა იფიქრეს, რომ ისინი არიან მისი მფლობელები, მოევლინა მას ჩვენი ბრძანება ღამით ან დღისით, და ჩვენ ის მომკულად [განადგურებულდ] ვაქციეთ, თითქოს გუშინ არც კი უხარებია. აი, ასე განვმარტავთ ჩვენ აიათებს იმ ხალხისთვის, რომელნიც ფიქრობენ.

وَٱللَّهُ يَدۡعُوٓاْ إِلَىٰ دَارِ ٱلسَّلَٰمِ وَيَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ﴿٢٥﴾

25ღმერთი მოუხმობს მშვიდობის სამყოფელისკენ (სამოთხისაკენ) და დაადგენს, ვისაც ინებებს, სწორ გზაზე.

۞ لِّلَّذِينَ أَحۡسَنُواْ ٱلۡحُسۡنَىٰ وَزِيَادَةٞۖ وَلَا يَرۡهَقُ وُجُوهَهُمۡ قَتَرٞ وَلَا ذِلَّةٌۚ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ﴿٢٦﴾

26ვინც გულწრფელნი იყვნენ (ალლაჰისადმი თაყვანისცემაში), მათთვის გამზადებულია საუკეთესო [სამოთხე] და დამატება [ალლაჰის სახის ხილვა]. და არ დაფარავს მათ სახეებს მტვერი და დამცირება (როგორც ეს მოხდება ჯოჯოხეთის ბინადართა შემთხვევაში). ისინი არიან სამოთხის ბინადარნი, სადაც ისინი იქნებიან სამუდამოდ

وَٱلَّذِينَ كَسَبُواْ ٱلسَّيِّـَٔاتِ جَزَآءُ سَيِّئَةِۭ بِمِثۡلِهَا وَتَرۡهَقُهُمۡ ذِلَّةٞۖ مَّا لَهُم مِّنَ ٱللَّهِ مِنۡ عَاصِمٖۖ كَأَنَّمَآ أُغۡشِيَتۡ وُجُوهُهُمۡ قِطَعٗا مِّنَ ٱلَّيۡلِ مُظۡلِمًاۚ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ﴿٢٧﴾

27ხოლო რომელთაც მოიხვეჭეს სიავენი [გახდნენ ურწმუნონი], სიავის საზღაური მისი მსგავსია და დაფარავს მათ დამცირება. არ ეყოლებათ მათ ალლაჰისგან დამცველი. თითქოსდა მათი სახეები დაფარულია ბნელი ღამის ნაწილებით. აი, ისინი არიან ცეცხლის მკვიდრნი. ისინი იქ სამუდამოდ დარჩებიან.

وَيَوۡمَ نَحۡشُرُهُمۡ جَمِيعٗا ثُمَّ نَقُولُ لِلَّذِينَ أَشۡرَكُواْ مَكَانَكُمۡ أَنتُمۡ وَشُرَكَآؤُكُمۡۚ فَزَيَّلۡنَا بَيۡنَهُمۡۖ وَقَالَ شُرَكَآؤُهُم مَّا كُنتُمۡ إِيَّانَا تَعۡبُدُونَ﴿٢٨﴾

28მოუყევი მათ (ო, შუამავალო) იმ დღეზე, როცა ჩვენ შევკრებთ მათ ყველას [ყველა ქმნილებას] ანგარიშის და საზღაურისათვის. შემდეგ ვეტყვით მათ, რომელთაც დაუდგინეს თანაზიარი (ალლაჰს): დარჩით თქვენს ადგილას თქვენ და თქვენი თანამოზიარენი [ისინი, ვისაც თაყვანს სცემდით]! და ჩვენ გავყოფთ მათ [მრავალღმერთიანებს იმათგან, ვისაც ისინი თაყვანს სცემდნენ], ხოლო მათი თანამოზიარენი (კერპები)ეტყვიან: თქვენ ჩვენ არ გვცემდით თაყვანს (ამქვეყნიურ ცხოვრებაში)

فَكَفَىٰ بِٱللَّهِ شَهِيدَۢا بَيۡنَنَا وَبَيۡنَكُمۡ إِن كُنَّا عَنۡ عِبَادَتِكُمۡ لَغَٰفِلِينَ﴿٢٩﴾

29კმარა ალლაჰი მოწმედ ჩვენსა და თქვენს შორის, რომ ჩვენ უცოდინარნი ვიყავით [არ ვიცოდით] თქვენი თაყვანისცემის შესახებ.

هُنَالِكَ تَبۡلُواْ كُلُّ نَفۡسٖ مَّآ أَسۡلَفَتۡۚ وَرُدُّوٓاْ إِلَى ٱللَّهِ مَوۡلَىٰهُمُ ٱلۡحَقِّۖ وَضَلَّ عَنۡهُم مَّا كَانُواْ يَفۡتَرُونَ﴿٣٠﴾

30იქ [განკითხვის ადგილზე] ყოველი სული იხილავს და გამოცდის იმას, რაც მან წინასწარ მოიმოქმედა, და მას დაუბრუნდება საზღაური მისი საქმეების მიხედვით. ისინი დაბრუნდებიან ალლაჰთან თავიანთ ჭეშმარიტ მფარველთან, და გაუჩინარდება მათგან ყველაფერი, რაც მათ გამოიგონეს [ის ცრუ ღმერთები, რომელთა შუამდგომლობასაც ელოდნენ]

قُلۡ مَن يَرۡزُقُكُم مِّنَ ٱلسَّمَآءِ وَٱلۡأَرۡضِ أَمَّن يَمۡلِكُ ٱلسَّمۡعَ وَٱلۡأَبۡصَٰرَ وَمَن يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَمَن يُدَبِّرُ ٱلۡأَمۡرَۚ فَسَيَقُولُونَ ٱللَّهُۚ فَقُلۡ أَفَلَا تَتَّقُونَ﴿٣١﴾

31უთხარი: ვინ გაძლევთ სარჩოს თქვენ ციდან და მიწიდან, ან ვინ ფლობს სმენასა და მხედველობას, და ვის გამოჰყავს ცოცხალი მკვდრიდან და გამოჰყავს მკვდარი ცოცხლიდან, და ვინ განაგებს საქმეს? ისინი იტყვიან: ალლაჰი! მაშინ უთხარი: ნუთუ არ შეგეშინდებათ?

فَذَٰلِكُمُ ٱللَّهُ رَبُّكُمُ ٱلۡحَقُّۖ فَمَاذَا بَعۡدَ ٱلۡحَقِّ إِلَّا ٱلضَّلَٰلُۖ فَأَنَّىٰ تُصۡرَفُونَ﴿٣٢﴾

32აი, ასეთია ალლაჰი თქვენი ჭეშმარიტი უფალი! მაშ, რა დარჩა ჭეშმარიტების შემდეგ, თუ არა გზააბნეულობა? როგორ აქცევთ ზურგს ჭეშმარიტებას (მას შემდეგ, რაც იგი გახდა ცნობილი თქვენთვის)?

كَذَٰلِكَ حَقَّتۡ كَلِمَتُ رَبِّكَ عَلَى ٱلَّذِينَ فَسَقُوٓاْ أَنَّهُمۡ لَا يُؤۡمِنُونَ﴿٣٣﴾

33ასე გამართლდა შენი უფლის სიტყვა მათზე, ვინც ურჩობდა, რომ ისინი არ ირწმუნებენ.

قُلۡ هَلۡ مِن شُرَكَآئِكُم مَّن يَبۡدَؤُاْ ٱلۡخَلۡقَ ثُمَّ يُعِيدُهُۥۚ قُلِ ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥۖ فَأَنَّىٰ تُؤۡفَكُونَ﴿٣٤﴾

34უთხარი: არის თუ არა თქვენს თანაზიარებს შორის [რომელსაც თაყვანს სცემთ ალლაჰის გარდა] ისეთი, ვინც ქმნის პირველად [ქმნის არაფრიდან], შემდეგ კი აღადგენს მას [სიკვდილის შემდეგ]? უთხარი: ალლაჰია ის, ვინც იწყებს ქმნას [ქმნის არაფრიდან] და შემდეგ კვლავ აღადგენს მას თავისი ძლიერებით [თავისი ძალაუფლებით]. ნუთუ ამდენად შორდებით (ჭეშმარიტ გზას)

قُلۡ هَلۡ مِن شُرَكَآئِكُم مَّن يَهۡدِيٓ إِلَى ٱلۡحَقِّۚ قُلِ ٱللَّهُ يَهۡدِي لِلۡحَقِّۗ أَفَمَن يَهۡدِيٓ إِلَى ٱلۡحَقِّ أَحَقُّ أَن يُتَّبَعَ أَمَّن لَّا يَهِدِّيٓ إِلَّآ أَن يُهۡدَىٰۖ فَمَا لَكُمۡ كَيۡفَ تَحۡكُمُونَ﴿٣٥﴾

35თქვი: განა თქვენს თანაზიართა შორის არის ვინმე? ვინც უწინამძღვრებს ჭეშმარიტებისკენ? თქვი: ალლაჰი უწინამძღვრებს ჭეშმარიტებისკენ. ის, ვინც ჭეშმარიტებისკენ უწინმძღვრებს, უფრო ღირსია, რომ მას მისდიონ, თუ ის, ვინც თვითონ ვერ პოულობს ჭეშმარიტ გზას, თუ მას არ უწინამძღვრებენ? რა გემართებათ? როგორ განსჯით?

وَمَا يَتَّبِعُ أَكۡثَرُهُمۡ إِلَّا ظَنًّاۚ إِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـًٔاۚ إِنَّ ٱللَّهَ عَلِيمُۢ بِمَا يَفۡعَلُونَ﴿٣٦﴾

36და მათი უმრავლესობა მხოლოდ ვარაუდს მისდევს. ჭეშმარიტად, ვარაუდი ვერაფრით შეცვლის ჭეშმარიტებას. უეჭველად, ალლაჰი ყოვლისმცოდნეა იმისა, რასაც ისინი სჩადიან. მათგან უმეტესობა [ამ მრავალღმერთიანთაგან] მხოლოდ ვარაუდს მიჰყვება (როცა ფიქრობს, რომ მათი კერპები დაახლოებენ მათ ალლაჰთან). ჭეშმარიტად, ვარაუდი ვერ ჩაანაცვლებს სიმართლეს, თუნდაც ნაწილობრივ. ნამდვილად, ალლაჰი უწყის ყველაფერს, რასაც ისინი აკეთებენ [მათი ურწმუნოება და გზააბნეულობა].

وَمَا كَانَ هَٰذَا ٱلۡقُرۡءَانُ أَن يُفۡتَرَىٰ مِن دُونِ ٱللَّهِ وَلَٰكِن تَصۡدِيقَ ٱلَّذِي بَيۡنَ يَدَيۡهِ وَتَفۡصِيلَ ٱلۡكِتَٰبِ لَا رَيۡبَ فِيهِ مِن رَّبِّ ٱلۡعَٰلَمِينَ﴿٣٧﴾

37ეს ყურანი ვერ იქნებოდა მოგონილი ვინმეს მიერ ალლაჰის გარდა. იგი გადმოიცა იმის დასამოწმებლად, რაც ადრე იყო გამოცხადებული [წიგნები, რომლებიც გაეგზავნათ წინა შუამავლებს], და როგორც წიგნის განმარტება [რწმენისა და შარიათის დებულებათა ნათელი ახსნა მუჰამმადის თემისთვის]. არ არის ეჭვი იმაში, რომ ის სამყაროთა უფლისგანაა.

أَمۡ يَقُولُونَ ٱفۡتَرَىٰهُۖ قُلۡ فَأۡتُواْ بِسُورَةٖ مِّثۡلِهِۦ وَٱدۡعُواْ مَنِ ٱسۡتَطَعۡتُم مِّن دُونِ ٱللَّهِ إِن كُنتُمۡ صَٰدِقِينَ﴿٣٨﴾

38ან იქნებ ისინი ამბობენ: (მუჰამმადმა) თავად მოიგონა იგი [ყურანი]? უთხარი მათ (ო, მოციქულო): მაშ, მოიტანეთ ერთი სურა, მსგავსი მისი [ყურანისა], და მოუხმეთ ვისაც შეგიძლიათ, ალლაჰის გარდა, თუ მართალთაგანი ხართ! (თუ თქვენ ყველას ერთად არ შეგიძლიათ ერთი სურის შედგენა, მაშინ როგორ შეძლო მუჰამმადმა, უბრალო ადამიანმა, მთელი ყურანის მოგონება?)

بَلۡ كَذَّبُواْ بِمَا لَمۡ يُحِيطُواْ بِعِلۡمِهِۦ وَلَمَّا يَأۡتِهِمۡ تَأۡوِيلُهُۥۚ كَذَٰلِكَ كَذَّبَ ٱلَّذِينَ مِن قَبۡلِهِمۡۖ فَٱنظُرۡ كَيۡفَ كَانَ عَٰقِبَةُ ٱلظَّٰلِمِينَ﴿٣٩﴾

39მაგრამ მათ [მრავალღმერთიანებმა] უარყვეს ის [ყურანი], რომლის ცოდნას ვერ ჩაწვდნენ [ვერ ჩაწვდნენ მის მნიშვნელობას და ვერ დაფიქრდნენ მასზე], და რომლის განმარტებაც [შეგონების შესრულება და აღსრულება] ჯერ არ მოსვლიათ. ზუსტად ასევე უარყვეს (გამოცხადება) მათამდე მცხოვრებმა თემებმაც. შეხედე თუ როგორი იყო უსამართლოთა დასასრული

وَمِنۡهُم مَّن يُؤۡمِنُ بِهِۦ وَمِنۡهُم مَّن لَّا يُؤۡمِنُ بِهِۦۚ وَرَبُّكَ أَعۡلَمُ بِٱلۡمُفۡسِدِينَ﴿٤٠﴾

40და მათ შორის არიან ისეთნი, რომელთაც სწამთ იგი, და მათ შორის არიან ისეთნიც, რომელთაც არ სწამთ იგი. და შენი ღმერთი ყველაზე უკეთ იცნობს ბოროტებისმქმნელთ.

وَإِن كَذَّبُوكَ فَقُل لِّي عَمَلِي وَلَكُمۡ عَمَلُكُمۡۖ أَنتُم بَرِيٓـُٔونَ مِمَّآ أَعۡمَلُ وَأَنَا۠ بَرِيٓءٞ مِّمَّا تَعۡمَلُونَ﴿٤١﴾

41თუ ისინი [მრავალღმერთიანები] ცრუდ შეგრაცხავენ შენ (ო, შუამავალო), უთხარი მათ: მე მაქვს ჩემი საქმე [და ჩემი საზღაური ჩემი საქმეებისთვის], ხოლო თქვენ გაქვთ თქვენი საქმეები [და თქვენი საზღაური თქვენი ქმედებებისთვის]. თქვენ არ გაქვთ კავშირი იმასთან, რასაც მე ვაკეთებ, და მეც არ მაქვს კავშირი იმასთან, რასაც თქვენ აკეთებთ

وَمِنۡهُم مَّن يَسۡتَمِعُونَ إِلَيۡكَۚ أَفَأَنتَ تُسۡمِعُ ٱلصُّمَّ وَلَوۡ كَانُواْ لَا يَعۡقِلُونَ﴿٤٢﴾

42და მათ(მრავალღმერთიანებს) შორის არიან ისეთებიც, რომლებიც გისმენენ შენ(ყურანის კითხვისას). განა შენ ყრუს გააგონებ, თუნდაც რომ ვერაფერს ხვდებოდნენ?

وَمِنۡهُم مَّن يَنظُرُ إِلَيۡكَۚ أَفَأَنتَ تَهۡدِي ٱلۡعُمۡيَ وَلَوۡ كَانُواْ لَا يُبۡصِرُونَ﴿٤٣﴾

43და მათ შორის არიან ისეთებიც, რომლებიც შემოგცქერიან. მაგრამ განა შენ დაადგენ ბრმებს სწორ გზაზე, თუნდაც ისინი ვერ ხედავდნენ?!

إِنَّ ٱللَّهَ لَا يَظۡلِمُ ٱلنَّاسَ شَيۡـٔٗا وَلَٰكِنَّ ٱلنَّاسَ أَنفُسَهُمۡ يَظۡلِمُونَ﴿٤٤﴾

44ჭეშმარიტად, ალლაჰი უსამართლოდ არ მოეპყრობა ხალხს არაფერში , არამედ ხალხი თვითონ ეპყრობა საკუთარ თავს უსამართლოდ.

وَيَوۡمَ يَحۡشُرُهُمۡ كَأَن لَّمۡ يَلۡبَثُوٓاْ إِلَّا سَاعَةٗ مِّنَ ٱلنَّهَارِ يَتَعَارَفُونَ بَيۡنَهُمۡۚ قَدۡ خَسِرَ ٱلَّذِينَ كَذَّبُواْ بِلِقَآءِ ٱللَّهِ وَمَا كَانُواْ مُهۡتَدِينَ﴿٤٥﴾

45და იმ დღეს [სასჯელის დღეს], როცა ალლაჰი შეკრებს მათ [მრავალღმერთიანებს], მათ მოეჩვენებათ, თითქოს და ერთი საათი გაუტარებიათ ამქვეყნიურ ცხოვრებაში, და ისინი ერთმანეთს იცნობენ (ისე, როგორც იცნობდნენ მიწიერ ცხოვრებაში). ჭეშმარიტად, ზარალი ნახეს მათ, ვინც ალლაჰთან შეხვედრა სიცრუედ ჩათვალა [ვინც არ ირწმუნა აღდგომისა და განსჯის დღე], ისინი არ იყვნენ სწორ გზაზე მავალნი

وَإِمَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِلَيۡنَا مَرۡجِعُهُمۡ ثُمَّ ٱللَّهُ شَهِيدٌ عَلَىٰ مَا يَفۡعَلُونَ﴿٤٦﴾

46(როგორიც არ უნდა იყოს,) ჩვენ გიჩვენებთ შენ (ო, მოციქულო) იმ სასჯელთაგან ნაწილს, რასაც ვპირდებით მათ [მრავალღმერთიანებს], ანდა მოგაკვდინებთ შენ (სანამ ამას იხილავ), როგორც არ უნდა მოხდეს, მათი დაბრუნება ჩვენთან იქნება (განკითხვის დღეს). შემდეგ ალლაჰი იქნება მოწმე იმისა, რასაც ისინი აკეთებდნენ

وَلِكُلِّ أُمَّةٖ رَّسُولٞۖ فَإِذَا جَآءَ رَسُولُهُمۡ قُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ﴿٤٧﴾

47ყოველ თემს (რომელიც თქვენამდე იყო, ო ხალხნო) ჰყავდა თავისი მოციქული. და როცა მოვა მათი მოციქული (განკითხვის დღეს) [თითოეული თემი მოვა თავისი მოციქულით, საქმეების წიგნით და ანგელოზ-მწერლებით, რომლებიც იქნებიან მოწმეები მათთვის], მაშინ მათ შორის განაჩენი გამოიტანება სამართლიანად, და ისინი არ დაიჩაგრებიან [არავინ დაისჯება უმიზეზოდ]

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ﴿٤٨﴾

48და ისინი ამბობენ [შენს ხალხთაგან მრავალღმერთიანნი]: როდის შესრულდება ეს დაპირება [განკითხვის დღე], თუ თქვენ (ო, მუჰამმად და თქვენი მიმდევრები) მართალს ამბობთ?

قُل لَّآ أَمۡلِكُ لِنَفۡسِي ضَرّٗا وَلَا نَفۡعًا إِلَّا مَا شَآءَ ٱللَّهُۗ لِكُلِّ أُمَّةٍ أَجَلٌۚ إِذَا جَآءَ أَجَلُهُمۡ فَلَا يَسۡتَـٔۡخِرُونَ سَاعَةٗ وَلَا يَسۡتَقۡدِمُونَ﴿٤٩﴾

49უთხარი მათ (ო, მოციქულო): მე არ ვფლობ ძალას ჩემი თავისთვის არც ზიანზე და არც სარგებელზე გარდა იმისა, რასაც ალლაჰი ესურვებს. [მე არ შემიძლია თავიდან ავიცილო ზიანი ან მოვიპოვო სარგებელი, თუ ამას ალლაჰი არ ინებებს.] ყოველ თემს აქვს თავისი ვადა [დრო, რომელიც ალლაჰმა განუსაზღვრა]. როცა დადგება მათი ვადა, ისინი ვერ შეაყოვნებენ მას ერთ წამსაც კი და ვერ დააჩქარებენ მის მოსვლას ერთი წამითაც

قُلۡ أَرَءَيۡتُمۡ إِنۡ أَتَىٰكُمۡ عَذَابُهُۥ بَيَٰتًا أَوۡ نَهَارٗا مَّاذَا يَسۡتَعۡجِلُ مِنۡهُ ٱلۡمُجۡرِمُونَ﴿٥٠﴾

50უთხარი (ო, შუამავალო) ამ [მრავალღმერთიანებს]: როგორ ფიქრობთ, თუ მისი სასჯელი მოგევლინებათ ღამით ან დღისით, რის დაჩქარებას ითხოვენ მისგან( სასჯელისგან) დამნაშავენი [მრავალღმერთიანნი]?

أَثُمَّ إِذَا مَا وَقَعَ ءَامَنتُم بِهِۦٓۚ ءَآلۡـَٰٔنَ وَقَدۡ كُنتُم بِهِۦ تَسۡتَعۡجِلُونَ﴿٥١﴾

51ნუთუ მაშინ, როცა სასჯელი დაგატყდებათ (ო, მრავალღმერთიანებო), ირწმუნებთ მას [სასჯელს]? (მათ ეთქმებათ): ახლა ირწმუნეთ, მაშინ როცა მანამდე თვითონვე აჩქარებდით მის მოსვლას [სასჯელს ითხოვდით]?

ثُمَّ قِيلَ لِلَّذِينَ ظَلَمُواْ ذُوقُواْ عَذَابَ ٱلۡخُلۡدِ هَلۡ تُجۡزَوۡنَ إِلَّا بِمَا كُنتُمۡ تَكۡسِبُونَ﴿٥٢﴾

52შემდეგ ეთქმებათ მათ, ვინც უსამართლოდ მოიქცა (საკუთარი თავის მიმართ) თავისი ურწმუნოებით: იგემეთ მარადიულობის სასჯელი! განა გეზღვებათ რამე სხვა, გარდა იმისა, რასაც თავად მოიმოქმედეთ? [თქვენ გეზღვებათ მხოლოდ თქვენი ურწმუნოებისთვის.]

۞ وَيَسۡتَنۢبِـُٔونَكَ أَحَقٌّ هُوَۖ قُلۡ إِي وَرَبِّيٓ إِنَّهُۥ لَحَقّٞۖ وَمَآ أَنتُم بِمُعۡجِزِينَ﴿٥٣﴾

53ისინი [მრავალღმერთიანები] გეკითხებიან შენ (ო, შუამავალო): მართალია ეს [სასჯელი]? უთხარი მათ (ო, მოციქულო): დიახ, ვფიცავ ჩემს უფალს, ეს უეჭველად ჭეშმარიტებაა! და თქვენ ვერასოდეს ვერ დაამარცხებთ ალლაჰს [ვერ დაძვრებით აღდგომისგან, განკითხვისა და საზღაურისგან].

وَلَوۡ أَنَّ لِكُلِّ نَفۡسٖ ظَلَمَتۡ مَا فِي ٱلۡأَرۡضِ لَٱفۡتَدَتۡ بِهِۦۗ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۖ وَقُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ﴿٥٤﴾

54და რომ თითოეულ სულს, რომელმაც ჩაიდინა უსამართლობა [მრავალღმერთიანობა და ურწმუნოება], ქონოდა ყველაფერი, რაც დედამიწაზეა, იგი უეჭველად მოინდომებდა ამით გამოსყიდვას (ჯოჯოხეთის მარადიული ტანჯვისგან) განკითხვის დღეს. მაგრამ როცა დაინახავენ სასჯელს, დამალავენ თავიანთ სინანულს. და მათ შორის გამოიტანება განაჩენი სამართლიანად, და ისინი არ დაიჩაგრებიან [ვერავინ დაისჯება უმიზეზოდ]

أَلَآ إِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۗ أَلَآ إِنَّ وَعۡدَ ٱللَّهِ حَقّٞ وَلَٰكِنَّ أَكۡثَرَهُمۡ لَا يَعۡلَمُونَ﴿٥٥﴾

55დიახ! ჭეშმარიტად, ალლაჰს მარტო მას ეკუთვნის ყველაფერი, რაც ცათა შინაა და მიწაზეა! ჭეშმარიტად, ალლაჰის აღთქმა ჭეშმარიტებაა (აღთქმა შეხვედრისა მასთან და მრავალღმერთიანთა დასჯისა), მაგრამ მათგან უმეტესობა არ უწყის!

هُوَ يُحۡيِۦ وَيُمِيتُ وَإِلَيۡهِ تُرۡجَعُونَ﴿٥٦﴾

56ის აცოცხლებს და აკვდინებს და მასთან იქნებით დაბრუნებულნი

يَٰٓأَيُّهَا ٱلنَّاسُ قَدۡ جَآءَتۡكُم مَّوۡعِظَةٞ مِّن رَّبِّكُمۡ وَشِفَآءٞ لِّمَا فِي ٱلصُّدُورِ وَهُدٗى وَرَحۡمَةٞ لِّلۡمُؤۡمِنِينَ﴿٥٧﴾

57ჰეი, ადამიანებო! უეჭველად, მოგივიდათ თქვენ შეგონება თქვენი ღმერთისგან და განკურნება იმისა, რაც მკერდშია, და სწორ გზად და წყალობად მორწმუნეთათვის.

قُلۡ بِفَضۡلِ ٱللَّهِ وَبِرَحۡمَتِهِۦ فَبِذَٰلِكَ فَلۡيَفۡرَحُواْ هُوَ خَيۡرٞ مِّمَّا يَجۡمَعُونَ﴿٥٨﴾

58უთხარი (ო, შუამავალო) (ყველა ხალხს): ალლაჰის სიკეთითა [ყურანის გამოგზავნით] და მისი მოწყალებით [ისლამის მინიჭებით] ამით უხაროდეთ მათ! ეს [ყურანი და ისლამი] უკეთესია იმაზე, რასაც ისინი აგროვებენ [ამქვეყნიურ სიმდიდრეზე].

قُلۡ أَرَءَيۡتُم مَّآ أَنزَلَ ٱللَّهُ لَكُم مِّن رِّزۡقٖ فَجَعَلۡتُم مِّنۡهُ حَرَامٗا وَحَلَٰلٗا قُلۡ ءَآللَّهُ أَذِنَ لَكُمۡۖ أَمۡ عَلَى ٱللَّهِ تَفۡتَرُونَ﴿٥٩﴾

59უთხარი: რას იტყვით იმ სარჩოზე, რომელიც ალლაჰმა გიბოძათ, და თქვენ მისი ნაწილი აკრძალულად შერაცხეთ, ნაწილი კი ნებადართულად? უთხარი: ალლაჰმა დაგრთოთ ნება, თუ ალლაჰს ცილს სწამებთ?

وَمَا ظَنُّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ يَوۡمَ ٱلۡقِيَٰمَةِۗ إِنَّ ٱللَّهَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَهُمۡ لَا يَشۡكُرُونَ﴿٦٠﴾

60და რას ფიქრობენ ისინი, ვინც ალლაჰზე სიცრუეს თხზავენ, განკითხვის დღეს? ჭეშმარიტად, ალლაჰი არის უხვი წყალობის მფლობელი [ნეტარების მომნიჭებელი] ადამიანების მიმართ [ის არ ჩქარობს დასაჯოს ისინი, ვინც მის წინააღმდეგ სიცრუეს იგონებს], მაგრამ მათი უმრავლესობა არ არის მადლიერი [რაც მან მათ უბოძა, და ხდებიან ურწმუნონი].

وَمَا تَكُونُ فِي شَأۡنٖ وَمَا تَتۡلُواْ مِنۡهُ مِن قُرۡءَانٖ وَلَا تَعۡمَلُونَ مِنۡ عَمَلٍ إِلَّا كُنَّا عَلَيۡكُمۡ شُهُودًا إِذۡ تُفِيضُونَ فِيهِۚ وَمَا يَعۡزُبُ عَن رَّبِّكَ مِن مِّثۡقَالِ ذَرَّةٖ فِي ٱلۡأَرۡضِ وَلَا فِي ٱلسَّمَآءِ وَلَآ أَصۡغَرَ مِن ذَٰلِكَ وَلَآ أَكۡبَرَ إِلَّا فِي كِتَٰبٖ مُّبِينٍ﴿٦١﴾

61და რომელ საქმეში არ უნდა იყო (ო, შუამავალო), ან რაც არ უნდა წაიკითხო მისგან [ალლაჰისგან] გადმოცემული ყურანიდან, და რაც არ უნდა აკეთოთ თქვენ (ო, ადამიანებო), ჩვენ ვიქნებით მოწმეები თქვენთვის, როცა ამ საქმეში ხართ ჩართულნი. და შენი უფლისგან ვერ დაიმალება ვერც მტვრის წონად მცირე რამ რაც მიწაზეა და რაც ცაში, და რაც იმაზე პატარაა და რაც იმაზე დიდი, რადგან ეს ყოველივე უკვე ჩაწერილია ცხად წიგნში [დაცულ დაფაზე]

أَلَآ إِنَّ أَوۡلِيَآءَ ٱللَّهِ لَا خَوۡفٌ عَلَيۡهِمۡ وَلَا هُمۡ يَحۡزَنُونَ﴿٦٢﴾

62დიახ! [იცოდეთ, ხალხო, რომ] ჭეშმარიტად, ალლაჰის მეგობრებს არ დაეუფლებათ შიში (განკითხვის დღეს, როცა ალლაჰი დასჯის ურწმუნოებს), და ისინი არ დამწუხრდებიან (იმაზე, რაც ამქვეყნად დაკარგეს)

ٱلَّذِينَ ءَامَنُواْ وَكَانُواْ يَتَّقُونَ﴿٦٣﴾

63რომელთაც ირწმუნეს და იყვნენ ალლაჰის მოშიშნი (ასრულებდნენ მის ბრძანებებს და შორს იჭერდნენ თავს იმისგან, რაც მან აკრძალა)

لَهُمُ ٱلۡبُشۡرَىٰ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۚ لَا تَبۡدِيلَ لِكَلِمَٰتِ ٱللَّهِۚ ذَٰلِكَ هُوَ ٱلۡفَوۡزُ ٱلۡعَظِيمُ﴿٦٤﴾

64მათთვის არის სასიხარულო ამბავი (ალლაჰისგან) ამქვეყნიურ ცხოვრებაში [მართალ სიზმრად, კეთილ ცნობად და შემწეობად] და მარადიულ ცხოვრებაში [ცნობად იმისა, რომ ისინი სამოთხის ბინადარნი არიან]. ალლაჰის სიტყვებს ცვლილება არ აქვს [ის არ არღვევს და არ ცვლის თავის აღთქმას]. ეს არის დიდი წარმატება!

وَلَا يَحۡزُنكَ قَوۡلُهُمۡۘ إِنَّ ٱلۡعِزَّةَ لِلَّهِ جَمِيعًاۚ هُوَ ٱلسَّمِيعُ ٱلۡعَلِيمُ﴿٦٥﴾

65ნუ დაგწუხებს მათი [მრავალღმერთიანთა] სიტყვა (ო, შუამავალო) [სიცრუე, რომელსაც ისინი ალლაჰზე იგონებენ]. ჭეშმარიტად, ყველა დიდება ეკუთვნის ალლაჰს, ის არის ყოვლისმსმენი და ყოვლისმცოდნე

أَلَآ إِنَّ لِلَّهِ مَن فِي ٱلسَّمَٰوَٰتِ وَمَن فِي ٱلۡأَرۡضِۗ وَمَا يَتَّبِعُ ٱلَّذِينَ يَدۡعُونَ مِن دُونِ ٱللَّهِ شُرَكَآءَۚ إِن يَتَّبِعُونَ إِلَّا ٱلظَّنَّ وَإِنۡ هُمۡ إِلَّا يَخۡرُصُونَ﴿٦٦﴾

66იცოდეთ, რომ ალლაჰისაა ყოველი, რაც ცათა შინაა და ქვეყანაზე ზედა. ისინი, რომელნიც ალლაჰის გარდა სხვა თანაზიართ მოუხმობენ, არ მისდევენ მათ. ისინი მხოლოდ ვარაუდს მისდევენ და ისინი მხოლოდ ცრუობენ.

هُوَ ٱلَّذِي جَعَلَ لَكُمُ ٱلَّيۡلَ لِتَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٖ لِّقَوۡمٖ يَسۡمَعُونَ﴿٦٧﴾

67ის არის, რომელმაც დაგიდგინათ ღამე, რათა მასში დაისვენოთ, და დღე ნათელი. ჭეშმარიტად, ამაში სასწაულებია ხალხისთვის, რომელნიც ისმენენ.

قَالُواْ ٱتَّخَذَ ٱللَّهُ وَلَدٗاۗ سُبۡحَٰنَهُۥۖ هُوَ ٱلۡغَنِيُّۖ لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ إِنۡ عِندَكُم مِّن سُلۡطَٰنِۭ بِهَٰذَآۚ أَتَقُولُونَ عَلَى ٱللَّهِ مَا لَا تَعۡلَمُونَ﴿٦٨﴾

68ისინი [მრავალღმერთიანები] ამბობენ: „ალლაჰმა შვილი აიყვანა. ის დიდებულია და წმინდაა ყოველგვარი ნაკლისგან! ის თვითკმარია და არაფერში სჭირდება! მას ეკუთვნის ყველაფერი, რაც ცათა შინაა და მიწაზეა. [რისთვის უნდა შვილი მას, როცა ყველაფერი ისედაც მას ეკუთვნის?] თქვენ არ გაქვთ ამაზე არანაირი მტკიცებულება! ნუთუ ალლაჰზე ამბობთ იმას, რაც არ იცით?

قُلۡ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ﴿٦٩﴾

69თქვი: ჭეშმარიტად, ისინი, ვინც ალლაჰზე სიცრუეს თხზავენ, ვერ იქნებიან წარმატებულნი

مَتَٰعٞ فِي ٱلدُّنۡيَا ثُمَّ إِلَيۡنَا مَرۡجِعُهُمۡ ثُمَّ نُذِيقُهُمُ ٱلۡعَذَابَ ٱلشَّدِيدَ بِمَا كَانُواْ يَكۡفُرُونَ﴿٧٠﴾

70(ნუ ეგონებათ, რომ ისარგებლებენ თავიანთი ურწმუნოებით) ეს იქნება მხოლოდ დროებით ამქვეყნიურ ცხოვრებაში შემდეგ ისინი დაბრუნდებიან ჩვენთან (ანგარიშისა და საზღაურისათვის), ჩვენ ვაგემებინებთ მათ მძიმე სასჯელს იმის გამო, რაც ამქვეყნად ურწმუნოება ჩაიდინეს.

۞ وَٱتۡلُ عَلَيۡهِمۡ نَبَأَ نُوحٍ إِذۡ قَالَ لِقَوۡمِهِۦ يَٰقَوۡمِ إِن كَانَ كَبُرَ عَلَيۡكُم مَّقَامِي وَتَذۡكِيرِي بِـَٔايَٰتِ ٱللَّهِ فَعَلَى ٱللَّهِ تَوَكَّلۡتُ فَأَجۡمِعُوٓاْ أَمۡرَكُمۡ وَشُرَكَآءَكُمۡ ثُمَّ لَا يَكُنۡ أَمۡرُكُمۡ عَلَيۡكُمۡ غُمَّةٗ ثُمَّ ٱقۡضُوٓاْ إِلَيَّ وَلَا تُنظِرُونِ﴿٧١﴾

71და წაუკითხე მათ ამბავი ნოესი, როცა უთხრა თავის ხალხს: „ჰეი, ჩემო ხალხო! თუ თქვენთვის მძიმეა ჩემი აქ დგომა და ჩემი შეხსენება ალლაჰის აიათებისა, მე ალლაჰს ვარ მინდობილი. გააერთიანეთ თქვენი საქმე [შეიკრიბეთ ერთად] და მოიხმეთ თქვენი თანამონაწილეები [თქვენი ღმერთები], შემდეგ ნუ დაფარავთ თქვენს განზრახვას ჩემთან დაკავშირებით [იმოქმედეთ ღიად], შემდეგ კი გადაწყვიტეთ ჩემს წინააღმდეგ ყველაფერი, რაც შეგიძლიათ, და ნუ მომცემთ გადადებას (არც ერთი წამით)

فَإِن تَوَلَّيۡتُمۡ فَمَا سَأَلۡتُكُم مِّنۡ أَجۡرٍۖ إِنۡ أَجۡرِيَ إِلَّا عَلَى ٱللَّهِۖ وَأُمِرۡتُ أَنۡ أَكُونَ مِنَ ٱلۡمُسۡلِمِينَ﴿٧٢﴾

72ხოლო თუ ზურგს აქცევთ, მე თქვენგან არანაირი საზღაური არ მითხოვია. ჩემი საზღაური მხოლოდ ალლაჰზეა და მე ნაბრძანები მაქვს, რომ ვიყო მუსლიმთაგან(მისდამი მორჩილთაგან).

فَكَذَّبُوهُ فَنَجَّيۡنَٰهُ وَمَن مَّعَهُۥ فِي ٱلۡفُلۡكِ وَجَعَلۡنَٰهُمۡ خَلَٰٓئِفَ وَأَغۡرَقۡنَا ٱلَّذِينَ كَذَّبُواْ بِـَٔايَٰتِنَاۖ فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ﴿٧٣﴾

73მაგრამ მათ ის მატყუარად შერაცხეს, და ჩვენ გადავარჩინეთ ის და ვინც მასთან ერთად იყო კიდობანში, და ისინი დავადგინეთ მემკვიდრეებად, და დავახრჩვეთ ისინი, რომელთაც უარყვეს ჩვენი სასწაულები, როგორი იყო დასასრული [რა სასჯელი დაეწიათ] მათ, ვინც შეგონებულნი იყვნენ [რომელნიც ალლაჰის სასჯელის შესახებ გააფრთხილეს]

ثُمَّ بَعَثۡنَا مِنۢ بَعۡدِهِۦ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَمَا كَانُواْ لِيُؤۡمِنُواْ بِمَا كَذَّبُواْ بِهِۦ مِن قَبۡلُۚ كَذَٰلِكَ نَطۡبَعُ عَلَىٰ قُلُوبِ ٱلۡمُعۡتَدِينَ﴿٧٤﴾

74მერე მის შემდგომ წარვგზავნეთ შუამავლები თავიანთ ხალხთან და მიუტანეს მათ ცხადი სასწაულები, მაგრამ მათ არ ირწმუნეს ის, რაც უარყვეს მანამდე. ასე დავბეჭდავთ გულებს ზღვარგადასულთა

ثُمَّ بَعَثۡنَا مِنۢ بَعۡدِهِم مُّوسَىٰ وَهَٰرُونَ إِلَىٰ فِرۡعَوۡنَ وَمَلَإِيْهِۦ بِـَٔايَٰتِنَا فَٱسۡتَكۡبَرُواْ وَكَانُواْ قَوۡمٗا مُّجۡرِمِينَ﴿٧٥﴾

75მათ შემდეგ [წინა შუამავლების შემდეგ] გავუგზავნეთ მუსა და ჰარუნი ფარაონს და მის მთავრებს ჩვენი სასწაულებით, მაგრამ მათ [ფარაონმა და მისმა ამალამ] ამპარტავნობა გამოავლინეს სიმართლის წინაშე და აღმოჩნდნენ ბოროტმოქმედ ხალხად [ურწმუნო მრავალღმერთიანებად].

فَلَمَّا جَآءَهُمُ ٱلۡحَقُّ مِنۡ عِندِنَا قَالُوٓاْ إِنَّ هَٰذَا لَسِحۡرٞ مُّبِينٞ﴿٧٦﴾

76ხოლო როცა მოევლინათ მათ ჭეშმარიტება ჩვენგან, თქვეს: უთუოდ, ეს ცხადი ჯადოქრობაა!

قَالَ مُوسَىٰٓ أَتَقُولُونَ لِلۡحَقِّ لَمَّا جَآءَكُمۡۖ أَسِحۡرٌ هَٰذَا وَلَا يُفۡلِحُ ٱلسَّٰحِرُونَ﴿٧٧﴾

77მუსამ უთხრა მათ (გაოცებულმა მათი სიტყვებით): ნუთუ ასე ამბობთ სიმართლეზე, როცა ის უკვე მოვიდა თქვენთან? ნუთუ ეს ჯადოქრობაა? ხოლო ჯადოქრები ვერ იქნებიან წარმატებულნი (არც ამქვეყნად და არც მარადიულ ცხოვრებაში)

قَالُوٓاْ أَجِئۡتَنَا لِتَلۡفِتَنَا عَمَّا وَجَدۡنَا عَلَيۡهِ ءَابَآءَنَا وَتَكُونَ لَكُمَا ٱلۡكِبۡرِيَآءُ فِي ٱلۡأَرۡضِ وَمَا نَحۡنُ لَكُمَا بِمُؤۡمِنِينَ﴿٧٨﴾

78მათ თქვეს: განა იმისთვის მოხვედი, რომ გზიდან აგვაცდინო იმისგან, რაზეც ჩვენი მამები ვიპოვეთ, და რომ თქვენ ორს გქონდეთ სიდიადე ამ ქვეყანაზე? ჩვენ არ გიწამებთ თქვენ!

وَقَالَ فِرۡعَوۡنُ ٱئۡتُونِي بِكُلِّ سَٰحِرٍ عَلِيمٖ﴿٧٩﴾

79და უთხრა ფარაონმა: მომიყვანეთ ყოველი მცოდნე ჯადოქარი!

فَلَمَّا جَآءَ ٱلسَّحَرَةُ قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ﴿٨٠﴾

80როცა მოვიდნენ ჯადოქრები, უთხრა მათ მუსამ: გადააგდეთ ის, რის გადაგდებასაც აპირებთ [თქვენი თოკები და კვერთხები]

فَلَمَّآ أَلۡقَوۡاْ قَالَ مُوسَىٰ مَا جِئۡتُم بِهِ ٱلسِّحۡرُۖ إِنَّ ٱللَّهَ سَيُبۡطِلُهُۥٓ إِنَّ ٱللَّهَ لَا يُصۡلِحُ عَمَلَ ٱلۡمُفۡسِدِينَ﴿٨١﴾

81როცა მათ გადმოყარეს, მუსამ თქვა: ის, რაც თქვენ მოიტანეთ, ჯადოქრობაა. უეჭველად, ალლაჰი მას გააბათილებს. ჭეშმარიტად, ალლაჰი არ გამოასწორებს არეულობის მთესველთა საქმეებს.

وَيُحِقُّ ٱللَّهُ ٱلۡحَقَّ بِكَلِمَٰتِهِۦ وَلَوۡ كَرِهَ ٱلۡمُجۡرِمُونَ﴿٨٢﴾

82და ალაჰი ამკვიდრებს ჭეშმარიტებას თავისი სიტყვებით, თუნდაც სძულდეთ ეს ბოროტმოქმედებს.

فَمَآ ءَامَنَ لِمُوسَىٰٓ إِلَّا ذُرِّيَّةٞ مِّن قَوۡمِهِۦ عَلَىٰ خَوۡفٖ مِّن فِرۡعَوۡنَ وَمَلَإِيْهِمۡ أَن يَفۡتِنَهُمۡۚ وَإِنَّ فِرۡعَوۡنَ لَعَالٖ فِي ٱلۡأَرۡضِ وَإِنَّهُۥ لَمِنَ ٱلۡمُسۡرِفِينَ﴿٨٣﴾

83მუსასი არ ირწმუნეს გარდა მცირედი შთამომავლებისა (ახალგაზრდებისა) მისივე ხალხიდან, ფარაონისა და მისი ამალის შიშით, რომ არ დაესაჯათ ისინი [და ამით არ გადაეხვიათ რწმენისგან]. ჭეშმარიტად, ფარაონი იყო ამპარტავანი დედამიწაზე და ნამდვილად იყო საზღვრებს გადასული [რომელთაც გადალახეს ყოველი ზღვარი ურწმუნოებაში და ძალადობაში].

وَقَالَ مُوسَىٰ يَٰقَوۡمِ إِن كُنتُمۡ ءَامَنتُم بِٱللَّهِ فَعَلَيۡهِ تَوَكَّلُوٓاْ إِن كُنتُم مُّسۡلِمِينَ﴿٨٤﴾

84და თქვა მუსამ: ჰეი, ჩემო ხალხო! თუ თქვენ ირწმუნეთ ალლაჰი, მაშინ მას მიენდეთ, თუ თქვენ ხართ მუსლიმები.

فَقَالُواْ عَلَى ٱللَّهِ تَوَكَّلۡنَا رَبَّنَا لَا تَجۡعَلۡنَا فِتۡنَةٗ لِّلۡقَوۡمِ ٱلظَّٰلِمِينَ﴿٨٥﴾

85და თქვეს: ალლაჰს მივენდეთ. უფალო ჩვენო! ნუ გვაქცევ საცდურად უსამართლო ხალხისთვის.

وَنَجِّنَا بِرَحۡمَتِكَ مِنَ ٱلۡقَوۡمِ ٱلۡكَٰفِرِينَ﴿٨٦﴾

86და გვიხსენი შენი წყალობით ურწმუნო ხალხისგან

وَأَوۡحَيۡنَآ إِلَىٰ مُوسَىٰ وَأَخِيهِ أَن تَبَوَّءَا لِقَوۡمِكُمَا بِمِصۡرَ بُيُوتٗا وَٱجۡعَلُواْ بُيُوتَكُمۡ قِبۡلَةٗ وَأَقِيمُواْ ٱلصَّلَوٰةَۗ وَبَشِّرِ ٱلۡمُؤۡمِنِينَ﴿٨٧﴾

87და შთავაგონეთ მუსასა და მის ძმას: აირჩიეთ თქვენი ხალხისთვის საცხოვრებლები ეგვიპტეში და თქვენი სახლები გახადეთ სალოცავ მიმართულებად [ლოცულობდეთ თქვენს სახლებში]. შეასრულეთ (სავალდებულო) ლოცვა დროულად და ახარე, ო მუსა, მორწმუნენი [ახარე მათ ალლაჰის შემწეობისა და დიდი საზღაურის ამბავი მათი მტრების წინააღმდეგ].

وَقَالَ مُوسَىٰ رَبَّنَآ إِنَّكَ ءَاتَيۡتَ فِرۡعَوۡنَ وَمَلَأَهُۥ زِينَةٗ وَأَمۡوَٰلٗا فِي ٱلۡحَيَوٰةِ ٱلدُّنۡيَا رَبَّنَا لِيُضِلُّواْ عَن سَبِيلِكَۖ رَبَّنَا ٱطۡمِسۡ عَلَىٰٓ أَمۡوَٰلِهِمۡ وَٱشۡدُدۡ عَلَىٰ قُلُوبِهِمۡ فَلَا يُؤۡمِنُواْ حَتَّىٰ يَرَوُاْ ٱلۡعَذَابَ ٱلۡأَلِيمَ﴿٨٨﴾

88და თქვა მუსამ: ღმერთო ჩვენო! შენ მიეცი ფარაონსა და მის დიდებულებს მორთულობა და ქონება ამქვეყნიურ ცხოვრებაში, ღმერთო ჩვენო, რათა მათ [ადამიანები] ააცდინონ შენს გზას. ღმერთო ჩვენო! გაანადგურე მათი ქონება და გაუქვავე გულები, რათა არ ირწმუნონ, სანამ არ იხილავენ მწარე ტანჯვას.

قَالَ قَدۡ أُجِيبَت دَّعۡوَتُكُمَا فَٱسۡتَقِيمَا وَلَا تَتَّبِعَآنِّ سَبِيلَ ٱلَّذِينَ لَا يَعۡلَمُونَ﴿٨٩﴾

89(დიდებულმა ალლაჰმა) თქვა: შესმენილ იქნა თქვენი ვედრება! მაშ, მტკიცედ იდექით და არ გაჰყვეთ გზას იმათისას, რომელთაც არ იციან!

۞ وَجَٰوَزۡنَا بِبَنِيٓ إِسۡرَٰٓءِيلَ ٱلۡبَحۡرَ فَأَتۡبَعَهُمۡ فِرۡعَوۡنُ وَجُنُودُهُۥ بَغۡيٗا وَعَدۡوًاۖ حَتَّىٰٓ إِذَآ أَدۡرَكَهُ ٱلۡغَرَقُ قَالَ ءَامَنتُ أَنَّهُۥ لَآ إِلَٰهَ إِلَّا ٱلَّذِيٓ ءَامَنَتۡ بِهِۦ بَنُوٓاْ إِسۡرَٰٓءِيلَ وَأَنَا۠ مِنَ ٱلۡمُسۡلِمِينَ﴿٩٠﴾

90და გადავიყვანეთ ისრაელის ძენი ზღვაზე, და დაედევნა მათ ფარაონი და მისი ლაშქარი უსამართლოდ და მტრულად. ვიდრე, როცა დახრჩობამ მოუსწრო, თქვა: ვირწმუნე, რომ არ არსებობს ღვთაება, გარდა იმისა, რომელიც ირწმუნეს ისრაელის ძეთა, და მე ვარ მუსლიმთაგანი(ალლაჰის მორჩილთაგანი).

ءَآلۡـَٰٔنَ وَقَدۡ عَصَيۡتَ قَبۡلُ وَكُنتَ مِنَ ٱلۡمُفۡسِدِينَ﴿٩١﴾

91ახლა?!(როცა სიკვდილი დაგეწია) არადა მანამდე ურჩობდი და იყავი ერთ-ერთი ბოროტებისმქმნელთაგანი

فَٱلۡيَوۡمَ نُنَجِّيكَ بِبَدَنِكَ لِتَكُونَ لِمَنۡ خَلۡفَكَ ءَايَةٗۚ وَإِنَّ كَثِيرٗا مِّنَ ٱلنَّاسِ عَنۡ ءَايَٰتِنَا لَغَٰفِلُونَ﴿٩٢﴾

92დღეს ჩვენ გადაგარჩენთ შენი სხეულით, რათა იყო სასწაული მათთვის, ვინც შენს შემდეგ მოვა. და ჭეშმარიტად, ადამიანთაგან მრავალი ჩვენს სასწაულებს უგულებელყოფს.

وَلَقَدۡ بَوَّأۡنَا بَنِيٓ إِسۡرَٰٓءِيلَ مُبَوَّأَ صِدۡقٖ وَرَزَقۡنَٰهُم مِّنَ ٱلطَّيِّبَٰتِ فَمَا ٱخۡتَلَفُواْ حَتَّىٰ جَآءَهُمُ ٱلۡعِلۡمُۚ إِنَّ رَبَّكَ يَقۡضِي بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ﴿٩٣﴾

93[და აი, ფარაონის დაღუპვის შემდეგ], ჩვენ დავასახლეთ ისრაილის შთამომავლობა ჭეშმარიტების სამყოფელში [შამსა და ეგვიპტეში] და მოვანიჭეთ მათ სიკეთენი [ნებადართული საზრდო და ბარაქიანი მიწის ნეტარი ფუფუნება]. და ისინი [იუდეველები, რომლებიც ცხოვრობდნენ მუჰამმადის დროს] არ აზრთასხვაობდნენ, სანამ მათთან არ მოვიდა ცოდნა [ყურანი და ნათელი დადასტურება იმისა, რომ მუჰამმადი ჭეშმარიტად არის ალლაჰის მოციქული]. ჭეშმარიტად, შენი უფალი განსჯის მათ აღდგომის დღეს იმაში, რაშიც ისინი აზრთასხვაობენ [ურწმუნოებს შეიყვანს ცეცხლში, ხოლო მორწმუნეებს სამოთხეში]

فَإِن كُنتَ فِي شَكّٖ مِّمَّآ أَنزَلۡنَآ إِلَيۡكَ فَسۡـَٔلِ ٱلَّذِينَ يَقۡرَءُونَ ٱلۡكِتَٰبَ مِن قَبۡلِكَۚ لَقَدۡ جَآءَكَ ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ﴿٩٤﴾

94და თუ ეჭვი გეპარება იმაში, რაც შენ ზეგარდმოგივლინეთ, მაშინ ჰკითხე მათ, რომლებიც შენამდე წიგნს კითხულობდნენ. უეჭველად, შენთან მოვიდა ჭეშმარიტება შენი ღმერთისაგან და ნუ იქნები დაეჭვებულთაგანი

وَلَا تَكُونَنَّ مِنَ ٱلَّذِينَ كَذَّبُواْ بِـَٔايَٰتِ ٱللَّهِ فَتَكُونَ مِنَ ٱلۡخَٰسِرِينَ﴿٩٥﴾

95და ნუ იქნები (ო, შუამავალო) იმათგანი, რომელთაც ალლაჰის სასწაულები ცრუდ შერაცხეს, თორემ წაგებულთაგან იქნები.

إِنَّ ٱلَّذِينَ حَقَّتۡ عَلَيۡهِمۡ كَلِمَتُ رَبِّكَ لَا يُؤۡمِنُونَ﴿٩٦﴾

96ჭეშმარიტად, ისინი, რომელთა მიმართაც შენი უფლის სიტყვა გამართლდა, არ ირწმუნებენ

وَلَوۡ جَآءَتۡهُمۡ كُلُّ ءَايَةٍ حَتَّىٰ يَرَوُاْ ٱلۡعَذَابَ ٱلۡأَلِيمَ﴿٩٧﴾

97თუნდაც ყველა აიათი(სასწაული, ან ყურანის აიათი) მოევლინოს მათ, სანამ მწარე სასჯელს არ იხილავენ.

فَلَوۡلَا كَانَتۡ قَرۡيَةٌ ءَامَنَتۡ فَنَفَعَهَآ إِيمَٰنُهَآ إِلَّا قَوۡمَ يُونُسَ لَمَّآ ءَامَنُواْ كَشَفۡنَا عَنۡهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَا وَمَتَّعۡنَٰهُمۡ إِلَىٰ حِينٖ﴿٩٨﴾

98არ ყოფილა არც ერთი სოფელი, რომელმაც ირწმუნა და სარგებელი ეპოვა თავისი რწმენისგან, გარდა იუნუსის ხალხისა? როცა მათ ირწმუნეს, ჩვენ ავაცილეთ მათ დამამცირებელი სასჯელი ამქვეყნიურ ცხოვრებაში და ვუბოძეთ მათ დროებითი სიამე.

وَلَوۡ شَآءَ رَبُّكَ لَأٓمَنَ مَن فِي ٱلۡأَرۡضِ كُلُّهُمۡ جَمِيعًاۚ أَفَأَنتَ تُكۡرِهُ ٱلنَّاسَ حَتَّىٰ يَكُونُواْ مُؤۡمِنِينَ﴿٩٩﴾

99და რომ ენება შენს ღმერთს, ირწმუნებდა ყველა, ვინც ქვეყანაზეა, ერთიანად. ნუთუ შენ აიძულებ ხალხს, რომ გახდნენ მორწმუნენი?

وَمَا كَانَ لِنَفۡسٍ أَن تُؤۡمِنَ إِلَّا بِإِذۡنِ ٱللَّهِۚ وَيَجۡعَلُ ٱلرِّجۡسَ عَلَى ٱلَّذِينَ لَا يَعۡقِلُونَ﴿١٠٠﴾

100ვერც ერთი ადამიანი ვერ ირწმუნებს ალლაჰის ნების (და შემწეობის) გარეშე. და იგი დააწესებს სასჯელს მათზე, რომლებიც არ იაზრებენ (მის ბრძანებებსა და აკრძალვებს)

قُلِ ٱنظُرُواْ مَاذَا فِي ٱلسَّمَٰوَٰتِ وَٱلۡأَرۡضِۚ وَمَا تُغۡنِي ٱلۡأٓيَٰتُ وَٱلنُّذُرُ عَن قَوۡمٖ لَّا يُؤۡمِنُونَ﴿١٠١﴾

101უთხარი (ო, შუამავალო): შეხედეთ (დააკვირდით), რა არის ცათა შინა და ქვეყანასა ზედა. მაგრამ სასწაულები და შეგონება ვერაფერს არგებს იმ ხალხს, რომელთაც არ ირწმუნეს

فَهَلۡ يَنتَظِرُونَ إِلَّا مِثۡلَ أَيَّامِ ٱلَّذِينَ خَلَوۡاْ مِن قَبۡلِهِمۡۚ قُلۡ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ﴿١٠٢﴾

102ნუთუ ისინი სხვას რამეს ელიან, გარდა იმ დღეებისა, რომლებიც მათზე ადრე მცხოვრებთ ხვდათ წილად? უთხარი:მაშ, დაე, დაელოდეთ (როცა თქვენზე ალლაჰის სასჯელი მოვა), და მეც ვიქნები თქვენთან ერთად მომლოდინეთაგანი

ثُمَّ نُنَجِّي رُسُلَنَا وَٱلَّذِينَ ءَامَنُواْۚ كَذَٰلِكَ حَقًّا عَلَيۡنَا نُنجِ ٱلۡمُؤۡمِنِينَ﴿١٠٣﴾

103შემდეგ ჩვენ ვიხსნით ჩვენს შუამავლებს და მათ, რომელთაც ირწმუნეს. ასევე, ვალდებულებაა ჩვენზე მორწმუნეთა ხსნა.

قُلۡ يَٰٓأَيُّهَا ٱلنَّاسُ إِن كُنتُمۡ فِي شَكّٖ مِّن دِينِي فَلَآ أَعۡبُدُ ٱلَّذِينَ تَعۡبُدُونَ مِن دُونِ ٱللَّهِ وَلَٰكِنۡ أَعۡبُدُ ٱللَّهَ ٱلَّذِي يَتَوَفَّىٰكُمۡۖ وَأُمِرۡتُ أَنۡ أَكُونَ مِنَ ٱلۡمُؤۡمِنِينَ﴿١٠٤﴾

104თქვი: ჰეი, ხალხო, თუ ჩემს სარწმუნოებაში ეჭვი გეპარებათ, მე არ ვცემ თაყვანს იმათ, ვისაც თქვენ ალლაჰის ნაცვლად ეთაყვანებით, არამედ თაყვანს ვცემ ალლაჰს, რომელიც მოგაკვდინებთ. და მე მებრძანა, რომ ვიყო მორწმუნეთაგანი.

وَأَنۡ أَقِمۡ وَجۡهَكَ لِلدِّينِ حَنِيفٗا وَلَا تَكُونَنَّ مِنَ ٱلۡمُشۡرِكِينَ﴿١٠٥﴾

105მოაპყარი შენი სახე (მხოლოდ) ჭეშმარიტ სარწმუნოებას [დაიცავი მხოლოდ იგი], იყავი ჰანიფი [ერთღმერთიანი] და არ იყო (არასოდეს) მრავალღმერთიანნთაგანი

وَلَا تَدۡعُ مِن دُونِ ٱللَّهِ مَا لَا يَنفَعُكَ وَلَا يَضُرُّكَۖ فَإِن فَعَلۡتَ فَإِنَّكَ إِذٗا مِّنَ ٱلظَّٰلِمِينَ﴿١٠٦﴾

106და არ მოუხმო ალლაჰის გარდა იმას, რაც ვერც სარგებელს მოგიტანს და ვერც ზიანს მოგაყენებს. ხოლო თუ ასე მოიქცევი(თუ მოუხმობ სხვებს), მაშინ უსათუოდ უსამართლოთაგანი იქნები [მრავალღმერთიანთაგანი].

وَإِن يَمۡسَسۡكَ ٱللَّهُ بِضُرّٖ فَلَا كَاشِفَ لَهُۥٓ إِلَّا هُوَۖ وَإِن يُرِدۡكَ بِخَيۡرٖ فَلَا رَآدَّ لِفَضۡلِهِۦۚ يُصِيبُ بِهِۦ مَن يَشَآءُ مِنۡ عِبَادِهِۦۚ وَهُوَ ٱلۡغَفُورُ ٱلرَّحِيمُ﴿١٠٧﴾

107და თუ ალლაჰი შეგეხება შენ (ო, ადამიანო) რაიმე ზიანით, მაშინ არავინაა მისი მომშორებელი, გარდა თავად მისი. და თუ ისურვებს შენთვის სიკეთეს, მაშინ ვერავინ უკუაგდებს მის წყალობას. ის უბოძებს მას თავის მონათაგან იმას, ვისაც ინებებს. და ის მპატიებელი, შემწყალებელია.

قُلۡ يَٰٓأَيُّهَا ٱلنَّاسُ قَدۡ جَآءَكُمُ ٱلۡحَقُّ مِن رَّبِّكُمۡۖ فَمَنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۖ وَمَآ أَنَا۠ عَلَيۡكُم بِوَكِيلٖ﴿١٠٨﴾

108უთხარი: ჰეი ადამიანებო! თქვენთან მოვიდა ჭეშმარიტება (ყურანი) თქვენი ღმერთისაგან. და ვინც სწორ გზას დაადგება, თავის სასარგებლოდ დაადგება, და ვინც გზას ასცდება, მხოლოდ თავის საზიანოდ ასცდება. და მე არა ვარ თქვენი ზედამხედველი(არ ვიწერ თქვენს ქმედებებს რათა პასუხი გაგებინოთ)

وَٱتَّبِعۡ مَا يُوحَىٰٓ إِلَيۡكَ وَٱصۡبِرۡ حَتَّىٰ يَحۡكُمَ ٱللَّهُۚ وَهُوَ خَيۡرُ ٱلۡحَٰكِمِينَ﴿١٠٩﴾

109და მიჰყევი იმას, რაც შენ გეცხადება და მოითმინე, სანამ ალლაჰი არ განსჯის. და ის საუკეთესოა მსაჯულთაგან.

← At-TawbahHud→

RELATED SURAHS

21

Al-Anbiya

The Prophets

2

Al-Baqarah

The Cow

3

Ali 'Imran

Family of Imran

1

Al-Fatiha

The Opening

Browse all 114 surahs